Népszerű bibliai igeversek innen: cēnisis 1

Megosztás

mina kisēmanito ki itwēw, māhti osihātān ayisiyiniw kit isinākosiwinināhk kita naspitākoyahk, mina kiyām wiyawāw kita tipēyimēwak kinosēwa kihcikamihk mina piyēsisa, mina awakāna, mina kahkiyaw aski; mina tahto kā papāmitācimocik waskitaskamik. ēkosi kisēmanito ki osihēw ayisiyiniwa wiya ot isinākosiwinihk, kisēmanito ot isinākosiwinihk ki isi osihēw; nāpēwaya mina iskwēwaya ki isi osihēw.

ēkosi kisēmanito ki sawēyimēw mina kisēmanito omisi ki itēw, wi miyo nihtāwikihitok mina wi mihcētik, mina sākaskinahtāk aski mina sākotāk, mina tipēyimihkok kinosēwak kihcikamihk, mina piyēsisa kā papāmihācik, mina tahto kēkway kā pimātahk kā waskawitāmākahk waskitaskamik.

micimāc ohci kisēmanito ki osihtāw kisik mina aski.

anima aski namawiya ki kiskinawāsinākwan mina ki pisisikwāw; ēkosi wanitipiskāw ki ayāw timihk; ēkosi ot ahcāhkwa kisēmanito ki papā sowākēyiwa ē waskitipēyāki nipiya.

kisēmanito māka ki itwēw, māhti kita wāsēyāw; ēkosi ki wāsēyāw.

kisēmanito māka ki wāpahtam tahto kēkway kā ki osihtāt, cist māka, naspic ki miywāsin. ēwako ē otākosik mina ē kēkisēpāyāk nikotwāsikwāw ē ki kisikāk.

kisēmanito māka ki wāpahtam wāsēyaw ē miywāsiniyik; ēkosi kisēmanito ki piskihtinam wāsēyāw wanitipiskāw ohci.

kisēmanito māka ki itwēw, cist, ki ki miyitināwāw kā itahto sākaskik kā nihtāwikihcikēmakahk waskic misiwē askihk kā ayāk, mina kā itatwāskosit mistik, ana mistik kā nihtāwikihtāt minisa; kiyawāw ki ka o miciwinināwāw.

kisēmanito mina ē wāsēyāyik kisikāw ki isiyihkātam, ēkosi ē wanitipiskāyik tipiskāw ki isiyihkātam; ēwako ē otākosik mina ē kēkisēpāyāk nistam ē ki kisikāk.

ēkosi kisēmanito ki itwēw, kiyām kita ihtakwan ē nayēwatakotēk mēkwāc nipihk, ēkosi kita ohci piskihtinikātēki nipiya nipihk ohci.

mina kā itasit pisiskiw askihk kā ayāt, mina kā itahto papāmihāt, mina kā itasit kā papāmitācimot askihk kā pimātisit, ki ki miyitināwāw kā itahto osāwaskwaskik kā sākaskik kita o miciwiniyēk; ēkosi māka ki ihkin.

mina kisēmanito ki itwēw, māhti kita ayāwak kē wāsēyāsikēcik ē nayēwatakotēk kisik, kita piskihtinikātik kisikāw tipiskāhk ohci; kiyām māka ēwakonik kita kiskinawācihcikaniwiwak mina kita ohci āyispitāwahk, mina kita kakisikāk, mina kita ayaskiwahk

mina kisēmanito ki itwēw, māhti aski kita nihtāwikihtāmakan maskosiya, mina minisāhtik mina kā sākaskik kē nihtāwikihcikēmakahk kē minisiwit ē towikāniwit, tipiyaw kē nihtāwikihisot askihk; ēkosi ki ihkin.

kisēmanito māka ki osihtāw ē nayēwatakotēk, ēkosi ki piskihtinam anihi nipiya sipā kā nayēwatakotēk kā ayāki, anihi nipiya ohci ispimihk isi kā nayēwatakotēk kā ayāki; ēkosi māka ki ihkin.

ēkosi aski ki nihtāwikihtāmakan maskosiya, mina kā sākaskik kā nihtāwikicikēmakahk ē towikāniwik, mina mistik kā minisiwit tipiyaw kā nihtāwikiisot, ē towikāniwit; ēkosi kisēmanito ki wāpahtam ē miywāsik.

ēkosi kisēmanito ki osihēw niso ē kihci wāsisoyit; ana ayiwāk kā kihkāyāsawēt kita tipēyihtahk kisikāw, ana māka nohtaw kā ispitāsawēt kita tipēyihtahk tipiskāw; acahkosa mina ki osihēw.

mina kisēmanito ki itwēw, māhti nipiya sipā kisikohk kā ayāki pēyakwanohk kita māwasakopayiwa mina kiyām anima pākwaskamik kita nokwan; ēkosi ki ihkin. mina kisēmanito aski ki isiyihkātam anima pākwaskamik; mina ē ki māmawipayiki nipiya kihcikami ki isiyihkātam; ēkosi kisēmanito ki wāpahtam ēwakwēyiw ē miywāsiniyik.

ēkosi kisēmanito ki sawēyimēw, ē itwēt, wi miyo nihtāwikihitok mina wi mihcētik, mina sākaskinahtāk nipiya kihcikamihk, mina kiyām kā papāmiyāk kita wi mihcētiw askihk.

mina kisēmanito ki itwēw, māhti aski kita nihtāwikihtāmakan ē pimātisiyit osihcikana ē towikāniwiyit, awakān mina kē pimitācimocik, mina askiwi pisiskiw ē towikāniwit; ēkosi māka ki ihkin.

mina kisēmanito ki itwēw, māhti anihi nipiya kita wēyoci nihtāwikihēwak anihi osihcikana ē waskawiyit mina ē pimātisiyit, mina kē papāmiyāt askihk ispimihk isi nayēwacikisikohk.

ēkosi māka kisēmanito ki osihēw askiwi pisiskiwa ē towikāniwiyit mina awakāna kā towikāniwiyit, mina kahkiyaw kā papāmitācimot askihk ē towikāniwit; ēkosi kisēmanito ki wāpahtam ē miywāsik.