Népszerű bibliai igeversek innen: Eoin 15

Megosztás

Is mise an fhíneamhain, síbh-se na géaga: an té a fhanas ionnam-sa, agus mise ann-san, bheir seisean toradh mór uaidh: óir gan mise ní féidir díbh aon nídh a dhéanamh.

Fanaigidh-se ionnam-sa: agus mise ionnaibh-se. Amhail mar nach féidir do’n ghéig toradh a thabhairt uaithe féin, muna bhfanaidh sí ar an fhíneamhain: ní féidir díbh-se acht a oiread, muna bhfanaidh síbh ionnam-sa.

Má fhanann síbh ionnam-sa, agus má fhanann mo bhriathra-sa ionnaibh-se; iarrfaidh síbh cibé rud is mian libh, agus dhéanfar díbh é.

Ní síbh-se a thogh mise, acht mise a thogh síbh-se, agus a chuir síbh chun go dtéigheadh síbh, agus go dtabharadh sibh toradh uaibh: agus go bhfanadh bhur dtoradh: ionnas, cibé nídh a d’iarrfadh síbh ar an Athair i m’ainm-se, go dtabharadh sé díbh é.

Ní fuil grádh is mó ná seo ag aoinneach, ná go dtabharfadh duine a bheatha ar son a charad.

Gach géag orm nach dtabhrann toradh, gearrfaidh sé í: agus gach ceann a beir toradh, glanfaidh sé í, chun go mba mhóide a bhéarfas sí toradh uaithe.

Is í seo m’aithne, síbh-se grádh a thabhairt dá chéile, mar a thug mise grádh díbh-se.

As seo a gheibh m’Athair glóir, go dtabhrann síbh-se toradh an-mhór uaibh, agus go bhfuil sibh i bhur ndeisciobail agam-sa.

Is mise an fhíneamhain fhíor: agus is é m’Athair an saothruightheoir.

Cibé nach bhfanfaidh ionnam-sa: caithfear amach mar ghéig é, agus feochfaidh sé; agus tógfaidh siad, agus caithfidh siad san teinidh é, agus dóigheann sé.

Dubhairt mé na neithe seo libh: chun go mbéadh mo áthas ionnaibh, agus go mbéadh bhur n-áthas-sa iomlán.

Má chongbhuigheann sibh m’aitheanta, fanfaidh síbh i mo ghrádh, amhail mar chongbhuigh mise aitheanta m’Athar, agus fanaim ina ghrádh.

Órduighim na neithe seo díbh, chun go raibh grádh agaibh dá chéilé.

Dá mba de’n tsaoghal síbh: bhéadh grádh ag an tsaoghal dá chuid féin: acht de bhrígh nach de’n tsaoghal sibh, acht gur thogh mise as an tsaoghal sibh, dá bhrígh sin, tá fuath ag an tsaoghal oraibh.