Saint Jean 1
1
1Ka titilikè Baïnjaka makaou, da Baïnjaka makaou jing Ouone da Baïnjaka ba Ouone. 2Kè makaou ka titilikè jing Ouone. 3Kème ko̱ mosso fènli bon tou, da fèna tane ga ti baï ndingnakè tane nè ya. 4Da yana an bilè, da yana on mi ko̱ hi takanafèn hi njoukouli. 5Takanafèn on mi cha an bil yilime, da yilime mi tane si nè ya.
6Njoukou mbéo makaou jinguèl ko̱ Ouone pi: ling‐è ba Jean. 7Kème gui baï sana bongbaï, da baï sana bongbaï toul takanafèn on, an njoukouli bon mi la bilaou mbo̱l baï ko̱ kème sa. 8Kè tane ga ti ba takanafèn on ya, da kème gui amè baï sana bongbaï toul takanafèn on. 9Takanafèn on ba gba takanafèn, ko̱ mi gui mona njou‐koukoulali, ka taka hi njoukouli bon. 10Kè makaou jing njou‐koukoulali, da kème ko̱ mosso njou‐koukoulali, da njou‐koukoulali mi tane ga tou nè ya. 11Kè gui mona dodok fèn nèli tou, da njoukou nèli tane ga ya nè ya. 12Da njoukouli on bon ko̱ mi ya nè ba akli tou, kè hi njèran hi kli baï guina goundi a Ouone, kli on ko̱ mi la bilaou ling‐è, 13kli ko̱ tèn tou, tane ti ba baï a séme ya, da ti ba baï mara fal toul naïn‐mone ya, da ti ba baï mara fal toula njoukou ya, da on ko̱ mi tèn mbo̱l Ouone.
14Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba. 15Jean mi sa bongbaï nè, ka bouka guè siya, ka sa: Kè mini on ko̱ mème sa baï nè jinguèl: Kè ko̱ gui fali kè ta mi tou, baï ko̱ kème ti kaou dambèl hi mi tou. 16Da na bon, na ya nguèra an ndo̱kè tou, da ndingna mbo̱l baï a ndingna mbo̱l; 17baï ko̱ guingna mi gui jinguèl ka mbora Moïse, ndingna mbo̱l da babaï mi gui ka mbora Jésus‐Christ. 18Njoukouna mbéo tane ga ko̱ Ouone ya; pomboï Goune, ko̱ na hang a Baba, kè mini ko̱ to̱ko̱ nè hi na.
19Bong baïnjaka Jean mini, ko̱ Juifli ko̱ kaou an pou Jérusalem mi pi sacrificateurli da Léviteli gui monè, baï ouina nè: Mo ba guè lé? 20Kème sa bi kala, da tane ga ro̱ko̱ kli ya, kè sa bi kala: Mè tane ti ba Christ ya.
21Da kli oui nè: Mo ba guè lé? Mo ba Élie lé? Da kè sa: Mè tane ti ba kè ya. Mo ba prophète on lé? Kè sa: Haï. 22Mono, kli oui nè: Mo mè ba guè lé? an name féré fal ka sa tang ta hi njoukouli ko̱ pi na. Mo sa baï no ba fèn lé? 23Kè sa: Mè ba mbo̱kakè on ko̱ mi bouka an woropa:
Oui mosso dombora Nanjou tane ta,
mahana ko̱ prophète Ésaïe mi sa. 24Njoukouli on ko̱ kli pi ba pharisien hanali. 25Kli oui nè, ka sa hi nè: Tokoré mome tane ti ba Christ ya, maléba Élie ya, maléba prophète on ya, baïfèn da mome nding baptême lé? 26Jean mi féré sa hi kli, ka sa: Mè nding baptême an bil mbi, da njoukou ko̱ o woro baï, kè on ko̱ ouime tane tou nè ya, 27kè mini ko̱ gui fali; kè ta mi da mè tane ga ma baï séla sal sabo̱ko̱ nè ya.
28Fèn aïnli bon mi tèn an pou Béthanie, hélé mbi Jourdain, an guèl on ko̱ Jean mi pane ndingna baptême.
29Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa. 30Kè mini on ko̱ mème sa baï nè jinguèl: Njoukou mbéo mi gui fali, kè ta mi tou, baï ko̱ kè ti kaou dambèl hi mi tou. 31Da mè tane ga tou nè ambèl ya, da mè gui baï ndingna baptême an bil mbi baï bina nonè kala an nona Israël. 32Jean mi sa bongbaï nè, ko̱ kè sa: Mè ko̱ Esprit mi diri gui ka nonkala mahana ka nguédé da kaou laou toulè. 33Da mè tane ga tou nè ambel ya, da kè on ko̱ pi mi baï ndingna baptême an bil mbi, kè fènè mi sa hi mi: Kè on ko̱ mo ma ko̱ Esprit mi diri gui kaou laou toulè, kè mini ko̱ ma nding baptême ka Saint‐Esprit. 34Da mè ko̱ tou, da sa bongbaï ko̱ kè on ba Goune a Ouone.
35Ko̱ pélé mi taka Jean o ba aféké jing njou‐séna bong nè hanali séré; 36da ko̱ kème ènrèn Jésus ko̱ mi yé tana, kè sa: Oui ko̱ goune badoua Ouone mono. 37Da ko̱ njou‐séna bongli on séré mi la baï on ko̱ kème sa, kli sé fala Jésus. 38Jésus ki monè, da ko̱ ko̱ kli gui falè, ka oui kli: Fèn mi oui an nza lé? Kli sa hi nè: Rabbi (on ko̱ sa ba njou‐to̱ko̱nafèn), mo na an hane dé? 39Kè sa hi kli: Oui gui, ka ko̱. Mono, kli sé da ko̱ guèl name nè; da kli kaou jing nè ka name o̱kèo̱, ko̱ l’heure mi mane bo.
40André, yine a Simon Pierre ba mbéo an wora séré on ko̱ mi la baï a Jean da sé fala Jésus. 41Kème nza yine nè Simon ti dambèl, ka sa hi nè: Na jing Messie tou (on ko̱ sa ba Christ). 42Da kème ya nè gui mona Jésus. Ko̱ Jésus mi ko̱ nè, kè sa: Mo ba Simon, goune a Jonas; yé kli ma di ling‐o̱ ba Céphas (on ko̱ sa ba Pierre#1.42 Kone.).
43Ko̱ pélé mi taka ba aféké Jésus ji guèna guèl Galilée, da kème jing Philippe, ka sa hi nè: Mo gui fali. 44Philippe ba njou‐pou Béthsaïda, pou a André da Pierre.
45Philippe mi sé da nza Nathanaël, ka sa hi nè: Na ko̱ nè tou, kè on ko̱ Moïse mi dé baï toulè an bil takarata guingna, da prophèteli mi ndé de takarata on kéng, Jésus an pou Nazareth, goune a Joseph. 46Nathanaël mi sa hi nè: Bèlafèn mbéo ma tèn kala an pou Nazareth lé? Philippe mi sa hi nè: Mo gui, ka ko̱. 47Jésus mi ko̱ Nathanaël ko̱ gui monè da sa baï toulè: Mo ko̱ njou‐Israël ka babaï, ko̱ mi tane ga ro̱ko̱ fèn ya. 48Nathanaël mi sa hi nè: Mo ta hani da tou mi lé? Jésus mi féré sa, ka sa hi nè: Ambèl ko̱ Philippe mi di mo, ko̱ mome kaou an bo̱ko di njoui soko, mè ko̱ko̱ mo. 49Nathanaël mi sa hi nè: Rabbi, mo ba Goune a Ouone, mo ba nanjoukaou a Israël. 50Jésus mi féré sa, ka sa hi nè: Baï ko̱ mème sa hi mo, Mè ko̱ko̱ mo an bo̱ko̱ di njoui, mi ko̱ mo la bilaou ni lé? Yé mo ma ko̱ kakaïya fènli ta fèn aïnli. 51Da kè sa hi nè: Babaï, babaï, mi mè sa hi oui, yé oui ma ko̱ nonkala bourou da angeli a Ouone mi hé da diri gui toula Goune a njoukou.
Jelenleg kiválasztva:
Saint Jean 1: KBN1947
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Published by the British and Foreign Bible Society in 1947.
