ಲೂಕ 11
11
ಯೇಸುನೆ ಪ್ರಾರ್ಥನೇನಿ ಬಾರೇಮ ಬೋಲಿ ವತಾಳ್ಯೊತೆ
(ಮತ್ತಾಯ 6:9-13; 7:7-11)
1ಏಕ್‌ ದನ್ನೆ ಯೇಸು ಏಕ್‌ ಝ಼ಗೋಪರ್ ಪ್ರಾರ್ಥನೆ ಕರುಕರ್ತೊಥೊ. ಪ್ರಾರ್ಥನೆ ಖತಮ್ ಹುವಾನ ಬಾದ್ಮ, ಇನ ಶಿಷ್ಯರ್‌ಮ ಏಕ್‌ ಜ಼ಣಾನೆ ಇನ, “ಪ್ರಭು, ಯೋಹಾನನೆ ಇನ ಶಿಷ್ಯರ್‌ನ ಪ್ರಾರ್ಥನೆ ಕರಾನ ಶಿಕಾಡ್ಯೋತೆ ಇಮ್ಮಸ್, ಹಮುನಾಬಿ ಪ್ರಾರ್ಥನೆ ಕರಾನ ಶಿಕಾಡ್” ಕರಿ ಬೋಲ್ಯೊ.
2ತದೆ ಯೇಸುನೆ ಇವ್ಣುನ, “ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ,
ಬಾ:
ತಾರು ನಾಮ್ ಪರಿಶುದ್ದ ಕರಿ ಬೋಲಾವಾದೆ,
ತಾರಿ ರಾಜ್ಯ ಆವಾದೆ.
3ಹಮೂನ ದನ್‌ಪರೋಜ಼್‌ನು ಖಾಣು ದೇ.
4ಹಮಾರಿ ವಿರೋದ್ ಗಲತ್‌ ಕರಾತೆ ಹರೇಕ್ನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್,
ಹಮಾರಿ ಪಾಪ್ನ ಮಾಪ್‌ ಕರ್‌.
ಹಮೂನ ಕಠಣ್ ಶೋದನೆಮ ನಕೊನಾಕ್‌ ಕರಿ ಬೋಲಿಲೆವೊ ಕರಿ ಬೋಲ್ಯೊ.
5ಅಜು಼ ಯೇಸುನೆ ಇನ ಶಿಷ್ಯರ್‌ನ, “ತುಮಾರಾಮ ಏಕ್‌ ಜ಼ಣೊ ಅಧಿರಾತ್ಮ ಏಕ್‌ ದೋಸ್ತ್‌ನ ಘರ್‌ಕನ ಜೈ಼ನ್, ‘ದೋಸ್ ಮನ ತೀನ್ ರೋಟಾ ಉಧಾರ್ ದೇ. 6ಮಾರೊ ದೋಸ್ತ್‌ಮ ಏಕ್‌ ಜ಼ಣೊ ಕಿಜ್ಜಾ಼ಕಿ ಒಳೆಜಾ಼ತೊಥೋತೆ ವಖ್ಹತ್‌ಮ, ಮಾರ ಘರ್‌ಕನ ಐರ‍್ಹೋಸ್. ಇನ ಖಾಣು ಖಡಾವಾನ ಮಾರಕನ ಶಾತ್ಬಿ ಕೊಯ್ನಿ’ ಕರಿ ಬೋಲ್ಯೊ. 7ತದೆ ಯೋ ದೋಸ್ ಘರ್‌ನ ಮಹಿಥೋಸ್ ಇನ, ‘ಮನ ಖ್ಹತಾವ್ ನಕೊ; ಹಮ್ಕೆ, ಬಾಕಲ್ ಮೂಚೈ಼ರ‍್ಹೂಸ್; ಮಾರ ಅಡ್ಡಾಣಿ ಲಡ್ಕಾ ಮಾರ ಜೋ಼ಡೆ ಖ್ಹುತಾಸ್. ಮೇ ಉಠೀನ್, ತುನ ಶಾತ್ಬಿ ದ್ಯವಾನ ಕೋ ಹುವಾನಿ’ ಕರಿ ಜವಾಬ್‌ ದಿದೊತೋಬಿ ದಿಯ್ಯೆಜಾ಼ಯ್. 8ತೋಬಿ ದೋಸ್ತ್‌ನಖ್ಹಾಜೆ ಉಠೀನ್ ನಾ ದಿದೊತೋಬಿ, ಯೋ ಖ್ಹರ್ಮಾವಸ್‌ಕೊಂತೆ ಮಾಂಗ್‌ತೋಸ್ ರ‍್ಹಿಶೆ ಕರಿ ಬೋಲಿನ್, ಉಠಿ ಐನ್ ಯೋ ಬೋಲಾತೆಯೆತ್ರು ಇನ ದಿಶೆ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
9“ಇನಖ್ಹಾಜೆ ಮೇ ತುಮೂನ ಬೋಲುಸ್ಕಿ, ಮಾಂಗಿಲೇವೊ, ತುಮೂನ ದೇವಾವ್‌ಶೆ. ಢೂಂಡೊ, ತುಮೂನ ಮಳ್‌ಶೆ. ಬಾಕಲ್‌ಪರ್ ಮಾರೊ, ತದೆ ತುಮೂನ ಬಾಕಲ್ ಕಾಡ್‌ಶೆ. 10ಶನಕತೊ, ಮಾಂಗವಾಳ ಹರೇಕ್ನ ದೆವಾವ್‌ಶೆ, ಢೂಂಡವಾಳನ ಮಳ್‌ಶೆ, ಬಾಕಲ್ ಖಟ್‌ಖಟಾವಸ್ಕಿ ಇನ ಕಡಾವ್‌ಶೆ. 11ತುಮಾರಾಮ, ಬಾ ಹುಯಿರ‍್ಹೋತೆ ಕೋಣ್‌ತೋಬಿ ಮಾಛ಼್‌ಲು ಮಾಂಗವಾಳ ಛಿಯ್ಯಾನ, ಖ್ಹಾಪ್ ದಿಶುಕಿ ಶು? 12ನತರ್‌ಕಿ ಇಂಡು ಮಾಂಗಾತೆ ಛಿಯ್ಯಾನ, ವಿಛ್ಛಿ ದಿಶುಕಿ ಶು? 13ಇಮ್‍ಕತೊ, ಖರಾಬ್ ಹುಯಿರ‍್ಹಾತೆ ತುಮೇಸ್, ತುಮಾರ ಲಡ್ಕಾವ್ನ ಅಛ್ಛು಼ ರಾಛು಼ಖ್ಹಾರು ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗಿಲ್ಯವಾಳನ ಕೈಯೆಕ್ಕಿ ಜಾ಼ಫ ಪವಿತ್ರಾತ್ಮನ ದಿಶೆ ಕೊಯ್ನಿಕಿ ಶು?” ಕರಿ ಬೋಲ್ಯೊ.
