JOHAN 1
1
Khrist Pathian Hihna
1Atung in Thu a-om a, Thu tuh Pathian kiang ah a-om, huai Thu Pathian ahi. 2Huai Thu mah atung in Pathian kiang ah a-om hi. 3Bangkim avek in ama siam ahi; thilsiam tengteng amah siam louh bangmah a-om kei. 4Amah ah hinna a-om, huai hinna mihingte vakna ahi. 5Mial lak ah vak ahong vak a; mial in huai azou kei hi.
6Pathian sawl mi khat a-om a, amin Johan ahi. 7Huai mi theihpihtu hi ding in ahong, huai vak toh kisai theihpih ding in, amah tawn a mi tengteng in agintak theihna ding un. 8Amah bel vak ahi kei a, vak thu theihpih ding a hong ahi zaw hi. 9Vak diktak, michih kiang a vakna pia, khovel ah ahong pailel ahi.
10Amah khovel ah a-om, khovel ama siam ahi, hinapi in khovel in amah athei kei hi.
Khrist Sa Hong Suahna
11Ama mite kiang ah ahong a, amite mahmah in ana pom kei uhi. 12Himahleh amah kipahpih a pom, amin gingtate tengteng kiang ah Pathian tate suahtheihna apia a: 13amaute sisan hiam, sa deihna hiam, mihing deihna hiam hilou in, Pathian suan a piang ahi zaw uhi. 14Huai Thu tuh sa ahong suak a, i lak uah ahong teng a, hehpihna leh thutak a dim in; athupina Pa Tapa tang neihsun thupina bangbang i muta uhi.
15Johan in amah theihpihna apia a, “Ka nung a hong paipa'n hon paikheng, amah ka ma a omsa him ahih ziak in, chi a athu ka genpa hiai ahi,” achi hi.
16Huan eite'n ataangchinna a kipan hehpihna tung a hehpih nawnsawnna i tang chiat uhi. 17Mosi zang a Dan piak ahi a, himahleh Jesu Khrist ziak in hehpihna leh thutak ahong om hi. 18Kuamah in chik lai mah in Pathian amu ngei kei; Tapa tang neihsun, Pa angsung a om in theihtheih in amah abawlta hi.
Baptispa Johan Thupuak
(Mat 3.1-12; Mar 1.1-8; Luk 3.1-18)
19Huan Judate'n, “Kua na hia?” chi a dong ding a, Jerusalem a kipan akiang a siampute leh Levi chi a mite asawl lai un hiaite Johan thu na theihsak ahi uhi.
20Ama'n chiangtak in agen a, “Khrist ka hi kei hi,” chi in apulak hi.
21Amau akiang ah, “Kua na hia le? Elijah na hi hia?” achi ua, adong uhi. Huan ama'n, “Ka hi kei,” achi hi. “Huai zawlnei na hi hia?” achi ua. Ama'n, “Hilou e,” chi in adawng hi.
22Amau akiang ah ahihleh, “Kua na hia? Hon sawlte ka dawntheihna ding un hon hilh in; na tanchin himhim bang ahia na gen ding?” achi uhi.
23Ama'n, zawlnei Isai gen bang in, “Toupa lampi hihtang un, chi a, gamdai a kikoupa aw ka hi,” achi hi.
24Amisawlte uh Pharisaite kiang a kipan kuate hiam ahi uhi. 25Amau akiang ah, “Khrist bek, Elijah bek, zawlnei bek na hih kei ngalleh bang achia baptis nak na hia le?” achi ua, adong nawn uhi.
26Johan in akiang uah, “Ke'n tui in ka hon baptis a, na lak uah mi khat na theih louh uh adingh ahi, 27amah ahi ka nung a hong pai dingpa, ka ma a omsa pen, akhedap khau phel tak leng ka hi kei,” chi in adawng hi.
28Hiaite Jordan gal a Bethani a Johan in abaptisna mun a thil tung ahi.
