MATHAI Lokhraemhaih
Lokhraemhaih
Tamthang Kahoih Mathai mah Lokpaek Kangquem ah Sithaw mah angmah kaminawk khaeah Pahlongkung paek hanah lok amaih batih toengah Jesuh hae lok amaih a koephaih ih ni tihae amtuengsak. Hi Tamthang Kahoih hae Jesuh tacawt moa khosakhaih prae thungih kaom Judah kaminawk khueh hanih na ai moa, longprae bum boih hanih ni tito amtuengsak.
Tamthang Kahoih Mathai hae acoe aha hoiah kamtom kamzen ah hoihdak ah tarik ih ni. Jesuh zahhaih hoiah amtong moa baptisma a hak haih hoi zaepacunghaih, Galili prae ah tamthang lok a thuihhaih, a patukhaih hoi ngoinanawk hoihsakhaih ih roekto a tarik. Topacoengah Jesuh Galili hoitoah Jerusalem ah a caehhaih, Jerusalem ah tabaih hnukkhuem koek patohhaih kawng, kraws ah takhinghaih hoi angthawklethaih ih to doeh tarik.
Mathai Tamthang Kahoih mah hae Jesuh loa Patukkung kalen ni tihae amtuengsak. Jesuh loa Sithaw ih Tawklok thuihpacaih thaih ih akaa a tawnh moa Sithaw Poenghaih kawng patukkung ni tihae a thuih. A patukhaih ih hae pangato ah pahlom cu thaih:
(1) Maenui ah patukhaih ih. Hiah hae Van Poenghaih thungah kaom kaminawk ih tuinuenh, a sak o hanih tok laek, a hnuk o hanih hmuen hoi ka om hankoi hmuen to tarik. (Kalen 5-7);
(2) Hnukbang hlaihnet tonawk mah toksak o hanih to a thuih pae haih ihnawk (Kalen 10);
(3) Van Poenghaih kawng patahhaih (kalen 13);
(4) Hnukbang ah coenghhaih ih ahlong arui patukhaih (kalen 18);
(5) Vaihi dung aboenghaih kawng hoi Van Poenghaih kangzo hankoi patukhaih (kalen 24-25)
Lokpui Tanawk
Jesuh tacawthaih hoi zahhaih (1:1—2:23)
Baptisma paekkung Johan toksakhaih (3:1-12)
Angraeng Jesuh baptisma hakhaih hoi zaepacunghaih (3:13—4:11)
Galili prae kaminawk boih khaeah toksakhaih (4:12—18:35)
Galili hoitoah Jerusalem karoekto (19:1—20:34)
Tabaih hnukkhuem koek Jerusalem hoi a taenghaek ah (21:1—27:66)
Angraeng angthawklethaih hoi amtuenghaih (28:1-20)
Jelenleg kiválasztva:
MATHAI Lokhraemhaih: AKNT2023
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Asang Khongso New Testament in Eastern Khumi © Bible Society of Myanmar, 2023.