ಯೇಸು ಅಜು಼ ಬೆಲ್ಜಬೂಲ್
(ಮತ್ತಾಯ 12:22-30; ಮಾರ್ಕ 3:20-27)
14ಏಕ್‌ ಹಲ್ಲ ಯೇಸು ಮುಕ್ಕೊ ಭೂತ್‌ನ ನಖ್ಹಾಡುಕರ್ತೋಥೊ. ಕದೆ ಯೋ ಮುಕ್ಕೊ ಭೂತ್ ನಿಕ್ಳಿಗಯೂಕಿ, ತದೆ ಯೊ ಅದ್ಮಿ ವಾತೆ ಬೋಲಾಲಗ್ಯು. ಅನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖಾದು. 15ಕತೋಬಿ, ಇವ್ಣಾಮ ಥೋಡು ಜ಼ಣು, “ಆ, ಭೂತ್ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನೊ ಶಕಥ್ಥಿ, ಭೂತ್ ಖ್ಹಾರಾನ ಕಾಡಸ್ತೆ” ಕರಿ ಬೋಲ್ಯು.
16ಬಿಜು಼ ಥೋಡು ಜ಼ಣು ಯೇಸುನ ಖ್ಹಪ್‌ಡಾವ್ಣು ಕರಿ, “ತೂ ಆಬ್‍ಮ ಏಕ್‌ ಅದ್ಭುತ್ ಕರಿನ್ ವತಾಳ್” ಕರಿ ಇನ ಬೋಲ್ಯು. 17ಯೇಸುನೆ ಇವ್ಣಿ ಸೋಚ್ನ ಮಾಲುಮ್ ಕರಿಲೀನ್, ಇವ್ಣುನ ಬೋಲ್ಯೊಕಿ, “ಇವ್ಣ-ಇವ್ಣಾಮಸ್‌ ಭಾಗ್‌ಪಡಿಲ್ಯವಾನೊ ರಾಜ್ಯ ಬರ್ಬಾತ್ ಹುಯಿಜಾ಼ಸ್, ಇವ್ಣ-ಇವ್ಣಾಮಸ್‌ ಭಾಗ್‌ಪಡೀನ್‌, ಲಗಾತ್‌ ಭೀಡಾಲಗಸ್ತೆ ಘರ್ ತುಟಿಜಾ಼ಸ್‌, 18ಇಮ್ಮಸ್ ಶೈತಾನ್, ಇನಿ ವಿರೋದ್ ಯೋಸ್‌ ಭೀಡಾಲಗ್ಯೋತೊ, ಇನಿ ರಾಜ್ಯ ಕಿಮ್ ಬಚ಼್‌ಶೆ? ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್ ಕಾಡುಸ್‌ ಕರಿ ತುಮೆ ಬೋಲೋಸ್‌ನಿ. 19ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ಖ್ಹಾರು ಕಾಡ್ತೊ ಉಶೇತೊ, ತುಮಾರು ಅದ್ಮಿ ಕಿನಿ ಶಕಥ್ಥಿ ಭೂತ್‌ಖ್ಹಾರು ಕಾಡಸ್‌. ಅನಖ್ಹಾಜೆ ಇವ್ಣೇಸ್ ತುಮೆ ಗಲತ್‌ ಕರಿ ನ್ಯಾವ್ ಫೇಡ್‌ಶೆ. 20ಕತೋಬಿ ಮೇ ದೇವ್ನಿ ಶಕಥ್ಥಿ ಭೂತ್‌ಖ್ಹಾರನ ಕಾಡ್ತೊ ಉಶೇತೊ, ದೇವ್ನಿ ರಾಜ್ಯ ತುಮಾರಕನ ಐಗೈ ಕರಿ ಆಸ್ ವತಾಳಸ್‍.