Pathian Belamnou
29Huan azing in Johan in akiang a hong pai Jesu amu a, agen a, “En un, Pathian Belamnou khovel khelhna lamangpa! 30Hiai ahi amah, mi khat ka nung a hong paipa, ka ma a omsa him ahi, ka chihpa. 31Amah lah ka na thei ngal kei a; himahleh Israelte kiang a amah latsak ahihna ding in tui a baptis in ka hong pai ahi,” achi hi.
32Huan Johan in athu atheisak a, “Vakhu bang in van a kipan Kha hong suk ka mu a, atung ah a-om nilouh,” chi in agen hi. 33Amah lah ka thei ngal kei a; himahleh tui a baptis ding a hon sawlpa'n ka kiang ah, “Kua tung ah leng Kha hong suk a atung a om na muh peuh, hiai tuh Kha Siangthou a baptispa ahi, ahon chi hi. 34Huai ka muta a, hiai mipa Pathian Tapa ahi chih ka theisakta hi,” achi hi.
Jesu Nungzui Masate
35Huan azing nawn in anungzui nihte toh Johan adingh a, 36Jesu vialvak vak lai a-en a, “En un, Pathian Belamnou!” achi hi.
37Anungzui nihte'n athugen aza ua, Jesu azuita uhi. 38Jesu akihei a, ahon zui uh amu a, akiang uah, “Bang ahia na zon uh?” achi hi. Amau, “Rabbi (huai tuh Sinsakpa chihna ahi), koi a teng na hia?” achi uhi.
39Ama'n akiang uah, “Hong le uchin na mu ding uh,” achi hi. Huchi in ahong pai ua, a-omna amu ua; huai hun dak sawmna vel ahih tak ziak in akiang ah huai ni ataam uhi. 40Johan thugen za a Jesu zui nihte lak a khat zaw pen Andru, Simon Peter sanggampa ahi. 41Ama'n amasapen in amah sanggampa Simon amu a, akiang ah, “Messia ka muta uh,” achi a, huai tuh Khrist chihna ahi. 42Huchi in Jesu'n amah ana en a, “Johan tapa Simon na hi, Kifas ahon chi ding uh,” achi a (huai tuh Peter chihna hi).
Philip leh Nathanael Sapna
43Huan azing in Jesu'n Galili gam a hoh atum a, Philip amu a, akiang ah, “Hon zui in,” achi hi. 44Philip bel Bethsaida khomi ahi a, Andru leh Peter omna khopi mah ahi. 45Philip in Nathanael amu a, akiang ah, atanchin Mosi in dan laibu a agelh leh zawlneite'n agelh uh, “Amah ka muta uhi, Nazaret Jesu, Joseph tapa,” achi hi.
46Nathanael in akiang ah, “Nazaret ah thil hoih apawt thei a hia?” achi hi. Philip in akiang ah, “Hong pai inla, en in,” achi hi.
47Jesu'n akiang a Nathanael hong dek in amu a, atanchin ana gen a, “En un, Israel mitak, khemna himhim nei lou,” achi hi.
48Nathanael in akiang ah, “Nang bangchidan a hon thei na hia?” achi hi. Jesu'n akiang ah, “Philip in nang ahon sap ma a, theipi bul a na om lai in, ka hon mu hi,” chi in adawng hi.
49Nathanael in akiang ah, “Rabbi, Pathian Tapa na hi, Israelte kumpipa na hi,” chi in adawng hi.
50Jesu'n akiang ah, “Theipi bul ah nang ka hon mu, na kiang a ka chih ziak in na gingta ahi maw? Hiaite sang a thil thupizaw na mu lai ding,” chi in adawng hi. 51Huan Jesu mah in akiang ah, “Chihtaktak in, chihtaktak in ka hon hilh ahi, van kihong a, Mihing Tapa tung a Pathian angelte kahtou leh kumsuk na mu ding uh,” achi hi.
