Népszerű bibliai igeversek innen: Yohanni 16

Megosztás

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende. Yob te vella, palle krell yob i menshenge i yaka pre pral lengri doosh, pral o Debleskro čačepen oun pral o Debleskri rholi, hoy vella pral kay phoub.

Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik. Ap ko dives, poučenn t'mer mandar či. Čačepah, me penau t'menge: Te mangenn t'mer miro dadestar čomone an miro lab, kova dell yob t'men.

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.