Cakirok 14
14
Abram botho Loti
1Kerin aŋwen, Amirafel ma Babilon, Ariok kere ma Elasar, Kedorilaomer ma Elam, kodi Tidal ma Goyim 2jokidho lweny gi kerin abic man; Bera ma Sodom, Birisa ma Gomora, Sinab ma Adima, Semeberi ma Zeboyim, kodi kere ma Bela (meno Zowar). 3Kerin abic me oyido joriwere i milelo ma Sidim (nam ma cumbi). 4Jo oyido jonitie i dhum pa Kedorilaomer ma oro apar g'ario, to i oro mar'apar g'adek jokwero dhum pere gi mbaka. 5I oro mar'apar g'aŋwen Kedorilaomer obino gi kerin m'oyido nitie gine aka jokengila Refayim ma Asiteroth Karnayim, Zuzim ma Ham, Joemim ma Save Kiriathayim, 6kodi Johori i gote ma Edom, aka joriemo jo tundo kiri Elparan. 7Kenyo jowire aka jobino Kades to jomako piny pa Joamalek kodi apa Joamor m'oyido jobedo i Hazazon Tamar.
8Kenyo kerin ma Sodom, Gomora, Adima, Zeboyim, kodi Bela jowok aka joriwere ri lweny i milelo ma Sidim aka jolwenyo 9gi kerin ma Elam, Goyim, Babilon, kodi Elasar; kerin abic gi kerin aŋwen. 10Milelo oyido opoŋ buce, aka munyo kerin ma Sodom gi Gomora jotemo ringo wok i lweny, jopodh'iye; to kerin adek ma jodoŋ joringo wi gote. 11Kerin aŋwen jokwanyo kisi gimoro i Sodom gi Gomora, kiri gi cemo to jokadho yo pajo. 12Loti wod p'omin Abram m'oyido bedo Sodom bende okadhi gine kiri gi lim pere.
13To jacwo m'oyido okwale okidho to waco ri Abram Jayuda m'oyido bedo cegin gi yen pa Mamire Jamoor. Mare gi wutmin go Esikol gi Aner oyido joriwere gi Abram. 14Munyo Abram owinjo ni omaki wod p'omin paka jajiera lweny, olwoŋo kanyacel cwo ma jolweny i kambi pere, joje 318 aka joriemo kerin aŋwen kiri Dan. 15Kenyo go opoko cwo pere i kitipin, aka omonjo jakwor wor to kengila jo. Oriemo jo kiri Hoba, yumalo ma Damasiko 16aka odwoko gi gigipiny je m'oyido onyaga. Go bende odwoko gi wod p'omin gi lim pere, kanyacel gi mon kodi ji man.
Melikizedek miyo Abram silwany
17Munyo Abram odwoko wok kikengila Kedorilaomer kodi kerin m'oyido nitie gi go, kere ma Sodom owok romo gi go i milelo ma Save (ma bende ilwoŋo ni milelo pa kere). 18Aka Melikizedek, m'oyido kere ma Salem aka bende jacway ri Were Madwoŋ Maloyo okelo mugat gi vini ri Abram, 19omiyo go silwany, aka owaco ni, “Weyi Were Madwoŋ Maloyo, m'ocweyo polo gi piny womiy Abram silwany 20Weyi Were Madwoŋ Maloyo m'omiyin loyo kwoŋ jokwor perin wopak!” Aka Abram omiyo Melikizedek acel wiy apar ma kisi gima jonyaga.
21Kere ma Sodom owaco ri Abram ni, “Doŋ gi gigipiny, to miyan ji paran je.”
22Abram odwoko ni, “Akwoŋere ruwaŋ Were Madwoŋ Maloyo, Jacwec ma polo gi piny, 23nike akibino kwanyo uzi kosa thol ngato kosa gimoro perin je nyaka iwaci ni, ‘Aŋat'amiyo Abram bedo m'oŋaŋ’ 24Akibino kwanyo gimoro je, kwanyo woko gima cwo paran jocamo. To weyi Aner, Esikol, kodi Mamire jowokwany pok pajo.”
Jelenleg kiválasztva:
Cakirok 14: DHOPE
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Dhopadhola DC Bible © Bible Society of Uganda, 2018.