Jelenleg kiválasztva:
JOHAN 1: PAITBSI
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 1
1
Khrist Pathian Hihna
1Atung in Thu a-om a, Thu tuh Pathian kiang ah a-om, huai Thu Pathian ahi. 2Huai Thu mah atung in Pathian kiang ah a-om hi. 3Bangkim avek in ama siam ahi; thilsiam tengteng amah siam louh bangmah a-om kei. 4Amah ah hinna a-om, huai hinna mihingte vakna ahi. 5Mial lak ah vak ahong vak a; mial in huai azou kei hi.
6Pathian sawl mi khat a-om a, amin Johan ahi. 7Huai mi theihpihtu hi ding in ahong, huai vak toh kisai theihpih ding in, amah tawn a mi tengteng in agintak theihna ding un. 8Amah bel vak ahi kei a, vak thu theihpih ding a hong ahi zaw hi. 9Vak diktak, michih kiang a vakna pia, khovel ah ahong pailel ahi.
10Amah khovel ah a-om, khovel ama siam ahi, hinapi in khovel in amah athei kei hi.
Khrist Sa Hong Suahna
11Ama mite kiang ah ahong a, amite mahmah in ana pom kei uhi. 12Himahleh amah kipahpih a pom, amin gingtate tengteng kiang ah Pathian tate suahtheihna apia a: 13amaute sisan hiam, sa deihna hiam, mihing deihna hiam hilou in, Pathian suan a piang ahi zaw uhi. 14Huai Thu tuh sa ahong suak a, i lak uah ahong teng a, hehpihna leh thutak a dim in; athupina Pa Tapa tang neihsun thupina bangbang i muta uhi.
15Johan in amah theihpihna apia a, “Ka nung a hong paipa'n hon paikheng, amah ka ma a omsa him ahih ziak in, chi a athu ka genpa hiai ahi,” achi hi.
16Huan eite'n ataangchinna a kipan hehpihna tung a hehpih nawnsawnna i tang chiat uhi. 17Mosi zang a Dan piak ahi a, himahleh Jesu Khrist ziak in hehpihna leh thutak ahong om hi. 18Kuamah in chik lai mah in Pathian amu ngei kei; Tapa tang neihsun, Pa angsung a om in theihtheih in amah abawlta hi.
Baptispa Johan Thupuak
(Mat 3.1-12; Mar 1.1-8; Luk 3.1-18)
19Huan Judate'n, “Kua na hia?” chi a dong ding a, Jerusalem a kipan akiang a siampute leh Levi chi a mite asawl lai un hiaite Johan thu na theihsak ahi uhi.
20Ama'n chiangtak in agen a, “Khrist ka hi kei hi,” chi in apulak hi.
21Amau akiang ah, “Kua na hia le? Elijah na hi hia?” achi ua, adong uhi. Huan ama'n, “Ka hi kei,” achi hi. “Huai zawlnei na hi hia?” achi ua. Ama'n, “Hilou e,” chi in adawng hi.
22Amau akiang ah ahihleh, “Kua na hia? Hon sawlte ka dawntheihna ding un hon hilh in; na tanchin himhim bang ahia na gen ding?” achi uhi.
23Ama'n, zawlnei Isai gen bang in, “Toupa lampi hihtang un, chi a, gamdai a kikoupa aw ka hi,” achi hi.
24Amisawlte uh Pharisaite kiang a kipan kuate hiam ahi uhi. 25Amau akiang ah, “Khrist bek, Elijah bek, zawlnei bek na hih kei ngalleh bang achia baptis nak na hia le?” achi ua, adong nawn uhi.
26Johan in akiang uah, “Ke'n tui in ka hon baptis a, na lak uah mi khat na theih louh uh adingh ahi, 27amah ahi ka nung a hong pai dingpa, ka ma a omsa pen, akhedap khau phel tak leng ka hi kei,” chi in adawng hi.
28Hiaite Jordan gal a Bethani a Johan in abaptisna mun a thil tung ahi.
