isizwur 26
26
lwrt lli‑s‑iqawl rbbi i‑isḥaq
1izri ma‑izrin s‑illa‑uġʷni išqan ġ‑tmazirt‑an, zund ġwalli‑stt‑in‑ikkan ġ‑uwssan n‑ibrahim. irḥl isḥaq s‑tmazirt n‑garar dar abimalik agllid n‑ayt‑filisṭin. 2ašku iban‑as‑d sidi rbbi yini‑as: «han a‑ur‑thuwwdt s‑miṣr, walaynni srs ġ‑tmazirt lli‑rad‑ak‑mlġ, 3tgawrt gis, iliġ dik barkġ gik. ašku kiyi d‑wamud‑nk a‑mi‑rad‑fkġ ikalln‑ad kullutn, ssafuġ tagallit lli‑s‑ggulliġ i‑babak ibrahim. 4rad‑ssigtġ amud‑nk zund itran n‑ignwan, fkġ‑asn ikalln‑ad kullutn. amud‑nk a‑s‑rad‑barkġ kullu iqbiln n‑ddunit. 5ašku ibrahim isfld s‑wawal‑inu, iskr s‑kullu ma‑f‑t‑uṣṣaġ sslmdġ‑as‑t mlġ‑as‑t.»
isḥaq d‑rifqa ġ‑dar abimalik
6ġmkan a‑s‑iwrri isḥaq igawr ġ‑garar. 7sqsan‑t mddn n‑ġin f‑tmġart‑ns, yini‑asn: «ulltma a‑tga.» ašku iksuḍ, ur‑iri ad‑asn‑yini: «tga tamġart‑inu.» iswangm d‑ih̬f‑ns: «ayt‑tmazirt‑ad ẓḍarn a‑yyi‑nġn f‑ssibt n‑rifqa» ašku tfulki bahra ġ‑walln n‑mddn. 8izri ma‑izrin ar yan‑wass, ar‑d‑itmnad abimalik lli‑igan agllid n‑ayt‑filisṭin zġ‑tarryaḥt, s‑iẓra isḥaq ar‑itlɛab d‑tmġart‑ns rifqa. 9iġr‑d abimalik i‑isḥaq yini‑as: «ssnġ ġilad izd tamġart‑nk a‑tga. mah̬ aylliġ‑aġ‑tnnit tga ulltmak?» yini‑as isḥaq: «ašku swangmġ ‹a‑ur‑mmtġ f‑ssibt‑ns.› » 10yini‑as abimalik: «ma‑iga ġayd ginġ tskrt? mra is‑ign yan ġ‑mddn‑nġ d‑tmġart‑nk lukun tiwit‑aġ‑d tagat?» 11yamr ilmma abimalik mddn‑ns kullutn yini: «wanna iggrn i‑urgaz‑ad nġd tamġart‑ns, han lmut a‑s‑ra‑immt.»
12iqama isḥaq ġ‑tmazirt‑an ar‑ikkrz akal, yasi ṣṣabt ġasggʷas‑an f‑miyya n‑twal, ašku ibark gis sidi rbbi. 13ar‑dars‑ittigat lh̬ir aylliġ iwrri iṭṭaf ma‑iggutn. 14ilint‑dars‑uwlli d‑imugayn d‑mddn ggutnin aylliġ wrrin ayt‑filisṭin ar‑ti‑tḥsadn. 15kkan‑ttin ayt‑filisṭin ddan ssgln‑in una n‑waman kullutn lli‑ġzan ih̬ddamn n‑babas ibrahim, ɛmmrn‑tn‑in s‑wakal. 16yini ilmma abimalik i‑isḥaq: «zayd itti‑n zġ‑gratnġ, ašku tugʷrt‑aġ ġilad bahra.» 17iffuġ isḥaq ġakudan zġ‑wakal‑an, issbidd ih̬iyyamn‑ns ġ‑talat n‑garar igawr gis.
18izayd isḥaq iġza una n‑waman lli‑yadlli‑iġza babas ibrahim, ašku ssgln‑tn‑in ayt‑filisṭin lliġ immut. ig‑asn isḥaq ismawn lli‑asn‑iga babas. 19walaynni lliġ ġzan ih̬ddamn n‑isḥaq ġ‑talat, afn gis yat talɛint n‑waman ddrnin, 20ẓin fllas imksawn n‑garar d‑win isḥaq inin‑asn: «aman‑ad winġ ad‑gan.» ig isḥaq i‑talɛint‑an ism ‹ɛisiq› [tga lmɛna‑ns ‹ṭaẓit›], ašku ẓin dids fllas. 21ġzan ilmma anu yaḍni ar‑daġ‑fllas‑tẓin, ig‑as ism ‹siṭna› [tga lmɛna‑ns ‹timiġt›]. 22ifl ġin, iġza anu yaḍni ur‑sul‑a‑fllas‑tẓin, ig‑as ism ‹raḥubut› [tga lmɛna‑ns ‹lusɛat›]. yini: «issusɛa fllanġ sidi rbbi f‑a‑nttigat ġilad ġ‑wakal.» 23iffuġ ilmma zġ‑ġin, yawn s‑tmdint n‑bir‑šibaɛ. 24ġ‑iḍ‑an iban‑as‑d sidi rbbi yini‑as: «nkkin a‑igan rbbi n‑babak ibrahim. ad‑ur‑tiksaḍt, ašku lliġ dik a‑gik‑barkġ, ssigtġ amud‑nk f‑ssibt n‑ibrahim ah̬ddam‑inu.» 25ibnu isḥaq yan‑ukrkur n‑tġrṣi ġin, ar‑yaqra i‑ism n‑rbbi da‑bdda‑illan. issbidd ih̬iyyamn‑ns ġ‑udġar‑an, ġzan gis ih̬ddamn‑ns yan‑wanu.
