Нүүдл 3
3
Моше болн шатчах бура
1Моше эврәннь хадм эцк Итрон, Мидьяна гелңгин, хөөдиг хәрүлҗәлә. Нег дәкҗ эн хөөдтәһән холд, көдә һазрт, күрнә. Хорив гидг нертә Бурхна уулын#3:1 Хорив гидг нертә уул Библьд Синай гиҗ бас нерәдгднә. өөр ирнә. 2Тенд нег бура дотр шатчах һал мет Бурхна элч бууҗ ирнә. Моше үзнә: бура падрад шатчана, болв унтрхш. 3«Өөрдәд эн өврмҗтә йовдлыг хәләнәв, – гиҗ эн санв. – Юңгад эн бура шатсн бийнь эс чилҗәхмб?»
4Деед Эзн Мошег хәләхәр өөрдҗ ирсинь үзәд, шатчах бура дотрас терүг дуудна:
– Моше, Моше!
– Би эн бәәнәв! – гиҗ тернь хәрү өгнә.
5Бурхн келҗәнә:
– Бичә нааран өөрд. Буршмган тәәл: чини зогсчах орм – энчнь әрүн һазр. 6Би чини өвкнрин Бурхмб, – гиҗ Эн Мошед келнә. – Би Абрахамин, Ицхакин, Яковин Бурхмб.
Моше чирәһән бултулв: эн Бурхн тал хәләхәсн сүрдв.
7Деед Эзн келҗәнә:
– Египетд Мини олн улс яһҗ зовҗахинь Би үзҗәнәв. Нөкд болтха гиһәд дөң эдн сурҗахинь соңсҗанав – хармҗлгчнр даҗрҗана эдниг! Мини келн-улс яһҗ түрҗәхинь Би медҗәнәв. 8Би келн-улсан Египетин әмтнәс харсхар бууҗ ирүв. Тедниг үс болн бал һарһҗах сән, у-өргн һазрур – кананахна, хетмүдин, амореймүдин, перизмүдин, хивеймүдин болн евүсмүдин нутгур көтлҗ һарһх зөвтәв. 9Израилин улсин түңшлһн, нөкд болхинь сурҗахнь Нанд соңсгдв: Египетин улс эдниг яһҗ даҗрҗахинь Би үзүв. 10Йов! Би чамаг Египетин хан тал йовулҗанав: Мини улсиг, Израилин улсиг Египетәс көтлҗ һарһ!
11Зуг Моше келҗәнә:
– Хаанд одад, Египетәс Израилин улсиг көтлҗ һарһх би кемб?
12Бурхн энүнд хәрү өгчәнә:
– Би чамла бәәхв. Чи Мини элч болҗахин темдг эн: Египетәс Мини келн-улсиг көтлҗ һарһчкад, тадн ирәд эн уул деер Бурхнд мөргхит.
Бурхн Мошед Эврәннь нерән медүлҗ келнә
13Моше сурв:
– Би Израилин улс тал ирәд келнәв: «Намаг тадн тал Тана эцкнрин Бурхн йовулв». «Терүнә нернь кемб?» – гиҗ әмтн сурхлань, би ямаран хәрү өгхмб?
14Бурхн Мошед келнә:
– Би Мөңк Бурхмб#3:14 Мөңк Бурхн – еврей келәр «Би Тер, Би болсарн болҗанав».. «Намаг тадн тал Мөңк Бурхн илгәв», – гиҗ Израилин улст хәрү өг.
15– Абрахамин, Ицхакин болн Яковин – тадна өвкнрин Бурхн Яхве намаг йовулв гиҗ Израилин улст хәрү өг. Эн Мини нерн үйәс үйд мөңкинд үлдх, – гиҗ Бурхн Мошед келв.
16Йовад Израилин медәтнриг цуглул, тегәд теднд кел: «Деед Эзн, тадна эк-эцкнрин Бурхн – Абрахамин, Ицхакин болн Яковин Бурхн – нанд үзгдәд келв: Би тадн тал хәләһәд, Египетд таднла юн болҗахинь үзүв. 17Тегәд Би тадниг Египетин даҗрлһнас кананахна, хетмүдин, амореймүдин, перизмүдин, хивеймүдин болн евүсмүдин һазрур, үс болн бал һарһҗах һазрур, көтлҗ һарһнав гиҗ таднд келҗәнәв».
18Израилин медәтнр чамаг соңсх, чамла хамдан Египетин хаанур йовад, тадн энүнд келхит: «Маднд еврей улсин Деед Эзн Бурхн ил үзгдв. Көдә һазрур һурвн өдртән йовад, тенд Деед Эзнд, мана Бурхнд, тәкл тәкхд зөвшәл өгтн». 19Мини һарин күчн-чидл эс үзүлтл, Египетин хан таднд йовх зөв өгшгог Би меднәв. 20Тегәд чигн Би һаран энүн деер өргәд, Би Египетиг үзгдәд уга өвәрц йовдлмудар күүчнәв, тиигхлә эн тадниг сулдхад оркх. 21Египетин әмтн таднд тусан күргәд, тадн Египетәс хоосаһар һаршгог Би теткнәв. 22Тана күүкд улс өөр-шидр бәәдг күүкд улсас цаһан мөңг, алт, хувц-хунр сурх, тадн эврә көвүдән болн күүкдән кеерүлхит. Тиигҗ тадн Египетәс ик зөөртә һархит.
