Népszerű bibliai igeversek innen: Эклц 9

Megosztás

Бийиннь болн тадна хоорнд, таднла бәәх әмтә-киитә тоот болһнла, иргч үйнрт кевтнь цугинь күргәд мини кех бооцана темдг эн. Би үүлн дунд Эврәннь солңһан татҗанав. Мини болн һазрин хоорнд кесн бооцана темдг тер болх.

Үүлн дунд солңһ һарх болһнднь, Би терүг үзәд, Мини болн һазр деер бәәх цуг әмтә-киитә тоотын хоорндк мөңк бооцаг санхув, – гиҗ Бурхн келв.

Кен-негнь күүнәс цус һарһхла, терүнә бийиннь цусн күүнә һарар асхргдх. Яһад гихлә Бурхна дүртәһәр Бурхн күүг үүдәлә.

Бурхн Ноахиг болн терүнә көвүдиг йөрәһәд, иигҗ теднд келнә: – Тооһарн олн болтн, төрәд һазр дүүргтн.

Ноһан урһмлыг Би таднд өгснлә әдл, әмд болн көндрдг юмиг цугтаһинь тадна эдлврт өгчәнәв.

Һазр деерк аңгуд цугтан, теңгрин шовуд цугтан, һазрар мөлкдгүд цугтан, теңгсин заһсд цугтан таднас сүрдҗ әәтхә, тедниг тадна һарт Би өгчәнәв.

Тадн болхла, төрәд өргҗтн, һазр деер бәәрлтн, тендән тооһарн өстн.