Эклц 49
49
Яков эврәннь 12 көвүһән әдслнә
1Эврәннь көвүдән дуудад, Яков иигҗ келнә:
– Намаг бүсләд зогстн, би таднд иргчдән юн болхиг келҗ өгхәр бәәнәв. 2Яковин көвүд, цуглрад соңстн, эврәннь эцк Израилиг соңстн.
3Рубен, чи мини түрүңк көвүнч, мини күчн,
залу күн болсна мини түрүңк үрн,
цугтаһаснь даву,
чидл-күчәрн түрүңкич.
4Усн мет дольгалҗ йовх чи
түрүңк болҗ чадшгоч.
Чи мини зарц гергнлә орндм кевтәд,
нерим бузрдаввч.
5Шимон Леви хойрин ни-негн:
теднә селмс – күч үзүллһнә дәәнә зер-зев болҗана.
6О, би теднә нуувч зурад орлцшгов,
теднә хургла негдшгов,
яһад гихлә, уурлхларн, тедн әмт ална,
бүүрһхләрн, бухин тәкмин шүрүс керчнә.
7Теднә цухл харалта,
юңгад гихлә догшн болҗана.
Теднә һалзурлһн харалта,
юңгад гихлә хәәрлт уга болҗана.
Би теднә хөөт үйнриг цуг Израилин һазрар,
теднә улс дунд тараһад хайнав.
8Йуда, чини ахнр-дүүнр чамаг магтх!
Чини эцкин көвүд чамаг күндлх.
Яһад гихлә чи эврәннь дәәсдиг дәәнд диилхич.
9Йуда, көвүн минь,
чи олзан идчкәд хәрҗ ирдг баахн арслңгч.
Арслң мет һазрт суняһад кевтнәч,
терүг көндәх зөрг кенд бәәхмби?
10Йудаһас йос күн булашго.
Олн-әмтн алван эс авч иртл,
Йудан өмн эс сөгдтл,
Терүнә хөөт үйнр йос һарддг мотриг оньдин бәрх.
11Уста үзмин модна иш чини һазрт йир элвгәр урһх.
Тегәд терүнд өлн элҗгниг боохла, чамд һарута болшго.
Нам хамгин сән темстә моддт терүг боов чигн һару һаршго.
Эврәннь хувцан чаһрт уһах дүңгә ик чаһрта болхич.
12Чини нүдн чаһрас хар,
Шүддчнь үснәс цаһан.
13Завулун теңгсин эргнд бүүрлх,
Тенд кермс зогсдг шуһу һазр болх.
Терүнә меҗә Сидон балһснд күрх.
14Исахар – бий деернь теңнәтә
хойр даальңгин хоорнд
кевтх чидлтә элҗгнлә әдл.
15Эн орм амрхд сәәнинь үзәд,
берк сәәхнинь медәд,
аца үүрхд белн болад,
мухла мет өндәлго тер көдлх.
16Дан Израилин нег отг болад,
Эврәннь улсин зарһ кех.
17Дан хаалһ деер бәәдг моһа мет болх,
Җим хаалһин хорта моһа болх.
Мөрнә көләс зуухлань,
мөртә күн гедргән унх.
18Деед Эзн, би Тана сулдхвр күләҗәнәв!
19Гәдиг тонулчнр дәврх.
Болв тедниг тер көөһәд, дахад мөрдх.
20Ашер һазрас хот-хол элвгәр авх.
Хаанд таасгдм дүңгә әмтәхн хот
Ашер авч ирәд бәәх.
21Наптали йир сәәхн туһлмуд үүдәдг
сул гүүҗ йовх буһ мет болх.
22Йосип эрс давшч булгин хаҗуд урһдг
уста үзмин ишмүд мет өслттә болх.
23Терүг саадгар хадг әмтн дәврв,
Терүнлә өшәтн болв, терүг хацхав.
24Болв саадган тер батар бәрнә.
