Népszerű bibliai igeversek innen: SENESI 1

Megosztás

Pea nee ui leva e te Atua: Ke tou fakatupu te tagata o fakatatau kia tatou, pea ke pule ia ia ki te u ika o te tai, mo te u manulele o te lagi, mo te u manu lalata, pea mo te u manu totolo o te kele. Nee fakatupu leva e te Atua te tagata o fakatatau kia ia; nee ina fakatupu te tagata o fakatatau ki te paaki o te Atua, nee ina fakatupu te tagata mo te fafine.

Nee tapuaki leva te Atua kia naua, pea nee ui leva e te Atua kia naua: Kolua fanaunau, kolua liuliuga, kolua fakahahai te kele, pea kolua pulei ia ia; kolua pule ki te u ika o te tai, mo te u manulele o te lagi, pea mo te u manu fuli ae e taka i te kele.

I te kamataaga nee fakatupu leva e te Atua te atu lagi mo te kele.

Nee fuafua noa mo lavaki te kele, pea nee fakapouli te fuga o te loloto, pea nee haele te Laumalie o te Atua i oluga o te atu vai.

Nee ui leva e te Atua: Ke ha te malama! Pea nee ha leva te malama.

Nee sio leva te Atua ki te u mea fuli ae nee ina fakatupu, pea koeni nee lelei tukupau te mea aia. Pea nee i ai leva he afiafi, pea nee i ai leva he uhu: ko tona ono aho leva aia.

Nee sio leva te Atua nee lelei te malama; Pea nee vahei kehe leva e te Atua te malama mai te fakapouli.

Pea nee ui leva e te Atua: Koeni, e au foaki kia kolua te u akau fuluihega fuli ae e natou mau ni pulapula pea e hohomo i te kele, pea mo te u akau fuli ae e natou mau ni fua pea mo ni pulapula: koena takolua meakai.

Pea nee fakahigoa leva e te Atua te malama ko te aho, kae nee ina fakahigoa leva te fakapouli ko te pouli. Pea nee i ai leva he afiafi, pea nee i ai leva he uhu: ko te uluaki aho aia.

Nee ui leva e te Atua: Ke i ai he vaha i loto o te atu vai.

Pea e au foaki te u luna fuluihega fuli ko te meakai a te u manu fuli o te kele, mo te u manulele fuli o te lagi, pea mo te u mea fuli ae e gaugaue mo tukumanava i oluga o te kele. Pea nee hoko leva te mea aia.

Nee ui leva e te Atua: Ke ha ni mea malama i te lagi ke vahei te aho mo te pouli; ke tuu te u malama aena ko ni fakailoga o te temi, mo te u aho, mo te u tau

Pea nee ui leva e te Atua: Ke homo i te kele he vao fuluihega, mo ni luna o tahi mo ia tona pulapula, pea mo ni akau fua o tahi mo ia tona pulapula o mulimuli ki tona faahiga. Pea nee fakahoko leva te mea aia.

Pea nee hoko leva te mea aia. Nee fakatupu leva e te Atua te vaha, pea nee ina vahei kehe leva te u vai o oluga mai te u vai o lalo.

Pea nee homo leva i te kele te vao fuluihega, mo te u luna o tahi mo ia tona pulapula, pea mo te u akau fua o tahi mo ia tona pulapula o mulimuli ki tona faahiga. Nee sio leva te Atua nee lelei te mea aia.

Nee fakatupu leva e te Atua te u malama lalahi e lua, ko ia ae e lahi age ke pule ki te aho, pea ko ia ae e veliveli ke pule ki te pouli; nee ina toe fakatupu foki te u fetuu.

Nee ui leva e te Atua: Ke tanaki te u vai i lalo o te lagi ki he kogamea e tahi, pea ke ha te kele moamoa. Pea nee hoko leva te mea aia. Nee fakahigoa leva e te Atua te kele moamoa ko te fenua, kae nee ina fakahigoa leva te kogamea ae nee tanaki ai te u vai ko te tai. Nee sio leva te Atua nee lelei te mea aia.

Nee tapuaki leva te Atua kia natou, o ui: Ke koutou fanaunau, ke koutou liuliuga, pea ke koutou fakafonu te u vai o te u tai, pea ke liuliuga te u manulele i oluga o te kele.

Nee ui leva e te Atua: Ke tupu i te kele ni manu mauuli i te u faahiga kehekehe, ni manu lalata, mo ni manu totolo, pea mo ni manu kehekehe o te vao. Pea nee hoko leva te mea aia.

Nee ui leva e te Atua: Ke tupu o lahi i te vai ni manu mauuli, pea ke lele i te lagi ni manulele.

Nee fakatupu leva e te Atua te u manu kehekehe fuli o te kele, mo te u manu lalata kehekehe, pea mo te u manu totolo kehekehe. Nee sio leva te Atua nee lelei te mea aia.