Matthew 4
4
Timi Küghünamoke-a lo Jisü Peju keu
1Tipathiu Alhou Ghungú no tüghami pelo Jisü ghuju penike timi küghünamoke-a lo sasü wuve. 2Putho tsalà eno pucho tsalà lhobidi kümvüve kethiu Jisü ye müzüthive. 3Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo ipi azah tsülo.”
4Jisü no khochile, “Ishi yèpüani: ‘Timi ye achuqupu shou likhi bepe xülumo nani, ikemu Alhou no pikeu tsà shou bepe xülu nanie.’#4:4 Zaki 8:3”
5Tithiu tüghami hu no Jisü sasü akimthe phughi lo sawu no achineki kütsüqa lo pa pelo tile puthugho pe. 6Tüghami hu no pi, “Nono Alhou Nu shi aghí aye, hile no ilhe iqivelo.” Kughengu ishi yèpüani:
“ ‘Pa no paw kungumi pelo otucho penike azah tsü nani
eno opukhu pelo atu shoumu püsüpuku pemo nike ghenguno
panongu no panongu u lono okhapeluve nani.’#4:6 Leshe 91:11,12”
7Jisü no pa khochile, “Hi ghí yèpüani: ‘Ampeu O Lhou theju kevilo.’#4:7 Zaki 6:16”
8Itaghi, tüghami hu no Jisü sasü ighono chuqumghai keu naghuto lakhi lo saiku no ayeghi lo kükaphuqo qhivütsüni akeu kümtsü pa piye. 9Eno pi, “Nono qhoqhünhe no imülá aye, ino hi kümtsü otsüveni.”
10Jisü no pa vilo pi, “Ilau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthulo.’#4:10 Zaki 6:13”
11Tipathiu tüghami ye Jisü qhive no wuve, eno kungumiqo no ighino pa tucho-hiju luve.
Jisü no Kütsü thuve keu
12Kughou Jisü no John ye akughuki lo süvae ipi chilu keno, pa ye Galilee lo idewove. 13Pa ye Nazareth qhive no Capernaum ipikeu-a lo wu no tile xüacheuve. Capernaum ye Zebulun ngò Naphtali ko-aqha lo Galilee züghi phivilo ke. 14Tiye, Isaiah tungkupuu vechewo kiu pipüa keno shikupu niye ke:
15“Zebulun ngò Naphtali yeghi,
Azüghi Laghi, Jordan nguno hukukuu
Jewkumomiqow Galilee
16àküzǘ lo xüakemiqo no
aküvü kijè lakhi ithuluvae;
akìthí yekükhü yeghi lo xüakemiqo shou
aküvü lakhi ipeghivae.”#4:16 Isa 9:1,2
17Tipathiu Jisü no ishi kütsü thuve, “Amlo pebidelo, kughengu kungugha kükaqha ye kupunú ighivae.”
Jisü no Pa Khopemi Atüghimiqo Kulù
18Jisü no Galilee züghi mükü lo alà cheche kelo, Simon khuu Peter ipi ku chekeu eno pa thiküzüu Andrew ipikeu pama athiazü, ithulu. Pama ye akhakükhami kehu azüghi lo akhame vesü ae. 19Jisü no pi, “Ighilo, ipapelo, ino nokujo pelo akha khalu ketoi timi khalu penike puwunie.” 20Pama no akimighi shi akhameqo qhive no Jisü papesü wuve.
21Tile no chesü wu kelo, Jisü no athiazü kütami kini ithulu, Zebedee nu James eno pa thiküzüu John. Pama ye pama papù Zebedee sasü ashuka lo akhameqo pukho ae. Jisü no pama ku 22ikelo paikhavi lono pama no ashuka ngò pama papù qhive no Jisü papesü wuve.
Jisü no Aküsǜmi Shipivi
23Jisü ye Galilee qha kümtsü lo wu no synagogqo#4:23 Synagog ye Jewmiqo kukuhoki ke. lo kütsü, akükaqha sütsa kiviu pesü asheshu eno küsükinimi ngò aküsǜ jeli kümtsü shipivi ae. 24Jisü ghili ye Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü Jisü lau saighi; eno Jisü no panongu shipivi tsüe. 25Tileno Galilee, Decapolis,#4:25 Decapolis ipi akeu ye aphughi chighí pesü no piani. Jerusalem, Judea eno Jordan ko-aqha lono ighi kemi kutomo no pa papesü wuve.
