Jovano 2
2
E svaturja ande Kana Galilejsko
1O trito đes sas e svaturja ando gav Kana Galilejaći. Okote sas e Isusešći dej, 2a pe svaturja sas akharde vi o Isus thaj lešće učenikurja. 3Kana nas len majbut mol, e Isusešći dej phendas lešće: “Naj len majbut mol.” 4A o Isus phendas laće: “Drago manušnjije, so si man tusa? Još či avilo mungro časo!” 5Lešći dej phendas e slugenđe: “Ćeren sa so phenel tumenđe.” 6A okote sas šov bare barune ćupurja palo paj, saven e Židovurja koristinas palo obredno thoipe. Thaj ande svako lendar šaj ačhelas katar ohtovardeš dži ke šel thaj biš litre. 7O Isus phendas e slugenđe: “Pheren e ćupurja e pajesa!” Thaj von pherdine len dži ko vrho. 8Askal phendas lenđe: “Akana len cara thaj inđaren ko manuša savo si zadužime palo habe thaj pipe.” Thaj von ćerdine gajda. 9O manuš probisarda o paj savo postanisardas mol, ali či džanglas katar si. Godova džangline samo e sluge save line o paj. O manuš askal akhardas e džamutre 10thaj phendas lešće: “Svako manuš prvo inkalel e majlačhi mol, a kana e gosturja maton, askal e majslabo mol. A tu araćhejas e lačhi mol sa dži akana.” 11Gajda o Isus piro prvo čudesno znako ćerda ande Kana Galilejaći thaj javno sikadas piri slava, pa lešće učenikurja paćaine ande leste. 12Pale godova o Isus đelo pire dejava, phralenca, thaj e učenikonenca ando gav Kafarnaum, kaj ačhiline varesave đesa.
O Isus tradel e trgovconen andar o Hramo
(Mt 21,12–13; Mk 11,15–17; Lk 19,45–46)
13Paše sas o židovsko prazniko Pasha, pa o Isus đelo ando Jerusalim. 14Ande hramošći avlija arakhlas e trgovcen save bićinenas e guruven, bakhren thaj e golubonen. Okote arakhlas vi e menjačen sar bešen thaj menjin e love. 15O Isus ćerda bičo katar e dori thaj trada sa e trgovcen andar o Hramo, zajedno e bakhrenca thaj e guruvenca, a e menjačenđe rspisardas e love thaj prevrnisardas lenđe sinije, 16a okolenđe kaj bićinenas e golubonen phendas: “Inđaren gadava akatar thaj na ćeren pijaca katar o ćher mungre Dadesko.”
17Lešće učenikurja askal dine pe gođi kaj si ramome ando Sveto lil:
“Hala man e revnost pale ćiro ćher.”
18Askal varesave katar e Židovske vođe phučline les: “Save čudesne znakova dokažija amenđe kaj si tu pravo te ćeres godova?”
19A o Isus phendas lenđe: “Haraven akava hramo thaj me palem vazdava les pale trin đes.”
20A e Židovurja phendine: “Akava Hramo vazdelaspe štarvardeš thaj šov brš, a tu vazdeja les pale trin đes?” 21Ali o hramo pale savo o Isus phenelas sas lesko telo. 22Kana uskrsnisardas andar e mule, lešće učenikurja dine pe gođi ke godola alava thaj paćajine ande okova so ramolas ande Svete lila thaj ande alava save o Isus phendas. 23Dok o Isus sas ando Jerusalim ande vrjama kana sas o prazniko Pasha, but džene paćajine ande leste kaj dikhline e čudesne znakurja save ćerelas. 24Ali korkoro o Isus či paćalas lenđe kaj sa pindžarelas len. 25Khonikal či trubujas te phenel lešće sošće si kaj pindžarelas e manušengo ilo.
Jelenleg kiválasztva:
Jovano 2: RČB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be