Népszerű bibliai igeversek innen: Bo Bolɛ 1

Megosztás

Yɛ Nyanmiɛn seli kɛ: «E `yi sran kɛ e bɔbɔ sa cɛ, man ɔ fa e, man ɔ sie jenvie'n nun jue mun nin anunman nga be tu sin'n, nin klɔ nnɛn mun, nin asiɛ'n su nnɛn'm be kwlaa, ɔ nin nnɛn nga be cuɛn be wun ase'n mun .» Yɛ Nyanmiɛn yili sran'n kɛ i bɔbɔ sa-a. Ɔ yili i kɛ i bɔbɔ Nyanmiɛn'n sa. Ɔ yili yasua nin bla .

Nyanmiɛn boli muae mannin be. Ɔ seli be kɛ: «An `trɛ, an `sɔn kpa, an `yi asiɛ'n, an `sie i. Jenvie'n nun jue mun nin anunman bɔ be tu sin nglo lɔ'n mun, ɔ nin nnɛn nga be wlan asiɛ'n su'n, amun `sie be kwlakwla.»

Kɛ mɛn'n bo i bo'n, Nyanmiɛn yili nglo nin asiɛ'n .

I blɛ sɔ nun'n, wuun asiɛ'n ti sukusuku, like fi nun-man su, aosin tritri kpa o nzue bunman dan'n i nyin su, yɛ Nyanmiɛn i Wawɛ'n wlan-wlan sin nzue'n i nyin su.

Nyanmiɛn seli kɛ: «Man lika'n kpaja!» Yɛ lika'n kpajali-ɔ.

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Nyanmiɛn nian lika ng'ɔ kpajali nin-ɔn, ɔ ti kpa, nan ɔ'a ti lika ng'ɔ kpajali nin aosin'n be nun .

Nyanmiɛn seli be ekun kɛ: «Asiɛ'n su nnya-nnya kwlaa ng'ɔ su mma'n, ɔ nin waka kwlaa ng'ɔ su b'ɔ lɛ klun mma'n, n fa mannin amun. An `fa yo amun aliɛ di.

Nyanmiɛn flɛli lika ng'ɔ kpaja'n kɛ wia nun. Ɔ flɛli aosin'n kusu kɛ kɔnguɛ. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn klikli'n yɛ ɔ o lɛ-ɔ.

Yɛ Nyanmiɛn seli ekun kɛ: «Man nzue nnyɔn'm be afiɛn'n ti nun.»

Nnɛn mun nin anunman mun'n, ɔ nin like kwlakwlakwla nga be wlan asiɛ'n su bɔ be de wunmiɛn'n be kusu be liɛ bɔ m mannin be'n yɛlɛ nnya-nnya mun.» Kpɛkuun ndɛ ng'ɔ kannin'n yoli su.

Yɛ Nyanmiɛn'n seli kɛ: «Man like wie'm be tran nglo lɔ be kpaja nan ngbaciɛ tran wia nun'n nin kɔnguɛ'n be afiɛn. Man like sɔ'm be yo cɛn ɔ nin blɛ, ɔ nin afuɛ'm be nzɔliɛ.

Yɛ Nyanmiɛn seli kɛ: «Man nnya-nnya mun nin waka'm be fifi asiɛ'n su. Man nnya-nnya sɔ'm be su mma. Man be mma'n kwla fifi yɛ man waka wafa-wafa kwlaa be kusu be su mma sɛsɛsɛ yɛ man be mma sɔ'm be kwlaa be nyan be klun ba liɛ b'ɔ kwla fifi.» Ndɛ ng'ɔ kannin'n yoli su.

Nyanmiɛn'n sieli like kun. Nzue'n wie o i bo ngua, wie o i ti su nglo. Ndɛ ng'ɔ kannin'n yoli su.

Nnya-nnya mun nin waka'm be fin asiɛ'n nun be fifili. Nnya-nnya'm be kwlaa nga be fifi'n be lɛ be mma sɛsɛsɛ. Waka'm be kwlaa nga be fifi'n be mma'm be lɛ be klun mma sɛsɛsɛ. Nyanmiɛn wunnin kɛ i sɔ'n ti kpa.

Nyanmiɛn yili like sɔ'n dandan nnyɔn. Dan kpafuɛ'n wo lɛ wia nun. Kaan'n kusu o lɛ kɔnguɛ. Kpɛkuun ɔ yili nzraama mun.

Yɛ Nyanmiɛn seli kɛ: «Man ngua wa nzue'n kan bo nun lika kunngba nan lika kee'n fite.» Ndɛ ng'ɔ kannin'n yoli su. Nyanmiɛn flɛli lika kee'n kɛ asiɛ, ɔ flɛli nzue ng'ɔ kan boli nun'n kɛ jenvie. Nyanmiɛn wunnin kɛ i sɔ'n ti kpa.

Nyanmiɛn boli muae mannin be. Ɔ seli be kɛ: «Amun `trɛ, amun `sɔn kpanngban, yɛ amun `yi jenvie'n. Anunman'm be kusu, an `sɔn kpanngban asiɛ'n su.»

Yɛ Nyanmiɛn seli kɛ: «Man nnɛn fanunfanun'm be tran asiɛ'n su, i klɔ nnɛn mun o, nnɛn nga be cuɛn be wun ase'n mun o, blo nnɛn fanunfanun mun o.» Ndɛ ng'ɔ kannin'n yoli sɔ.

Nyanmiɛn'n seli kɛ: «Man nnɛn nin jue kpanngban kpa be wlan sin nzue'n nun. Yɛ man anunman'm be tu nglo lɔ sin asiɛ'n su.»

Nyanmiɛn'n yili asiɛ'n su nnɛn fanunfanun mun. Ɔ yili klɔ nnɛn fanunfanun mun, ɔ nin nnɛn fanunfanun nga be cuɛn be wun ase'n. Nyanmiɛn wunnin kɛ i sɔ'n ti kpa.