Màtéwò 15
15
Yèésù wà wíìnyɛ̀ ti nára-ɛ̀kɔ́-gbágbóǹgbàgbò-ŋà ŋa
(Mákò 7:1-13)
1Náànyì-bɛ́ɛ̀#ɛ́, ɔma-ɛgbɛ́-Fàrísì† kã̀ŋa òŋu akɔ́nɛ nɛ́kpa-Ɔ̀ɖáyé† kã̀ŋa ti ńǹlú-Yèrúsàlɛ́mì wá ńɖi-Yèésù, tsí wà fɔ̀ fúu ní: 2Kí tse tsí ɔmatsɛ́‐ɛ̀ ŋa wà bàdzɛ́ orò-gbágbóǹgbàgbò ŋa bɛ́ɛ̀ ná? À kà wɔwɔ́ ńǹrɔ́-kíbí ó wà nórò-àŋa gbà#á tã́ná dzɛŋɛ́.
3Tsí Yèésù wà dzɔ́ŋù fú ŋa ní: Kí tse tsí àŋa gbo, à kò wà rɛ̃̀ si nɛ́kpa-Ɔ̀ɖáyé, tsí à wà tse si ńǹtá-orò tàŋa ká àŋa ni ná? 4Ɔ̀ɖáyé fɔ̀ si ní: “Nà nɛ́ àrísá fú boba-ɛ̀ɛ òŋu ìnà-ɛ̀ɛ méèdzì.” Tsí ó fɔ̀ gbo ró ní: “Ɛnɛ yèé ré fú boba‐ɛ̀ nàmí ìná‐ɛ̀#ɛ́ ká kpaá nóòkú.”#15:4 Ìwé-Fúfùɖá 20:12, Ìwé-Àkóro 5:16 (Exode 20:12, Deutéronome 5:16)
5Ó ɖi àŋa òŋu, à náa tsɛ̀kɔ́ fú ɔ̀nyà ŋa ní: Bí ɔ̀nyà-kã̀ fɔ̀ fú boba‐ɛ̀ nàmí ìná‐ɛ̀ ní iŋɛ́ yèé òŋu má fúu#ɛ́, òŋu ń tsɔ̀yà fú Ɔ̀ɖáyé, ó sã̀. 6Kò kpã́dzú ní ɛnɛ nyɛ̀ŋɛ̀ kó nɛ́ àrísá fú boba‐ɛ̀ nàmí ìná‐ɛ̀ ró. Tsí kíbí à wà tse bɛ́ɛ̀#ɛ́, à wà tse àtsùgbé-orò yèé gbágbóǹgbàgbò ŋa ɖá si#ɛ́, tsí wà nɔ afɔ̀-Ɔ̀ɖáyé#ɛ́ ǹɖe ńnɛ̀ɛ́. 7Ɔ̀nyà-atsendzɔdzú ŋa! Fee, afɔ̀-Yèsáyà† agbáfɔ̀-Ɔ̀ɖáyé fɔ̀†, ó dzàre ìɖéǹɖè kíbí ó gbɔ́ afɔ̀-Ɔ̀ɖáyé fɔ̀ ti nára-ŋɛ́#ɛ́. Ó ní:
8“Ɔ̀nyà yèé ŋa nyí wà nyɛ òŋu Ɔ̀ɖáyé nákpo bɛ́ gé ni.
Ó ɖi, ìsérè-ŋa kò wà bá òŋu.
9À wà tse nyɛ̀ŋɛ̀ nákpo gé ní àŋa wà sɛ̃ òŋu ni.
Iŋɛ́ yèé tse#ɛ́, orò yèé ɔ̀nyà ɖá#á, à náa múu kpe ɛkpa-Ɔ̀ɖáyé†,
tsí wà ń tsɛ̀kɔ́ fú ɔ̀nyà ŋa.”#15:9 Ìwé-Yèsáyà 29:13 (Ésaïe 29:13)
Kí náa múnɛ gbɛ̃ɛ̃́rĩ́ nódzú-Ɔ̀ɖáyé?
