Népszerű bibliai igeversek innen: Akisiakinet 9

Megosztás

Tolim Akuj tama, “Ibore en ngesi idodiuni atamar kichamakin ayong ka esi ta ngiborei lu eyarete daang, napei tokona jik tanang monan. Ewaakini ayong alokakinet lodowon, toliwor ngesi idodiuni atamar kichamakin ayong ka akwap.

Ani etakanuuni alokakinet ngina alodowon, ataanyunga ayong, etamuni ayong achamunet nakajik nakichamakin ayong ka ibore daang ni eyari ni eyei nakwap.”

Itwaan ni ebukori ngaakot aniche, ebukorio nakeng dang. Asubunio kolong itwaan ikwaan ka Akuj.

Topia Akuj Noa ka talokookeng tolimok tama, “Toureta talalaketa, sodi kilelebunos nakwap.

Tanyama ibore daang ni elosi ka ngikito luuchik aapei, kainak ayong esi kesi daang toliworos akimuj kus.

Kikerete esi ngitieng daang, ka ngikieny daang, ka ibore daang ni eliat, ta ngikolia. Ipolokinete esi kesi daang.

Toureta sodi kieatakinos, talalaketa noi anakwap.”