Jelenleg kiválasztva:
Нүүдл 3: ХКО_ӘБ
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023
Нүүдл 3
3
Моше болн шатчах бура
1Моше эврәннь хадм эцк Итрон, Мидьяна гелңгин, хөөдиг хәрүлҗәлә. Нег дәкҗ эн хөөдтәһән холд, көдә һазрт, күрнә. Хорив гидг нертә Бурхна уулын#3:1 Хорив гидг нертә уул Библьд Синай гиҗ бас нерәдгднә. өөр ирнә. 2Тенд нег бура дотр шатчах һал мет Бурхна элч бууҗ ирнә. Моше үзнә: бура падрад шатчана, болв унтрхш. 3«Өөрдәд эн өврмҗтә йовдлыг хәләнәв, – гиҗ эн санв. – Юңгад эн бура шатсн бийнь эс чилҗәхмб?»
4Деед Эзн Мошег хәләхәр өөрдҗ ирсинь үзәд, шатчах бура дотрас терүг дуудна:
– Моше, Моше!
– Би эн бәәнәв! – гиҗ тернь хәрү өгнә.
5Бурхн келҗәнә:
– Бичә нааран өөрд. Буршмган тәәл: чини зогсчах орм – энчнь әрүн һазр. 6Би чини өвкнрин Бурхмб, – гиҗ Эн Мошед келнә. – Би Абрахамин, Ицхакин, Яковин Бурхмб.
Моше чирәһән бултулв: эн Бурхн тал хәләхәсн сүрдв.
7Деед Эзн келҗәнә:
– Египетд Мини олн улс яһҗ зовҗахинь Би үзҗәнәв. Нөкд болтха гиһәд дөң эдн сурҗахинь соңсҗанав – хармҗлгчнр даҗрҗана эдниг! Мини келн-улс яһҗ түрҗәхинь Би медҗәнәв. 8Би келн-улсан Египетин әмтнәс харсхар бууҗ ирүв. Тедниг үс болн бал һарһҗах сән, у-өргн һазрур – кананахна, хетмүдин, амореймүдин, перизмүдин, хивеймүдин болн евүсмүдин нутгур көтлҗ һарһх зөвтәв. 9Израилин улсин түңшлһн, нөкд болхинь сурҗахнь Нанд соңсгдв: Египетин улс эдниг яһҗ даҗрҗахинь Би үзүв. 10Йов! Би чамаг Египетин хан тал йовулҗанав: Мини улсиг, Израилин улсиг Египетәс көтлҗ һарһ!
11Зуг Моше келҗәнә:
– Хаанд одад, Египетәс Израилин улсиг көтлҗ һарһх би кемб?
12Бурхн энүнд хәрү өгчәнә:
– Би чамла бәәхв. Чи Мини элч болҗахин темдг эн: Египетәс Мини келн-улсиг көтлҗ һарһчкад, тадн ирәд эн уул деер Бурхнд мөргхит.
Бурхн Мошед Эврәннь нерән медүлҗ келнә
13Моше сурв:
– Би Израилин улс тал ирәд келнәв: «Намаг тадн тал Тана эцкнрин Бурхн йовулв». «Терүнә нернь кемб?» – гиҗ әмтн сурхлань, би ямаран хәрү өгхмб?
14Бурхн Мошед келнә:
– Би Мөңк Бурхмб#3:14 Мөңк Бурхн – еврей келәр «Би Тер, Би болсарн болҗанав».. «Намаг тадн тал Мөңк Бурхн илгәв», – гиҗ Израилин улст хәрү өг.
15– Абрахамин, Ицхакин болн Яковин – тадна өвкнрин Бурхн Яхве намаг йовулв гиҗ Израилин улст хәрү өг. Эн Мини нерн үйәс үйд мөңкинд үлдх, – гиҗ Бурхн Мошед келв.
16Йовад Израилин медәтнриг цуглул, тегәд теднд кел: «Деед Эзн, тадна эк-эцкнрин Бурхн – Абрахамин, Ицхакин болн Яковин Бурхн – нанд үзгдәд келв: Би тадн тал хәләһәд, Египетд таднла юн болҗахинь үзүв. 17Тегәд Би тадниг Египетин даҗрлһнас кананахна, хетмүдин, амореймүдин, перизмүдин, хивеймүдин болн евүсмүдин һазрур, үс болн бал һарһҗах һазрур, көтлҗ һарһнав гиҗ таднд келҗәнәв».
18Израилин медәтнр чамаг соңсх, чамла хамдан Египетин хаанур йовад, тадн энүнд келхит: «Маднд еврей улсин Деед Эзн Бурхн ил үзгдв. Көдә һазрур һурвн өдртән йовад, тенд Деед Эзнд, мана Бурхнд, тәкл тәкхд зөвшәл өгтн». 19Мини һарин күчн-чидл эс үзүлтл, Египетин хан таднд йовх зөв өгшгог Би меднәв. 20Тегәд чигн Би һаран энүн деер өргәд, Би Египетиг үзгдәд уга өвәрц йовдлмудар күүчнәв, тиигхлә эн тадниг сулдхад оркх. 21Египетин әмтн таднд тусан күргәд, тадн Египетәс хоосаһар һаршгог Би теткнәв. 22Тана күүкд улс өөр-шидр бәәдг күүкд улсас цаһан мөңг, алт, хувц-хунр сурх, тадн эврә көвүдән болн күүкдән кеерүлхит. Тиигҗ тадн Египетәс ик зөөртә һархит.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023