Népszerű bibliai igeversek innen: Di Mulakata 8

Megosztás

Jaji dabau barik kole’a i Yahuwe jalu datutungen di kosan pamindarana baki’ Nuh, maam bauna. Jaji manjarum barik di atena, “Jangka’a di’en kutukina tana’en kole’ku’ katagal kajau’anna anak mantuariin. Kole’a saja kenanga memen pulikana anak mantuariin dari akeke’a sampai mondok di baraana. Manuju lapoang lo’a jalu ajau’en. Poangsi na’an barik kutampusi samuana jalu yang tio’en awan yang maminen dinen,” ingka kenang. “Launna andianna duniaan di’en na’an tadang ambata musima. Samuana to’ andian. Andian musim masaken, andian musim matamen. Andian musim aduruken, andian musim adinginen. Andian maam asoon, andian ajau’ asoon. Andian asoon, andian malamen. Samuana to’ andian salangke-langke andianna duniaan di’en,” ingka kenang jaruma i Yahuwe manjaruma di atena.

Jaji barik baki’ Nuh minsaluan dari timbauen dinen, dapola barik kosan pamindarana. Jaji dari barik dinen kosan pamindarana, dala sapa dua dinen ambata inatang yang bareseen, yang pandeen isambeli kira baranana. Dawa bea ambata burung yang bareseen. Dasembeli barik. Datutung inang dinen kole’a baki’ Nuh itiang pameanga lo’a i Yahuwe.

Jaji barik Alatala na’an malilu’ lo’a baki’ Nuh nanna gulungan inatangen yang tagurungen ilalam timbauen, ambata gulungan inatang batiin, ambata gulungan inatang bajinaken. Dasuro’ tapuput barik soanginen di duniaan manyuro’ sorot barik danumen.

Jaji pamamalam andian dawa mole’ dinen daun kayu saitun yang baruun dapupul dari daanna. Jaji datamu barik kole’a baki’ Nuh andianna danum sorot.