Pathian Belamnou
29Huan azing in Johan in akiang a hong pai Jesu amu a, agen a, “En un, Pathian Belamnou khovel khelhna lamangpa! 30Hiai ahi amah, mi khat ka nung a hong paipa, ka ma a omsa him ahi, ka chihpa. 31Amah lah ka na thei ngal kei a; himahleh Israelte kiang a amah latsak ahihna ding in tui a baptis in ka hong pai ahi,” achi hi.
32Huan Johan in athu atheisak a, “Vakhu bang in van a kipan Kha hong suk ka mu a, atung ah a-om nilouh,” chi in agen hi. 33Amah lah ka thei ngal kei a; himahleh tui a baptis ding a hon sawlpa'n ka kiang ah, “Kua tung ah leng Kha hong suk a atung a om na muh peuh, hiai tuh Kha Siangthou a baptispa ahi, ahon chi hi. 34Huai ka muta a, hiai mipa Pathian Tapa ahi chih ka theisakta hi,” achi hi.
Jesu Nungzui Masate
35Huan azing nawn in anungzui nihte toh Johan adingh a, 36Jesu vialvak vak lai a-en a, “En un, Pathian Belamnou!” achi hi.
37Anungzui nihte'n athugen aza ua, Jesu azuita uhi. 38Jesu akihei a, ahon zui uh amu a, akiang uah, “Bang ahia na zon uh?” achi hi. Amau, “Rabbi (huai tuh Sinsakpa chihna ahi), koi a teng na hia?” achi uhi.
39Ama'n akiang uah, “Hong le uchin na mu ding uh,” achi hi. Huchi in ahong pai ua, a-omna amu ua; huai hun dak sawmna vel ahih tak ziak in akiang ah huai ni ataam uhi. 40Johan thugen za a Jesu zui nihte lak a khat zaw pen Andru, Simon Peter sanggampa ahi. 41Ama'n amasapen in amah sanggampa Simon amu a, akiang ah, “Messia ka muta uh,” achi a, huai tuh Khrist chihna ahi. 42Huchi in Jesu'n amah ana en a, “Johan tapa Simon na hi, Kifas ahon chi ding uh,” achi a (huai tuh Peter chihna hi).
Philip leh Nathanael Sapna
43Huan azing in Jesu'n Galili gam a hoh atum a, Philip amu a, akiang ah, “Hon zui in,” achi hi. 44Philip bel Bethsaida khomi ahi a, Andru leh Peter omna khopi mah ahi. 45Philip in Nathanael amu a, akiang ah, atanchin Mosi in dan laibu a agelh leh zawlneite'n agelh uh, “Amah ka muta uhi, Nazaret Jesu, Joseph tapa,” achi hi.
46Nathanael in akiang ah, “Nazaret ah thil hoih apawt thei a hia?” achi hi. Philip in akiang ah, “Hong pai inla, en in,” achi hi.
47Jesu'n akiang a Nathanael hong dek in amu a, atanchin ana gen a, “En un, Israel mitak, khemna himhim nei lou,” achi hi.
48Nathanael in akiang ah, “Nang bangchidan a hon thei na hia?” achi hi. Jesu'n akiang ah, “Philip in nang ahon sap ma a, theipi bul a na om lai in, ka hon mu hi,” chi in adawng hi.
49Nathanael in akiang ah, “Rabbi, Pathian Tapa na hi, Israelte kumpipa na hi,” chi in adawng hi.
50Jesu'n akiang ah, “Theipi bul ah nang ka hon mu, na kiang a ka chih ziak in na gingta ahi maw? Hiaite sang a thil thupizaw na mu lai ding,” chi in adawng hi. 51Huan Jesu mah in akiang ah, “Chihtaktak in, chihtaktak in ka hon hilh ahi, van kihong a, Mihing Tapa tung a Pathian angelte kahtou leh kumsuk na mu ding uh,” achi hi.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.