Népszerű bibliai igeversek innen: LUKA 11

Megosztás

Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

Ak amwawok agane ale, Osom, si kegonok; ocheng’, si onyoru; ogongony, si keyatwok.

Amu age tugul ne somei, kigochin; ak nyoru ne cheng’ei; ak inendet ne igongonyi keyatyin.

Ak kilenji ichek, Ye osae, omwa ole, Kwandanyo, ingotililit kaineng’ung’. Ingonyo bounateng’ung’. [Ingoyaak mageng’ung’ ko u eng’ kipsengwet, ko u noto eng’ ng’ony.]

Ak inyoiywech kaat tengekwogikyok; amu achek kenyochini kaat besenikyok. Amemutech ole mi yomset.

Konech amitwogikyok eng’ betut age tugul.

Taitab bortang’ung’ kondang’ung’: ngo mie kondang’ung’, ko nyiitat bortang’ung’ komugul lapkeiyet; ago ngo ya kondang’ung’ ko nyiitat bortang’ung’ agine mesundeito.

Mami chi ne ngo kagonaam tait, konde ole ung’at, anan kitonget orit, ago indoi kit ne tonone, si kobiit kogeer lapkeiyet che bendi go.