Noo Mian 20
20
CAB. XX.
1Son ta reeriaght niau casley rish dooinney va ny ar‐thie, hie magh dy moghey, dy ailley labreeyn son e gharey‐feeney.
2As tra ve er chordail rish ny labreeyn son ping ’sy laa, hug e ad stiagh ayns e gharey‐feeney.
3As hie e magh my‐geart y tress oor, as honnick e feallagh elley ny shassoo nyn daaue ayns ynnyd y vargee,
4As doort e roo, Gow‐jee shiuish myrgeddyn stiagh ayns y gharey‐feeney, as verryms diu cre‐erbee ta cairagh. As hie ad rumboo.
5Reeshtagh hie e magh my‐geart y cheyoo as yn nuyoo oor, as ren e er yn aght keddyn.
6As my‐geart yn yn oor jeig, hie e magh, as hooar e feallagh elley ny shassoo nyn daaue, as doort e roo, Cre’n fa ta shiu nyn shassoo ayns shoh fey laa nyn daaue?
7Doort adsyn rish, Er‐yn‐oyr nagh vel dooinney erbee er vailley shin. Doort eshyn roo, Gow‐jee shiuish myrgeddyn stiagh ayns y gharey‐feeney, as yiow shiu cre‐erbee ta cairagh.
8Myr shen tra va’n fastyr er jeet, doort chiarn y gharey‐feeney rish y stioort echey, Eie er ny labreeyn, as cur daue nyn vail, goall toshiaght veih yn vooinjer stierree gys y chied eallagh.
9As tra haink feallagh yn yn oor jeig, hooar ad dy chooilley ghooinney ping.
10Agh tra haink y chied eallagh, heill ad dy voghe ad ny smoo, as hooar adsyn myrgeddyn dy chooilley ghooinney ping.
11As tra va’d er ghoal eh, loar ad dy jymmoosagh rish yn far‐thie,
12Gra, Cha vel yn vooinjer stierree shoh er nobbragh agh yn oor, as t’ow er nianoo ad corrym rooinyn, t’er nymmyrkey errey as chiass y laa.
13Agh dreggyr eshyn fer jeu, gra, Heshey vie, cha vel mish janoo aggair dhyt: Nagh choard uss rhyms son ping?
14Trog shen ny ta liat, as immee royd: m’aigney’s eh dy choyrt da’n fer stierree shoh; myr ta mee er chur dhyts.
15Nagh vel eh lowal dou, dy yanoo cre saillym rish my chooid hene? Vel dty hooyls olk, er‐y‐fa dy vel mish mie?
16Myr shen bee adsyn ta er jerrey hoshiaght, as adsyn ta hoshiaght er jerrey: son ta ymmodee er nyn eam, agh beggan er nyn reih.
17¶ As myr va Yeesey goll seose gys Jerusalem, ghow e yn daa ostyl yeig dy liattee er y raad, as doort e roo,
18Cur‐my‐ner ta shin goll seose gys Jerusalem, as bee mac y dooinney er ny vrah gys ny ard‐saggyrtyn, as gys ny scruderyn, as deyree ad e gy baase,
19As livrey‐ee ad e hucsyn jeh ny ashoonyn quaagh, dy chraidey mish, as dy chustey, as dy chrossey e: as er y tress laa nee e girree reesht.
20¶ Eishtagh haink huggey moir cloan Zebedee, as e meck mâree, cur ooashley da, as shirrey aghin er.
21As doort e ree, Cre bailt? Doort ish rish, Lhow da my ghaa vac dy hoie, yn derrey yeh er dty laue yesh, as y jeh elley er dty laue chiare ayns dty reeriaght.
22Agh dreggyr Yeesey as doort e, Cha s’eu cre ta shiu dy yearree. Vel shiu able giu jeh’n cappan ta mish giu jeh, as v’er nyn mashtey lesh y bashtey ta mish bashtit lesh? Doort adsyn rish, Ta shin able.
23As doort e roo, Ivee shiu dy jarroo jeh my chappan, as bee shiu er nyn mashtey lesh y bashtey ta mish bashtit lesh: agh dy hoie er my laue yesh as er my laue chiare, cha vel shen liams dy choyrt, agh ny lomarcan dauesyn, er nyn son te kiaddit liorish my Ayr.
24As tra cheayl yn jeih shoh, va’d feer jymmoosagh rish y daa vraar.
25Agh deie Yeesey orroo huggey, as doort e, Ta fys eu dy vel prinsyn ny ashoonyn quaagh gymmyrkey reill harrystoo, as ta ny deney moarey gymmyrkey torrity nyn mastey.
26Agh cha bee eh myr shen nyn mastey eauish: agh quoi‐erbee eavish ballish ve moar, lig e ve ry hoi shirveish erriu.
27As quoi‐erbee syrjey ballish y ve nyn mast eu, lig e ve yn chiarvaant eu.
28Myr nagh daink yn mac dooinney dy ve shirveishit, agh dy hirveish, as dy chur e vioys ny liassaghey son ymmodee.
29As tra va’d er nimmeeaght veih Jericho, deyr earrooyn moarey dy leih er.
30¶ As cur‐my‐ner, va daa ghooinney doal nyn soie rish liattee yn raad, as tra cheayl ad dy row Yeesey goll shiaghey, deie ad, gra, Jean myghin orrin, O Hiarn, vac Ghavid.
31As va’n pobble cur oghsan daue, dy voddagh ad nyn jengey chummal: agh deie adsyn wheesh shen smoo, gra, Jean myghin orrin, O Hiarn, vac Ghavid.
32As hass Yeesey, as deie e orroo, as doort e, Cre balliu mee dy yanoo er nyn son eu?
33Doort adsyn rish, Hiarn, dy vod ny sooyllyn ain v’er nyn vosley.
34Myr shen va chymmey ec Yeesey orroo, as venn e rish ny sooyllyn oc: as chelleeragh hooar ny sooyllyn oc nyn soilshey, as deyr ad er.
Jelenleg kiválasztva:
Noo Mian 20: NMian
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
historic text maintained in digital form by the British and Foreign Bible Society (Sheshaght y Vible)