Népszerű bibliai igeversek innen: isizwur 39

Megosztás

imma yusf, illa dids sidi rbbi, iwrri iga wad injḥn, ih̬dm ġ‑tgmmi n‑sidis gu‑miṣr.

ġmkan a‑s‑ifl kullu ma‑dars‑illan ġ‑ddu‑ufus n‑yusf. ur‑sul‑a‑itlhu s‑yat abla tiram lli‑ištta. yusf iga wad ifulkin ġ‑tiddi‑ns d‑uwdm‑ns.

izri ma‑izrin s‑ifl‑ungabal kullu iḥbbasn yaḍni ġ‑ddu‑ufus n‑yusf. hati kullu ma‑ityawskarn ġ‑lḥbs, nttan a‑t‑iskarn.

inkr ġakudan yamẓ yusf, ig‑t‑in ġ‑lḥbs ġ‑illiġ a‑ttilin iḥbbasn n‑ugllid. d‑ġin a‑ġ‑iqama. walaynni sidi rbbi illa d‑yusf, issafu‑as lḥnant‑ns izgan, ifk‑as rrḍa ġ‑dar‑ungabal n‑lḥbs.

zrin kra n‑uwssan s‑trẓm‑ṭiṭṭ n‑tmġart n‑sidis ġ‑yusf tini‑as: «ašk‑id tgnt didi.» imma nttan yagʷi, irar i‑tmġart n‑sidis: «han sidi ur‑sul‑yusi lhmm i‑yat ġ‑tgmmi ġilad ġ‑gis‑lliġ nkki. ifl kullu ma‑dars‑illan ġ‑ddu‑ufus‑inu. awal‑inu ġ‑tgmmi‑ad iga zund awal‑ns. ur‑iyi‑ikks yat abla kmmi, ašku tgit tamġart‑ns. taggug flla lh̬ʷšant‑ad imqqurn iḥrmn ġ‑iẓri n‑rbbi.»

yan‑wass ġ‑uwssan‑an ikšm yusf s‑tgmmi a‑isala tawuri‑ns, ttaġ‑d ḥtta yan ġ‑ih̬ddamn ur‑illi ġ‑tgmmi. tġwi‑t‑id zġ‑tmlsit‑ns tini‑as: «gn didi.» imma ntta irwl‑as, ifl timlsit ġ‑ufus‑ns iffuġ s‑brra.