Saint Jean 1
1
1Ka titilikè Baïnjaka makaou, da Baïnjaka makaou jing Ouone da Baïnjaka ba Ouone. 2Kè makaou ka titilikè jing Ouone. 3Kème ko̱ mosso fènli bon tou, da fèna tane ga ti baï ndingnakè tane nè ya. 4Da yana an bilè, da yana on mi ko̱ hi takanafèn hi njoukouli. 5Takanafèn on mi cha an bil yilime, da yilime mi tane si nè ya.
6Njoukou mbéo makaou jinguèl ko̱ Ouone pi: ling‐è ba Jean. 7Kème gui baï sana bongbaï, da baï sana bongbaï toul takanafèn on, an njoukouli bon mi la bilaou mbo̱l baï ko̱ kème sa. 8Kè tane ga ti ba takanafèn on ya, da kème gui amè baï sana bongbaï toul takanafèn on. 9Takanafèn on ba gba takanafèn, ko̱ mi gui mona njou‐koukoulali, ka taka hi njoukouli bon. 10Kè makaou jing njou‐koukoulali, da kème ko̱ mosso njou‐koukoulali, da njou‐koukoulali mi tane ga tou nè ya. 11Kè gui mona dodok fèn nèli tou, da njoukou nèli tane ga ya nè ya. 12Da njoukouli on bon ko̱ mi ya nè ba akli tou, kè hi njèran hi kli baï guina goundi a Ouone, kli on ko̱ mi la bilaou ling‐è, 13kli ko̱ tèn tou, tane ti ba baï a séme ya, da ti ba baï mara fal toul naïn‐mone ya, da ti ba baï mara fal toula njoukou ya, da on ko̱ mi tèn mbo̱l Ouone.
14Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba. 15Jean mi sa bongbaï nè, ka bouka guè siya, ka sa: Kè mini on ko̱ mème sa baï nè jinguèl: Kè ko̱ gui fali kè ta mi tou, baï ko̱ kème ti kaou dambèl hi mi tou. 16Da na bon, na ya nguèra an ndo̱kè tou, da ndingna mbo̱l baï a ndingna mbo̱l; 17baï ko̱ guingna mi gui jinguèl ka mbora Moïse, ndingna mbo̱l da babaï mi gui ka mbora Jésus‐Christ. 18Njoukouna mbéo tane ga ko̱ Ouone ya; pomboï Goune, ko̱ na hang a Baba, kè mini ko̱ to̱ko̱ nè hi na.
19Bong baïnjaka Jean mini, ko̱ Juifli ko̱ kaou an pou Jérusalem mi pi sacrificateurli da Léviteli gui monè, baï ouina nè: Mo ba guè lé? 20Kème sa bi kala, da tane ga ro̱ko̱ kli ya, kè sa bi kala: Mè tane ti ba Christ ya.
21Da kli oui nè: Mo ba guè lé? Mo ba Élie lé? Da kè sa: Mè tane ti ba kè ya. Mo ba prophète on lé? Kè sa: Haï. 22Mono, kli oui nè: Mo mè ba guè lé? an name féré fal ka sa tang ta hi njoukouli ko̱ pi na. Mo sa baï no ba fèn lé? 23Kè sa: Mè ba mbo̱kakè on ko̱ mi bouka an woropa:
Oui mosso dombora Nanjou tane ta,
mahana ko̱ prophète Ésaïe mi sa. 24Njoukouli on ko̱ kli pi ba pharisien hanali. 25Kli oui nè, ka sa hi nè: Tokoré mome tane ti ba Christ ya, maléba Élie ya, maléba prophète on ya, baïfèn da mome nding baptême lé? 26Jean mi féré sa hi kli, ka sa: Mè nding baptême an bil mbi, da njoukou ko̱ o woro baï, kè on ko̱ ouime tane tou nè ya, 27kè mini ko̱ gui fali; kè ta mi da mè tane ga ma baï séla sal sabo̱ko̱ nè ya.
28Fèn aïnli bon mi tèn an pou Béthanie, hélé mbi Jourdain, an guèl on ko̱ Jean mi pane ndingna baptême.
29Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa. 30Kè mini on ko̱ mème sa baï nè jinguèl: Njoukou mbéo mi gui fali, kè ta mi tou, baï ko̱ kè ti kaou dambèl hi mi tou. 31Da mè tane ga tou nè ambèl ya, da mè gui baï ndingna baptême an bil mbi baï bina nonè kala an nona Israël. 32Jean mi sa bongbaï nè, ko̱ kè sa: Mè ko̱ Esprit mi diri gui ka nonkala mahana ka nguédé da kaou laou toulè. 33Da mè tane ga tou nè ambel ya, da kè on ko̱ pi mi baï ndingna baptême an bil mbi, kè fènè mi sa hi mi: Kè on ko̱ mo ma ko̱ Esprit mi diri gui kaou laou toulè, kè mini ko̱ ma nding baptême ka Saint‐Esprit. 34Da mè ko̱ tou, da sa bongbaï ko̱ kè on ba Goune a Ouone.
35Ko̱ pélé mi taka Jean o ba aféké jing njou‐séna bong nè hanali séré; 36da ko̱ kème ènrèn Jésus ko̱ mi yé tana, kè sa: Oui ko̱ goune badoua Ouone mono. 37Da ko̱ njou‐séna bongli on séré mi la baï on ko̱ kème sa, kli sé fala Jésus. 38Jésus ki monè, da ko̱ ko̱ kli gui falè, ka oui kli: Fèn mi oui an nza lé? Kli sa hi nè: Rabbi (on ko̱ sa ba njou‐to̱ko̱nafèn), mo na an hane dé? 39Kè sa hi kli: Oui gui, ka ko̱. Mono, kli sé da ko̱ guèl name nè; da kli kaou jing nè ka name o̱kèo̱, ko̱ l’heure mi mane bo.
40André, yine a Simon Pierre ba mbéo an wora séré on ko̱ mi la baï a Jean da sé fala Jésus. 41Kème nza yine nè Simon ti dambèl, ka sa hi nè: Na jing Messie tou (on ko̱ sa ba Christ). 42Da kème ya nè gui mona Jésus. Ko̱ Jésus mi ko̱ nè, kè sa: Mo ba Simon, goune a Jonas; yé kli ma di ling‐o̱ ba Céphas (on ko̱ sa ba Pierre#1.42 Kone.).
43Ko̱ pélé mi taka ba aféké Jésus ji guèna guèl Galilée, da kème jing Philippe, ka sa hi nè: Mo gui fali. 44Philippe ba njou‐pou Béthsaïda, pou a André da Pierre.
45Philippe mi sé da nza Nathanaël, ka sa hi nè: Na ko̱ nè tou, kè on ko̱ Moïse mi dé baï toulè an bil takarata guingna, da prophèteli mi ndé de takarata on kéng, Jésus an pou Nazareth, goune a Joseph. 46Nathanaël mi sa hi nè: Bèlafèn mbéo ma tèn kala an pou Nazareth lé? Philippe mi sa hi nè: Mo gui, ka ko̱. 47Jésus mi ko̱ Nathanaël ko̱ gui monè da sa baï toulè: Mo ko̱ njou‐Israël ka babaï, ko̱ mi tane ga ro̱ko̱ fèn ya. 48Nathanaël mi sa hi nè: Mo ta hani da tou mi lé? Jésus mi féré sa, ka sa hi nè: Ambèl ko̱ Philippe mi di mo, ko̱ mome kaou an bo̱ko di njoui soko, mè ko̱ko̱ mo. 49Nathanaël mi sa hi nè: Rabbi, mo ba Goune a Ouone, mo ba nanjoukaou a Israël. 50Jésus mi féré sa, ka sa hi nè: Baï ko̱ mème sa hi mo, Mè ko̱ko̱ mo an bo̱ko̱ di njoui, mi ko̱ mo la bilaou ni lé? Yé mo ma ko̱ kakaïya fènli ta fèn aïnli. 51Da kè sa hi nè: Babaï, babaï, mi mè sa hi oui, yé oui ma ko̱ nonkala bourou da angeli a Ouone mi hé da diri gui toula Goune a njoukou.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Published by the British and Foreign Bible Society in 1947.