Népszerű bibliai igeversek innen: YAHYA 10

Megosztás

Tamootao̒wa monao̒ mai bo mai motao̒, mai momate mate-mateelo mao̒ wau mai mongantulu. Bo Wau̒ dungga-dungga mai alihu manusia moo̒tapu tutumulo – tutumulo laba-labaalo daata.

Wau̒lo diti tamopiohu. Diti tamopiohu mongohi nyawalio ode hihii-mbalio.

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

Wau̒lo huhebu. Tatoonu tatumuwoto moli ola-U̒ mamoa̒ahu; tio tumuwoto lumualo wau moo̒tapu ua̒alo.

Wau̒lo diti tamopiohu. Tutuuwauwa debo odelo ti Paapa moo̒onuhe ola-U̒ wau Wau̒ moo̒onuhe li Paapa, odito olo Wau̒ moo̒onuhe hihii-mbaa-U̒ wau hihii-mbaa-U̒ olo moo̒onuhe ola-U̒. Wau̒ mohudu nyawa-U̒ ode limongolio.

Ti Paapa-U̒ tamalohudu mai olimongolio ode ola-U̒, mongilabotao̒ lou̒ totoonulalo mao̒. Wau diaaluo penu boli ngotaa mao̒ tamowali molambata olimongolio monto uluu̒ li Paapa-U̒. Wau̒ wau ti Paapa-U̒ yito tuwau.”

Wau̒lo diti tamopiohu. Tutuuwauwa debo odelo ti Paapa moo̒onuhe ola-U̒ wau Wau̒ moo̒onuhe li Paapa, odito olo Wau̒ moo̒onuhe hihii-mbaa-U̒ wau hihii-mbaa-U̒ olo moo̒onuhe ola-U̒. Wau̒ mohudu nyawa-U̒ ode limongolio.

Diaaluo penu boli ngotaa tamowali mohama mao̒ monto ola-U̒. Wau̒ mohudu mao̒ modudua̒ otohilaa lohihilao. Wau̒ okawasa u mohudu mao̒, wau okawasa muli mohama mao̒. Ui-uitolo tuugasi u tilolimo-U̒ lonto li Paapa-U̒.”

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

Tahe wuupalio tadiila diti wau diila olo taa ohuu̒wo lo hihii-mbawaalo boito, matumeteo̒ mololaa mao̒ hihii-mbawaalo wonu tio moo̒onto soligala monao̒ mai. Yi hihii-mbawaalo boito madangapolio wau pobubuu-alaalio lo sorigala.

“Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.