21ಏಕ್‌ ಶಕತ್‌ವಾಳೊ, ಲಠ್ಠೊ, ತಲ್ವಾರ್‌ ಅಜು಼ ಜಂಗ್ ಭಿಡಾನ ಹೋಣುತೆ ಖ್ಹಾರಿಸ್ ತೈಯಾರಿ ಕರಿಲೀನ್, ಇನ ಘರ್‌ನ ವಖ್ಹ್‌ತಿ ಕರಾನಿ ವಖ್ಹತ್‌ಮ, ಇನು ರಾಛು಼ಖ್ಹಾರು ಜ಼ತನ್‍ಥೀಸ್‌ ರ್ಹೇಸ್. 22ಕತೋಬಿ, ಇನೇಥಿಬಿ ಶಕತ್‌ವಾಳೊ ಐನ್ ಇನ ಹರಾವನ ಬಾದ್ಮ, ಯೋ ಮಾಲಿಕ್ ಇನ ಘರ್‌ನ ಜ಼ತನ್‌ಥಿ ರಾಖಾನಟೇಕೆ, ರಾಖಿರಾಖ್ಯೊಥೋತೆ ಖ್ಹಾರುಸ್‌ ರಾಛಾ಼ನ ಛಿನೈಲಿನ್‌, ಇನೆ ಲೂಟಿಲಿದೊ ಯೋ ಖ್ಹಾರಾನ, ಇವ್ಣ ಅದ್ಮಿಮ ವಾಟಪಾಡಿಲೆಸ್.
23ಮಾರ ಭಣಿ ರ‍್ಹೇಯಿಕೊಂತೆ ಇವ್ಣೆ, ಖ್ಹಾಚಮಾಬಿ ಮಾರು ವಿರೋದಿ ಹುಯಿರ್ಹುಸ್. ಮಾರ ಜೋ಼ಡ್ಮ ಎಕ್ಟು ಕರಾನ ಮದತ್ ಕರಾಕೊಂತೆ ಇವ್ಣೆ, ಖ್ಹಾಚಮಾಬಿ ಛಿಡ್‌ಗರ್‌ ಕರಾವಾಳೊ ಹುಯಿರ‍್ಹೋಸ್.
ಭೂತ್ ಪಾಛು಼ಫರಿ ಆವಸ್ತೆ ಬಾರೇಮ
(ಮತ್ತಾಯ 12:43-45)
24ಏಕ್‌ ಅದ್ಮಿಮಾಥು ಭೂತ್ ನಿಕ್ಳಿಜಾ಼ವಾನ ಬಾದ್ಮ, ಅರಾಮ್‌ ಕರಾನಖ್ಹಾಜೆ ಝ಼ಗೊ ಢೂಂಡ್‌ತುಹುಯಿನ್, ಪಾಣಿಕೊಂತೆ ಝ಼ಗೋಮ ವನ್‌ವನ್ತು ರ್ಹೇಸ್. ಕತೋಬಿ ಅರಾಮ್‌ ಕರಾನ ಝ಼ಗೊ ಮಳಾಕೊಂತೆ ದೇಖಿನ್, ಯೋ ಭೂತ್ ಇನುಯೋಸ್, ‘ಮೇ ಮ್ಹೆಂದಿನ್ ಆಯೋತೆ, ಮಾರ ಘರೆ ಪಾಛೊ಼ಫರಿನ್ ಆವುಸ್ ಕರಿ ಬೋಲಿನ್, 25ಯೋ ಘರ್‌ಕನ ಪಾಛೊ಼ಫರಿ ಆಯಿನ್, ಯೋ ಝ಼ಡೈನ್, ಅಚ್‌ಕಟ್ ಹುಯಿರ‍್ಹೂತೆ ದೇಖಸ್. 26ತದೆ ಹಿಜ್ಜಾ಼ಥೊ ಜೈ಼ನ್, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಬುಲೈಲ್ಯಾವಸ್‌, ಯೋ ಖ್ಹಾರು ಇನ ಮಹಿ ಪೇಶಿನ್ ಹಿಜ್ಜಾ಼ಸ್ ರ‍್ಹವಾಲಗಸ್‌. ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌, ಪಹಿಲೆಥೀಬಿ ತೀರ್‌ಚಾಸ್ ಬಿಗ್‌ಡಿಜಾ಼ಸ್” ಕರಿ ಬೋಲ್ಯೊ.
ಖ್ಹಾಚಿ ಖ್ಹುಶಿ
27ಯೇಸು ಆ ವಾತೆಖ್ಹಾರು ಬೋಲುಕರಾನಿ ವಖ್ಹತ್‌ಮ, ಅದ್ಮಿನಿ ಝೂ಼ಂಡ್‌ಮಾಥು ಏಕ್‌ ತಯೇಡಾನೆ, “ತುನ ಜ಼ಣಿನ್, ದೂದ್ ಪಿಡೈನ್‌, ಪಾಳಿತೆ ಯೋ ತಯೇಡ ಧನ್ಯ ಹುಯಿರ‍್ಹೀಸ್‌!” ಕರಿ ಚಿಕ್ರಿನ್ ಬೋಲಿ.
28ತದೆ ಯೇಸುನೆ, “ಇನೇಥಿಬಿ, ದೇವ್ನಿ ವಚನ್ನ ಖ್ಹಮ್‌ಜೀನ್‌, ಇನ ಪಾಡಿಚಾ಼ಲವಾಳುಸ್‌ ಧನ್ಯರ್ ಹುಯಿರ್ಹುಸ್” ಕರಿ ಬೋಲ್ಯೊ.
