Népszerű bibliai igeversek innen: Juan 5

Megosztás

“Sultihan ko kamo: ang mamati sa akong gisulti ug motuo kaniya nga nagpadala kanako, may kinabuhing dayon. Siya dili silotan kay nakalatas na man siya gikan sa kamatayon ngadto sa kinabuhi.

Nakita siya ni Jesus nga naghigda didto ug nasayran ni Jesus nga siya nagmasakiton sa maong gidugayon. Busa gipangutana niya ang tawo, “Gusto ka bang mamaayo?”

Nagtuon kamo sa Kasulatan kay nagtuo man kamo nga diha niana makaangkon kamo sa kinabuhing dayon. Ang Kasulatan mismo nagsaksi mahitungod kanako! Apan kamo dili buot moari kanako aron unta makabaton kamog kinabuhi.

Si Jesus miingon kaniya, “Tindog, dad-a ang imong gihigdaan ug lakaw.” Ug dihadiha naayo siya ug gidala niya ang iyang gihigdaan ug milakaw. Nahitabo kini sa Adlawng Igpapahulay

Busa miingon si Jesus kanila, “Sultihan ko kamo: ang Anak walay mahimo sa iyang kaugalingon. Nagbuhat lamang siya sa nakita niya nga gibuhat sa iyang Amahan. Ang gibuhat sa Amahan, gibuhat usab sa Anak.