Luk 16
16
Ziia naaisaide
1Yesu ò a iwaɔnɛ: Ɔdee mɛ́ ku à ziia dìlɛ a zĩkɛnaɔnɛ. Ɔ̃ wà mɔ̀ wà aà kɔmalɛkɛ̀ɛ̀ wà mɛ̀ àlɛ aà aizɛɛ kpalɛ. 2Ɔ̃ à aà sìsi a òɛ̀: Yã pɔ má mà n musu dɛ kpelewa ni? Lá nlɛ kɛ n ziiakɛ guu siumɛɛ. Ńyɔ̃ e ǹ ziiakɛzĩ kɛmɛɛ lɔo. 3Ɔ̃ ziiapi ò a sɔ̃ guu: Ma dii lɛ́ ma bɔ zĩuɛ, má kɛ kpelewa ni? A kɛ má fɔ̃ mà sɛ̃wao, mɛ́ baakɛa dɛmɛɛ wí ũ. 4Má dɔ̃ lá má kɛ wà ma dilɛ ń bɛ, tó à ma bɔ zĩu. 5Ɔ̃ à a dii fĩadeɔ sìsi dodo, ɔ̃ à gbɛ̃́ sɛ̃ia là à mɛ̀: Ń ma dii fĩa kũa ũma ni? 6À mɛ̀: Nisi zaa lɛ basɔoɛ. Ɔ̃ ziiapi òɛ̀: N taalan kɛ. Zɔ̃lɛ ǹ lilɛ blakwi kpakpa. 7Ɔ̃ a ò gbɛ̃pãleɛ: Mpi sɔ̃ n fĩa ũma ni? Ɔ̃ à mɛ̀: Ese sakili basɔoɛ. Ɔ̃ ziiapi òɛ̀: N taalan kɛ, lilɛ basiiɔ̃. 8Ɔ̃ diipi ziia naaisaidepi saaukpà wɛzɛ̃ pɔ a kɛ̀ yãmusu. Asa dũniaɛ bee gbɛ̃́ɔ wɛ́ zɛ̃a dɛ gupua gbɛ̃́ɔla kɔ̃tɛ̃ɛ yãkɛkɛa guu.
9Mapi sɔ̃ malɛ oɛ́, à gbɛ̃naɔ wɛɛlɛ ń aizɛɛ naaisaiɔ, kɛ́ gɔɔ pɔ à midɛ̀wá, wa gbãakpaázi bɛ gasai guu. 10Gbɛ̃́ pɔ naai vĩ ń pɔ yɔɔnao aɔ naai vĩ ń pɔ zɔ̃ɔo lɔɛ. Gbɛ̃́ pɔ naai vĩ ń pɔ yɔɔnaoo aɔ naai vĩ ń pɔ zɔ̃ɔoo. 11Tó á naai vĩ ń aizɛɛ naaisaioo, Lua a á naaikɛ ń a sĩandeoe? 12Tó á naai vĩ ń gbɛ̃pãle pɔɔo, Lua a ázĩa pɔ kpawáe? 13Zĩkɛna a fɔ̃ àɔ zɔble dii mɛn plaɛo, asa aɔ za gbɛ̃doguɛ, iɔ ye adozi, ge a na gbɛ̃dowa, i saka adou. Á fɔ̃ àɔ zɔble Luaɛ ń ɔ̃aoo.
Ɔde ń Lazaao
14Falisiɔ ye ɔ̃ai. Kɛ́ aa yãpi mà pii, ɔ̃ aalɛ lɛsuikɛkɛ Yesuwa. 15Yesu ònɛ́: I yãnakpa ázĩawa gbɛ̃nazĩnaɔ kĩiɛ, ãma Lua á sɔ̃ dɔ̃. Yã pɔ gbia gbɛ̃nazĩnaɔnɛ ɔ̃ Lua ì sakau.
16Mɔizi ikoyã ń ãnabiɔ láɔ ku e à gɛ̀ pɛ̀ Zãawa. Za gɔɔ bee ɔ̃ wàlɛ kia pɔ Lua kpà baokpa, ɔ̃ gbɛ̃pii lɛ́ siu. 17Musu ń tɔɔlɛo sãalɛa àa dɛ Lua ikoyãpi wɛ̃sã nɛna bãdɛala. 18Gbɛ̃́ pɔ gì a nazi ɔ̃ à nɔ pãle sɛ̀, à gbãsĩkɛ̀ɛ. Gbɛ̃́ pɔ nɔ pɔ wà gìi sɛ̀ sɔ̃, à gbãsĩkɛ̀n we.
19Gɔ̃ɛ ɔdee ku ì pɔkasa maa ɔdeɔ da, ìɔ pɔnakɛ nama guu gɔɔpii. 20Taaside pɔ wì mɛ Lazaa ìɔ wulɛa aà bɛ gɔ̃u, bɔ fĩfĩwà. 21Ìɔ blɛ pɔ ì lɛlɛ ɔdepi taabũnu ziɛ blea nidɛ. Gbɛ̃ɔ mɛ́ ìɔ aà bɔpiɔ sãsã.
22Taasidepi gà, ɔ̃ malaikaɔ aà sɛ̀ tàò Ablahaũ kĩi. Ɔdepi gà sɔ̃, ɔ̃ wà aà vĩ̀. 23Kua ĩadama guu bɛdau, kɛ́ à wɛsɛ̀ musu, ɔ̃ à Ablahaũ è kãaa, Lazaa ku aà saɛ. 24Ɔ̃ à lɛzù à mɛ̀: Ba Ablahaũ, ma wɛ̃nagwa, ní Lazaa zĩ aà a ɔtona zɔ̃ íwa, aà mɔ à ma lɛ́na niniòmɛɛ, asa malɛ wãwãkɛ tɛvuaɛ bee guuɛ. 25Ɔ̃ Ablahaũ òɛ̀: Ma gbɛ̃́, to nama pɔ pɛ̀ɛma n wɛ̃nigɔɔ ń taasi zɔ̃ɔ pɔ Lazaa kɛ̀o yã dɔngu. Aà nɔ̀sɛ nìni lakĩi sa, mɛ́ ń ku wãwã guu. 26Bee gbɛa tɔ̃ɔ'ɛ zoolo da wá zãnguo. Tó gbɛ̃́ ye à bɔ la à gɛ́ á kĩi, a fɔ̃o, mɛ́ gbɛ̃e a e bɔ we à mɔ wá kĩio. 27Ɔ̃ ɔdepi òɛ̀: N yã na Baa, lá màaɛ, ǹ aà zĩ ma mae bɛ, 28asa má dãunaɔ vĩ gbɛ̃ɔn sɔo. Aà gɛ́ lɛdaimá, kɛ́ aasu mɔ gu wãwãdeɛ beeuo. 29Ɔ̃ Ablahaũ mɛ̀: Aa Mɔizi ń ãnabiɔ láɔ vĩ, aa ń yãma. 30Ɔ̃ ɔdepi mɛ̀: Aawo, Ba Ablahaũ! Tó gbɛ̃e bɔ̀ gau à gɛ̀ ń kĩi, ɔ̃ aa nɔsɛlilɛ. 31Ɔ̃ Ablahaũ òɛ̀: Tó aai Mɔizi ń ãnabiɔ yãmao, baa tó gbɛ̃e bɔ̀ gau, aa yãpi sio.
Jelenleg kiválasztva:
Luk 16: Boo2024
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Boko Bible © SIM International, 2024.