isizwur 21
21
talalit n‑isḥaq
1izri ma‑izrin issafu sidi rbbi awal‑ns, ibark sarah iskr‑as ġmklli‑s‑inna. 2tffuġ ar‑trbbu, taru yan‑warraw i‑ibrahim ġakud lliġ yuwssr, ġ‑tizi lli‑as‑imla rbbi. 3ig ibrahim ism ‹isḥaq› i‑yus lli‑as‑turu sarah. 4iskr ibrahim taẓallit n‑ddat i‑yus isḥaq ġ‑wis tam‑uwssan‑ns, ġmklli‑t‑yuṣṣa rbbi. 5ikka ibrahim miyya n‑usggʷas lliġ‑dars‑ilul yus isḥaq. 6tini sarah: «ifka‑yyi rbbi ad‑ḍṣṣaġ. kullu wanna flla isfldn ra‑didi‑iḍṣṣa.» 7tzayd tini: «han ur‑illi ma‑iẓḍarn a‑yini i‑ibrahim ‹ha sarah ra‑tssngay tarwa.› imma ġilad ha‑yyi uruġ‑as arraw ġ‑twssrt‑ns.»
rbbi iɛawn hagar d‑ismaɛil
8ar‑d‑ittimġur‑warraw, kksn‑as ilmma tibbišt. iskr ibrahim imnsi imqqurn ġ‑wass‑an ġ‑as‑kkisn tibbišt. 9imma sarah tẓra arraw lli‑turu hagar ullt‑miṣr i‑ibrahim, ar‑iḍṣṣa ġ‑yus isḥaq, 10tini i‑ibrahim: «ssufġ tismgt‑ad nttat d‑yus, ašku yus n‑tsmgt ur‑ra‑iwrt d‑iwi isḥaq.» 11ibrahim ṭiyr‑as bahra f‑wawal‑ad f‑ssibt n‑yus. 12imma rbbi inna i‑ibrahim: «ad‑ak‑ur‑ṭiyr f‑ssibt n‑uḥšmi ula f‑ssibt n‑tsmgt‑nk. kra‑s‑ak‑tnna sarah, sfld srs. ašku isḥaq a‑zġ‑rad‑ak‑yili‑wamud‑nk. 13imma yus n‑tsmgt, ra‑zġ‑gis‑skrġ aqbil, ašku arraw‑nk a‑iga.»
14zikk ṣbaḥ inkr ibrahim, yawi‑d aġrum ifk‑t i‑hagar, yawi‑d tayddidt n‑waman isrs‑tt‑in f‑tġruṭṭ‑ns, issufġ‑tt nttat d‑uḥšmi. tftu ar‑ttlulliy ġ‑lh̬la n‑bir‑šibaɛ. 15lliġ tmman‑waman n‑tayddidt, tfl aḥšmi ġ‑ddu yat‑tṣġart, 16tftu taggug‑n fllas ma‑itggan miyya n‑uẓmmuẓẓl tskiws tini: «a‑ur‑tmnadġ aḥšmi ar‑itmmtat.» tqama ġmkan ġ‑tuggugt ar‑talla ar‑tssġuyyu. 17imma rbbi isfld i‑tġuya n‑uḥšmi. iġr‑d lmalak n‑rbbi zġ‑ignwan s‑hagar yini‑as: «ma‑km‑yaġn a‑hagar? ad‑ur‑tiksaḍt, ašku rbbi isfld i‑tġuya n‑uḥšmi ġ‑illiġ illa. 18nkr tssbiddt aḥšmi, tamẓt‑as ġ‑ufus, ašku ra‑zġ‑gis‑skrġ yan‑uqbil imqqurn.» 19irẓm rbbi alln n‑hagar ġakudan, tẓr‑n yan‑wanu n‑waman. tddu tɛmmr‑d tayddidt s‑waman, tfk i‑uḥšmi a‑issu. 20aḥšmi‑an, illa dids rbbi ar‑ittimġur. iqama ntta ġ‑lh̬la, iwrri iga angmar iḥaršn s‑lqus. 21lliġ igawr ġ‑lh̬la n‑faran, tawi‑as‑d innas yat‑tslit zġ‑tmazirt n‑miṣr.
