Jovano 4
4
O Isus ćerel svato e manušnjasa andar e Samarija
1Kana o Isus saznaisarda kaj e fariseja ašundine kaj vo pridobil thaj bolel majbut učenikonen nego o Jovano 2– vi ako korkoro o Isus či bolelas, nego lešće učenikurja – 3đelotar andar e Judeja thaj bolda pe ande Galileja. 4Po drom karingal e Galileja moraš te nakhlas kroz e Samarija. 5Gajda avilo ando Samarijansko gav savo akhardol Sihar, paše phuv savi o Jakov dija pire čhavešće e Josifešće. 6Okote sas vi e Jakovešći haing. O Isus sas umorno katar o drom thaj bešlo paše haing. Godova sas varekaj katar o mismeri. 7Kana varesavi manušnji savi sas Samarijanka avili te astarel o paj, o Isus phendas laće: “De man te pijav”, 8kaj lešće učenikurja već majsigo đele ando gav te ćinen hamasko.
9E manušnji phendas lešće: “Zar tu, Židovo, manđes paj mandar savi sem Samarijanka?” E Židovurja či družinaspe e manušenca andar e Samarija.
10Pe godova o Isus phendas laće: “Kana samo džanglanas e Devlesko daro thaj ko si okova savo phenel tuće: ‘De man te pijav’, zamolisardanas man, thaj me dijemas tut paj savo del trajo.”
11A e manušnji phendas lešće: “Gospodarina! Pa tut naj čak ni sova te astares o paj, a e haing si handuk. Katar tut askal džudo paj? 12Dali gndis kaj san tu majbaro katar amaro pradad o Jakov, savo dija amen akaja haing thaj pilas andar late vo, lešće čhave thaj lešći stoka?”
13A o Isus phendas laće: “Ko god pijel katar akava paj palem trušavola. 14A ko pijela o paj savo me dava les, nikada majbut či trušavola. O paj savo me dava les postanila ande leste o izvori e pajesko savo anela lešće večno trajo.”
15A e manušnji phendas lešće: “Gospodarina, de vi man godova paj pa te ni me majbut či avav trušali thaj te naj moraš te avav akaring palo paj!”
16O Isus phendas laće: “Dža thaj akhar ćire romes, pa bolde tut akaringal.”
17A e manušnji phendas lešće: “Naj man rom”.
A o Isus phendas laće: “Lačhe phendan: ‘Naj man rom.’ 18Kaj sas tut pandž roma, a okova saveja san akana naj ćiro rom.”
19E manušnji phendas lešće: “Gospodarina, dikhav kaj san proroko! 20Amare samarijanske pradada klanjinaspe e Devlešće pe akaja gora, a tumen e Židovurja phenen kaj trubul te klanjilpe lešće ando Jerusalim.”
21O Isus phendas laće: “Paća manđe manušnjije, kaj avela e vrjama kana či klanjina tumen e Devlešće samo pe akaja gora ni samo ando Jerusalim. 22Tumen e Samarijancurja či džanen kašće klanjin tumen, a amen e Židovurja džanas kašće te klanjimen kaj o spasenje avel katar e Židovurja. 23Ali avel e vrjama thaj već si akate – kana okola save čačes klanjinpe, klanjinape e Dadešće ando duho thaj ando čačipe, kaj o Dad o Del baš kasave klaniteljen kamel. 24O Del si Duho thaj okola save klanjinpe lešće, trubun ando duho thaj ando čačipe te klanjinpe lešće.”
25E manušnji phendas: “Džanav kaj avela o Mesija, savo akhardol Hristos. Kana vo avela sa objasnila amenđe.”
26A o Isus phendas laće: “Godova sem me, savo ćerav svato tusa.” 27Pe godova boldine pe lešće učenikurja, thaj začudisajle kaj o Isus ćerel svato e manušnjasa. Ali khonik či phučla les: “So rodes latar?” ili “Sostar ćeres lasa svato?” 28Askal e manušnji mukla piro ćupo, đeli ando gav thaj phendas savorenđe: 29“Aven te dićhen e manuše savo phendas manđe sa so ćerdem. Te naj li vo o Hristo?” 30E manuša teljardine andar o gav te dićhen e Isuse.
