SEMPANHNAK 4
4
Cain le Abel
1Cen Adam le a nupui Eve heh pawl dun ai, Eve in naupai i. Fapa in nai ai, “Bawipa bawmhnak in fapa nai ing,” #4:1 nai ing ti le Cain tihnak tu Hebrew in a awsuah bang dun i. tiin ti i. Ciamanin a hming Cain tiin bawn i. 2Cia hnuaah a naupa Abel cawi nengno i. Abel tu tuukhal i ai Cain tu lovai mi i. 3A can rai deuh fangin Cain in a lo songsuak rongte heh Bawipa hnenah sel i. 4Cia hnuaah Abel inkhai a tuu faniu a hmasaber tehnak pawl ro ai satit a pha hmun ber Bawipa sel ve i. Abel vumah le a selhnak vumah Bawipa tu a lungkhim i.#Heb 11:4 5ikhalselai Cain le a selhnak cenin Bawipa in hnawl i. Ciafangin Cain tu a thinraw in a mithmai sia i. 6Ciafangin Bawipa in Cain hnenah, “zaimanin thinraw isi? zaimanin mithmai na sia i? 7A pha bawn silai na cosang tuh napui ing; ikhalselai a hnawm na bawn manin sualhnak in na neh tuhin sahrang bangin dawngkham in na bawh ihang; na uk tum i; ikhalselai nangmah in neh ben kul tuh isi,” tiin ti i.
8Cen Cain in a naupa Abel hnenah, “Hampalak ah feh kawm ngasing”#4:8 Hampalak ah feh kawm ngasing tihnak tu Hebrew Lai Thianghlim songah um lo i; Ikhalselai hlanlai ai nganhnak Greek Lai Thianghlim songah um i. tiin ti i. Hampalak a hleng kawm fangin Cain in Abel heh zoi ai rek i.#Mat 23:35; Luk 11:51; 1Joh 3:12
9Ciafangin Cain heh Bawipa in, “Na naupa Abel akonah i?” tiin zawt i. Cain in, “Ling lo ing. I naupa lentu tuhin aisu in i bawn i?” tiin sawn i. 10Cen Bawipa in, “Zaimanin hebang a laukul thil bawn isi? Phuzul nuam ai auhnak aw bangin na naupa thisan in laipua an i ko i.#Heb 12:24 11Tunin nangmah heh cukcamhnak tuar ai na umhnak an hnawthnak tuar tuh isi; zaimantifangin na kut ai na suahhnak na naupa thisan khiah a ka ka ai donghnak bangin laipua in hawp zo i. 12Rong na cing inkhai laipua in zaikhai suak tuh lo ai inn nai loin mivakvai na cang tuh i,” tiin ti i. 13Ciafangin Cain in Bawipa hnenah, “Na cawhhnak heh a har ze ngelngo i. 14Hemi ram le na mithmuh in i hnawt ta vumai laivum ah inn nai lo le mivakvai i cang tuhai i hmutu hmuahhmuah in i rek tuh ihang,” tiin ti i. 15Ikhalselai Bawipa in, “Ciatihin tu i tuh lo i; na rektu heh phuzulhnak a let sarih tuar tuseh,” tiin ti i. Ciamanin Cain a hmutu mi zongzong in rek mawh ngai tiin Bawipa in hnikhnaihhnak dah i. 16Cia hnuaah Cain tu Bawipa mithmuh in tlan ai Eden vuandum nisuah lam Nod#4:16 Nod tihnak tu Vakvaihnak tica i. Sem 4:12 ahkhai um i. tihnak ramah um i.
Cain Ai Tesinfate
17Cain le a nupui in fapa nai ai a hming Enoch tiin bawn i. Cen Cain in khuapui pakhat toh ai a fapa hming cuangin Enoch khua tiin bawn i. 18Cen Enoch in fapa nai ai a hming Irad bawn i; Irad ai fapa tu Mehujael i; Mehujael ai fapa tu Methusael i; Methusael ai fapa tu Lamech i. 19Lamech in nupuite pahnih nai i; pakhat tu Adah i ai pakhat tu Zillah i. 20Cen Adah in fapa nai ai Jabal tiin ko i. Jabal tu kawlpaw khaltu le ponhlam ai a umtute sentu i. 21A naupa tu Jubal i ai tingriset le titilu tumtute sentu i. 22Cen Zillah in fapa nai ai Tubal Cain i. Tubal Cain tu thir le dar pumsuthiam pawl sentu i. Tubal Cain ai farnu heh Namah i.
23Cen Lamech in a nupuite hnenah,
“I nupui Adah le Zillah,
i ngai kawm tu ih, I vit manin
tlangval pakhat rek ing.
I tuahmawh manin mi rek ing.
24Cain a rektu vumah
a let sarih in phuzul lekhaw,
Kai i tuahmawhtu in
A let sawmsarih le let sarih in
Phuzul kul tuh i,” tiin ti i.#Mat 18:22
Seth Le Enosh
25Cen Adam le a nupui in a dang fapa pakhat nai i. “Cain in Abel rek ai a tumrul ah Pathian in fapa i pe i,” tiin Eve in ti ai a hming ah Seth bawn i. 26Seth in fapa pakhat nai ai a hming Enosh tiin bawn i. Ciata ai pan minungte in Bawipa heh a hming thianghlim ko in bia tlang i.
Jelenleg kiválasztva:
SEMPANHNAK 4: RZB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Zanniat Bible © Bible Society of Myanmar, 2018.