Cakirok 14
14
Abram botho Loti
1Kerin aŋwen, Amirafel ma Babilon, Ariok kere ma Elasar, Kedorilaomer ma Elam, kodi Tidal ma Goyim 2jokidho lweny gi kerin abic man; Bera ma Sodom, Birisa ma Gomora, Sinab ma Adima, Semeberi ma Zeboyim, kodi kere ma Bela (meno Zowar). 3Kerin abic me oyido joriwere i milelo ma Sidim (nam ma cumbi). 4Jo oyido jonitie i dhum pa Kedorilaomer ma oro apar g'ario, to i oro mar'apar g'adek jokwero dhum pere gi mbaka. 5I oro mar'apar g'aŋwen Kedorilaomer obino gi kerin m'oyido nitie gine aka jokengila Refayim ma Asiteroth Karnayim, Zuzim ma Ham, Joemim ma Save Kiriathayim, 6kodi Johori i gote ma Edom, aka joriemo jo tundo kiri Elparan. 7Kenyo jowire aka jobino Kades to jomako piny pa Joamalek kodi apa Joamor m'oyido jobedo i Hazazon Tamar.
8Kenyo kerin ma Sodom, Gomora, Adima, Zeboyim, kodi Bela jowok aka joriwere ri lweny i milelo ma Sidim aka jolwenyo 9gi kerin ma Elam, Goyim, Babilon, kodi Elasar; kerin abic gi kerin aŋwen. 10Milelo oyido opoŋ buce, aka munyo kerin ma Sodom gi Gomora jotemo ringo wok i lweny, jopodh'iye; to kerin adek ma jodoŋ joringo wi gote. 11Kerin aŋwen jokwanyo kisi gimoro i Sodom gi Gomora, kiri gi cemo to jokadho yo pajo. 12Loti wod p'omin Abram m'oyido bedo Sodom bende okadhi gine kiri gi lim pere.
13To jacwo m'oyido okwale okidho to waco ri Abram Jayuda m'oyido bedo cegin gi yen pa Mamire Jamoor. Mare gi wutmin go Esikol gi Aner oyido joriwere gi Abram. 14Munyo Abram owinjo ni omaki wod p'omin paka jajiera lweny, olwoŋo kanyacel cwo ma jolweny i kambi pere, joje 318 aka joriemo kerin aŋwen kiri Dan. 15Kenyo go opoko cwo pere i kitipin, aka omonjo jakwor wor to kengila jo. Oriemo jo kiri Hoba, yumalo ma Damasiko 16aka odwoko gi gigipiny je m'oyido onyaga. Go bende odwoko gi wod p'omin gi lim pere, kanyacel gi mon kodi ji man.
Melikizedek miyo Abram silwany
17Munyo Abram odwoko wok kikengila Kedorilaomer kodi kerin m'oyido nitie gi go, kere ma Sodom owok romo gi go i milelo ma Save (ma bende ilwoŋo ni milelo pa kere). 18Aka Melikizedek, m'oyido kere ma Salem aka bende jacway ri Were Madwoŋ Maloyo okelo mugat gi vini ri Abram, 19omiyo go silwany, aka owaco ni, “Weyi Were Madwoŋ Maloyo, m'ocweyo polo gi piny womiy Abram silwany 20Weyi Were Madwoŋ Maloyo m'omiyin loyo kwoŋ jokwor perin wopak!” Aka Abram omiyo Melikizedek acel wiy apar ma kisi gima jonyaga.
21Kere ma Sodom owaco ri Abram ni, “Doŋ gi gigipiny, to miyan ji paran je.”
22Abram odwoko ni, “Akwoŋere ruwaŋ Were Madwoŋ Maloyo, Jacwec ma polo gi piny, 23nike akibino kwanyo uzi kosa thol ngato kosa gimoro perin je nyaka iwaci ni, ‘Aŋat'amiyo Abram bedo m'oŋaŋ’ 24Akibino kwanyo gimoro je, kwanyo woko gima cwo paran jocamo. To weyi Aner, Esikol, kodi Mamire jowokwany pok pajo.”
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Dhopadhola DC Bible © Bible Society of Uganda, 2018.