ಅದ್ಭುತ್ ಕರಿ ದೆಖಾಡ್ ಕರಿ ಬೋಲ್ಯೂತೆ
(ಮತ್ತಾಯ 12:38-42)
29ಅದ್ಮಿ ಝೂ಼ಂಡೆ-ಝೂ಼ಂಡೆ ಭರೈನ್ ಆವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಆ ಪಿಳ್ಗಿ ಖರಾಬ್ ಪಿಳ್ಗಿ ಹುಯಿರ‍್ಹೂಸ್! ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್, ಕತೋಬಿ ಯೋನಾನಿ ಜಿ಼ಂದ್‌ಗೀಮ ಚಾ಼ಲ್ಯುತೆ ಅದ್ಭುತಾಸ್ ಪಣ್ಕಿ ಬಿಜು಼ ಅದ್ಭುತ್ ಅವ್ಣುನ ಕೋ ಮಳ್‌ಶೇನಿ. 30ಯೋನ ನಿನವೆ ನಂಗರ್‌ವಾಳನ ಖ್ಹಣೇದ್ ಹುಯಿರ‍್ಹೊಥೋತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಆ ಪಿಳ್ಗಿವಾಳಾನ ಖ್ಹಣೇದ್ ಹುಯಿರ‍್ಹೋಸ್. 31ನ್ಯಾವ್ನ ತೀರ್ಪ್‌ನ ದನ್ಮ, ಶೇಬಾನಿ ರಾಣಿ ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಚಾ಼ತುರ್#11:31 ಗ್ಯಾನ್ನಿ ವಾತೆ ಕರೀಬಿ ಹುವಾಸ್. ವಾತೇನ ಖ್ಹಮ್‌ಜಾ಼ನಖ್ಹಾಜೆ ಧರ್ತಿನ ಕೈಯೆಕ್ಕಿ ದಖ್ಖನ್‌ಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಮೋಟೊ ಹಜ್ಜಾ಼ ಛಾ಼. 32ನ್ಯಾವ್ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ದೇವ್ ಭಣಿ ಫರಿಗಯು; ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼!
ಶರೀರ‍್ನು ಉಜಾ಼ಳು
(ಮತ್ತಾಯ 5:15; 6:22-23)
33ಕೋಣ್‌ಬಿ ದೀವೊ ಖ್ಹಲ್‌ಗೈನ್, ಲಪಾಡಿನ್ ರ‍್ಹವೊ, ನತರ್‌ಕಿ ಕೋಳ್ಗಾನಹೇಟ್ ರ‍್ಹವೊ ಮ್ಹೇಲಾಕೊಯ್ನಿ. ಘರ್‌ನ ಮಹಿ ಆವಾಳಾನ ಉಜಾ಼ಳು ದೆಖಾವಾನಿಘೋಣಿ, ದೀವೊ ಮ್ಹೇಲಾನಿ ಖಂಬಾಪರ್ ಮ್ಹೇಲಾಸ್. 34ತಾರ ಡೋಳಾ ಶರೀರ್‌ನ ದಿವಾನಿಘೋಣಿ ಹುಯಿರ್ಹುಸ್. ತಾರ ಡೋಳ ಬರೋಬರ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್ ಉಜಾ಼ಳು ರ‍್ಹಿಶೆ: ಕತೋಬಿ ತಾರ ಡೋಳ ಖರಾಬ್ ರ‍್ಹಯೂತೊ, ತಾರು ಶರೀರ್ ಅಖ್ಖುಸ್ ಅಂಧಾರು ಹುಯಿಜಾ಼ಶೆ 35ಇನಖ್ಹಾಜೇಸ್, ತಾರು ಉಜಾ಼ಳು ಅಂಧಾರು ನಾ ಹೋಣುತೆ ಇಮ್‌ ದೇಖಿಲೆ. 36ತದೆ ತಾರು ಆಂಗ್-ತನ್ ಅಖ್ಖುಸ್ ಉಜಾ಼ಖ್ಹ್‌ಥಿ ಭರೈನ್, ಖೆವಿ ಬಾಜು಼ಮಾಬಿ ಅಂಧಾರು ನಾರ‍್ಹಯುತೊ, ಯೋ ಉಜಾ಼ಖ್ಹ್‌ ಖ್ಹಾರಿಸ್ ಬಾಜು಼ಮ ಘೈಗ್‌ಶೆತೆ ಇಮ್ಮಸ್, ದೀವೊ ಘೈಗಾನಿ ವಖ್ಹತ್‌ಮ ಇನು ಉಜಾ಼ಖ್ಹ್‌ ತಾರಪರ್ ಘೈಗ್‌ಶೆ, “ಕರಿ ಬೋಲ್ಯೊ.
