Népszerű bibliai igeversek innen: Johanes 5

Megosztás

“Tjiri, tjiri, ami me mu raere ouatjiri, ngu ma zuu omambo wandje na kambura mu ingwi ngwe ndji hinda, eye u nomuinyo waaruhe. Neye ke nokupangurwa, nungwari eye nao tjandje wa tuurunga onḓiro okuyenda komuinyo.

Jesus we mu muna a rara mbo, nu aa tjiwa kutja wa vera oure woruveze orure nao, narire tje mu pura a tja: “Mo vanga okuveruka?”

Eṋe mu konḓonona omatjangwa, tjinga amu tjangovasi mu wo omu mamu munu mo omuinyo waaruhe. Nu omatjangwa tjingewo nga ye ndji hongonona. Nungwari eṋe kamu nokuvanga okuya ku ami kutja mu kare nomuinyo.

Jesus wa tjere ku ye: “Sekama, toora oruara rwoye nu u kawondje.” Tjimanga ingwi omundu a veruka, narire tja toora oruara rwe na utu okukawondja. Notjiṋa hi tja tjitirwe mesabata.

Jesus arire tje ve ziri a tja: “Tjiri, tjiri, ami me mu raere ouatjiri, Omuna ke na tji ma sora okuritjitira omuini. Eye u tjita ihi porwe tje muna Ihe ame tji tjiti. Ihi Ihe tje tjita, Omuna wina otjinga e tjita.