Matìyò Tʉ nyʉ̀ a və diʼ a ŋwàʼlə̀ ghèn

Tʉ nyʉ̀ a və diʼ a ŋwàʼlə̀ ghèn

Ŋwàʼlə̀ ə ntɨm ə jùŋ a Matìyò nyòʼo ndiʼ shə̀ʼtə̀ la Yesò diʼ Mbwòŋsə̀ yì a və ntɨmə. A ndiʼ chò fa wen a Nyìngòŋ ə nlwinsə kənyʉ̀ a ghə̀ ngaʼ li ghʉ̀ a viʼi wen a tyi ŋwàʼlə̀ məkàyn mə mumə̀. Ntɨm ə jùŋə a ghèn nko diʼ to a viʼi Jus, ghə̀ be diʼ to viʼi mbyi venə no vətsèm.

Ŋwàʼlə̀ Matìyò diʼ mu və nyòʼo to a mbaʼ mbaʼ. Ghə̀ zìtə̀ nə̀ mbwi Yesò, nə̀ nshi a mù wen, nə̀ jì a mwomsə nvì a wen. Nə̀ jì a ghə̀ nzìtə̀ shwèʼè wen, sə shə̀ʼtə̀ kənyʉ̀ kə Nyìngòŋ, ziʼi viʼi be chʉʼ viʼi a Galìlì. Nə̀ jì a Yesò lù fa Galìlì ə kuʼ a Jelusalèm. Nə̀ nyʉ̀ vyì a və ncho a woŋ myetə ghə̀ a Jelusalèm mimbu Yesò sə pfʉ. Nə̀ ando və mbayntə wen a kəntò, nə̀ məlù wen fa pfʉ ə be diʼi wenə wen a viʼi no vəghoʼo.

Nyʉ̀ a Yesò nziʼi diʼ mu və gə̀sə̀ a ntemə ətàyn: (1) Ntsìnə̀ a viʼi Nyìngòŋ diʼ nkiʼi, nə̀ nyʉ̀ a vəwenə diʼ nè, nə̀ fo a vəwenə diʼ kiʼi, nə̀ nyʉ̀ a və lu fʉ̀ a vəwenə (Ntemə 5-7); (2) Shwèʼè a ndzɨ̀mtə̀sə bàm ə wen njʉ̀sə̀ bò diʼi ə nè. (Ntemə 10); (3) Ngàynsə a sə gaʼa byìʼì kəshi kə foynə Nyìngòŋ a kàŋ. (Ntemə 13); (4) Təziʼi byìʼì jì a wìʼ diʼ nkuʼsə Nyìngòŋ fa tsu, (Ntemə 18); (5) Təziʼi byìʼì nyʉ̀ a və fʉ̀ luwen, nə̀ vyi a vəlu fʉ̀ a tʉʼ a Yesò ə lu vì, (Ntemə 24-25).

Jì a və gəsə ŋwàʼlə̀ ghèn fa tsu rtr

Ngwaʼ ngə̀ŋ Yesò Klistò nə̀ bwi wen 1.1–2.23

Jì a Joyn ə wù ku a mu ə ne shwèʼè wen fa tsu 3.1-12

Yesò shi mu Satan mwòmsə wen 3.13–4.11

Ə shwèʼè ə Yesò a shə Galìlì 4.12–18.35

Yesò lu fa shə Galìlì kuʼ a Jelusalèm 19.1–20.34

Məntsi mə kəmwetə ə Yesò a Jelusalèm benə a benə Jelusalèm 21-27

Ando Bobo nlu fa pfʉ ə dìʼ wenə wen à viʼi no və ghoʼo 28.1-20

Jelenleg kiválasztva:

Matìyò Tʉ nyʉ̀ a və diʼ a ŋwàʼlə̀ ghèn: bbkDBLnt

Kiemelés

Megosztás

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

Tudj meg többet a következőről: The New Testament in the Babanki language

Matìyò Tʉ nyʉ̀ a və diʼ a ŋwàʼlə̀ ghèn

Népszerű bibliai igeversek innen:
Matìyò Tʉ nyʉ̀ a və diʼ a ŋwàʼlə̀ ghèn

Biblia:

Babanki

Fordítás: The New Testament in the Babanki language - bbkDBLnt