ggullan ibrahim d‑abimalik
22izri ma‑izrin s‑d‑yuška abimalik, nttan d‑fikul lli‑igan ariyas n‑inmmaġn‑ns, sawln s‑ibrahim inin‑as: «iban‑aġ is‑dik‑illa rbbi ġ‑kullu ma‑tskart. 23ggall‑iyi ġilad ġ‑umnid n‑rbbi ur‑sar‑iyi‑ttġḍart ula tġḍrt tarwa‑nu ula tarwa‑nsn. ġmklli‑bdda‑srk‑tfulkiġ ad‑bdda‑sri‑ttfulkit, nkki d‑tmazirt‑ad ġ‑tgawrt.» 24yini‑as ibrahim: «ha‑yyi ggulliġ.» 25yaštkka ilmma ibrahim f‑abimalik f‑ssibt n‑yan‑wanu n‑waman, ašku kkisn‑as‑t ih̬ddamn n‑abimalik. 26yini‑as abimalik: «ur‑ssinġ manwa iskrn ġayan. ur‑iyi‑srs‑tɛlmt d‑ur‑fllas‑sfldġ ar ġila.» 27yawi‑d ibrahim kra n‑uwlli d‑imugayn ifk‑tn i‑abimalik, skrn lɛhd i‑ngratsn. 28iẓli ibrahim zġ‑gr‑uwlli‑ns ssa n‑tlqqaġin waḥdutnt. 29isqsa‑t abimalik: «mad‑gant ssa n‑tlqqaġin‑ad lli‑tẓlit waḥdutnt?» 30yini‑as ibrahim: «a‑tawit kiyi ssa n‑tlqqaġin‑ad zġ‑ufus‑inu, f‑ad‑gnt tuggʷa n‑izd nkkin a‑iġzan anu‑ad.» 31gn ism ‹bir‑šibaɛ› ġakudan i‑udġar‑an [tga lmɛna‑ns ‹anu n‑ssa› nġd ‹anu n‑tgallit›], ašku ġin a‑ġ‑ggullan s‑sin.
32lliġ skrn lɛhd ġ‑bir‑šibaɛ, inkr abimalik d‑fikul lli‑igan ariyas n‑inmmaġn‑ns, wrrin s‑tmazirt n‑ayt‑filisṭin. 33iẓẓu ibrahim yat‑tṣġart n‑tammayt ġ‑bir‑šibaɛ, ar‑yaqra ġin i‑ism n‑rbbi da‑bdda‑illan, ig wad izgan idum. 34igawr ibrahim ġ‑tmazirt n‑ayt‑filisṭin ussan ggutnin.
Jelenleg kiválasztva:
isizwur 21: SHILOT20
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 21
21
talalit n‑isḥaq
1izri ma‑izrin issafu sidi rbbi awal‑ns, ibark sarah iskr‑as ġmklli‑s‑inna. 2tffuġ ar‑trbbu, taru yan‑warraw i‑ibrahim ġakud lliġ yuwssr, ġ‑tizi lli‑as‑imla rbbi. 3ig ibrahim ism ‹isḥaq› i‑yus lli‑as‑turu sarah. 4iskr ibrahim taẓallit n‑ddat i‑yus isḥaq ġ‑wis tam‑uwssan‑ns, ġmklli‑t‑yuṣṣa rbbi. 5ikka ibrahim miyya n‑usggʷas lliġ‑dars‑ilul yus isḥaq. 6tini sarah: «ifka‑yyi rbbi ad‑ḍṣṣaġ. kullu wanna flla isfldn ra‑didi‑iḍṣṣa.» 7tzayd tini: «han ur‑illi ma‑iẓḍarn a‑yini i‑ibrahim ‹ha sarah ra‑tssngay tarwa.› imma ġilad ha‑yyi uruġ‑as arraw ġ‑twssrt‑ns.»
rbbi iɛawn hagar d‑ismaɛil
8ar‑d‑ittimġur‑warraw, kksn‑as ilmma tibbišt. iskr ibrahim imnsi imqqurn ġ‑wass‑an ġ‑as‑kkisn tibbišt. 9imma sarah tẓra arraw lli‑turu hagar ullt‑miṣr i‑ibrahim, ar‑iḍṣṣa ġ‑yus isḥaq, 10tini i‑ibrahim: «ssufġ tismgt‑ad nttat d‑yus, ašku yus n‑tsmgt ur‑ra‑iwrt d‑iwi isḥaq.» 11ibrahim ṭiyr‑as bahra f‑wawal‑ad f‑ssibt n‑yus. 12imma rbbi inna i‑ibrahim: «ad‑ak‑ur‑ṭiyr f‑ssibt n‑uḥšmi ula f‑ssibt n‑tsmgt‑nk. kra‑s‑ak‑tnna sarah, sfld srs. ašku isḥaq a‑zġ‑rad‑ak‑yili‑wamud‑nk. 13imma yus n‑tsmgt, ra‑zġ‑gis‑skrġ aqbil, ašku arraw‑nk a‑iga.»