26yašk‑id ilmma dars abimalik zġ‑garar, ntta d‑aḥuzzat lli‑igan amšawar‑ns d‑fikul lli‑igan ariyas n‑inmmaġn‑ns. 27yini‑asn isḥaq: «mah̬ a‑d‑dari‑tuškam? yak tḥašam‑iyi tssmsrm‑iyi‑d zġ‑darun.» 28inin‑as: «nẓra mamnk a‑dik‑illa rbbi da‑illan, nini ġir a‑nggall i‑ngratnġ, nskr lɛhd nkkʷni dik s‑tgallit, 29f‑a‑ur‑aġ‑tḍrrut ġmklli‑ur‑k‑nḍrra. ha‑yaġ ur‑gik‑nskir abla afulki, nazn‑k s‑sslamt. ašku ambarki n‑sidi rbbi a‑tgit.» 30iskr‑asn isḥaq imnsi imqqurn ššn sun. 31nkrn‑d zikk ṣbaḥ ggalln i‑ngratsn, yazn‑tn ilmma isḥaq, ddun ġ‑sslamt. 32aškin‑d ih̬ddamn n‑isḥaq ġassan, sawln‑as f‑wanu yaḍni lli‑ġzan inin‑as: «ha‑yaġ nlkm aman.» 33ig i‑wanu‑an ism ‹šibaɛ› [tga lmɛna‑ns ‹tagallit›]. ar‑ttinin i‑tmdint‑an ‹bir‑šibaɛ› sul s‑ġassad.
34imma ɛisu, lliġ ikka kkuẓ id‑mraw (40) n‑usggʷas, itahl yahudit illis n‑biyri gu‑ḥit, itahl ula basimat illis n‑ilun gu‑ḥit. 35gnt ntnti wasmmum ġ‑uwl n‑isḥaq d‑rifqa.
Jelenleg kiválasztva:
isizwur 26: SHILOT20
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 26
26
lwrt lli‑s‑iqawl rbbi i‑isḥaq
1izri ma‑izrin s‑illa‑uġʷni išqan ġ‑tmazirt‑an, zund ġwalli‑stt‑in‑ikkan ġ‑uwssan n‑ibrahim. irḥl isḥaq s‑tmazirt n‑garar dar abimalik agllid n‑ayt‑filisṭin. 2ašku iban‑as‑d sidi rbbi yini‑as: «han a‑ur‑thuwwdt s‑miṣr, walaynni srs ġ‑tmazirt lli‑rad‑ak‑mlġ, 3tgawrt gis, iliġ dik barkġ gik. ašku kiyi d‑wamud‑nk a‑mi‑rad‑fkġ ikalln‑ad kullutn, ssafuġ tagallit lli‑s‑ggulliġ i‑babak ibrahim. 4rad‑ssigtġ amud‑nk zund itran n‑ignwan, fkġ‑asn ikalln‑ad kullutn. amud‑nk a‑s‑rad‑barkġ kullu iqbiln n‑ddunit. 5ašku ibrahim isfld s‑wawal‑inu, iskr s‑kullu ma‑f‑t‑uṣṣaġ sslmdġ‑as‑t mlġ‑as‑t.»
isḥaq d‑rifqa ġ‑dar abimalik
6ġmkan a‑s‑iwrri isḥaq igawr ġ‑garar. 7sqsan‑t mddn n‑ġin f‑tmġart‑ns, yini‑asn: «ulltma a‑tga.» ašku iksuḍ, ur‑iri ad‑asn‑yini: «tga tamġart‑inu.» iswangm d‑ih̬f‑ns: «ayt‑tmazirt‑ad ẓḍarn a‑yyi‑nġn f‑ssibt n‑rifqa» ašku tfulki bahra ġ‑walln n‑mddn. 8izri ma‑izrin ar yan‑wass, ar‑d‑itmnad abimalik lli‑igan agllid n‑ayt‑filisṭin zġ‑tarryaḥt, s‑iẓra isḥaq ar‑itlɛab d‑tmġart‑ns rifqa. 9iġr‑d abimalik i‑isḥaq yini‑as: «ssnġ ġilad izd tamġart‑nk a‑tga. mah̬ aylliġ‑aġ‑tnnit tga ulltmak?» yini‑as isḥaq: «ašku swangmġ ‹a‑ur‑mmtġ f‑ssibt‑ns.› » 10yini‑as abimalik: «ma‑iga ġayd ginġ tskrt? mra is‑ign yan ġ‑mddn‑nġ d‑tmġart‑nk lukun tiwit‑aġ‑d tagat?» 11yamr ilmma abimalik mddn‑ns kullutn yini: «wanna iggrn i‑urgaz‑ad nġd tamġart‑ns, han lmut a‑s‑ra‑immt.»
