Népszerű bibliai igeversek innen: ငဝ်ႈၵမ်ႇၽႃႇ 37

Megosztás

ယူဝ်းသႅပ်ႈ ​ၼၼ်ႉ ၼွၼ်း​ၽၼ်​ႁၼ်​လႄႈ ၶိုၼ်း​မွၵ်ႇ​လၢတ်ႈ လွင်ႈ​မၼ်း​တၢင်း​မၼ်း​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ယဵင်ႈ​ၶႅၼ်း ဢွၼ်​ၵၼ်​ၸင်း​မၼ်း​ဢေႃႈ။

ဢီႉသရေႇလႃႉ ​ၼၼ်ႉ​ၵွပ်ႈ​ပိူဝ်ႈ​ဢၼ်​လႆႈ​လုၵ်ႈ​ၸၢႆး​မၼ်း​ ယူဝ်းသႅပ်ႈ ​ၼၼ်ႉ ၼႂ်း​မိူဝ်ႈ​ဢၼ်​ဢသၢၵ်ႈ​ယႂ်ႇ​လႄႈ ယဵင်ႈ​ၶႅၼ်း​ႁၵ်ႉ​ ယူဝ်းသႅပ်ႈ ၼႃႇ​သေ​လုၵ်ႈ​ၸၢႆး​တၢင်ႇ​ၵေႃႉ​တင်း​သဵင်ႈ​တင်း​လူင်​ဢေႃႈ။ သိူဝ်ႈ​ၼုင်ႈ​ဢၼ်​ယၢဝ်း​လီ​ၵေႃႈ​ယဵပ်ႉ​လႄႈ​ပၼ်​တီႈ​မၼ်း​ဢေႃႈ။

ပီႈ​ဢၢႆႈ​မၼ်း​ၸိူဝ်း​ၼၼ်ႉ၊ မိူဝ်ႈ​ဢၼ်​ႁူႉ​ႁၼ်​လွင်ႈ​ဢၼ်​ပေႃႈ​ၶဝ်​ႁၵ်ႉ​မၼ်း​ၼႃႇ​သေ​ပီႈ​ဢၢႆႈ​မၼ်း တင်း​သဵင်ႈ​တင်း​လူင်​ၼၼ်ႉ​ၸိုင်၊ ဢွၼ်​ၵၼ်​ၸင်း​မၼ်း​လႄႈ ဢမ်ႇ​လၢတ်ႈ​ၵႂၢမ်း​မႅတ်ႈ​တႃႇ​တီႈ​မၼ်း​လႆႈ။

လိုၼ်း​ၼၼ်ႉ​မၼ်း​သမ်ႉ​ၼွၼ်း​ၽၼ်​ႁၼ်​ထႅင်ႈ​လႄႈ မွၵ်ႇ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​ၽၼ်​ႁၼ်​တၢင်ႇ​ၸိူဝ်ႉ​တၢင်ႇ​ပိူင်​ထႅင်ႈ​ၶႃႈ​ယဝ်ႉ။ ၸႃႉ​ၸဵမ်​ၵၢင်​ဝၼ်း​တင်း​လိူၼ်​လႄႈ လၢဝ်​သိပ်း​ဢဵတ်း​လုၵ်ႈ​ၸိူဝ်း​ၼၼ်ႉ ဢွၼ်​ၵၼ်​ဝႆႈ​ၵဝ်​ၶႃႈ​ယူႇ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။

ပီႈ​ဢၢႆႈ​မၼ်း​ၸိူဝ်း​ၼၼ်ႉ ဢွၼ်​ၵၼ်​သီႈ​ၵေႉ​ႁေႈ​တႃ​မၼ်း​ဢေႃႈ။ ပေႃႈ​မၼ်း​ၵေႃႈ​မၢတ်ႈ​တွင်း​လွင်ႈ​မၼ်း​တၢင်း​မၼ်း​ၼၼ်ႉ​ဝႆႉ​ဢေႃႈ။

