Népszerű bibliai igeversek innen: Yoa. 10

Megosztás

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

“Arae Ayoŋ ekeyokon ŋolo ajokan. Ejali ekeyokon ŋolo ajokan akeekiyar aŋuna a ŋamesekin keŋ.

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ

Papa kaŋ, ŋolo akainakini ayoŋ, epol iŋes akilo daadaŋ, emam idiotuŋanan ŋini epedori akopor ikes anakan a Papa. Ikirae ayoŋ ka Papa ŋipei.”

ikwapei akayenia ayoŋ Papa kaŋ ka ayeni ayoŋ daŋ iŋes. Ajali ayoŋ akiyar kaŋ aŋuna a ŋamesekin.

Emam ituŋanan ŋini akademari ayoŋ akiyar kaŋ, nai ajalit ayoŋ iŋes anacamit kaŋ a elope. Ayakar ayoŋ apedor ŋina jalet iŋes ka ayakar ayoŋ apedor ŋina ryamunet iŋes nabo. Erae ŋun ŋuna ekecikak Papa kaŋ ayoŋ akitiya.”

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Ituŋanan ŋini etacio, nyerae iŋes ekeyokon; ka nyerae ŋamesekin ŋuna keŋ; ani kiŋolik iŋes epeot ebunit, eesikini ŋamesekin, toem; toporok nai epeot ŋamesekin, kielielaa.

Tolimu Yesu tema, “Akalimokini ayoŋ iyes kire atemar, ituŋanan ŋini nyelomari nanok ŋina a ŋamesekin alopuke, nai todoka tooma alowae ke ece, erae ituŋanan ŋin ekokolan ka ekademanaran.