BOTHUBO 19
19
Sodommi Xine
1Kungumi kini huno avelau Sodom lo ighi kelo Lot ye aphughi liwolo iqaghi ae. Pano panongu ithulu kemtsa panongu sasu kushoniye puthughove eno pagi pishiqho pe panongu zulo itsaiqi 2no pi: “Akijeu nokujo, niye nokujo huthunike hile anie, idewo ikilo iloghi tsulo eno nokujo pukhu qhulo eno puthoye hila ngovelo. Inaqheno ithuno khilau wucheni kela wukepushi.” Ikemu pamano khochile pi, “Moe, ikujoye putholo alaghilalo ngonie.” 3Ikemu pano tsuikhomo pama iniju auvekehu pamano pakilo wuve. Lot no kholaqhi sumokeu sho shi puzu kuchukusho shipe pama tsue no pamano ti chu.
4Panonguno zuwunicheke zulo, Sodommiqono aki suholuve. Aphughi tipaulo kiptimi akeqo kumtsu, apumi muchomi pimono tile ae. 5Panonguno Lot ku no pavilo ishi pi, “Itiji ogholo ngoniye ighikemiqo hu khile ani kya? Pama nilau saipeghilo eno ninguno panongu sazunie.” 6Lot no panongu lau ipe puzu khalacheuno ahukikha khave 7no pi, “Athikuzumiqo, ino nongu qhuiniju ani lhoksakugha shi kevilo! 8Julo, inga kini ani, pamaye ililhothe aphike. Ipelo pama nongu lau saipeghi pelo eno nonguno pama kughape nongu gho apulou shilulo, ikemu timi hu pama lau kiumu shitsu kevilo, pamaye iki kicheqholo ighiveake, niye pama shokhalu masae.” 9Ikemu panonguno pi, “Hulave chhe.” Panonguno hi ghi ishi pi, “Timi hipauye inami shisu ni gholo ighi puzu kughakuthau shi aniye kuto anino-oe, hulave chhe, moaye hupama nguno oshouno alhoksa alau shiveni cheni no-oe,” ipi puzu ighive. 10Ikemu timi pama huno a-u chhopipe no aki alou Lot sunhesuluve eno ahukikha khave. 11Eno pamano timi ahukikha philo khalau akeqo kijemi na kitilami namu kumtsu nhethi kighichevetsu kehu panonguye ahukikha phujupuhano auve.
Lot no Sodom Qhive
12Timi pama huno Lot vilo ishi iniju, “Hipa phughilo obolomi kutami anima? Amakishiu na, anu noqo na anga noqo na eno abolomi kutami khuu khuu aghi namu hipaa lono sasu ipelulo, 13kughengu ninguye hipa phughi puhavetsuni chenie. Timi hipaqo ngukube keu shishe AMPEU tovae eno AMPEU no Sodom kutsave penike nikujo puwuke.” 14Ike Lot no ipe puzu pa makishiu shiniye akeqo vilo pi, “Ithulo eno hipau-a lono polulo, kughengu AMPEU no hipa phughi pukahveni cheni.” Ikemu paye ghavashi ani kughashi panongu no kumsuve.
15Kughou tsutho ipeghive keno kungumi pamano Lot hakiteghi pi, “Ithulo, onipu ngo onga hile akeu pama sasu ipevelo; tishi maye aphughi hipau puhake lono okuxu ghi puhavetsu nosake.” 16Lot ye kunachope ake. AMPEU no pa kimiyekeu akehu timi pamano Lot ngo panipu eno panga kini ishi au lono sunhe sasu aphughi kubalau sape puzu panongu phepuwuve. 17Pamano aphughi kubalau sapeghive no ishi pi, “Pututa kuxu ghenguno polulo! Athiu idewo jukevilo eno aqa lomu ngokevilo, ikemu nongu pithive nosake naghuto lo polulo!” 18Tile Lot no pama vilo pi, “O Akijeu, nipelo tishi pekevilo. 19Nokujono shishe ikupu ikimiye keuye ikuxu xalutsu keu huno pephe piyevae. Itehi, niye naghuto loye iqhomlae kutsakungo keuno ihaluve nani eno ino ti tomphi lono thivenosae. 20Aphu kitila hu akeu julo, eno tile powukulupu shi kupunu ani eno tiye aphu kitila ke. Ipelo hule powulu pelo, tiye ighono kitilake eno tishiaye ikuxu xaluni ae.” 21Ikelo pa vilo ishi pi, Niye ti pulovetsuae, nono piakeu phu hu niye pukahvetsu mae. 22Noye mtazu hule polulo. “Nono hule tolu miphi kutolo niye kiumu shimo ake.” Lot no tipa phu aghulo ipike ghenguno tipau je Zoar ipi kutsue.
