isizwur 30
30
1imma raḥil lliġ tẓra ur‑turu i‑yaɛqub, tḥsad ulltmas bahra. tini i‑yaɛqub: «fk‑iyi tarwa nġd ad‑mmtġ.» 2ibzg yaɛqub f‑raḥil yini‑as: «izd nkkin a‑igan rbbi? is‑urd nttan a‑n‑fllam‑iḥṣarn lġllt n‑waḥlig?» 3tini‑as: «ha tismgt‑inu bilha, kšm fllas a‑ttaru f‑ifaddn‑inu, ṭṭafġ nkki tarwa zġ‑gis.» 4tfk‑as ilmma tismgt‑ns bilha ad‑as‑tg tamġart, ikšm fllas. 5tffuġ bilha ar‑trbbu taru i‑yaɛqub yan‑warraw. 6tsawl‑d raḥil tini: «ġilad izzga‑yyi rbbi lḥqq‑inu, isfld i‑wawal‑inu, ifk‑iyi yan‑warraw.» tg‑as ism ‹dan› [tga lmɛna‑ns ‹iḥkam›]. 7ar‑daġ‑trbbu bilha tismgt n‑raḥil, taru i‑yaɛqub arraw yaḍni, 8tini raḥil: «timiġt imqqurn ad‑mmaġġ d‑uwlltma, hati nriġ‑tt.» tg‑as ism ‹naftali› [tga lmɛna‑ns ‹imiġ‑inu›].
9lliġ tẓra layah ur‑sul‑a‑trbbu, tawi‑d tismgt‑ns zilfa, tfk‑tt i‑yaɛqub ad‑as‑tg tamġart. 10taru ilmma zilfa tismgt n‑layah yan‑warraw i‑yaɛqub. 11tsawl‑d layah tini: «zzhr a‑dari‑illan.» tg‑as ism ‹gad› [tga lmɛna‑ns ‹zzhr›]. 12taru zilfa tismgt n‑layah arraw yaḍni i‑yaɛqub. 13tini layah: «lfrḥ a‑dari‑illan. ‹tasaɛdit› a‑rad‑iyi‑ttinint‑tmġarin.» tg‑as ism ‹ašir› [tga lmɛna‑ns ‹lfrḥ›].
14yan‑wass ġ‑uwssan n‑tmgra n‑irdn, iddu rawbin s‑lh̬la, yaf‑n gis tirkmin n‑trryal, yawi‑tnt‑d i‑innas layah. tini raḥil ġakudan i‑layah: «ġir fk‑iyi kra zġ‑trryal lli‑d‑yiwi yum.» 15tini‑as: «is‑ur‑km‑yuwdi tiwit‑iyi argaz‑inu, tirit ula ad‑iyi‑tawit trryal n‑iwi?» tini‑as raḥil: «han ra‑dim‑ign ġ‑iḍ‑ad, tfkt‑iyi trryal n‑yum.» 16lliġ‑d‑yuška yaɛqub zġ‑tagant tadggʷat, tffuġ‑d layah tmnaggar‑t‑in tini‑as: «iqqan‑k‑id a‑flla‑tkšmt ašku hati kʷriġ‑k s‑trryal n‑iwi.» ign dids ġ‑iḍ‑an. 17isfld rbbi i‑maylli tnna layah, tffuġ ar‑trbbu taru i‑yaɛqub arraw wis smmus. 18tini layah: «ijaza‑yyi rbbi f‑lkra‑nu, ašku fkiġ tismgt i‑urgaz‑inu.» tg‑as ism ‹yassakar› [tga lmɛna‑ns ‹ityawkra›]. 19ar‑daġ‑trbbu layah taru i‑yaɛqub arraw wis sḍis. 20tini layah: «ifka‑yyi‑d rbbi yat‑twafka imqqurn. ġilad ra‑sri‑irḍu‑urgaz‑inu, ašku uruġ‑as sḍis tarwa.» tg‑as ism ‹zabulun› [tga lmɛna‑ns ‹rrḍa›]. 21taru ilmma yat‑tfruh̬t tg‑as ism ‹dina› [tga lmɛna‑ns ‹lḥukm›].
