Népszerű bibliai igeversek innen: Génesis 1

Megosztás

Chat qui muꞌ Jenꞌ yi: "Q̂uinꞌ raꞌ jämꞌtyeja muntyiꞌ, yódyejaꞌdyemꞌ tsun u, joꞌmeij raꞌ jämꞌtyeja. Muꞌin raꞌ meꞌchucsi tạbedyeꞌ in, jaijtyiꞌ in, jebacdyeꞌ in judyeyaꞌ räj vajedyedyeꞌ in, därmunsiꞌ in, judyeyaꞌ ịtsucmunsiꞌ in", yi Jenꞌ. Meꞌdye qui muꞌ Jenꞌ jämꞌte muntyiꞌ, joꞌmeijdye jämꞌte yódyeijdyemꞌ Jenꞌ u, sonꞌ judyeyaꞌ p̂en jämꞌtacsi.

Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi: "Daiꞌ raꞌ ạvaꞌyi miꞌin, paj qui vóshiꞌ miꞌin räj buꞌyi úcheꞌ jaccheꞌ in. Meꞌchutiñeꞌ raꞌ ọij jac, judyeyaꞌ tạbedyeꞌ in, judyeyaꞌ jaijtyiꞌ in judyeyaꞌ räj jebacdyeꞌ in", jéyacsi muꞌ Jenꞌ.

Tashcheꞌ jiquej itŝiꞌdyemꞌ jedyeꞌ, chat qui muꞌ Jenꞌ jämꞌtyeꞌ ọij jac judyeyaꞌ mạyedyeꞌ.

Jambiꞌdyemꞌ jämꞌ buꞌyiꞌ jac jiquej, itŝiꞌdyemꞌ jedyeꞌ jiquej mọꞌ, räj buꞌyiꞌdyemꞌ ojñiꞌ jiquej judyeyaꞌ tojmaiꞌ. Jenꞌsiꞌ Ạꞌedyeꞌ muꞌ ojñiꞌcheꞌ tyeiꞌ muꞌ miꞌiꞌ.

Chat qui muꞌ Jenꞌ p̂eyaqui: "Paj mạij buꞌyiꞌ", yi, chat qui mọꞌyaꞌ mạyes.

Chat qui muꞌ Jenꞌ räj cạvaqui jämꞌtacdyeꞌ muꞌ, anic jämꞌ ĉọ́qui. Meꞌquiꞌdye jadyic ọij jäbänyis mạyedyeꞌ.

Jenꞌ jämꞌ ĉọiꞌ mọꞌ mạyes mọꞌdyes pạrej buꞌyiꞌ yụꞌtacsi mọꞌ mạyes judyeyaꞌ tojmas.

Muntyiꞌ qui jéyacsi Jenꞌ: —Yụ raꞌ soꞌmeyac ọij q̂uinꞌ jacches räj sicdyeꞌ in, vejtumsiꞌ in judyeyaꞌ väshtumsiꞌ sacacdyeꞌ chimeꞌ in, jibitidyes raꞌ miꞌin mọꞌsiꞌ väsh mọꞌ.

Mọꞌ mạyes jeꞌ muꞌ Jenꞌ "mạyedyeꞌ", mọꞌ na tojmas "tsedyedyeꞌ" jeꞌ muꞌ. Meꞌ jadyic ọij tashches mạyedyeꞌ.

Chat qui p̂eyaqui muꞌ Jenꞌ: "Paj mọꞌyaꞌ juñumchuquis mạyedyeꞌches, mọꞌ pạrejjeꞌsiꞌ ojñiꞌ", yi muꞌ. Cätsdye yi.

Mọꞌin na jebacdyeꞌ in yụ raꞌ räj soꞌmacsi jacches däräꞌ in paj qui mọꞌtyiꞌ säcsiꞌ in, räjdyes jebacdyeꞌ in, tsemsiꞌ in judyeyaꞌ jam tsemsiꞌ in judyeyaꞌ jaijtyiꞌ chimeꞌ in —yi Jenꞌ. Cätsdye yi.

Quivij p̂eyaqui Jenꞌ: "Paj mọꞌyaꞌ mạyedyeꞌches mạijyis in paj qui mọꞌin mạijchuiꞌ in ọij jac, mọꞌin raꞌ pạrej yụꞌtacsiꞌ in mọꞌ mạyedyeꞌ judyeyaꞌ tsedyedyeꞌ. Chimeꞌdye mọꞌin mạyedyeꞌches mạijyis in jịꞌĉocdyes raꞌ in jụꞌñis chuc mạyedyeꞌ, judyeyaꞌ jụꞌñis chuc yómodyeꞌ judyeyaꞌ tupudyeꞌ." Cätsdye yi.