Яковин күчтә Бурхна күчәр терүнә һар эвтә болх.
Яковин Бурхн – Хамгин Күчтә Бурхн,
Израилин Һардачнь, Харсачнь болҗана.
25Эцкинчнь шүтдг Бурхн чамд дөң болх.
Хамгин күчтә Бурхн деер бәәх теңгрин әдсәр,
Йорал уга һазрин әдсәр чамаг әдслҗ,
Чамд олн үр, олн мал өгх.
26Чини эцкин әдсллһн кезәңк уулмудын әдсллһнәс,
өгәнч мөңк довудмудын әдсллһнәс өөдән чинртә.
Бурхн цуг эн әдсллһән
ахнр-дүүнрән толһалҗах Йосипт өгтхә.
27Бенямин ховдг чон болҗана.
Олсан эн өрүһәр үмкәд иднә,
Асхар олвран хувана.
28Израилин 12 отг иим. Эцкнь күн болһниг шишлң әдслхләрн, теднд тиигҗ келв.
Яковин үкл болн терүг оршалһн
29Яков көвүдтән даалһвр өгнә:
– Би удл уга эврәннь өвкнр талан һарчанав. Эпрон гидг хетин теегт бәәсн хадын көндәд мини эцкнрин хаҗуд намаг оршатн. 30Эн хадын көндә Канан һазрт Мамрен хаҗуд бәәсн Махпела теегт бәәнә. Энүгәр оршадг орм кехәр Абрахам Эпронас теегтәһинь хамднь хулдҗ авла. 31Тенд Абрахам, терүнә гергн Сарра, Ицхак, Ицхакин гергн Ребека оршагдцхала. Тенд би Лияг бас оршалав. 32Тер тег, хадын көндә хетмүдәс хулдҗ авгдла.
33Көвүдтән тиим заавр өгснәннь дару Яков орн деерән кевтәд өңгрв. Тиигәд эврәннь өвкнр талан һарв.
Jelenleg kiválasztva:
Эклц 49: ХКО_ӘБ
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023
Эклц 49
49
Яков эврәннь 12 көвүһән әдслнә
1Эврәннь көвүдән дуудад, Яков иигҗ келнә:
– Намаг бүсләд зогстн, би таднд иргчдән юн болхиг келҗ өгхәр бәәнәв. 2Яковин көвүд, цуглрад соңстн, эврәннь эцк Израилиг соңстн.
3Рубен, чи мини түрүңк көвүнч, мини күчн,
залу күн болсна мини түрүңк үрн,
цугтаһаснь даву,
чидл-күчәрн түрүңкич.
4Усн мет дольгалҗ йовх чи
түрүңк болҗ чадшгоч.
Чи мини зарц гергнлә орндм кевтәд,
нерим бузрдаввч.
5Шимон Леви хойрин ни-негн:
теднә селмс – күч үзүллһнә дәәнә зер-зев болҗана.
6О, би теднә нуувч зурад орлцшгов,
теднә хургла негдшгов,
яһад гихлә, уурлхларн, тедн әмт ална,
бүүрһхләрн, бухин тәкмин шүрүс керчнә.
7Теднә цухл харалта,
юңгад гихлә догшн болҗана.
Теднә һалзурлһн харалта,
юңгад гихлә хәәрлт уга болҗана.
Би теднә хөөт үйнриг цуг Израилин һазрар,
теднә улс дунд тараһад хайнав.
8Йуда, чини ахнр-дүүнр чамаг магтх!
Чини эцкин көвүд чамаг күндлх.
Яһад гихлә чи эврәннь дәәсдиг дәәнд диилхич.
9Йуда, көвүн минь,
чи олзан идчкәд хәрҗ ирдг баахн арслңгч.
Арслң мет һазрт суняһад кевтнәч,
терүг көндәх зөрг кенд бәәхмби?
10Йудаһас йос күн булашго.
Олн-әмтн алван эс авч иртл,
Йудан өмн эс сөгдтл,
Терүнә хөөт үйнр йос һарддг мотриг оньдин бәрх.
