Népszerű bibliai igeversek innen: ಲೂಕ 6

Megosztás

ಬಿಜಾ಼ನ ದೆವೊ, ತದೆ ದೇವ್‌ಬಿ ತುಮೂನ ದಿಶೆ. ದಾಬಿ ಹಲೈನ್, ಭಾರ್‌ ರಂಚಾ಼ವಖ್ಹರ್‌ಕು ಮಾಪಿನ್‌, ತುಮಾರಿ ಝೋ಼ಳಿಮ ನಾಕ್‌ಶೆ, ತುಮೆ ಬಿಜಾ಼ನ ಕಿಮ್ ಮಾಪಿನ್ ದೇಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ಮಾಪ್‌ಶೆ.

ಅಛ್ಛು಼ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಅಛ್ಛಿ ಕಣ್ಗಿಮಾಥು ಅಛ್ಛಾ಼ನ ಭಾರ್‌ ಕಾಡಸ್‌; ಕತೋಬಿ ಖರಾಬ್ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಖರಾಬ್ ಕಣ್ಗಿಮಾಥು ಖರಾಬ್‌ನ ಭಾರ್ ಕಾಡಸ್‌. ಮನ್‌ಮ ಶಾತ್‌ ಛಾ಼ಕಿ ಯೋಸ್‌ ಮ್ಹೋಡವಾಟೆ ನಿಕ್ಳಸ್‌.‌

ಇನಖ್ಹಾಜೆ, ತುಮಾರ ದುಶ್‌ಮನ್ನ ಲಾಡ್‍ಪ್ರೀತ್ ಕರೊ ಅಜು಼ ಇವ್ಣುನ ಅಛ್ಛು಼ಕರೊ. ತುಮೆ ಇವ್ಣುನ ಉಧಾರ್ ದ್ಯವಾನಿ ವಖ್ಹತ್‌ಮ, ಫಾಛು಼ ಇವ್ಣೇಥಿ ಮಳ್‌ಶೆ ಕರಿ ಬೋಲಾನಿ ಆಖ್ಹ್‌ನ ಮ್ಹೆಂದಿನ್, ಉಧಾರ್ ದೆವೊ. ತದೆ ತುಮುನ ಘಣು ಇನಾಮ್ ಮಳ್‍ಶೆ ಅಜು಼ ತುಮೆ ಪರಮಂಡಲ್‌ನೊ ದೇವ್ನ ಲಡ್ಕಾಉಶು. ಯೋತೊ ಕರ್ಮಿಷ್ಟಿನಾಬಿ, ಖರಾಬ್‌ನಾಬಿ ಅಛ್ಛೊ಼ ಹುಯಿರ‍್ಹೋಸ್.

ಪರ್‌ಲೋಕ್‌ನೊ ತುಮಾರೊ ಬಾ ಗೋರ್‌ಕರಾವಾಳೊ ಹುಯಿರ‍್ಹೋತೆ ಇಮ್ಮಸ್, ತುಮೇಬಿ ಗೋರ್‌ ಕರಾವಾಳೊ ಹುಯಿರ‍್ಹೇವೊ.

“ಕಿನಿ ಬಾರೇಮಾಬಿ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ ಕೊಯ್ನಿ; ಕಿನಾಪರ್‌ಬಿ ಗಲತ್‌ ನಕೊ ಲಗಾಡೊ, ತದೆ ದೇವ್‌ಬಿ ತುಮಾರಪರ್ ಗಲತ್‌ ಕೋ ಲಗಾಡ್‌ಶೇನಿ. ಬಿಜಾ಼ನ ಮಾಪ್‌ ಕರೊ, ತದೆ ದೇವ್‌ಬಿ ತುಮುನ ಮಾಪ್‌ ಕರ್ಶೆ.

“ಕತೋಬಿ ಮಾರಿ ವಾತೇನ ಖ್ಹಮ್‌ಜಾ಼ವಾಳಾನ ಮೇ ಶಾತ್‌ ಬೊಲುಸ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ, ತುಮಾರಪರ್ ದಾವೊ ಕರಾವಾಳಾನ ಅಛ್ಛು಼ಕರೊ. ತುಮಾರಪರ್ ಶಾಪ್ನ-ಶಬರ್ ದ್ಯವಾಳಾನ ಆಶೀರ್ವಾದ್‌ ಕರೊ, ತುಮಾರಪರ್ ಶಬರ್‌ ದ್ಯವಾಳನಖ್ಹಾಜೆ ಪ್ರಾರ್ಥನೆ ಕರೊ.

ಅದ್ಮಿಖ್ಹಾರು ತುಮೂನ ಶಶ್ಯಾತ್‌ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್‌ ತುಮೆ ಇವ್ಣುನ ಕರೊ.

ಕೋಣ್‌ತೋಬಿ ಏಕ್‌ಜ಼ಣು ತಾರ ಕಲ್ಲಪರ್ ಮಾರ‍್ಯುತೊ, ಇನ ಬಿಜೇಕ್ ಕಲ್ಲು ವತಾಳೊ. ತಾರು ಉಪ್ಪರ್‌ಲ್ಯು ಝ಼ಗ್ಗಾನ ಖೇಚಿ ಲ್ಯಾವಳಾನ ಮಹಿನು ಕುಡ್‌ತಾನಾಬಿ ದಿನಾಕ್. ತಾರಕನ ಕೋಣ್‌ತೋಬಿ ಶಾತ್ತೋಬಿ ಮಾಂಗ್ಯುತೊ, ಇನ ದೇ, ತಾರು ಶೊತ್ ಛಿನೈಲ್ಯವಾಳಾನ, ಪಾಛು಼ ದೇ ಕರಿ ನಕೊ ಬೋಲ್.

ಅಛ್ಛು಼ ಝಾ಼ಡು ಖರಾಬ್ ಪಂಡು ದೇಯಿಕೊಯ್ನಿ, ಇಮ್ಮಸ್ ಖರಾಬ್ ಝಾ಼ಡು ಅಛ್ಛು಼ ಪಂಡು ದೇಯಿಕೊಯ್ನಿ.

ಹರೇಕ್ ಝಾ಼ಡು ಕಿಮ್ನು ಕರಿ ಬೋಲಾನು ಯೋ ಮ್ಹೇಲಾತೆ ಪಂಡಾಥೀಸ್‌ ಮಾಲುಮ್‌ ಪಡಾಸ್‌. ತುಮೆ ಕಾಟಾನಿಡಾಗ್‍ಮ ಅಂಜೀರ್‌ನು ಪಂಡು ತೋಡಾಕೊಯ್ನಿ ನತರ್‌ಕಿ ಕಾಟಾನಿ ಡಾಗೇಮ ದ್ರಾಕ್ಷಿನು ಪಂಡಾವ್‍ನ ಎಕ್ಟು ಕರಾಕೊಯ್ನಿ.