Quivij p̂eyaqui Jenꞌ: "Paj mọꞌ jac jiꞌshupqueꞌ däräꞌ in, paj yoc yoc chịbiꞌ cätidyeꞌ in vejtumsiꞌ in judyeyaꞌ väshtumsiꞌ sacacdyeꞌ in." Cätsdye yi. Meꞌdye qui chịbiꞌ yoc yoc däräꞌ jaccheꞌ in, vejtumsiꞌ cätidyeꞌ in judyeyaꞌ väshtumsiꞌ sacacdyeꞌ in, jụꞌñis jụꞌñis chuc cätidyes vej mọꞌ, joꞌmeiꞌdye chịbiꞌ. Jämꞌ ĉọ́qui Jenꞌ räj jämꞌtacdyeꞌ muꞌ.

Jenꞌ yụꞌse mọꞌ juñumchuquis mạyedyeꞌ, mọꞌ pạrejjeꞌsiꞌ mạyedyeꞌches ojñiꞌ judyeyaꞌ jacches ojñiꞌ.

Quivij p̂eyaqui Jenꞌ: "Paj mọꞌ jac jiꞌshupqueꞌ däräꞌ in, paj yoc yoc chịbiꞌ cätidyeꞌ in vejtumsiꞌ in judyeyaꞌ väshtumsiꞌ sacacdyeꞌ in." Cätsdye yi. Meꞌdye qui chịbiꞌ yoc yoc däräꞌ jaccheꞌ in, vejtumsiꞌ cätidyeꞌ in judyeyaꞌ väshtumsiꞌ sacacdyeꞌ in, jụꞌñis jụꞌñis chuc cätidyes vej mọꞌ, joꞌmeiꞌdye chịbiꞌ. Jämꞌ ĉọ́qui Jenꞌ räj jämꞌtacdyeꞌ muꞌ.

Meꞌdye qui Jenꞌ jämꞌtyeꞌ päräꞌ mọjoꞌchas mạijyis in, yiris därsiꞌ mạijdyesiꞌ mạijchuquis, mọꞌ na ịtsuꞌquis tsedyedyedyes. Ọ́rotaꞌ chimeꞌ jämꞌtacsi.

Chat qui muꞌ Jenꞌ p̂eyaqui: "Paj vajmọꞌyaꞌyiꞌ ojñiꞌ, paj jorojĉanyiꞌ jac." Cätsdye yi. Mọꞌ chanamꞌsiꞌ jeꞌ muꞌ Jenꞌ jac, mọꞌ na vajmọꞌyaꞌyis ojñiꞌ jeꞌ muꞌ Jenꞌ mar. Jämꞌ ĉọ́qui räj jämꞌtacdyeꞌ muꞌ.

Chat qui muꞌ Jenꞌ yụꞌtyeyeyacsi p̂eyacdyeꞌ, jéyacsi: "Ạvaꞌyi raꞌ miꞌin, shashdyiꞌ raꞌ ojñiꞌĉan miꞌin", jéyacsi Jenꞌ. Chijeyacsidye jaijtyiꞌ in: "Miꞌin raꞌ chimeꞌ shashdyiꞌ."

Quivij p̂eyaqui Jenꞌ: Paj mọꞌyaꞌ jacches jebacdyeꞌ in, yoyoquin in, tsemsiꞌ in judyeyaꞌ jam tsemsiꞌ in, därmunsiꞌ in judyeyaꞌ ịtsucmunsiꞌ in, jụꞌñis jụꞌñis chuc jebacdyeꞌ in, jomemeiꞌdye ạvaꞌ mọꞌin. Cätsdye yi.

Chat qui p̂eyaqui Jenꞌ: "Paj mọꞌyaꞌ tạbedyeꞌ in, räj jụꞌñis ĉụiꞌ mọmoꞌ ojñiꞌĉansiꞌ jedyeꞌ in." Chimeꞌ yi: "Paj mọꞌyaꞌ jaijtyiꞌ in nạiꞌsiꞌ in, cheꞌve tyeiꞌsiꞌ in." Cätsdye yi.

Meꞌ muꞌ Jenꞌ jämꞌtacsi räj ọ́ches jebacdyeꞌ in yoyoquin in. Jämꞌ ĉọ́qui Jenꞌ jämꞌtacdyeꞌ muꞌ.