Sodom ngo Gomora Puhave
23Lot no Zoar tokelo tsukinhe ipeghive. 24Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue. 25Pano aphughi, abokhuqa, aphughiqolo kughunakuami eno ayeghilo lhoipeghi aghikeu kumtsu kutsavetsue. 26Ikemu Lot nipuye pa thiu chekelo ighowo athiu juve ke lono liye amti tsukucho lakhi shive.
27Abraham ye inaqhe no ithu puzu khile pano AMPEU zulo puthughoa keno tipa-a lo wue. 28Pano Sodom ngo Gomora kudau aluzaqha lo jupuwu kelauye, tipaqha lono alu quakelo toi amchhi phobolei ipeghi aghikeu ithulue. 29Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.
Muabmi ngo Amunmi Ikoighi
30Lot ye Zoar lo ngonike musave kehu pa nga pama sasu naghutolo iqhove eno panongu atukilo ache. 31Ike anga anoghiuno ayitiu vilo ishi pi, “Nikujo papuh ye muchomi shiwochea eno ayeghilo timi lakhimu ningu lau ighi puzu timi kuxu ayehlo shichekeu toi shiluni chemova. 32Ighilo, nikujo papuh aji shokumzuni nolo, eno nikujo no pa sasu zunie, tishianguno nikujo papuh piti kughuko tsunie.” 33Tipaji pamano aji pa shokumzuve eno anga anoghiuno papuh sasu ashiaji kuqha, ikemu Lot ye shomzu pesu akelono kehu lino kughono zu eno kughono ithuve kela mthae. 34Thoghiu shikelo anga anoghiuno ayitiu vilo pi, “Ijino ino ipuh sasu ashiaji kuqha, ike nikujo itiji ghi aji pa shokumzuni nolo eno nono pa sasu ashiaji kuqhalo, tishianguno nikujo papuh piti kughuko puatsu kepushinie.” 35Pamano tipaji ghi pama papuh aji shokumzu eno ayitiuno li papuh sasu ashiaji kuqhae. Ikemu paye shomzu pesu ake lono kehu lino kughono zu eno kughono ithuvekela mthae. 36Tishikeu lono Lot nga kini kujo pama papuh no kimshive. 37Ike anga anoghiuno anu lakhi punue eno paje Muab kutsue. Tipauno ishi thoghilo Muabmi ipichekeqo pasuf ke. 38Anga ayitiu ghi anu lakhi punue eno paje Benam kutsue. Tipauno ishi thoghilo Amunmi ipi chekeqo passu ke.
Jelenleg kiválasztva:
BOTHUBO 19: SUMIBSI
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 19
19
Sodommi Xine
1Kungumi kini huno avelau Sodom lo ighi kelo Lot ye aphughi liwolo iqaghi ae. Pano panongu ithulu kemtsa panongu sasu kushoniye puthughove eno pagi pishiqho pe panongu zulo itsaiqi 2no pi: “Akijeu nokujo, niye nokujo huthunike hile anie, idewo ikilo iloghi tsulo eno nokujo pukhu qhulo eno puthoye hila ngovelo. Inaqheno ithuno khilau wucheni kela wukepushi.” Ikemu pamano khochile pi, “Moe, ikujoye putholo alaghilalo ngonie.” 3Ikemu pano tsuikhomo pama iniju auvekehu pamano pakilo wuve. Lot no kholaqhi sumokeu sho shi puzu kuchukusho shipe pama tsue no pamano ti chu.
4Panonguno zuwunicheke zulo, Sodommiqono aki suholuve. Aphughi tipaulo kiptimi akeqo kumtsu, apumi muchomi pimono tile ae. 5Panonguno Lot ku no pavilo ishi pi, “Itiji ogholo ngoniye ighikemiqo hu khile ani kya? Pama nilau saipeghilo eno ninguno panongu sazunie.” 6Lot no panongu lau ipe puzu khalacheuno ahukikha khave 7no pi, “Athikuzumiqo, ino nongu qhuiniju ani lhoksakugha shi kevilo! 8Julo, inga kini ani, pamaye ililhothe aphike. Ipelo pama nongu lau saipeghi pelo eno nonguno pama kughape nongu gho apulou shilulo, ikemu timi hu pama lau kiumu shitsu kevilo, pamaye iki kicheqholo ighiveake, niye pama shokhalu masae.” 9Ikemu panonguno pi, “Hulave chhe.” Panonguno hi ghi ishi pi, “Timi hipauye inami shisu ni gholo ighi puzu kughakuthau shi aniye kuto anino-oe, hulave chhe, moaye hupama nguno oshouno alhoksa alau shiveni cheni no-oe,” ipi puzu ighive. 10Ikemu timi pama huno a-u chhopipe no aki alou Lot sunhesuluve eno ahukikha khave. 11Eno pamano timi ahukikha philo khalau akeqo kijemi na kitilami namu kumtsu nhethi kighichevetsu kehu panonguye ahukikha phujupuhano auve.