11Уста үзмин модна иш чини һазрт йир элвгәр урһх.
Тегәд терүнд өлн элҗгниг боохла, чамд һарута болшго.
Нам хамгин сән темстә моддт терүг боов чигн һару һаршго.
Эврәннь хувцан чаһрт уһах дүңгә ик чаһрта болхич.
12Чини нүдн чаһрас хар,
Шүддчнь үснәс цаһан.
13Завулун теңгсин эргнд бүүрлх,
Тенд кермс зогсдг шуһу һазр болх.
Терүнә меҗә Сидон балһснд күрх.
14Исахар – бий деернь теңнәтә
хойр даальңгин хоорнд
кевтх чидлтә элҗгнлә әдл.
15Эн орм амрхд сәәнинь үзәд,
берк сәәхнинь медәд,
аца үүрхд белн болад,
мухла мет өндәлго тер көдлх.
16Дан Израилин нег отг болад,
Эврәннь улсин зарһ кех.
17Дан хаалһ деер бәәдг моһа мет болх,
Җим хаалһин хорта моһа болх.
Мөрнә көләс зуухлань,
мөртә күн гедргән унх.
18Деед Эзн, би Тана сулдхвр күләҗәнәв!
19Гәдиг тонулчнр дәврх.
Болв тедниг тер көөһәд, дахад мөрдх.
20Ашер һазрас хот-хол элвгәр авх.
Хаанд таасгдм дүңгә әмтәхн хот
Ашер авч ирәд бәәх.
21Наптали йир сәәхн туһлмуд үүдәдг
сул гүүҗ йовх буһ мет болх.
22Йосип эрс давшч булгин хаҗуд урһдг
уста үзмин ишмүд мет өслттә болх.
23Терүг саадгар хадг әмтн дәврв,
Терүнлә өшәтн болв, терүг хацхав.
24Болв саадган тер батар бәрнә.
Яковин күчтә Бурхна күчәр терүнә һар эвтә болх.
Яковин Бурхн – Хамгин Күчтә Бурхн,
Израилин Һардачнь, Харсачнь болҗана.
25Эцкинчнь шүтдг Бурхн чамд дөң болх.
Хамгин күчтә Бурхн деер бәәх теңгрин әдсәр,
Йорал уга һазрин әдсәр чамаг әдслҗ,
Чамд олн үр, олн мал өгх.
26Чини эцкин әдсллһн кезәңк уулмудын әдсллһнәс,
өгәнч мөңк довудмудын әдсллһнәс өөдән чинртә.
Бурхн цуг эн әдсллһән
ахнр-дүүнрән толһалҗах Йосипт өгтхә.
27Бенямин ховдг чон болҗана.
Олсан эн өрүһәр үмкәд иднә,
Асхар олвран хувана.
28Израилин 12 отг иим. Эцкнь күн болһниг шишлң әдслхләрн, теднд тиигҗ келв.
Яковин үкл болн терүг оршалһн
29Яков көвүдтән даалһвр өгнә:
– Би удл уга эврәннь өвкнр талан һарчанав. Эпрон гидг хетин теегт бәәсн хадын көндәд мини эцкнрин хаҗуд намаг оршатн. 30Эн хадын көндә Канан һазрт Мамрен хаҗуд бәәсн Махпела теегт бәәнә. Энүгәр оршадг орм кехәр Абрахам Эпронас теегтәһинь хамднь хулдҗ авла. 31Тенд Абрахам, терүнә гергн Сарра, Ицхак, Ицхакин гергн Ребека оршагдцхала. Тенд би Лияг бас оршалав. 32Тер тег, хадын көндә хетмүдәс хулдҗ авгдла.
33Көвүдтән тиим заавр өгснәннь дару Яков орн деерән кевтәд өңгрв. Тиигәд эврәннь өвкнр талан һарв.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© Институт перевода Библии, 2002-2023