(Mákò 7:14-23)
10Tsí Yèésù kpe ɛnɛ yèé kpérí si ŋa#á, tsí wí fú ŋa ní: Ká rɛ̃tígbè, tsí ká gbɔ́ òkpì-afɔ̀ yèé bɛ́. 11Kò tsi iŋɛ́ yèé náa lɔ nárũ#ɛ́ ní náa gbɛ̃ɛ̃́rĩ́ ɔ̀nyà nódzú-Ɔ̀ɖáyé#ɛ́. Iŋɛ́ yèé ɔ̀nyà náa fɔ̀ fùɖá nárũ‐ɛ̀#ɛ́ ní náa gbɛ̃ɛ̃́rĩ́‐ɛ̀ nódzú-Ɔ̀ɖáyé#ɛ́.
12Tsí ɔmatsɛ́‐ɛ̀ ŋa sɔ́ tìmá‐ɛ̀, tsí fɔ̀ fúu ní: Ó mà ní kíbí ɔma-ɛgbɛ́-Fàrísì† ŋa gbɔ́ afɔ̀#ɛ́ ni kò tì ɖɔ́kpɔ fú ŋa bɔ̀ɔ̀?
13Tsí Yèésù gbo dzɔ́ŋù fú ŋa ní: Egi kí egi yèé boba-òŋu nɔ́ɔ̀rɔ̃ kò lɛ́#ɛ́, à nákó wáa wúu taánù. 14Ó ɖi, ká kɔ̀ ŋá dzɔ̀ɔ́ bɛ̀. Afɔ́dzú ŋa ní à dzɛ́#ɛ́, tsí à wà fa ɔ̀kpá fú afɔ́dzú ŋa gbo#ɛ́. Tsí bí afɔ́dzú-kã̀ wà fa ɔ̀kpá fú afɔ́dzú òmírɛ̃̀#ɛ́, àŋa méèdzì méèdzì#ɛ́ kpó nákó káà dzì ńfò.
15Òkúta gboŋù, tsí fɔ̀ fúu ní: Kó nya òkpì-òwe#ɛ́ fú àŋa.
16Tsí Yèésù ní: Àŋa gbo à kò nɛ́ ìrã̀ã́mà róò? 17À kò mà ní iŋɛ́ kpó yèé náa lɔ nárũ#ɛ́, náa lɔ ńnɔ́, tsí à náa tsuú ɖà náàgbótsu niì? 18Ó ɖi, iŋɛ́ yèé à náa fɔ̀ fùɖá nárũ#ɛ́ náa ti ńǹsérè-ɔ̀nyà ni, tsí òŋu ní náa múnɛ gbɛ̃ɛ̃́rĩ́ nódzú-Ɔ̀ɖáyé#ɛ́. 19Ńǹsérè-ɔ̀nyà ní ìsérè-íbàɖí ŋa náa ti#ɛ́, tsí à náa sɔ́nɛ ní ká kpanɛ nóòkú, ká gbaya gbo, ká gbɔkɔ gbo, ká tse àlòwá gbo, ká tsolè gbo, ká tsòɖòbò gbo, ká kpe ɛ́kɔ-nɛ#15:19 Ìwé kã̀ŋa fɔ̀ bí ní: Ká gbɛ̃ɛ̃́rĩ́ ɛ́kɔ fú Ɔ̀ɖáyé. gbo. 20Iŋɛ́ yèé ŋa wà múnɛ gbɛ̃ɛ̃́rĩ́ nódzú-Ɔ̀ɖáyé#ɛ́ ńnɛ̀ɛ́. Ó ɖi, ká máa wɔwɔ́ ńǹrɔ́-kíbí ó wà nórò gbà#á tã́ná dzɛŋɛ́, kò wà múnɛ gbɛ̃ɛ̃́rĩ́ nódzú-Ɔ̀ɖáyé.