ಯೇಸುನೆ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಪರ್ ಗಲತ್‌ ಲಗಾಡ್ಯೋತೆ
(ಮತ್ತಾಯ 23:1-36; ಮಾರ್ಕ 12:38-40)
37ಯೇಸುನೆ ವಾತೆ ಬೋಲಿನ್ ಖತಮ್ ಕರಾನ ಬಾದ್ಮ, ಫರಿಸಾಯರ್‌ವಾಳೊ ಏಕ್‌ ಜ಼ಣಾನೆ ಯೇಸುನ ಖಾಣನ ಬುಲಾಯೊ. ತದೆ ಯೇಸು ಇನ ಘರ್‌ನ ಮಹಿ ಜೈ಼ನ್, ಖಾಣನ ಬೇಶಿಗಯೊ. 38ಯೇಸುನೆ ಹಾತ್‌ ಧೋಯೊಕೊಂತೆ ಖಾಣನ ಬೆಠೂತೆ ಯೋ ಫರಿಸಾಯವಾಳನೆ ದೇಖಿನ್, ಆಶ್ಚರ್ಯಹುಯು. 39ತದೆ ಪ್ರಭುನೆ ಇನ, “ಫರಿಸಾಯರ್ ಹುಯಿರ‍್ಹಾತೆ ತುಮೆ ತುಮಾರು ಹಂಡ್‌ಕು ಅಜು಼ ಥಾಳಿ ಭಾರ್‌ ಪಾಕ್‌ಥಿ ಮಾಂಜ಼ಸ್. ಕತೋಬಿ ತುಮಾರ ಮಹಿ ಠಗಾವಾನು ಅಜು಼ ಖರಾಬ್ ಚಾ಼ಲ್ ಭರೈರ‍್ಹೂಸ್. 40ಖ್ಹಯಾಲ್‌ಭರ‍್ಯಾ! ಭಾರ್‌ಲ್ಯು ಬಣಾಯೋತೆ ದೇವ್ನೇಸ್, ಮಹಿನೂಬಿ ಬಣೈರಾಖ್ಯೊಸ್ನಿ. 41ಅನಖ್ಹಾಜೆಸ್ ಮಹಿ ಛಾ಼ತೆ ಇನ ಗೋರ್‌ಗರೀಬ್‌ನ ದೆವೊ, ತದೆ ತಮಾಮ್‌ ರಾಛು಼ ತುಮಾರಖ್ಹಾಜೆ ಪಾಕ್‌ ಹುಯಿಜಾ಼ಶೆ.
42ಅಲಾ ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದೇವ್ನ ತುಮಾರಕನ ಛಾ಼ತೆ ಹರೇಕ್‌ಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್; ತುಮೆ ಪಿಕಾವಸ್ತೆ ಖ್ಹಾರಿಸ್ ತರ‍್ಹಾನು ಜ಼ಡಿಬೂಠಿನ ಅಜು಼ ಪುದೀನ, ಸದಾಪುಮಾಬಿ ಭಾಜಿಯೇಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್. ಕತೋಬಿ ನ್ಯಾವ್‌ಥಿ ಚಾ಼ಲಿಲ್ಯವಾನ ಅಜು಼ ಪ್ಯಾರ್ ವತಾಳನು ತುಮೆ ಭೈಕಿಗಯ. ಪಹಿಲೆ ತುಮೆ ಆ ಖ್ಹಾರು ಕರಾನ ಆದತ್ ಕರಿಲೇವ್ಣು, ಅಜು಼ ಯೋ ಖ್ಹಾರುಬಿ ನಾ ಭೈಕ್‌ಣು.
43“ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ಸಬೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೊ ದ್ಯವಾನುಸ್ ತುಮೂನ ಪ್ಯಾರ್, ಅಜು಼ ದುಕಾನೇನಿ ಗಲ್ಲಿಯೇಮ ತುಮೂನ ಖ್ಹಲಾಮ್ ಕರ‍್ನು ಕರಿ ಬೋಲನುಸ್ ತುಮಾರಿ ಆಖ್ಹ್! 44ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದಬಿಗಯೂತೆ ಮಖ್ಹಾಣ್ಯನಿಘೋಣಿ ಛಾ಼. ಇನಾಪರ್ ಚಾ಼ಲವಾಳ ಅದ್ಮಿನ ತುಮೆ ಮಖ್ಹಾಣ್ಯುಕರಿ ಮಾಲುಮ್ ಕೊಯ್ನಿ.
45ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಮ ಏಕ್‌ ಜ಼ಣು ಯೇಸುನ, “ಗುರು, ಆ ವಾತೆ ಬೋಲಾಥಿ ತೂ ಹಮುನಾಬಿ ಖ್ಹರಮ್‌ ಕಾಡದಾಖ್ಹಲ್ ಹುಯು” ಕರಿ ಬೋಲ್ಯೊ. 46ಯೇಸುನೆ ಜವಾಬ್‌ ದಿದೋಕಿ, “ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮೆ ಅದ್ಮಿಪರ್ ಢೊವಾನ ಹುವಾಕೊಂತೆ, ಎತ್ರೊ ಬೋಜೊ಼ ನಾಖೋಸ್. ಕತೋಬಿ ತುಮೇತೊ, ಯೋ ಭೋಜಾ಼ನ ಏಕ್‌ ಅಂಗ್‌ಳಿಥೀಬಿ ಛೀಮಕೊಯ್ನಿ.
47ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಪ್ರವಾದಿಯೇನಖ್ಹಾಜೆ ಅಛ್ಛಿ-ಅಛ್ಛಿ ಮಖ್ಹಾಣ್ಯನಿ ಘವಿಯೇನ ಬಣಾವೋಸ್, ಇವ್ಣುನ ಮಾರ‍್ಯೂತೆ ತುಮಾರ ಗುರುಗುರಬ್‍ಲ್ಯನೇಸ್. 48ಅನೇಥಿ ತುಮಾರ ಗುರುಗುರಬ್‍ಲ್ಯನೆ ಕರ‍್ಯುತೆ ಇನ, ತುಮೇಸ್ ಸಾಕ್ಷಿ ಹುಯಿರ‍್ಹಾಸ್. ಇವ್ಣ ಕಾಮ್‍ಅಖ್ಖಾನ ಮಾನಿಲಿದ ಕರಿ. ಕಿಮ್‌ಕತೊ ಇವ್ಣೆ ಪ್ರವಾದಿಯೇನ ಮಾರ‍್ಯು, ತುಮೆ ಯೋ ಮಖ್ಹಾಣ್ಯನಿ ಘವಿಯೇನ ಭಾಂದೋಸ್. 49ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ. 50ಅನಖ್ಹಾಜೆಸ್, ಜಗತ್‌ ಉಬ್‍ಜೂತೆ ತಪ್‌ಥು ಮರೈನಾಖಿ ದಿದೂತೆ ತಮಾಮ್‌ ಪ್ರವಾದಿಯೇನು ಮೋತ್‌ನ, ಆ ಜ಼ಗ್‌ನು ಅದ್ಮಿ ಹುಯಿರ‍್ಹಾತೆ ತುಮೂನ ದಂಡ್‌ ಮಳ್‌ಶೆ! 51ಹೇಬೆಲ್‌ಥು ಧರೀನ್, ಬಲಿನಿ ಚಾ಼ಚ಼ರ್‌ ಅಜು಼ ಮಂದಿರ್‌ನ ಇಚ಼್‌ಮ ಮರೈ ನಾಖ್ಯುತೆ ಜಕರೀಯನು ಮೋತ್‍ತೋಡಿನು ದಂಡ್‌ ತುಮೂನ ಮಳ್‌ಶೆ. ಒಹೊ, ಮೇ ತುಮೂನ ಬೋಲುಸ್ಕಿ ಯೋ ಖ್ಹಾರಾವ್‍ನಟೇಕೆ ಆ ಜ಼ಗ್‌ನು ಅದ್ಮಿನ ದಂಡ್‌ ಮಳ್‌ಶೆ!
52ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ ತುಮಾರಿ ಹಾಲ್ನ ಶಾತ್‌ ಬೋಲು! ದೇವ್ನಿ ಬಾರೇಮ ಶಿಕಾನಟೇಕೆ ಛಾ಼ತೆ ಬೀಗಾನ ತುಮೇಸ್ ರಾಖಿಲಿದ, ತುಮೇಬಿ ಮಹಿ ಜಾ಼ಯ್‌ಕೊಯ್ನಿ, ಬಿಜಾ಼ನಾಬಿ ಜಾ಼ವಾನ ಕೋ ಮ್ಹೇಲಾನಿ” ಕರಿ ಬೋಲ್ಯೊ.
53ಯೇಸು ಹಿಜ್ಜಾ಼ಥೊ ನಿಕ್ಳಾನಿ ವಖ್ಹತ್‌ಮ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳು ಯೇಸುನಿ ಚಾ಼ವ್‌ಣ್ಯ ಕಾಡ್ಯು, ಅಜು಼ ಘಣಿ ಬಾರೇಮ ಇನ ಪುಛಾ಼ಯು. 54ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳಾಸ್ಕಿ ಶುಕಿ ಕರಿ, ಇನ ಖ್ಹಪ್‌ಡಾವಾನಟೆಕೆ ಘಣು ಕೋಶಿಷ್ ಕರ‍್ಯು.
Jelenleg kiválasztva:
ಲೂಕ 11: NTWVe23
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
The New Testament in Waghri Language © The Word for the World International and Waghri Translation Samiti, Karnataka, 2023.
ಲೂಕ 11
11
ಯೇಸುನೆ ಪ್ರಾರ್ಥನೇನಿ ಬಾರೇಮ ಬೋಲಿ ವತಾಳ್ಯೊತೆ
(ಮತ್ತಾಯ 6:9-13; 7:7-11)
1ಏಕ್‌ ದನ್ನೆ ಯೇಸು ಏಕ್‌ ಝ಼ಗೋಪರ್ ಪ್ರಾರ್ಥನೆ ಕರುಕರ್ತೊಥೊ. ಪ್ರಾರ್ಥನೆ ಖತಮ್ ಹುವಾನ ಬಾದ್ಮ, ಇನ ಶಿಷ್ಯರ್‌ಮ ಏಕ್‌ ಜ಼ಣಾನೆ ಇನ, “ಪ್ರಭು, ಯೋಹಾನನೆ ಇನ ಶಿಷ್ಯರ್‌ನ ಪ್ರಾರ್ಥನೆ ಕರಾನ ಶಿಕಾಡ್ಯೋತೆ ಇಮ್ಮಸ್, ಹಮುನಾಬಿ ಪ್ರಾರ್ಥನೆ ಕರಾನ ಶಿಕಾಡ್” ಕರಿ ಬೋಲ್ಯೊ.
2ತದೆ ಯೇಸುನೆ ಇವ್ಣುನ, “ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ,
ಬಾ:
ತಾರು ನಾಮ್ ಪರಿಶುದ್ದ ಕರಿ ಬೋಲಾವಾದೆ,
ತಾರಿ ರಾಜ್ಯ ಆವಾದೆ.
3ಹಮೂನ ದನ್‌ಪರೋಜ಼್‌ನು ಖಾಣು ದೇ.
