Népszerű bibliai igeversek innen: Noo Mian 10

Megosztás

¶ Cur‐my‐ner ta mish dyn goyrt shiu magh, myr kirree mastey moddee‐oaldey. Bee-jee er‐y‐fa shen creeney myr ard‐nieughyn, as gyn loght myr calmanyn.

Eshyn nee e vioys y hauail, caillee e eh, agh eshyn chaillys e vioys er my ghraih’s, nee e eh y hauail.

As ny bee‐jee agglagh rowesyn varrys y corp, agh nagh jiarg er yn annym y varroo: agh bee‐jee ayns aggle smoo roishyn, oddys corp as annym neesht y stroie ayns Nivrin.

As eshyn nagh jean e chrosh y ymmyrkey as geyrt orryms, cha vel e feeu jeem.

Quoi‐erbee er‐y‐fa shen ghoys rhyms kiongoyrt rish deney, goyms rishyn myrgeddyn kiongoyrt rish my Ayr t’ayns niau. Agh quoi‐erbee obbys mish kiongoyrt rish deney, eshyn neems myrgeddyn y obbal kiongoyrt rish my Ayr t’ayns niau.

Slaanee‐jee sleih chingey, glen‐jee ny louranee, jean‐jee ny merriu y vioghey, tilg-jee magh drogh spyrrydyn: nastee ta shiu er gheddyn, as dy nastee cur-jee veu.

Ny bee‐jee shiuish er‐y‐fa shen ayns aggle, ta ny smoo dy ve soit jiu, ny jeh ymmodee sperriu.

Ny smooinee‐jee dy daink mish dy chur liam shee gys y talloo, cha daink mee dy chur liam shee, agh cliwe.