Ɔnɔbɛ̃̀ɛ̃-ìlú-àledzò-kã̀ gba Yèésù gbɔ́
(Mákò 7:24-30)
21Náànyì-bɛ́ɛ̀#ɛ́, Yèésù ǹɖe ńlɛ̀-ɔma-Ìyúɖà† ŋa, tsí lɔ nɔ́wɔ́-erè-Tíre òŋu Sìɖɔ̃́nì. 22Ɔnɔbɛ̃̀ɛ̃-kã̀ wà ńlɛ̀-Kànàŋá bɛ̀, tsí ɔnɔbɛ̃̀ɛ̃#ɛ́ wá ńɖɔ̀‐ɛ̀, tsí kpé igbe ɖíɖá tɛ̀ náànyì‐ɛ̀ ní: Ɔ̀gá, ɔmalɔ́ma-Ɖàfíɖì† kó rí ànyínɔ́ fú òŋu ɖé ooò. Edzò†-kã̀ wà ɖɔ́kpɔ fú ɔma-òŋu ɔnɔbɛ̃̀ɛ̃, tsí wà múu réré kpíkpɔ̀.
23Ó ɖi, Yèésù kò tsí arũ si ńnɛ̀ fúu. Tsí ɔmatsɛ́‐ɛ̀ ŋa sɔ́ tìmá‐ɛ̀, tsí wà fɔ̀ fúu ní kó lé ɔnɔbɛ̃̀ɛ̃#ɛ́ lɔ.#15:23 À nákó nyáa gbɔ́ òkpì-afɔ̀#ɛ́ ní: “Kó gba ɔnɔbɛ̃̀ɛ̃#ɛ́ dzɔ̀ɔ́, tsí kó sɛ̃̀ náànyì-àŋa.” Ó ɖi, bɛ́ɛ̀ gé ní ó wà ɖúgbe tɛ̀ náànyì-àŋa bàa#á ńnɛ̀ɛ́.
24Tsí Yèésù dzɔ́ŋù ní: Ɔma-ìlú-Ìsàràyɛ́lì† ŋa wà si kíbí àgùɖã̀ yèé nɔ̀ ŋa#á. Tsí Ɔ̀ɖáyé bɛ òŋu wá fú ŋa.
25Ó ɖi, ɔnɔbɛ̃̀ɛ̃#ɛ́ tédzú lɔ káà kálɛ̀ nábɛ́‐ɛ̀, tsí ní: Ɔ̀gá, kó gbà fú òŋu ɖé.
26Tsí Yèésù dzɔ́ŋù ní: Kò sã̀ ní ká kɛ́ dzídzɛ yèé ɔma ŋa nákó dzɛ#ɛ́, tsí ń sɔ fú adzá ŋa.
27Tsí ɔnɔbɛ̃̀ɛ̃#ɛ́ gbo fɔ̀ fúu ní: Ɔ̀gá! Òtítɔ́ ni. Ó ɖi, adzá ŋa náa sì dzɛ àbùbɔ̀ yèé ŋa náa tsubú ńkpɔ̃rɔ̃-olówó-ŋa#á nɔ̀.
28Tsí Yèésù wà fɔ̀ fúu ńǹkɛ̀ɛ́ ní: Ɔnɔbɛ̃̀ɛ̃ yèé, ó karalé si ńǹtá-Ɔ̀ɖáyé héŋú. Ó ɖi, iŋɛ́ yèé ó wà wò#ɛ́ kó tsɛ fúu. Tsí náàsòkò nyɛ̀ŋɛ̀ tútútú#ɛ́, àrɔ̃̀#ɛ́ tã́ fú ɔma‐ɛ̀#ɛ́.
