Népszerű bibliai igeversek innen: Luka 11

Megosztás

Ina rio, uba oubi aibori, mea nana rio himia mereido umoiti imaatimoi, taiba auwo nou aibori rio Toboro‐abea katoduti‐oubii neido Tana‐urio nouro aiwauro‐imaati.

Wia mo rioido ainaro, Tatodoimo rioo ina rioido nouro aiwauro imaai; tamohomo rioo ina rioo aiwaimo‐oweai; tamopo’utimo rioo ina nouro rioido aiwauro‐imaerai.

Ina nouri kiatoduti oubi auwoha nouro neido aiwai‐maati, wia komoho dubu nouro aiwaveai, wia komopo’uti dubu nouido biri aiwauro emaerai.

Wia nou neido naiba iaowa, Ina rioo kirodumeaito wade iaomowa, nou aibo ta’iaomo; Imo Abea toborowa remidio, Ro paina tana aiwaiti. Ro bububati mo’uro. Ro bubui batibati auwoha idodiaiwamoi toboro aibo.

Imo ubauba kidia roro kiraromo biahai naiba imoido goowa kiwai oubi imoo nei kidia iraromodiomo biahai. Kematuhe na’ito kiwaboiia biahai imo wia ubauba nanaudo imo tanitouti.

Imo kihona roro tanimaatiro hiwio ata wia hiwio ata.

Idomai nou goho lamepari, nouri ina ro idomai meameahari ro goho auwoha pidapidaha waiiaai ina nou ta’uwa ro idomai ubaubahari ro goho auwoha duriiha waiiaai.

Dubu ataro ina lamepa nou naibaha adia, piroha batiwa e kepuri gorowa nouro edea biahai, nou himia kedea bati ohuwa nouro naibaha edea ina oubi auwoha nou pida eaurimoi, nouri motoito kido’uti oubii.