22walaynni rbbi iswangm ġ‑raḥil isfld‑as, irẓm aḥlig‑ns 23tffuġ ar‑trbbu taru yan‑warraw tini: «rbbi issitti flla lɛar.» 24tg‑as ism ‹yusf› [tga lmɛna‑ns ‹ittzad›], ašku tnna: «ad‑iyi‑d‑izayd sidi rbbi yan‑warraw yaḍni.»
ulli n‑yaɛqub d‑laban
25tigira n‑tlalit n‑yusf i‑raḥil, isawl yaɛqub s‑laban yini‑as: «adj‑iyi ad‑wrriġ s‑tmazirt‑inu s‑dar ayt‑dari, 26tfkt‑iyi timġarin‑inu d‑tarwa‑nu lli‑f‑dark‑h̬dmġ, tsafḍt‑iyi ġilad ad‑mudduġ, ašku tssnt tawuri ayd‑ak‑skrġ.» 27yini‑as laban: «iġ‑sri‑trḍit, tsfldt‑iyi. hati ẓriġ ġ‑tšuwwaft izd ssibt‑nk a‑f‑iyi‑ibark sidi rbbi. 28ini‑yyi ġila mnšk a‑trit ġ‑tġrad‑nk, fkġ‑ak‑t.» 29irar‑as yaɛqub: «tssnt mamnk ad‑dark‑h̬dmġ, tẓrt lksibt‑nk tṣab kullu mad‑kkiġ ġ‑dark. 30idrus ma‑dark‑illan ġakud lliġ‑d‑uškiġ, imma ġilad hati iwrri iggut bahra. kullu mani tkkaġ ar‑ak‑gis‑itbarak sidi rbbi. walaynni is‑ur‑iyi‑d‑iqqan ġilad ad‑asiġ takat‑inu nkki?» 31isqsa‑t laban: «mnšk a‑trit ad‑ak‑srs‑th̬llaṣġ?» irar‑as yaɛqub: «ad‑ur‑iyi‑tth̬llaṣt s‑yat. walaynni skr s‑wawal‑ad, qamaġ nkki ar‑kssaġ tawrut‑nk gablġ‑tt. 32adj‑iyi ġassad ad‑zriġ ġ‑gr‑uwlli‑nk kullutnt, ẓliġ zġ‑gisnt kraygatt tahruyt nna‑igan tabrart nġd takrkaṭṭ, d‑kraygatt alqqaġ nna‑iḍlan ġ‑gr ihray, ula kraygatt takrkaṭṭ d‑tbrart ġ‑gr‑waġaḍn. mayan a‑ra‑ig tiġrad‑inu. 33zġ‑ġilad s‑uflla ra‑tissant is‑dik‑ġwiġ aġaras nġd uhu, ašku tiġrad‑inu rad‑ak‑bannt s‑walln‑nk. kra ur‑igin takrkaṭṭ ula tabrart ġ‑gr‑waġaḍn‑inu, nġd kra ur‑igin iḍili ġ‑gr ihray‑inu, ra‑tissant is‑ak‑t‑ukrġ.» 34yini‑as laban: «wah̬h̬a, ġmkan‑s‑tnnit a‑ra‑yili.» 35walaynni iẓli laban ġassan kullu igzzayn d‑ibrarn zġ‑gr ibukirn, ula kullu tikrkaḍin d‑tbrarin ula kullu ma‑ġ‑tlla‑tmlli zġ‑gr‑tiġaṭṭn, ula kullu ma‑iḍlan zġ‑gr ihray. yuṣṣu tarwa‑ns a‑tn‑gabln. 36yawi‑tn s‑mani yaggugn zġ‑yaɛqub s‑twada n‑kraḍ‑uwssan.
