Mata 1
1
Pe rusu cemeya ge Zeso ne
1Kr 2.3-15; 3.5-19; Luk 3.23-38
1Pe rusu cemeya ge Zeso Krist ne, ne ge wuwa no ge pe rusu ge gan ga̰a̰l Daviɗ ne zì, ge mbo no ge Abraham ta ya:
2Abraham too Isak,
Isak too Jakob no,
Jakob too Juda mage na na̰ van ma no,
3Juda too Perez mage Zera no, num na̰ Tamar.
Perez too Esrom no,
Esrom too Aram no,
4Aram too Aminadab no,
Aminadab too Nason no,
Nason too Salmon no,
5Salmon too Buwaza no, ne na̰ Rahab.
Buwaza too Obeɗ no, ne na̰ Ruɗ.
6Obeɗ too Jese no,
Jese too gan ga̰a̰l Daviɗ no,
Gan ga̰a̰l Daviɗ too Salomo̰ no. Ne na̰ kaa wal Uri gwale.
7Salomo̰ too Robowam no,
Robowam too Abiya no,
Abiya too Azaf no,
8Azaf too Jozafaɗ no,
Jozafaɗ too Yoram no,
Yoram too Oziyas no,
9Oziyas too Yotam no,
Yotam too Akaz no,
Akaz too Ezekiyas no,
10Ezekiyas too Manase no,
Manase too Amon no,
Amon too Zoziyas no,
11Zoziyas too Yekoniyas mage na na̰ van ma no, ge sok ge nda ge Babilon ma haa ge Izrayel van ma pagal, àa ɔwabe num ge pool mbo kaɗ ge maa suwal yà no.
12Guwa̰ ge àa ɔwabe num mbo suwal Babilon yà go,
Yekoniyas too Salasiyel no,
Salasiyel too Zorobabel no,
13Zorobabel too Abiyu no,
Abiyu too Eliyakim no,
Eliyakim too Azor no,
14Azor too Sadog no,
Sadog too Akim no,
Akim too Eliyuɗ no,
15Eliyuɗ too Eleyazar no,
Eleyazar too Matan no,
Matan too Jakob no,
16Jakob too Jozef no, ne ge kaa zok ge Mari, Mari mbe ge Zeso ge àa tol ne Krist, ndu ge Dok taa ne wuwa ge ne zì.
17Doŋ pe mbe ma no mɔɗwag, ge Abraham ta ya ɗiŋ mbo ya Daviɗ ta go, àa wol pɔgwa ndà. Ge Daviɗ ta go ɗiŋ deɗ-ɗa ge sok ge àa ɔwabe num mbo suwal Babilon yà go, àa wol pɔgwa ndà me. Ge sok ge àa ɔwabe num mbo suwal Babilon yà go ɗiŋ deɗ-ɗa ge Krist, ndu ge Dok taa ne ta go, àa wol pɔgwa ndà iya.
Fare wuwageya ge tolla ge Krist ne pagal
Luk 2.1-21
18Ḛ kuwa go tolla ge Zeso Krist ne dee ya pe gyana de. Mari ge ne na̰, ndu son a̰me ɗu ge àa tol ne Jozef ka dwam nee ne. Sok ge àa gale wa ya be kaɗ-ɗa dagre, see emel no, ge pool ge On̰om ge Harcal ta. 19Jozef ge ka dwam ne kaa ndu ge temel ne, be ɓyare na ke kṵwa̰ ne pagal ɗoo, ne see daŋso to. Ka ɓyare vin̰a ge go na ɔwabe tene gezi ge ne ta chala jan. 20Sok ge ka dwaɗ ge fare mbe ma pagal, ndii! Malayka ge Bagezok ne a̰me ɗu dyan tene ge ne ta gaw ge kin̰a zì, jan ne go: «Jozef ge gan ga̰a̰l Daviɗ Baŋ, kaa ge mo chiya voo to, ame mo gwale Mari, ago, van ge no ne laa zì, mbo ge pool ge On̰om ge Harcal ne ta ya. 21Kuwa go, ne mbo tol van son, mo mbo hon ne dḭḭl Zeso, ago, a ne sḛ mbo mon na nda ma ne ge num kaŋ keeya ge sone ma zì ya.»
22Ge sego, kaŋ mbe ma dee ya keeya tetem ndwa huy fare ge Bagezok dee jin̰a ge na ndu ge zwagre na wa, wa zì go: 23«Kuwa go, van kale ge na na̰ tok jan mbo hee emel, mbo tol van son, àa mbo tol ne dḭḭl Emanuwel, ge ne pe wan go: “Dok go ɓanna ge nè.”»#Eza 7.14.
24Guwa̰ ge Jozef kore ge dwam se go, mbo ya kee tèmel ge wa hoɗɗa ge malayka ge Bagezok ne ma pagal tem, ame Mari kaɗ zok. 25Ɗaŋɗe, ɓan ge ne to ɗiŋ ge go ne mbo tol na van son mbe ya se. Jozef hon ne dḭḭl go Zeso.
Jelenleg kiválasztva:
Mata 1: kiaGRB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2017 Wycliffe Bible Translations, Inc. All rights reserved.