Népszerű bibliai igeversek innen: Jean 16

Megosztás

Nga lobaki mawò ma na beni, edi tonga bwe, beni tòdyala na phi a nga o cha mitema ma beni. Beni bochèbè o che, ko, iwò twa, bodyala na bokili, nga bichil’òwunche bato ba che.”

Ko okomo Eyaye a nènè teya, yango tekamba beni otata nènè, tonga yango tilobi tonga na yango koncha, yango techakola ko beka byango yango ewokaki, na yango techakola beni beka byango otiya.

Kokoko ncho kinòwa beni boch’òyonga eyeka o kombo a nga ka, boyonga na beni tòyamba, mòchi moni ma beni modyale motunywibaki.

Ko nga chakole wana edi nènè: Edi enyòngò na beni tonga nga na langwe; tonga mo nga olangwa ka, owana Mokielichi oya ka; tonga mo nga langwe, owana nga tatinda wango o ma beni. Okomo wango taya, wango tayebiza bato nènè o machuma ma bango, na wango tayebiza bango ebati enyèki, na wango tayebiza bango ebati a botòtè.

Edi nà na beni o cha iphanu a beni elenge ko yango, ko nga tayènè beni dyòkò, o bobiko bwango mitema ma beni titonda na moni, na moto nyò mò tiyichi bokatole dyò moni ma beni. Na bucha bwango dyò beni tiyangi nga eyeka nyò yò. Nènè, nènè, nga lobe na beni bwe: Beka bichò byango beni boyonge na Chango o kombo a nga wango taphe beni byango.

Nènè, nènè, nga lobe na beni bwe, beni tòchaba na beni tòlela, ko bato ba che tachanga, beni tòdyala n’iphanu, ko iphanu a beni tichekwa mochango.