imma yaɛqub ar‑sul‑ikssa ulli n‑laban lli‑iqaman. 37inkr yaɛqub ġakudan yasi‑d kra n‑iṣṭṭwan n‑ssfsaf zgzawnin d‑lluz d‑imršiq isrm‑tn, iskr gisn ikrjan mllulnin aylliġ‑di‑tban‑tmlli n‑iṣṭṭwan. 38iẓẓu‑tn ġ‑tama n‑ifraḍn n‑waman, f‑ad‑ilin ġ‑lgddam n‑walln n‑uwlli ġakud nna‑ssant. ašku ntnti iġ‑d‑uškant ad‑sunt, ar‑tragnt. 39ġakud nna‑tragnt‑uwlli ġ‑lgddam n‑iṣṭṭwan, ar‑tarunt tigzzayin d‑tkrkaḍin d‑tbrarin. 40izayd yaɛqub iẓli tihray, isswala‑tnt i‑igzzayn d‑iḍalan ġ‑tuwrut n‑laban. izayd ilmma issmun tawrut‑ns, iẓli‑tt zġ‑tin laban. 41ġakud nna‑tragnt‑uwlli nna‑iṣḥan jjint, iẓẓu yaɛqub iṣṭṭwan ġ‑tama n‑ifraḍn ġ‑lgddam n‑walln‑nsnt, baš a‑tragnt ġ‑lgddam n‑iṣṭṭwan‑an. 42imma ulli nna‑iḍɛfn, ur‑a‑ysnt‑itgga iṣṭṭwan. izri ma‑izrin s‑ha tilli ḍɛfnin kullutnt tin laban ad‑gant, imma tilli ṣḥanin gant tin yaɛqub. 43ġmkan a‑s‑iwrri yaɛqub ar‑itġnu bahra, igatnt‑dars‑tuwrutin d‑tsmgin d‑ismgan d‑irɛman d‑iġʷyal.
Jelenleg kiválasztva:
isizwur 30: SHILOT20
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 30
30
1imma raḥil lliġ tẓra ur‑turu i‑yaɛqub, tḥsad ulltmas bahra. tini i‑yaɛqub: «fk‑iyi tarwa nġd ad‑mmtġ.» 2ibzg yaɛqub f‑raḥil yini‑as: «izd nkkin a‑igan rbbi? is‑urd nttan a‑n‑fllam‑iḥṣarn lġllt n‑waḥlig?» 3tini‑as: «ha tismgt‑inu bilha, kšm fllas a‑ttaru f‑ifaddn‑inu, ṭṭafġ nkki tarwa zġ‑gis.» 4tfk‑as ilmma tismgt‑ns bilha ad‑as‑tg tamġart, ikšm fllas. 5tffuġ bilha ar‑trbbu taru i‑yaɛqub yan‑warraw. 6tsawl‑d raḥil tini: «ġilad izzga‑yyi rbbi lḥqq‑inu, isfld i‑wawal‑inu, ifk‑iyi yan‑warraw.» tg‑as ism ‹dan› [tga lmɛna‑ns ‹iḥkam›]. 7ar‑daġ‑trbbu bilha tismgt n‑raḥil, taru i‑yaɛqub arraw yaḍni, 8tini raḥil: «timiġt imqqurn ad‑mmaġġ d‑uwlltma, hati nriġ‑tt.» tg‑as ism ‹naftali› [tga lmɛna‑ns ‹imiġ‑inu›].
9lliġ tẓra layah ur‑sul‑a‑trbbu, tawi‑d tismgt‑ns zilfa, tfk‑tt i‑yaɛqub ad‑as‑tg tamġart. 10taru ilmma zilfa tismgt n‑layah yan‑warraw i‑yaɛqub. 11tsawl‑d layah tini: «zzhr a‑dari‑illan.» tg‑as ism ‹gad› [tga lmɛna‑ns ‹zzhr›]. 12taru zilfa tismgt n‑layah arraw yaḍni i‑yaɛqub. 13tini layah: «lfrḥ a‑dari‑illan. ‹tasaɛdit› a‑rad‑iyi‑ttinint‑tmġarin.» tg‑as ism ‹ašir› [tga lmɛna‑ns ‹lfrḥ›].