Lot no Sodom Qhive
12Timi pama huno Lot vilo ishi iniju, “Hipa phughilo obolomi kutami anima? Amakishiu na, anu noqo na anga noqo na eno abolomi kutami khuu khuu aghi namu hipaa lono sasu ipelulo, 13kughengu ninguye hipa phughi puhavetsuni chenie. Timi hipaqo ngukube keu shishe AMPEU tovae eno AMPEU no Sodom kutsave penike nikujo puwuke.” 14Ike Lot no ipe puzu pa makishiu shiniye akeqo vilo pi, “Ithulo eno hipau-a lono polulo, kughengu AMPEU no hipa phughi pukahveni cheni.” Ikemu paye ghavashi ani kughashi panongu no kumsuve.
15Kughou tsutho ipeghive keno kungumi pamano Lot hakiteghi pi, “Ithulo, onipu ngo onga hile akeu pama sasu ipevelo; tishi maye aphughi hipau puhake lono okuxu ghi puhavetsu nosake.” 16Lot ye kunachope ake. AMPEU no pa kimiyekeu akehu timi pamano Lot ngo panipu eno panga kini ishi au lono sunhe sasu aphughi kubalau sape puzu panongu phepuwuve. 17Pamano aphughi kubalau sapeghive no ishi pi, “Pututa kuxu ghenguno polulo! Athiu idewo jukevilo eno aqa lomu ngokevilo, ikemu nongu pithive nosake naghuto lo polulo!” 18Tile Lot no pama vilo pi, “O Akijeu, nipelo tishi pekevilo. 19Nokujono shishe ikupu ikimiye keuye ikuxu xalutsu keu huno pephe piyevae. Itehi, niye naghuto loye iqhomlae kutsakungo keuno ihaluve nani eno ino ti tomphi lono thivenosae. 20Aphu kitila hu akeu julo, eno tile powukulupu shi kupunu ani eno tiye aphu kitila ke. Ipelo hule powulu pelo, tiye ighono kitilake eno tishiaye ikuxu xaluni ae.” 21Ikelo pa vilo ishi pi, Niye ti pulovetsuae, nono piakeu phu hu niye pukahvetsu mae. 22Noye mtazu hule polulo. “Nono hule tolu miphi kutolo niye kiumu shimo ake.” Lot no tipa phu aghulo ipike ghenguno tipau je Zoar ipi kutsue.
Sodom ngo Gomora Puhave
23Lot no Zoar tokelo tsukinhe ipeghive. 24Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue. 25Pano aphughi, abokhuqa, aphughiqolo kughunakuami eno ayeghilo lhoipeghi aghikeu kumtsu kutsavetsue. 26Ikemu Lot nipuye pa thiu chekelo ighowo athiu juve ke lono liye amti tsukucho lakhi shive.
27Abraham ye inaqhe no ithu puzu khile pano AMPEU zulo puthughoa keno tipa-a lo wue. 28Pano Sodom ngo Gomora kudau aluzaqha lo jupuwu kelauye, tipaqha lono alu quakelo toi amchhi phobolei ipeghi aghikeu ithulue. 29Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.
Muabmi ngo Amunmi Ikoighi
30Lot ye Zoar lo ngonike musave kehu pa nga pama sasu naghutolo iqhove eno panongu atukilo ache. 31Ike anga anoghiuno ayitiu vilo ishi pi, “Nikujo papuh ye muchomi shiwochea eno ayeghilo timi lakhimu ningu lau ighi puzu timi kuxu ayehlo shichekeu toi shiluni chemova. 32Ighilo, nikujo papuh aji shokumzuni nolo, eno nikujo no pa sasu zunie, tishianguno nikujo papuh piti kughuko tsunie.” 33Tipaji pamano aji pa shokumzuve eno anga anoghiuno papuh sasu ashiaji kuqha, ikemu Lot ye shomzu pesu akelono kehu lino kughono zu eno kughono ithuve kela mthae. 34Thoghiu shikelo anga anoghiuno ayitiu vilo pi, “Ijino ino ipuh sasu ashiaji kuqha, ike nikujo itiji ghi aji pa shokumzuni nolo eno nono pa sasu ashiaji kuqhalo, tishianguno nikujo papuh piti kughuko puatsu kepushinie.” 35Pamano tipaji ghi pama papuh aji shokumzu eno ayitiuno li papuh sasu ashiaji kuqhae. Ikemu paye shomzu pesu ake lono kehu lino kughono zu eno kughono ithuvekela mthae. 36Tishikeu lono Lot nga kini kujo pama papuh no kimshive. 37Ike anga anoghiuno anu lakhi punue eno paje Muab kutsue. Tipauno ishi thoghilo Muabmi ipichekeqo pasuf ke. 38Anga ayitiu ghi anu lakhi punue eno paje Benam kutsue. Tipauno ishi thoghilo Amunmi ipi chekeqo passu ke.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.