Эклц 40
40
Бәрәнд бәәх әмтнә зүүд Йосип тәәлнә
1Тер йовдлмудын хөөн невчкн цаг давхла, хаанд чаһр белддг болн өдмг болһдг хойр күн хаана өмнәс буру йовдл һарһна. 2Хан теднд уурлна. 3Тегәд тедниг хаана бәәшңгин маначнрин ахлачин медәнд бәәсн түүрмд орулна. Тер түүрмд Йосип бәрәнд бәәҗ. 4Хаана бәәшңгин маначнрин ахлач теднд зарц болтха гиһәд Йосипиг тәвнә. Цаг давна, 5нег дәкҗ сөөһәр бәрәнд бәәх хойр һардачнрт – хаанд чаһр белддгт болн өдмг болһдгт – зүүдн орна. Күн болһн эврә чинртә онц зүүд үзнә. 6Йосип өрүһәр ирхләрн, тедн үүмәтә бәәсинь үзнә.
7– Яһад тадн үүмҗәнәт? – гиҗ Йосип сурна.
Хаана өөрхн улс – Йосипта хамдан бәрәнд бәәх хойр күн 8иигҗ хәрү өгнә:
– Бидн зүүдд үзвидн. Терүг тәәлдг күн энд уга.
– Бурхнас тәәлвр ирдмн. Тер зүүддән нанд келҗ өгтн, – гиҗ Йосип келнә.
9– Өмнм уста үзмин ац үзгдсн болҗ нанд зүүдн орна. 10Терүн деер һурвн иш бәәҗ. Тедн урһҗана, цецгүд һарна, темсн үзгднә, уста үзмин темсн болна. 11Һартм болхла хаана чаһр уудг сав бәрәтә. Би уста үзмин темс таслҗ авад, базһад, шүүсинь савд кеһәд, хаанд өгчәҗүв, – гиҗ хаанд чаһр белддг күн келнә.
12– Чини зүүднә тәәлвр эн, – гиҗ Йосип терүнд келнә. – Һурвн иш гиснчнь энчнь һурвн өдр. 13Һурвн өдр давхла, хан чамаг түүрмәс сулдхх: урдк ормдчнь чамаг дуудҗ хәрү орулх. Чи урдклаһан әдл терүнд чаһрта сав бәрүлҗ өгдг күн болхич. 14Зуг мини сурсиг күцә: кемр кишг учрхла, мини тускар хаанд келәд орк, бичә март. Намаг эндәс һарһҗ үзтхә! 15Намаг еврейин һазрас хулхалҗ авлус! Энд би түүрмд суулһх дүңгә юм мел һарһсн угав!
16Терүнд сән тәәлвр өгчәхинь үзәд, хаанд өдмг болһдг күн иигҗ келнә:
– Нанд болхла, мини толһа деер һурвн зембль бәәсн болна: 17дееркднь – һуйрар болһсн зүсн-зүүл хот. Тиим юм хаанд болһҗ өгнә. Тер зембләс шовуд чоңкад идҗәҗ.
18– Чини зүүднә тәәлвр эн, – гиҗ Йосип терүнд келнә. – Һурвн зембль – энчнь һурвн өдр. 19Һурвн өдр болад, хан чамаг бас түүрмәс сулдхх, болв толһаһичн таслх. Чамаг үзүртә бахнд өлгх, чини махмудыг шовуд чоңкад идх.
20Һурв хонад хаана һарсн өдр болна. Хан эврәннь өөрхн улсан дуудад, нәр кенә. Хурсн улсин нүүрт хан тер хойр күүг сулдхна. Эннь чаһр белддг, өдмг болһдг хойр толһач күн. 21Чаһр белддг толһалгч күүг урдк ормднь суулһна. Тер күн хаанд шинәс чаһрта сав бәрүлҗ өгхмн болҗана. 22Болв өдмг болһдг толһалгч күүг бахнд өлгәд ална. Эннь мел Йосипин келсәр һарна. 23Зуг чаһр белддг толһач күн Йосипин тускар, терүнә сурврин тускар төрүц мартчкна.
Jelenleg kiválasztva:
Эклц 40: ХКО_ӘБ
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023