Népszerű bibliai igeversek innen: Zenez 1

Megosztás

Lerla Bondie dir: “Anou kre bann imin dan nou limaz ek dan nou resanblans. Zot ava ena lotorite lor bann pwason dan lamer ek bann zwazo dan lezer. Zot ava ena lotorite osi lor bann zanimo domestik, bann zanimo sovaz, ek tou bann bebet ek reptil ki viv lor later.” Alor, Bondie kre bann imin dan so resanblans, li kre zot dan resanblans Bondie, li kre zot, Zom ek Fam.

Bondie beni zot e li dir zot: “Fer zanfan, peple e ranpli later, e metriz li. Bann pwason dan lamer, bann zwazo dan lezer ek tou bann zanimo ki viv lor later pou bizin soumet divan zot.”

Dan komansman, Bondie kre lesiel ek later.

Later pena enn zoli form e li vid. Teneb kouver partou. Lespri Bondie pe plane lor dilo.

Lerla Bondie dir: “Mo oule ki lalimier paret!” Vremem, lalimier koumans briye.

Bondie get tou seki li finn kre, e vremem tou bien bon. Aswar fer, apre sa gramatin swiv. Samem siziem zour.

Bondie trouv ki lalimier enn bon kitsoz. Li separ lalimier ek teneb.

Bondie dir ankor: “Mo pe donn zot bann plant avek sakenn so semans partou lor later. Mo pe donn zot osi bann pie ki zot fri ena lagrin ouswa lwayo. Servi tousala pou zot nouritir.

Li apel lalimier “lizour” ek teneb “lanwit”. Aswar fer, apre sa gramatin swiv. Samem premie zour.

Bondie dir: “Mo oule kre enn gran plafon omilie dilo. Li pou separ dilo ki anba ek dilo ki lao.”

Me bann zanimo, bann zwazo, ek tou bann bebet ki ena lavi lor later pou gagn feyaz pou manze.” Samem arive.

Bondie dir: “Mo oule kre bann lalimier dan lesiel pou separ lizour ek lanwit. Bann lalimier la pou fer kone kan zour fet. Zot pou fer osi konn dat ek lane.

Bondie dir: “Mo oule ki later prodwir bann verdir. Bizin ena bann plant ek bann pie fri. Sakenn bizin ena so semans.” Sa arive.

Sa arive. Bondie kre sa gran plafon la pou separ dilo ki anba ek dilo ki lao.

Later prodwir bann verdir. Ena tou kalite plant, e tou kalite pie-fri. Sakenn ena so semans. Bondie trouv tousala bon.

Bondie kre de gro lalimier. Pli gro la pou eklere lizour, e pli tipti la pou eklere aswar. Li kre osi bann zetwal.

Bondie dir ankor: “Mo oule ki tou dilo ki anba lesiel rasanble dan enn sel plas. Les bann terin sek paret.” Sa arive. Bondie apel bann terin sek “later”. Li apel dilo ki finn rasanble ansam “lamer”. Bondie trouv sa bon.

Bondie beni zot, e li dir : “Gagn boukou piti e ranpli lamer.” E li donn lord bann zwazo pou ogmante lor later.

Bondie dir: “Mo oule ki later prodwir tou kalite kreatir vivan: bann zanimo domestik, bann ti bebet ek bann zanimo sovaz. Sakenn dapre so lespes.” Sa arive.

Bondie dir: “Mo oule ki lamer ranpli ar tou kalite kreatir vivan. Mo oule kre bann zwazo pou anvol dan lezer.”

Bondie kre tou kalite zanimo sovaz, zanimo domestik, bann ti bebet ek reptil; sakenn dapre so lespes. Bondie trouv sa bon.