Yèésù bɔ àkɔ̃̀rɔ̃̀ kpíkpɔ̀, tsí sɛ̃ ɔnɔkɛ̃̀ɛ̃ ɛgbàá ɛgbàá ɔ̀nà méèdzì (4.000) ńdzídzɛ
29Yèésù ǹɖe nérè-bɛ̀, tsí lɔ nétí-oɖò-Gàlìlé. Kíbí ó tó ńbɛ̀#ɛ́, ó káà gu òkè-kã̀ lɔ, tsí lɔ káà dzokó si bɛ̀. 30Tsí ɔ̀nyà ŋa tsɛ́ kì, tsí wà lɔ ńɖɔ̀‐ɛ̀. À gbɛ̃́ arɔ ŋa òŋu afɔ́dzú ŋa, tsí gbɛ̃́ ɛnɛ yèé kò nɛ́ ìwàlɛ̀ ŋa#á òŋu mùnù ŋa má nára-àkɔ̃̀rɔ̃̀ òmírɛ̃̀ ŋa gbo wáa sɔ nábɛ́‐ɛ̀, tsí ó bɔ ŋá. 31Tsí kíbí ɔ̀nyà ŋa rí ní ó tse tsí mùnù ŋa wà wíìnyɛ̀, tsí ɛnɛ yèé kò nɛ́ ìwàlɛ̀ ŋa#á gbo wà ɖi abarakpá, tsí arɔ ŋa gbo wà rɛ̃̀ rere, tsí tse tsí afɔ́dzú ŋa gbo wà rírã#á, ó mù ŋá, tsí à nyɛ Ɔ̀ɖáyé yèé ɔma-Ìsàràyɛ́lì† ŋa wà sɛ̃̀#ɛ́.
(Mákò 8:1-10)
32Yèésù kpe ɔmatsɛ́‐ɛ̀ ŋa, tsí fɔ̀ fú ŋa ní: Inɔ́-ɔ̀nyà ŋa#á wà nyɔ́ òŋu, iŋɛ́ yèé tse#ɛ́, títí ńǹdzɛ́ɛta ní à wà bá òŋu si#ɛ́, tsí dzídzɛ kò wà fú ŋa ró, tsí ká dzɛ. Ó ɖi, òŋu kò wò ní òŋu kó fɔ̀ fú ŋa ní ká bɔ̀ lɔ bɛ́ɛ̀ nébi, àtsùgbée ara kó máa káà kú ŋa, tsí ká káà kí nɔ́ɔ̀nà.
33Tsí ɔmatsɛ́‐ɛ̀ ŋa bèrèé ní: Ńbisí àŋa nákó rí dzídzɛ ti, tsí ɔ̀nyà ɛ̀gbɛ̀lɛ́ɛ̀gbɛ̀ yèé kó dzɛ, tsí yó kíbí ńbíbɛ́ kí taánù#ɛ́?
34Tsí Yèésù wà bèrè ŋá ní: Kpɔ̃́nɔ́ mɛ́ɛló wà nɔ́wɔ́-ŋa bɛ̀? Tsí à ní: Kpɔ̃́nɔ́ méedze òŋu ɛdzã gbo oɖé.
35Tsí Yèésù fɔ̀ fú ɔ̀nyà ŋa#á ní: Ká dzokó ńlɛ̀ lɔ. 36Tsí ó kɛ́ kpɔ̃́nɔ́ méedze#ɛ́ òŋu ɛdzã ŋa#á, tsí ó ɖɔ́kpɛ́ fú Ɔ̀ɖáyé, tsí ó tsɛ́ ŋa, tsí ń bɔwɔ́-ɔmatsɛ́‐ɛ̀ ŋa, tsí àŋa gbo à ń kpɛ̃́ fú ɔ̀nyà ɛ̀gbɛ̀lɛ́ɛ̀gbɛ̀ ŋa#á. 37Tsí àŋa kpó à dzɛ títí yó. Tsí à se àbùbɔ̀ yèé kílɛ̀ ŋa#á kɔ̃́ agbã̀ méedze. 38Ɛnɛ yèé ŋa dzɛŋɛ́#ɛ́, à wà dzɛ́ ɔnɔkɛ̃̀ɛ̃ ɛgbàá ɛgbàá ɔ̀nà méèdzì (4.000). Ó ɖi, à kò kã ɔnɔbɛ̃̀ɛ̃ ŋa òŋu maɖé ŋa si ńnɛ̀. 39Tsí Yèésù fɔ̀ fú ŋa ní ká lɔ ńǹkɛ̀ɛ́, tsí ó káà wɔ̀ nɔ́kɔ̃̀-odzómi, tsí lɔ ńlɛ̀-Màgàɖánì.
Jelenleg kiválasztva:
Màtéwò 15: ngl
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© (Active), Wycliffe Bible Translators, Inc. All rights reserved.