14yan‑wass ġ‑uwssan n‑tmgra n‑irdn, iddu rawbin s‑lh̬la, yaf‑n gis tirkmin n‑trryal, yawi‑tnt‑d i‑innas layah. tini raḥil ġakudan i‑layah: «ġir fk‑iyi kra zġ‑trryal lli‑d‑yiwi yum.» 15tini‑as: «is‑ur‑km‑yuwdi tiwit‑iyi argaz‑inu, tirit ula ad‑iyi‑tawit trryal n‑iwi?» tini‑as raḥil: «han ra‑dim‑ign ġ‑iḍ‑ad, tfkt‑iyi trryal n‑yum.» 16lliġ‑d‑yuška yaɛqub zġ‑tagant tadggʷat, tffuġ‑d layah tmnaggar‑t‑in tini‑as: «iqqan‑k‑id a‑flla‑tkšmt ašku hati kʷriġ‑k s‑trryal n‑iwi.» ign dids ġ‑iḍ‑an. 17isfld rbbi i‑maylli tnna layah, tffuġ ar‑trbbu taru i‑yaɛqub arraw wis smmus. 18tini layah: «ijaza‑yyi rbbi f‑lkra‑nu, ašku fkiġ tismgt i‑urgaz‑inu.» tg‑as ism ‹yassakar› [tga lmɛna‑ns ‹ityawkra›]. 19ar‑daġ‑trbbu layah taru i‑yaɛqub arraw wis sḍis. 20tini layah: «ifka‑yyi‑d rbbi yat‑twafka imqqurn. ġilad ra‑sri‑irḍu‑urgaz‑inu, ašku uruġ‑as sḍis tarwa.» tg‑as ism ‹zabulun› [tga lmɛna‑ns ‹rrḍa›]. 21taru ilmma yat‑tfruh̬t tg‑as ism ‹dina› [tga lmɛna‑ns ‹lḥukm›].
22walaynni rbbi iswangm ġ‑raḥil isfld‑as, irẓm aḥlig‑ns 23tffuġ ar‑trbbu taru yan‑warraw tini: «rbbi issitti flla lɛar.» 24tg‑as ism ‹yusf› [tga lmɛna‑ns ‹ittzad›], ašku tnna: «ad‑iyi‑d‑izayd sidi rbbi yan‑warraw yaḍni.»
ulli n‑yaɛqub d‑laban
25tigira n‑tlalit n‑yusf i‑raḥil, isawl yaɛqub s‑laban yini‑as: «adj‑iyi ad‑wrriġ s‑tmazirt‑inu s‑dar ayt‑dari, 26tfkt‑iyi timġarin‑inu d‑tarwa‑nu lli‑f‑dark‑h̬dmġ, tsafḍt‑iyi ġilad ad‑mudduġ, ašku tssnt tawuri ayd‑ak‑skrġ.» 27yini‑as laban: «iġ‑sri‑trḍit, tsfldt‑iyi. hati ẓriġ ġ‑tšuwwaft izd ssibt‑nk a‑f‑iyi‑ibark sidi rbbi. 28ini‑yyi ġila mnšk a‑trit ġ‑tġrad‑nk, fkġ‑ak‑t.» 29irar‑as yaɛqub: «tssnt mamnk ad‑dark‑h̬dmġ, tẓrt lksibt‑nk tṣab kullu mad‑kkiġ ġ‑dark. 30idrus ma‑dark‑illan ġakud lliġ‑d‑uškiġ, imma ġilad hati iwrri iggut bahra. kullu mani tkkaġ ar‑ak‑gis‑itbarak sidi rbbi. walaynni is‑ur‑iyi‑d‑iqqan ġilad ad‑asiġ takat‑inu nkki?» 31isqsa‑t laban: «mnšk a‑trit ad‑ak‑srs‑th̬llaṣġ?» irar‑as yaɛqub: «ad‑ur‑iyi‑tth̬llaṣt s‑yat. walaynni skr s‑wawal‑ad, qamaġ nkki ar‑kssaġ tawrut‑nk gablġ‑tt. 32adj‑iyi ġassad ad‑zriġ ġ‑gr‑uwlli‑nk kullutnt, ẓliġ zġ‑gisnt kraygatt tahruyt nna‑igan tabrart nġd takrkaṭṭ, d‑kraygatt alqqaġ nna‑iḍlan ġ‑gr ihray, ula kraygatt takrkaṭṭ d‑tbrart ġ‑gr‑waġaḍn. mayan a‑ra‑ig tiġrad‑inu. 33zġ‑ġilad s‑uflla ra‑tissant is‑dik‑ġwiġ aġaras nġd uhu, ašku tiġrad‑inu rad‑ak‑bannt s‑walln‑nk. kra ur‑igin takrkaṭṭ ula tabrart ġ‑gr‑waġaḍn‑inu, nġd kra ur‑igin iḍili ġ‑gr ihray‑inu, ra‑tissant is‑ak‑t‑ukrġ.» 34yini‑as laban: «wah̬h̬a, ġmkan‑s‑tnnit a‑ra‑yili.» 35walaynni iẓli laban ġassan kullu igzzayn d‑ibrarn zġ‑gr ibukirn, ula kullu tikrkaḍin d‑tbrarin ula kullu ma‑ġ‑tlla‑tmlli zġ‑gr‑tiġaṭṭn, ula kullu ma‑iḍlan zġ‑gr ihray. yuṣṣu tarwa‑ns a‑tn‑gabln. 36yawi‑tn s‑mani yaggugn zġ‑yaɛqub s‑twada n‑kraḍ‑uwssan.
imma yaɛqub ar‑sul‑ikssa ulli n‑laban lli‑iqaman. 37inkr yaɛqub ġakudan yasi‑d kra n‑iṣṭṭwan n‑ssfsaf zgzawnin d‑lluz d‑imršiq isrm‑tn, iskr gisn ikrjan mllulnin aylliġ‑di‑tban‑tmlli n‑iṣṭṭwan. 38iẓẓu‑tn ġ‑tama n‑ifraḍn n‑waman, f‑ad‑ilin ġ‑lgddam n‑walln n‑uwlli ġakud nna‑ssant. ašku ntnti iġ‑d‑uškant ad‑sunt, ar‑tragnt. 39ġakud nna‑tragnt‑uwlli ġ‑lgddam n‑iṣṭṭwan, ar‑tarunt tigzzayin d‑tkrkaḍin d‑tbrarin. 40izayd yaɛqub iẓli tihray, isswala‑tnt i‑igzzayn d‑iḍalan ġ‑tuwrut n‑laban. izayd ilmma issmun tawrut‑ns, iẓli‑tt zġ‑tin laban. 41ġakud nna‑tragnt‑uwlli nna‑iṣḥan jjint, iẓẓu yaɛqub iṣṭṭwan ġ‑tama n‑ifraḍn ġ‑lgddam n‑walln‑nsnt, baš a‑tragnt ġ‑lgddam n‑iṣṭṭwan‑an. 42imma ulli nna‑iḍɛfn, ur‑a‑ysnt‑itgga iṣṭṭwan. izri ma‑izrin s‑ha tilli ḍɛfnin kullutnt tin laban ad‑gant, imma tilli ṣḥanin gant tin yaɛqub. 43ġmkan a‑s‑iwrri yaɛqub ar‑itġnu bahra, igatnt‑dars‑tuwrutin d‑tsmgin d‑ismgan d‑irɛman d‑iġʷyal.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Selected Old Testament in Tashelhayt (Latin script) © United Bible Societies, 2020.
Robert Bernard Dann.