14zikk ṣbaḥ inkr ibrahim, yawi‑d aġrum ifk‑t i‑hagar, yawi‑d tayddidt n‑waman isrs‑tt‑in f‑tġruṭṭ‑ns, issufġ‑tt nttat d‑uḥšmi. tftu ar‑ttlulliy ġ‑lh̬la n‑bir‑šibaɛ. 15lliġ tmman‑waman n‑tayddidt, tfl aḥšmi ġ‑ddu yat‑tṣġart, 16tftu taggug‑n fllas ma‑itggan miyya n‑uẓmmuẓẓl tskiws tini: «a‑ur‑tmnadġ aḥšmi ar‑itmmtat.» tqama ġmkan ġ‑tuggugt ar‑talla ar‑tssġuyyu. 17imma rbbi isfld i‑tġuya n‑uḥšmi. iġr‑d lmalak n‑rbbi zġ‑ignwan s‑hagar yini‑as: «ma‑km‑yaġn a‑hagar? ad‑ur‑tiksaḍt, ašku rbbi isfld i‑tġuya n‑uḥšmi ġ‑illiġ illa. 18nkr tssbiddt aḥšmi, tamẓt‑as ġ‑ufus, ašku ra‑zġ‑gis‑skrġ yan‑uqbil imqqurn.» 19irẓm rbbi alln n‑hagar ġakudan, tẓr‑n yan‑wanu n‑waman. tddu tɛmmr‑d tayddidt s‑waman, tfk i‑uḥšmi a‑issu. 20aḥšmi‑an, illa dids rbbi ar‑ittimġur. iqama ntta ġ‑lh̬la, iwrri iga angmar iḥaršn s‑lqus. 21lliġ igawr ġ‑lh̬la n‑faran, tawi‑as‑d innas yat‑tslit zġ‑tmazirt n‑miṣr.
ggullan ibrahim d‑abimalik
22izri ma‑izrin s‑d‑yuška abimalik, nttan d‑fikul lli‑igan ariyas n‑inmmaġn‑ns, sawln s‑ibrahim inin‑as: «iban‑aġ is‑dik‑illa rbbi ġ‑kullu ma‑tskart. 23ggall‑iyi ġilad ġ‑umnid n‑rbbi ur‑sar‑iyi‑ttġḍart ula tġḍrt tarwa‑nu ula tarwa‑nsn. ġmklli‑bdda‑srk‑tfulkiġ ad‑bdda‑sri‑ttfulkit, nkki d‑tmazirt‑ad ġ‑tgawrt.» 24yini‑as ibrahim: «ha‑yyi ggulliġ.» 25yaštkka ilmma ibrahim f‑abimalik f‑ssibt n‑yan‑wanu n‑waman, ašku kkisn‑as‑t ih̬ddamn n‑abimalik. 26yini‑as abimalik: «ur‑ssinġ manwa iskrn ġayan. ur‑iyi‑srs‑tɛlmt d‑ur‑fllas‑sfldġ ar ġila.» 27yawi‑d ibrahim kra n‑uwlli d‑imugayn ifk‑tn i‑abimalik, skrn lɛhd i‑ngratsn. 28iẓli ibrahim zġ‑gr‑uwlli‑ns ssa n‑tlqqaġin waḥdutnt. 29isqsa‑t abimalik: «mad‑gant ssa n‑tlqqaġin‑ad lli‑tẓlit waḥdutnt?» 30yini‑as ibrahim: «a‑tawit kiyi ssa n‑tlqqaġin‑ad zġ‑ufus‑inu, f‑ad‑gnt tuggʷa n‑izd nkkin a‑iġzan anu‑ad.» 31gn ism ‹bir‑šibaɛ› ġakudan i‑udġar‑an [tga lmɛna‑ns ‹anu n‑ssa› nġd ‹anu n‑tgallit›], ašku ġin a‑ġ‑ggullan s‑sin.
32lliġ skrn lɛhd ġ‑bir‑šibaɛ, inkr abimalik d‑fikul lli‑igan ariyas n‑inmmaġn‑ns, wrrin s‑tmazirt n‑ayt‑filisṭin. 33iẓẓu ibrahim yat‑tṣġart n‑tammayt ġ‑bir‑šibaɛ, ar‑yaqra ġin i‑ism n‑rbbi da‑bdda‑illan, ig wad izgan idum. 34igawr ibrahim ġ‑tmazirt n‑ayt‑filisṭin ussan ggutnin.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.