Màtéwò 15
15
Yèésù wà wíìnyɛ̀ ti nára-ɛ̀kɔ́-gbágbóǹgbàgbò-ŋà ŋa
(Mákò 7:1-13)
1Náànyì-bɛ́ɛ̀#ɛ́, ɔma-ɛgbɛ́-Fàrísì† kã̀ŋa òŋu akɔ́nɛ nɛ́kpa-Ɔ̀ɖáyé† kã̀ŋa ti ńǹlú-Yèrúsàlɛ́mì wá ńɖi-Yèésù, tsí wà fɔ̀ fúu ní: 2Kí tse tsí ɔmatsɛ́‐ɛ̀ ŋa wà bàdzɛ́ orò-gbágbóǹgbàgbò ŋa bɛ́ɛ̀ ná? À kà wɔwɔ́ ńǹrɔ́-kíbí ó wà nórò-àŋa gbà#á tã́ná dzɛŋɛ́.
3Tsí Yèésù wà dzɔ́ŋù fú ŋa ní: Kí tse tsí àŋa gbo, à kò wà rɛ̃̀ si nɛ́kpa-Ɔ̀ɖáyé, tsí à wà tse si ńǹtá-orò tàŋa ká àŋa ni ná? 4Ɔ̀ɖáyé fɔ̀ si ní: “Nà nɛ́ àrísá fú boba-ɛ̀ɛ òŋu ìnà-ɛ̀ɛ méèdzì.” Tsí ó fɔ̀ gbo ró ní: “Ɛnɛ yèé ré fú boba‐ɛ̀ nàmí ìná‐ɛ̀#ɛ́ ká kpaá nóòkú.”#15:4 Ìwé-Fúfùɖá 20:12, Ìwé-Àkóro 5:16 (Exode 20:12, Deutéronome 5:16)
5Ó ɖi àŋa òŋu, à náa tsɛ̀kɔ́ fú ɔ̀nyà ŋa ní: Bí ɔ̀nyà-kã̀ fɔ̀ fú boba‐ɛ̀ nàmí ìná‐ɛ̀ ní iŋɛ́ yèé òŋu má fúu#ɛ́, òŋu ń tsɔ̀yà fú Ɔ̀ɖáyé, ó sã̀. 6Kò kpã́dzú ní ɛnɛ nyɛ̀ŋɛ̀ kó nɛ́ àrísá fú boba‐ɛ̀ nàmí ìná‐ɛ̀ ró. Tsí kíbí à wà tse bɛ́ɛ̀#ɛ́, à wà tse àtsùgbé-orò yèé gbágbóǹgbàgbò ŋa ɖá si#ɛ́, tsí wà nɔ afɔ̀-Ɔ̀ɖáyé#ɛ́ ǹɖe ńnɛ̀ɛ́. 7Ɔ̀nyà-atsendzɔdzú ŋa! Fee, afɔ̀-Yèsáyà† agbáfɔ̀-Ɔ̀ɖáyé fɔ̀†, ó dzàre ìɖéǹɖè kíbí ó gbɔ́ afɔ̀-Ɔ̀ɖáyé fɔ̀ ti nára-ŋɛ́#ɛ́. Ó ní:
8“Ɔ̀nyà yèé ŋa nyí wà nyɛ òŋu Ɔ̀ɖáyé nákpo bɛ́ gé ni.
Ó ɖi, ìsérè-ŋa kò wà bá òŋu.
9À wà tse nyɛ̀ŋɛ̀ nákpo gé ní àŋa wà sɛ̃ òŋu ni.
Iŋɛ́ yèé tse#ɛ́, orò yèé ɔ̀nyà ɖá#á, à náa múu kpe ɛkpa-Ɔ̀ɖáyé†,
tsí wà ń tsɛ̀kɔ́ fú ɔ̀nyà ŋa.”#15:9 Ìwé-Yèsáyà 29:13 (Ésaïe 29:13)
Kí náa múnɛ gbɛ̃ɛ̃́rĩ́ nódzú-Ɔ̀ɖáyé?