4ಹಮಾರಿ ವಿರೋದ್ ಗಲತ್‌ ಕರಾತೆ ಹರೇಕ್ನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್,
ಹಮಾರಿ ಪಾಪ್ನ ಮಾಪ್‌ ಕರ್‌.
ಹಮೂನ ಕಠಣ್ ಶೋದನೆಮ ನಕೊನಾಕ್‌ ಕರಿ ಬೋಲಿಲೆವೊ ಕರಿ ಬೋಲ್ಯೊ.
5ಅಜು಼ ಯೇಸುನೆ ಇನ ಶಿಷ್ಯರ್‌ನ, “ತುಮಾರಾಮ ಏಕ್‌ ಜ಼ಣೊ ಅಧಿರಾತ್ಮ ಏಕ್‌ ದೋಸ್ತ್‌ನ ಘರ್‌ಕನ ಜೈ಼ನ್, ‘ದೋಸ್ ಮನ ತೀನ್ ರೋಟಾ ಉಧಾರ್ ದೇ. 6ಮಾರೊ ದೋಸ್ತ್‌ಮ ಏಕ್‌ ಜ಼ಣೊ ಕಿಜ್ಜಾ಼ಕಿ ಒಳೆಜಾ಼ತೊಥೋತೆ ವಖ್ಹತ್‌ಮ, ಮಾರ ಘರ್‌ಕನ ಐರ‍್ಹೋಸ್. ಇನ ಖಾಣು ಖಡಾವಾನ ಮಾರಕನ ಶಾತ್ಬಿ ಕೊಯ್ನಿ’ ಕರಿ ಬೋಲ್ಯೊ. 7ತದೆ ಯೋ ದೋಸ್ ಘರ್‌ನ ಮಹಿಥೋಸ್ ಇನ, ‘ಮನ ಖ್ಹತಾವ್ ನಕೊ; ಹಮ್ಕೆ, ಬಾಕಲ್ ಮೂಚೈ಼ರ‍್ಹೂಸ್; ಮಾರ ಅಡ್ಡಾಣಿ ಲಡ್ಕಾ ಮಾರ ಜೋ಼ಡೆ ಖ್ಹುತಾಸ್. ಮೇ ಉಠೀನ್, ತುನ ಶಾತ್ಬಿ ದ್ಯವಾನ ಕೋ ಹುವಾನಿ’ ಕರಿ ಜವಾಬ್‌ ದಿದೊತೋಬಿ ದಿಯ್ಯೆಜಾ಼ಯ್. 8ತೋಬಿ ದೋಸ್ತ್‌ನಖ್ಹಾಜೆ ಉಠೀನ್ ನಾ ದಿದೊತೋಬಿ, ಯೋ ಖ್ಹರ್ಮಾವಸ್‌ಕೊಂತೆ ಮಾಂಗ್‌ತೋಸ್ ರ‍್ಹಿಶೆ ಕರಿ ಬೋಲಿನ್, ಉಠಿ ಐನ್ ಯೋ ಬೋಲಾತೆಯೆತ್ರು ಇನ ದಿಶೆ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
9“ಇನಖ್ಹಾಜೆ ಮೇ ತುಮೂನ ಬೋಲುಸ್ಕಿ, ಮಾಂಗಿಲೇವೊ, ತುಮೂನ ದೇವಾವ್‌ಶೆ. ಢೂಂಡೊ, ತುಮೂನ ಮಳ್‌ಶೆ. ಬಾಕಲ್‌ಪರ್ ಮಾರೊ, ತದೆ ತುಮೂನ ಬಾಕಲ್ ಕಾಡ್‌ಶೆ. 10ಶನಕತೊ, ಮಾಂಗವಾಳ ಹರೇಕ್ನ ದೆವಾವ್‌ಶೆ, ಢೂಂಡವಾಳನ ಮಳ್‌ಶೆ, ಬಾಕಲ್ ಖಟ್‌ಖಟಾವಸ್ಕಿ ಇನ ಕಡಾವ್‌ಶೆ. 11ತುಮಾರಾಮ, ಬಾ ಹುಯಿರ‍್ಹೋತೆ ಕೋಣ್‌ತೋಬಿ ಮಾಛ಼್‌ಲು ಮಾಂಗವಾಳ ಛಿಯ್ಯಾನ, ಖ್ಹಾಪ್ ದಿಶುಕಿ ಶು? 12ನತರ್‌ಕಿ ಇಂಡು ಮಾಂಗಾತೆ ಛಿಯ್ಯಾನ, ವಿಛ್ಛಿ ದಿಶುಕಿ ಶು? 13ಇಮ್‍ಕತೊ, ಖರಾಬ್ ಹುಯಿರ‍್ಹಾತೆ ತುಮೇಸ್, ತುಮಾರ ಲಡ್ಕಾವ್ನ ಅಛ್ಛು಼ ರಾಛು಼ಖ್ಹಾರು ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗಿಲ್ಯವಾಳನ ಕೈಯೆಕ್ಕಿ ಜಾ಼ಫ ಪವಿತ್ರಾತ್ಮನ ದಿಶೆ ಕೊಯ್ನಿಕಿ ಶು?” ಕರಿ ಬೋಲ್ಯೊ.
