Népszerű bibliai igeversek innen: YAHYA 5

Megosztás

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

Ti Isa loo̒onto olio balabalata mola teto, wau otaawa li Isa deu̒ tio malohiheo daa̒ mongongoto; yi ti Isa malohintu olio, “Mohuto yio̒ moluli?”

Timongoli mopoo̒olato kitabi sababu helantobu limongoli deu̒ wolo dudelo boito timongoli otutumulo ututuulio tutu wau ohiheo-hiheolo mao̒. Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

Yi ti Isa lotahuda mao̒ olio, “Bongulo mola, bintaa̒alo amongumu wau ponao̒lo.” Tou̒ boitolo olo tau boito loluli. Tio malo mintaa̒ amongio wau lonao̒. Sua̒li boito lotoduo mai todulahu Saabati.

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.