Jelenleg kiválasztva:
Matthew 4: STB
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Matthew 4
4
Timi Küghünamoke-a lo Jisü Peju keu
1Tipathiu Alhou Ghungú no tüghami pelo Jisü ghuju penike timi küghünamoke-a lo sasü wuve. 2Putho tsalà eno pucho tsalà lhobidi kümvüve kethiu Jisü ye müzüthive. 3Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo ipi azah tsülo.”
4Jisü no khochile, “Ishi yèpüani: ‘Timi ye achuqupu shou likhi bepe xülumo nani, ikemu Alhou no pikeu tsà shou bepe xülu nanie.’#4:4 Zaki 8:3”
5Tithiu tüghami hu no Jisü sasü akimthe phughi lo sawu no achineki kütsüqa lo pa pelo tile puthugho pe. 6Tüghami hu no pi, “Nono Alhou Nu shi aghí aye, hile no ilhe iqivelo.” Kughengu ishi yèpüani:
“ ‘Pa no paw kungumi pelo otucho penike azah tsü nani
eno opukhu pelo atu shoumu püsüpuku pemo nike ghenguno
panongu no panongu u lono okhapeluve nani.’#4:6 Leshe 91:11,12”
7Jisü no pa khochile, “Hi ghí yèpüani: ‘Ampeu O Lhou theju kevilo.’#4:7 Zaki 6:16”
8Itaghi, tüghami hu no Jisü sasü ighono chuqumghai keu naghuto lakhi lo saiku no ayeghi lo kükaphuqo qhivütsüni akeu kümtsü pa piye. 9Eno pi, “Nono qhoqhünhe no imülá aye, ino hi kümtsü otsüveni.”
10Jisü no pa vilo pi, “Ilau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthulo.’#4:10 Zaki 6:13”
11Tipathiu tüghami ye Jisü qhive no wuve, eno kungumiqo no ighino pa tucho-hiju luve.
Jisü no Kütsü thuve keu
12Kughou Jisü no John ye akughuki lo süvae ipi chilu keno, pa ye Galilee lo idewove. 13Pa ye Nazareth qhive no Capernaum ipikeu-a lo wu no tile xüacheuve. Capernaum ye Zebulun ngò Naphtali ko-aqha lo Galilee züghi phivilo ke. 14Tiye, Isaiah tungkupuu vechewo kiu pipüa keno shikupu niye ke:
15“Zebulun ngò Naphtali yeghi,
Azüghi Laghi, Jordan nguno hukukuu
Jewkumomiqow Galilee
16àküzǘ lo xüakemiqo no
aküvü kijè lakhi ithuluvae;
akìthí yekükhü yeghi lo xüakemiqo shou
aküvü lakhi ipeghivae.”#4:16 Isa 9:1,2
17Tipathiu Jisü no ishi kütsü thuve, “Amlo pebidelo, kughengu kungugha kükaqha ye kupunú ighivae.”
Jisü no Pa Khopemi Atüghimiqo Kulù
18Jisü no Galilee züghi mükü lo alà cheche kelo, Simon khuu Peter ipi ku chekeu eno pa thiküzüu Andrew ipikeu pama athiazü, ithulu. Pama ye akhakükhami kehu azüghi lo akhame vesü ae. 19Jisü no pi, “Ighilo, ipapelo, ino nokujo pelo akha khalu ketoi timi khalu penike puwunie.” 20Pama no akimighi shi akhameqo qhive no Jisü papesü wuve.
21Tile no chesü wu kelo, Jisü no athiazü kütami kini ithulu, Zebedee nu James eno pa thiküzüu John. Pama ye pama papù Zebedee sasü ashuka lo akhameqo pukho ae. Jisü no pama ku 22ikelo paikhavi lono pama no ashuka ngò pama papù qhive no Jisü papesü wuve.
Jisü no Aküsǜmi Shipivi
23Jisü ye Galilee qha kümtsü lo wu no synagogqo#4:23 Synagog ye Jewmiqo kukuhoki ke. lo kütsü, akükaqha sütsa kiviu pesü asheshu eno küsükinimi ngò aküsǜ jeli kümtsü shipivi ae. 24Jisü ghili ye Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü Jisü lau saighi; eno Jisü no panongu shipivi tsüe. 25Tileno Galilee, Decapolis,#4:25 Decapolis ipi akeu ye aphughi chighí pesü no piani. Jerusalem, Judea eno Jordan ko-aqha lono ighi kemi kutomo no pa papesü wuve.
Jelenleg kiválasztva:
:
Kiemelés
Megosztás
Összehasonlít
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.