12iqama isḥaq ġ‑tmazirt‑an ar‑ikkrz akal, yasi ṣṣabt ġasggʷas‑an f‑miyya n‑twal, ašku ibark gis sidi rbbi. 13ar‑dars‑ittigat lh̬ir aylliġ iwrri iṭṭaf ma‑iggutn. 14ilint‑dars‑uwlli d‑imugayn d‑mddn ggutnin aylliġ wrrin ayt‑filisṭin ar‑ti‑tḥsadn. 15kkan‑ttin ayt‑filisṭin ddan ssgln‑in una n‑waman kullutn lli‑ġzan ih̬ddamn n‑babas ibrahim, ɛmmrn‑tn‑in s‑wakal. 16yini ilmma abimalik i‑isḥaq: «zayd itti‑n zġ‑gratnġ, ašku tugʷrt‑aġ ġilad bahra.» 17iffuġ isḥaq ġakudan zġ‑wakal‑an, issbidd ih̬iyyamn‑ns ġ‑talat n‑garar igawr gis.
18izayd isḥaq iġza una n‑waman lli‑yadlli‑iġza babas ibrahim, ašku ssgln‑tn‑in ayt‑filisṭin lliġ immut. ig‑asn isḥaq ismawn lli‑asn‑iga babas. 19walaynni lliġ ġzan ih̬ddamn n‑isḥaq ġ‑talat, afn gis yat talɛint n‑waman ddrnin, 20ẓin fllas imksawn n‑garar d‑win isḥaq inin‑asn: «aman‑ad winġ ad‑gan.» ig isḥaq i‑talɛint‑an ism ‹ɛisiq› [tga lmɛna‑ns ‹ṭaẓit›], ašku ẓin dids fllas. 21ġzan ilmma anu yaḍni ar‑daġ‑fllas‑tẓin, ig‑as ism ‹siṭna› [tga lmɛna‑ns ‹timiġt›]. 22ifl ġin, iġza anu yaḍni ur‑sul‑a‑fllas‑tẓin, ig‑as ism ‹raḥubut› [tga lmɛna‑ns ‹lusɛat›]. yini: «issusɛa fllanġ sidi rbbi f‑a‑nttigat ġilad ġ‑wakal.» 23iffuġ ilmma zġ‑ġin, yawn s‑tmdint n‑bir‑šibaɛ. 24ġ‑iḍ‑an iban‑as‑d sidi rbbi yini‑as: «nkkin a‑igan rbbi n‑babak ibrahim. ad‑ur‑tiksaḍt, ašku lliġ dik a‑gik‑barkġ, ssigtġ amud‑nk f‑ssibt n‑ibrahim ah̬ddam‑inu.» 25ibnu isḥaq yan‑ukrkur n‑tġrṣi ġin, ar‑yaqra i‑ism n‑rbbi da‑bdda‑illan. issbidd ih̬iyyamn‑ns ġ‑udġar‑an, ġzan gis ih̬ddamn‑ns yan‑wanu.
26yašk‑id ilmma dars abimalik zġ‑garar, ntta d‑aḥuzzat lli‑igan amšawar‑ns d‑fikul lli‑igan ariyas n‑inmmaġn‑ns. 27yini‑asn isḥaq: «mah̬ a‑d‑dari‑tuškam? yak tḥašam‑iyi tssmsrm‑iyi‑d zġ‑darun.» 28inin‑as: «nẓra mamnk a‑dik‑illa rbbi da‑illan, nini ġir a‑nggall i‑ngratnġ, nskr lɛhd nkkʷni dik s‑tgallit, 29f‑a‑ur‑aġ‑tḍrrut ġmklli‑ur‑k‑nḍrra. ha‑yaġ ur‑gik‑nskir abla afulki, nazn‑k s‑sslamt. ašku ambarki n‑sidi rbbi a‑tgit.» 30iskr‑asn isḥaq imnsi imqqurn ššn sun. 31nkrn‑d zikk ṣbaḥ ggalln i‑ngratsn, yazn‑tn ilmma isḥaq, ddun ġ‑sslamt. 32aškin‑d ih̬ddamn n‑isḥaq ġassan, sawln‑as f‑wanu yaḍni lli‑ġzan inin‑as: «ha‑yaġ nlkm aman.» 33ig i‑wanu‑an ism ‹šibaɛ› [tga lmɛna‑ns ‹tagallit›]. ar‑ttinin i‑tmdint‑an ‹bir‑šibaɛ› sul s‑ġassad.
34imma ɛisu, lliġ ikka kkuẓ id‑mraw (40) n‑usggʷas, itahl yahudit illis n‑biyri gu‑ḥit, itahl ula basimat illis n‑ilun gu‑ḥit. 35gnt ntnti wasmmum ġ‑uwl n‑isḥaq d‑rifqa.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.