Népszerű bibliai igeversek innen: လုကာ 19

Megosztás

ပျောက်လားခသူရို့ကို ရှာဖို့အတွက်န ကယ်တင်ဖို့အတွက် မနုသသားတော် ကြွလာစာ ဖြစ်တေ။”

“အသျှင်၏ နာမည်န ကြွလာစာ မင်း၏ ဘုန်းကြီးပါစီ! ဂေါင်းခင်ဘုံမာ ငြိမ်းချမ်းခြင်း ဟိပါစီ၊ အရာ ထာဝရဘုရား၏ ဘုန်းကြီးပါစီ!”

ယင်းခါ ယေရှုစာ ပြောလီရေ၊ “ဒေနိခါ ဒေ အိမ်မာ ကယ်တင်ခြင်း ရောက်လာဗျာ၊ အကြောင်းကား ဒေသူလည်းသောက် အာဗြဟံ၏ အမျိုးအနွယ်သား တစ်ယောက် ဖြစ်တေ။

ယေရှု ထိုသဖန်းပင်ရင်းတို့ ရောက်တေခါ အထက်တို့ မော်ကြည့်ရို့ ဇက္ခဲကို ခေါ်ချလီရေ၊ “ဇက္ခဲ၊ အယင်အမြန် ဆင်းလာလတ်။ ငါ ဒေနိခါ နင့်အိမ်မာ တည်းဖို့။” ဇက္ခဲစာ အပင်ထက်က အယင်အမြန် ဆင်းလာလီရေ။ ယင်းခါ သူစာ ကောင်းကောင်း ပျော်ရို့ ယေရှုကို ကိုယ့်အိမ်တို့ ယူလားခလီရေ။

ဇက္ခဲစာ ကိုယ့်အိမ်မာ ရပ်ရို့ အသျှင်ကို ပြောလီရေ၊ “အသျှင်၊ အကျွန့်မာ ပစ္စည်း-ဥစ္စာ တစ်ဝက်ကို ဆင်းရဲသားရို့ကို လှူလိုက်ပါမည် အရာ အကျွန် အသူ့ကိုမဆို လိမ်စားရို့ ဟိရေဆိုကေ လေးဆတိုင်အောင် ပြန်ပီးလိုက်ပါမည်။”

လူကျိုင်ထဲက ဖာရိရှဲအဖွဲ့သား လိုင်းကေယောက်စာ ယေရှုကို ပြောကတ်လီရေ၊ “ဆရာ၊ ကိုယ်ဘင်မာ တပည့်ရို့ကို တိန်းရို့ နီဖို့ ခိုင်းလိုက်ပါ။” ယေရှုစာ သူရို့ကို ပြောလီရေ၊ “ငါ ကိုယ်ဘင်ရို့ကို ပြောရေ၊ ဒေသူရို့ တိန်းရို့ နီကတ်တေဆိုကေ ကျောက်လုံးတိ အော်ကတ်လိမည်။”