မၼ်း​ၶိုၼ်း​မွၵ်ႇ​လၢတ်ႈ လွင်ႈ​တၢင်း​ဢၼ်​မၼ်း​ၽၼ်​ႁၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ထွမ်ႇ​ငိၼ်း​တၢင်း​ဢၼ်​ၼွၼ်း​ၽၼ်​ဢၼ် ၵဝ်​ၶႃႈ​လႆႈ​ၽၼ်​ႁၼ်​ၼၼ်ႉ​သေ​ၵမ်း။- ၼႂ်း​မိူဝ်ႈ​ဢၼ်​ၵဝ်​ၶႃႈ​မတ်ႉ​လိုၼ်ႈ​ၶဝ်ႈ​ယူႇ​ၵႃႈ​ၼႂ်း​တူင်ႈ​ၼႃး​ၼၼ်ႉ၊ လိုၼ်ႈ​ၶဝ်ႈ​ၵဝ်​ၶႃႈ​လုၵ်ႉ​ၸုၵ်း​လႄႈ လိုၼ်ႈ​ၶဝ်ႈ​သူ​ၸဝ်ႈ​ၵေႃႈ​ဢွၼ်​ၵၼ်​ၸုၵ်း​လွမ်ႉ​ႁွပ်ႈ​ယူႇ​သေ​လႄႈ ဝႆႈ​လိုၼ်ႈ​ၶဝ်ႈ​ၵဝ်​ၶႃႈ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မႃး​ဢိူၺ်း၊ ဢဝ်​မၼ်း​တၢႆ​လႄႈ​ၶျႃး​တူၵ်း​သႂ်ႇ​ဝႆႉ​ၵႃႈ​ၼႂ်း​ၶုမ်​သေ​ဢၼ်​ဢၼ်​တႃႉ​ႁဝ်း။ ဢွၼ်​ၵၼ်​လၢတ်ႈ​လႄႈ​ဝႃႈ၊ တူဝ်​ထိူၼ်ႇ​ဢၼ်​ႁၢႆႉ သေ​ၸိူဝ်ႉ​သေ​မဵဝ်း​ၶူပ်း​ၵိၼ်​မၼ်း​ယဝ်ႉ၊ ဝႃႈ​ၼင်ႇ​ၼႆ​တႃႉ​ႁဝ်း။ ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ယဝ်ႉ​ၸိုင်၊ ဢွၼ်​ၵၼ်​တူၺ်း​လွင်ႈ​ဢၼ်​တၢင်း​ဢၼ်​မၼ်း​ၼွၼ်း​ၽၼ်​ႁၼ်​ၸိူဝ်း​ၼၼ်ႉ တၵ်း​တူၵ်း​တီႈ​ၸိူဝ်ႉ​ၼင်ႇ​ႁိုဝ်​ၼၼ်ႉ​တႃႉ​ႁဝ်း၊ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ ၼႂ်း​မိူဝ်ႈ​ဢၼ်​ၵူၼ်း​ၵႃႉ​ၵူၼ်း​ၶၢႆ ၵူၼ်း​မဵဝ်း​ မီႉတျၼ်ႇ ​တင်း​လၢႆ ၸွမ်း​သဵၼ်ႈ​တၢင်း​ၵႂႃႇ ၵႃႈ​တီႈ​ႁိမ်း​ၼၼ်ႉ​ယူႇ​ၼၼ်ႉ​ၸိုင်၊ ပီႈ​ဢၢႆႈ​မၼ်း​ၸိူဝ်း​ၼၼ်ႉ​ဢွၼ်​ၵၼ်​တိုတ်ႉ​ၸၼ်​ဢဝ်​ ယူဝ်းသႅပ်ႈ ဢွၵ်ႇ​သေ​ၵႃႈ​ၼႂ်း​ၶုမ်​သေ​ယဝ်ႉ၊ ဢဝ်​ ယူဝ်းသႅပ်ႈ ​ၼၼ်ႉ ၶၢႆ​တေႃႇ​ၵူၼ်း​ ဢီႉသမေႇလႃႉ ​ၸိူဝ်း​ၼၼ်ႉ လႆႈ​ၵႃႈ​မၼ်း​ၶၼ်​မၼ်း​ငိုၼ်း​သၢဝ်း​ၵျၢပ်ႈ​လႄႈ၊ ၶဝ်​ၼၼ်ႉ​ၵေႃႈ​ပႃး​ဢဝ်​ ယူဝ်းသႅပ်ႈ ​ၵႂႃႇ ၵႃႈ​တီႈ​မိူင်း​ ဢေႇၵိပ်ႉတူႉ သေ​ဢေႃႈ။

တူၺ်း​လူး၊ သြႃႇ​တၢင်း​ဢၼ်​ၼွၼ်း​ၽၼ်​ႁၼ်​ၼၼ်ႉ​မႃး​ယဝ်ႉ။

ပီႈ​ဢၢႆႈ​မၼ်း​ၸိူဝ်း​ၼၼ်ႉ ႁၼ်​မၼ်း​ၸဵမ်​မိူဝ်ႈ​ဢၼ်​မၼ်း​ယင်း​မီး​ယူႇ​ၵႃႈ​တီႈ​ဢၼ်​ၵႆ​ၼၼ်ႉ​သေ​ယဝ်ႉ၊ ၸူဝ်ႈ​ဢၼ်​မၼ်း​ဢမ်ႇ​ပႆႇ​ႁွတ်ႈ​ထိုင်​ၵႃႈ​တီႈ​ၸမ်​ၼၼ်ႉ​ၸိုင်၊ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ တိူင်ႇ​ပၢင်ႇ​လၢတ်ႈ​ၸႃ​ၵၼ် ႁႂ်ႈ​လႆႈ​ဢဝ်​မၼ်း​တၢႆ​လႄႈ​ဝႃႈ၊

ၵမ်း​ၼၼ်ႉ ရူႉပိၼ်ႇ ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ယႃႇ​ပေ​ထွၵ်ႇ​လိူတ်ႈ​မၼ်း​ပႅတ်ႈ။ ယင်း​ဢမ်ႇ​ဢဝ်​တင်း​မိုဝ်း​ႁဵတ်း​လႄႈ ဢဝ်​မၼ်း​ၶျႃး​တူၵ်း​သႂ်ႇ​ဝႆႉ ၵႃႈ​ၼႂ်း​ၶုမ်​ဢၼ်​မီး​ၵႃႈ​ၼႂ်း​ထိူၼ်ႇ​ၼႆႉ​တႃႉ​ႁဝ်း၊ ဝႃႈ​ၼင်ႇ​ၼႆ​လႄႈ​မီး​တၢင်း​ၵျၢမ်ႇ​တၢင်း​ပွင် ဢၢင်ႈ​တၵ်း​ၼုၵ်ႈ​ဢဝ်​မၼ်း​လွတ်ႈ​သေ ၵႃႈ​ၼႂ်း​မိုဝ်း​ၶဝ်​လႄႈ ၶိုၼ်း​ဢၢပ်ႈ​ပၼ်​တီႈ​ပေႃႈ​မၼ်း​ဢေႃႈ။