Népszerű bibliai igeversek innen: Gyenesis 26

Megosztás

Tsena asaase yi do dɛ ɔhɔho, na menye wo bɛtsena, na mehyira wo; na ɔwo, nye w’asefo, na medze asaase yi nyinara mebɛma hom, na mebɛma ntam a mekaa kyerɛɛ w’egya Abraham no etsim

na mebɛma w’asefo adɔr dɛ ɔsor nworaba, na medze asaase yi nyinara ama w’asefo; na w’asefo mu na wobehyira asaase do aman nyinara, osiandɛ Abraham tsiee me ndze, na odzii me nkyerɛkyerɛ, me mbrasɛm, m’ahyɛdze, nye me mbra do.

Na ofii hɔ, na okotuu bura fofor; na ɔnodze wɔammperper ho: na ɔfrɛɛ ne dzin Rehobot, na ɔsee dɛ, na afei EWURADZE ama hɛn bea, na yɛbɔwowo wɔ asaase yi do.

Na EWURADZE yii noho kyerɛɛ no, na ɔsee dɛ, Mma nnkɔ Egypt; tsena asaase a mebɛkyerɛ wo no do.

Na osii afɔrmbukyia wɔ hɔ, na ɔsɔɔr EWURADZE, na ɔbɔɔ n’asesee wɔ hɔ: na hɔ na Isaak no nkowaa tuu bura.