(Mákò 7:14-23)
10Tsí Yèésù kpe ɛnɛ yèé kpérí si ŋa#á, tsí wí fú ŋa ní: Ká rɛ̃tígbè, tsí ká gbɔ́ òkpì-afɔ̀ yèé bɛ́. 11Kò tsi iŋɛ́ yèé náa lɔ nárũ#ɛ́ ní náa gbɛ̃ɛ̃́rĩ́ ɔ̀nyà nódzú-Ɔ̀ɖáyé#ɛ́. Iŋɛ́ yèé ɔ̀nyà náa fɔ̀ fùɖá nárũ‐ɛ̀#ɛ́ ní náa gbɛ̃ɛ̃́rĩ́‐ɛ̀ nódzú-Ɔ̀ɖáyé#ɛ́.
12Tsí ɔmatsɛ́‐ɛ̀ ŋa sɔ́ tìmá‐ɛ̀, tsí fɔ̀ fúu ní: Ó mà ní kíbí ɔma-ɛgbɛ́-Fàrísì† ŋa gbɔ́ afɔ̀#ɛ́ ni kò tì ɖɔ́kpɔ fú ŋa bɔ̀ɔ̀?
13Tsí Yèésù gbo dzɔ́ŋù fú ŋa ní: Egi kí egi yèé boba-òŋu nɔ́ɔ̀rɔ̃ kò lɛ́#ɛ́, à nákó wáa wúu taánù. 14Ó ɖi, ká kɔ̀ ŋá dzɔ̀ɔ́ bɛ̀. Afɔ́dzú ŋa ní à dzɛ́#ɛ́, tsí à wà fa ɔ̀kpá fú afɔ́dzú ŋa gbo#ɛ́. Tsí bí afɔ́dzú-kã̀ wà fa ɔ̀kpá fú afɔ́dzú òmírɛ̃̀#ɛ́, àŋa méèdzì méèdzì#ɛ́ kpó nákó káà dzì ńfò.
15Òkúta gboŋù, tsí fɔ̀ fúu ní: Kó nya òkpì-òwe#ɛ́ fú àŋa.
16Tsí Yèésù ní: Àŋa gbo à kò nɛ́ ìrã̀ã́mà róò? 17À kò mà ní iŋɛ́ kpó yèé náa lɔ nárũ#ɛ́, náa lɔ ńnɔ́, tsí à náa tsuú ɖà náàgbótsu niì? 18Ó ɖi, iŋɛ́ yèé à náa fɔ̀ fùɖá nárũ#ɛ́ náa ti ńǹsérè-ɔ̀nyà ni, tsí òŋu ní náa múnɛ gbɛ̃ɛ̃́rĩ́ nódzú-Ɔ̀ɖáyé#ɛ́. 19Ńǹsérè-ɔ̀nyà ní ìsérè-íbàɖí ŋa náa ti#ɛ́, tsí à náa sɔ́nɛ ní ká kpanɛ nóòkú, ká gbaya gbo, ká gbɔkɔ gbo, ká tse àlòwá gbo, ká tsolè gbo, ká tsòɖòbò gbo, ká kpe ɛ́kɔ-nɛ#15:19 Ìwé kã̀ŋa fɔ̀ bí ní: Ká gbɛ̃ɛ̃́rĩ́ ɛ́kɔ fú Ɔ̀ɖáyé. gbo. 20Iŋɛ́ yèé ŋa wà múnɛ gbɛ̃ɛ̃́rĩ́ nódzú-Ɔ̀ɖáyé#ɛ́ ńnɛ̀ɛ́. Ó ɖi, ká máa wɔwɔ́ ńǹrɔ́-kíbí ó wà nórò gbà#á tã́ná dzɛŋɛ́, kò wà múnɛ gbɛ̃ɛ̃́rĩ́ nódzú-Ɔ̀ɖáyé.
