Népszerű bibliai igeversek innen: Maki 16

Megosztás

É ka ɖɔ nú yě ɖɔ: “Mi gbɔn gbɛ ɔ́ bǐ mɛ, bo jlá Wɛn Ɖagbe Mawu tɔn ɔ́ gbɛtɔ́ lɛ́ɛ bǐ.

Nǔ e mɛ e ɖi nǔ nú mì lɛ́ɛ ná nɔ jlɛ́ ɔ́ ɖíe: ɖo nyǐkɔ ce mɛ ɔ́, yě ná nɔ́ nya yɛ nyanya lɛ́ɛ sín gbɛtɔ́ lɛ́ɛ jí, bó ná nɔ́ ɖɔ xó dó gbe yɔ̌yɔ́ mɛ. Yě na bo zé dan ɔ́, é ná wa nǔɖé nú yě ǎ; yě na bo nu nǔvɛ́nu ɔ́, é ná wa nǔɖé nú yě ǎ. Yě ná nɔ́ ɖó alɔ azinzɔnnɔ lɛ́ɛ jí, bó ná nɔ́ gbɔ azɔn nú yě.”

Mɛ e ná ɖi nǔ, bɔ è nǎ lɛ yɛhwesin n'i ɔ́ ná gán. Mɛ e ma ka na ɖi nǔ ǎ ɔ́, è nǎ ɖǒ hwɛ n'i.

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Dɔ̌nkpɛvú ɔ́ ka ɖɔ nú yě ɖɔ: “Mi ma ɖi xɛsi ó; Jezu Nazalɛ́ti tɔn e è ká nyi aklúzu jí ɔ́ ba wɛ mi ɖe. È ko fɔ́n ɛ sín kú, é sɔ́ ɖo fí ǎ; fí e è ɖi i dó ɔ́ ɖíe.

Ée yě kpɔ́n dɔ̌n sɛ́ dó ɔ́, yě mɔ ɖɔ è ko blí awǐnnya ɖaxó énɛ́ ɔ́ sín yɔdo ɔ́ nu. Yě byɔ́ yɔdo ɔ́ mɛ, bó mɔ dɔ̌nkpɛvú ɖé ɖo ayǐjínjɔ́n ɖo ɖisíxwé, bɔ é dó awu wěwé, bɔ xɛsi ɖaxó ɖé jɛ yě jǐ.