31Pale godoja vrjama e učenikurja molisardine e Isuse: “Sikavneja, ha vareso!” 32A vo phendas lenđe: “Man si habe pale savo tumen khanči či džanen.”
33Askal e učenikurja phendine jek avrešće: “Dali vareko andas lešće vareso te hal?”
34A o Isus phendas lenđe: “Mungro habe si te ćerav e volja okolešći savo bičhalda man thaj te završiv o zadatko savo poverisarda manđe. 35Zar tumen či phenen: ‘Još štar čhon thaj ake e žetva?’ A me phenav tumenđe: putren e jakha thaj dićhen kaj si e manuša sago e njive! Već si paće pale žetva. 36Okova savo ćidel o điv već primil e poćin thaj ćidel o plodo, a o plodo si e manuša save dobina večno trajo, te o sejači thaj vi okova savo ćidel o điv zajedno radujin pe. 37Čači si e izreka savi phenel: ‘Jek sijol, a o dujto ćidel o plodo.’ 38Me bičhaldem tumen te ćiden okova oko soste tumen či trudisajle. Aver trudisajle, a tumen ćidine e plodurja lenđe trudosko.”
Obraćenje e manušengo andar e Samarija
39E but Samarijancurja andar godova gav paćajine ando Isus zbog e alava e manušnjaće savi svedočisarda: “Phendas manđe sa so ćerdem.” 40Kana e manuša andar e Samarija aviline leste, zamolisardine les te ačhel lende. Thaj okote ačhilo duj đes. 41Askal još majbut paćaine lešće zbog lešće alava. 42A e manušnjaće phendine: “Akana paćas kaj vi korkoro ašundam les sar ćerel svato, a na zbog o okova so tu phendan amenđe. Džanas kaj si vo čače Spasitelj e themesko.”
O Isus sastarel e činovnikošće čhave
(Mt 8,5–13; Lk 7,1–10)
43Pale duj đes, o Isus đelotar lendar thaj zaputisajlo ande Galileja. 44O Isus već majsigo svedočilas pale godova kaj e proroko či poštuin ande ando than kaj bajrilo. 45Kana areslo ande Galileja, e manuša andar e Galileja šukar primisardine les, ali samo zato kaj dikhline sa e čudurja save ćerda ando Jerusalim pale vrjama kana sas o prazniko Pasha, kaj vi von sas okote.
46O Isus palem đelo ando gav Kana ande regija e Galilejaći, kaj pretvorisardas o paj ande mol. A cara majdur ando gav Kafarnaum sas jek caresko službeniko savesko čhavo pašljolas nasvalo. 47Kana ašundas kaj o Isus avilo andar e Judeja ande Galileja, avilo dži leste thaj zamolisarda les te džal ando Kafarnaum thaj sastarel lešće čhaves, kaj si po meripe.
48A o Isus phendas lešće: “Kasave sen tumen e manuša! Dok či dićhen e znakurja thaj e čudurja, či paćan.”
49E caresko službeniko phendas lešće: “Gospode, moliv tut, av majsigo nego so mungro čhavo merel!”
50O Isus phendas lešće: “Dža ćhere, ćiro čhavo trajila.”
O manuš paćaja ande okova so o Isus phendas lešće thaj đelotar.
51Dok sas još po drom, angle leste aviline lešće sluge thaj phendine lešće: “Ćiro čhavo si džudo thaj sasto.” 52Vo phučla len kana lešće čhavešće teljardas te avel majlačhe, a von phendine lešće: “E groznica mukla les araći varekaj katar jek sato mismere.”
53E čhavesko dad dija pe gođi kaj baš ande godoja vrjama o Isus phendas lešće: “Ćiro čhavo avela džudo thaj sasto.” Thaj askal paćaja ando Isus – vo thaj vi savora save trajinas lesa ando ćher.
54Godova sas dujto čudesno znako savo o Isus ćerda sar avilo andar e Judeja ande Galileja.
Jelenleg kiválasztva:
Jovano 4: RČB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be