Ɔnɔbɛ̃̀ɛ̃-ìlú-àledzò-kã̀ gba Yèésù gbɔ́
(Mákò 7:24-30)
21Náànyì-bɛ́ɛ̀#ɛ́, Yèésù ǹɖe ńlɛ̀-ɔma-Ìyúɖà† ŋa, tsí lɔ nɔ́wɔ́-erè-Tíre òŋu Sìɖɔ̃́nì. 22Ɔnɔbɛ̃̀ɛ̃-kã̀ wà ńlɛ̀-Kànàŋá bɛ̀, tsí ɔnɔbɛ̃̀ɛ̃#ɛ́ wá ńɖɔ̀‐ɛ̀, tsí kpé igbe ɖíɖá tɛ̀ náànyì‐ɛ̀ ní: Ɔ̀gá, ɔmalɔ́ma-Ɖàfíɖì† kó rí ànyínɔ́ fú òŋu ɖé ooò. Edzò†-kã̀ wà ɖɔ́kpɔ fú ɔma-òŋu ɔnɔbɛ̃̀ɛ̃, tsí wà múu réré kpíkpɔ̀.
23Ó ɖi, Yèésù kò tsí arũ si ńnɛ̀ fúu. Tsí ɔmatsɛ́‐ɛ̀ ŋa sɔ́ tìmá‐ɛ̀, tsí wà fɔ̀ fúu ní kó lé ɔnɔbɛ̃̀ɛ̃#ɛ́ lɔ.#15:23 À nákó nyáa gbɔ́ òkpì-afɔ̀#ɛ́ ní: “Kó gba ɔnɔbɛ̃̀ɛ̃#ɛ́ dzɔ̀ɔ́, tsí kó sɛ̃̀ náànyì-àŋa.” Ó ɖi, bɛ́ɛ̀ gé ní ó wà ɖúgbe tɛ̀ náànyì-àŋa bàa#á ńnɛ̀ɛ́.
24Tsí Yèésù dzɔ́ŋù ní: Ɔma-ìlú-Ìsàràyɛ́lì† ŋa wà si kíbí àgùɖã̀ yèé nɔ̀ ŋa#á. Tsí Ɔ̀ɖáyé bɛ òŋu wá fú ŋa.
25Ó ɖi, ɔnɔbɛ̃̀ɛ̃#ɛ́ tédzú lɔ káà kálɛ̀ nábɛ́‐ɛ̀, tsí ní: Ɔ̀gá, kó gbà fú òŋu ɖé.
26Tsí Yèésù dzɔ́ŋù ní: Kò sã̀ ní ká kɛ́ dzídzɛ yèé ɔma ŋa nákó dzɛ#ɛ́, tsí ń sɔ fú adzá ŋa.
27Tsí ɔnɔbɛ̃̀ɛ̃#ɛ́ gbo fɔ̀ fúu ní: Ɔ̀gá! Òtítɔ́ ni. Ó ɖi, adzá ŋa náa sì dzɛ àbùbɔ̀ yèé ŋa náa tsubú ńkpɔ̃rɔ̃-olówó-ŋa#á nɔ̀.
28Tsí Yèésù wà fɔ̀ fúu ńǹkɛ̀ɛ́ ní: Ɔnɔbɛ̃̀ɛ̃ yèé, ó karalé si ńǹtá-Ɔ̀ɖáyé héŋú. Ó ɖi, iŋɛ́ yèé ó wà wò#ɛ́ kó tsɛ fúu. Tsí náàsòkò nyɛ̀ŋɛ̀ tútútú#ɛ́, àrɔ̃̀#ɛ́ tã́ fú ɔma‐ɛ̀#ɛ́.
Yèésù bɔ àkɔ̃̀rɔ̃̀ kpíkpɔ̀, tsí sɛ̃ ɔnɔkɛ̃̀ɛ̃ ɛgbàá ɛgbàá ɔ̀nà méèdzì (4.000) ńdzídzɛ
29Yèésù ǹɖe nérè-bɛ̀, tsí lɔ nétí-oɖò-Gàlìlé. Kíbí ó tó ńbɛ̀#ɛ́, ó káà gu òkè-kã̀ lɔ, tsí lɔ káà dzokó si bɛ̀. 30Tsí ɔ̀nyà ŋa tsɛ́ kì, tsí wà lɔ ńɖɔ̀‐ɛ̀. À gbɛ̃́ arɔ ŋa òŋu afɔ́dzú ŋa, tsí gbɛ̃́ ɛnɛ yèé kò nɛ́ ìwàlɛ̀ ŋa#á òŋu mùnù ŋa má nára-àkɔ̃̀rɔ̃̀ òmírɛ̃̀ ŋa gbo wáa sɔ nábɛ́‐ɛ̀, tsí ó bɔ ŋá. 31Tsí kíbí ɔ̀nyà ŋa rí ní ó tse tsí mùnù ŋa wà wíìnyɛ̀, tsí ɛnɛ yèé kò nɛ́ ìwàlɛ̀ ŋa#á gbo wà ɖi abarakpá, tsí arɔ ŋa gbo wà rɛ̃̀ rere, tsí tse tsí afɔ́dzú ŋa gbo wà rírã#á, ó mù ŋá, tsí à nyɛ Ɔ̀ɖáyé yèé ɔma-Ìsàràyɛ́lì† ŋa wà sɛ̃̀#ɛ́.
(Mákò 8:1-10)
32Yèésù kpe ɔmatsɛ́‐ɛ̀ ŋa, tsí fɔ̀ fú ŋa ní: Inɔ́-ɔ̀nyà ŋa#á wà nyɔ́ òŋu, iŋɛ́ yèé tse#ɛ́, títí ńǹdzɛ́ɛta ní à wà bá òŋu si#ɛ́, tsí dzídzɛ kò wà fú ŋa ró, tsí ká dzɛ. Ó ɖi, òŋu kò wò ní òŋu kó fɔ̀ fú ŋa ní ká bɔ̀ lɔ bɛ́ɛ̀ nébi, àtsùgbée ara kó máa káà kú ŋa, tsí ká káà kí nɔ́ɔ̀nà.
33Tsí ɔmatsɛ́‐ɛ̀ ŋa bèrèé ní: Ńbisí àŋa nákó rí dzídzɛ ti, tsí ɔ̀nyà ɛ̀gbɛ̀lɛ́ɛ̀gbɛ̀ yèé kó dzɛ, tsí yó kíbí ńbíbɛ́ kí taánù#ɛ́?
34Tsí Yèésù wà bèrè ŋá ní: Kpɔ̃́nɔ́ mɛ́ɛló wà nɔ́wɔ́-ŋa bɛ̀? Tsí à ní: Kpɔ̃́nɔ́ méedze òŋu ɛdzã gbo oɖé.
35Tsí Yèésù fɔ̀ fú ɔ̀nyà ŋa#á ní: Ká dzokó ńlɛ̀ lɔ. 36Tsí ó kɛ́ kpɔ̃́nɔ́ méedze#ɛ́ òŋu ɛdzã ŋa#á, tsí ó ɖɔ́kpɛ́ fú Ɔ̀ɖáyé, tsí ó tsɛ́ ŋa, tsí ń bɔwɔ́-ɔmatsɛ́‐ɛ̀ ŋa, tsí àŋa gbo à ń kpɛ̃́ fú ɔ̀nyà ɛ̀gbɛ̀lɛ́ɛ̀gbɛ̀ ŋa#á. 37Tsí àŋa kpó à dzɛ títí yó. Tsí à se àbùbɔ̀ yèé kílɛ̀ ŋa#á kɔ̃́ agbã̀ méedze. 38Ɛnɛ yèé ŋa dzɛŋɛ́#ɛ́, à wà dzɛ́ ɔnɔkɛ̃̀ɛ̃ ɛgbàá ɛgbàá ɔ̀nà méèdzì (4.000). Ó ɖi, à kò kã ɔnɔbɛ̃̀ɛ̃ ŋa òŋu maɖé ŋa si ńnɛ̀. 39Tsí Yèésù fɔ̀ fú ŋa ní ká lɔ ńǹkɛ̀ɛ́, tsí ó káà wɔ̀ nɔ́kɔ̃̀-odzómi, tsí lɔ ńlɛ̀-Màgàɖánì.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© (Active), Wycliffe Bible Translators, Inc. All rights reserved.