ಯೇಸು ಅಜು಼ ಬೆಲ್ಜಬೂಲ್
(ಮತ್ತಾಯ 12:22-30; ಮಾರ್ಕ 3:20-27)
14ಏಕ್‌ ಹಲ್ಲ ಯೇಸು ಮುಕ್ಕೊ ಭೂತ್‌ನ ನಖ್ಹಾಡುಕರ್ತೋಥೊ. ಕದೆ ಯೋ ಮುಕ್ಕೊ ಭೂತ್ ನಿಕ್ಳಿಗಯೂಕಿ, ತದೆ ಯೊ ಅದ್ಮಿ ವಾತೆ ಬೋಲಾಲಗ್ಯು. ಅನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖಾದು. 15ಕತೋಬಿ, ಇವ್ಣಾಮ ಥೋಡು ಜ಼ಣು, “ಆ, ಭೂತ್ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನೊ ಶಕಥ್ಥಿ, ಭೂತ್ ಖ್ಹಾರಾನ ಕಾಡಸ್ತೆ” ಕರಿ ಬೋಲ್ಯು.
16ಬಿಜು಼ ಥೋಡು ಜ಼ಣು ಯೇಸುನ ಖ್ಹಪ್‌ಡಾವ್ಣು ಕರಿ, “ತೂ ಆಬ್‍ಮ ಏಕ್‌ ಅದ್ಭುತ್ ಕರಿನ್ ವತಾಳ್” ಕರಿ ಇನ ಬೋಲ್ಯು. 17ಯೇಸುನೆ ಇವ್ಣಿ ಸೋಚ್ನ ಮಾಲುಮ್ ಕರಿಲೀನ್, ಇವ್ಣುನ ಬೋಲ್ಯೊಕಿ, “ಇವ್ಣ-ಇವ್ಣಾಮಸ್‌ ಭಾಗ್‌ಪಡಿಲ್ಯವಾನೊ ರಾಜ್ಯ ಬರ್ಬಾತ್ ಹುಯಿಜಾ಼ಸ್, ಇವ್ಣ-ಇವ್ಣಾಮಸ್‌ ಭಾಗ್‌ಪಡೀನ್‌, ಲಗಾತ್‌ ಭೀಡಾಲಗಸ್ತೆ ಘರ್ ತುಟಿಜಾ಼ಸ್‌, 18ಇಮ್ಮಸ್ ಶೈತಾನ್, ಇನಿ ವಿರೋದ್ ಯೋಸ್‌ ಭೀಡಾಲಗ್ಯೋತೊ, ಇನಿ ರಾಜ್ಯ ಕಿಮ್ ಬಚ಼್‌ಶೆ? ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್ ಕಾಡುಸ್‌ ಕರಿ ತುಮೆ ಬೋಲೋಸ್‌ನಿ. 19ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ಖ್ಹಾರು ಕಾಡ್ತೊ ಉಶೇತೊ, ತುಮಾರು ಅದ್ಮಿ ಕಿನಿ ಶಕಥ್ಥಿ ಭೂತ್‌ಖ್ಹಾರು ಕಾಡಸ್‌. ಅನಖ್ಹಾಜೆ ಇವ್ಣೇಸ್ ತುಮೆ ಗಲತ್‌ ಕರಿ ನ್ಯಾವ್ ಫೇಡ್‌ಶೆ. 20ಕತೋಬಿ ಮೇ ದೇವ್ನಿ ಶಕಥ್ಥಿ ಭೂತ್‌ಖ್ಹಾರನ ಕಾಡ್ತೊ ಉಶೇತೊ, ದೇವ್ನಿ ರಾಜ್ಯ ತುಮಾರಕನ ಐಗೈ ಕರಿ ಆಸ್ ವತಾಳಸ್‍.
21ಏಕ್‌ ಶಕತ್‌ವಾಳೊ, ಲಠ್ಠೊ, ತಲ್ವಾರ್‌ ಅಜು಼ ಜಂಗ್ ಭಿಡಾನ ಹೋಣುತೆ ಖ್ಹಾರಿಸ್ ತೈಯಾರಿ ಕರಿಲೀನ್, ಇನ ಘರ್‌ನ ವಖ್ಹ್‌ತಿ ಕರಾನಿ ವಖ್ಹತ್‌ಮ, ಇನು ರಾಛು಼ಖ್ಹಾರು ಜ಼ತನ್‍ಥೀಸ್‌ ರ್ಹೇಸ್. 22ಕತೋಬಿ, ಇನೇಥಿಬಿ ಶಕತ್‌ವಾಳೊ ಐನ್ ಇನ ಹರಾವನ ಬಾದ್ಮ, ಯೋ ಮಾಲಿಕ್ ಇನ ಘರ್‌ನ ಜ಼ತನ್‌ಥಿ ರಾಖಾನಟೇಕೆ, ರಾಖಿರಾಖ್ಯೊಥೋತೆ ಖ್ಹಾರುಸ್‌ ರಾಛಾ಼ನ ಛಿನೈಲಿನ್‌, ಇನೆ ಲೂಟಿಲಿದೊ ಯೋ ಖ್ಹಾರಾನ, ಇವ್ಣ ಅದ್ಮಿಮ ವಾಟಪಾಡಿಲೆಸ್.
23ಮಾರ ಭಣಿ ರ‍್ಹೇಯಿಕೊಂತೆ ಇವ್ಣೆ, ಖ್ಹಾಚಮಾಬಿ ಮಾರು ವಿರೋದಿ ಹುಯಿರ್ಹುಸ್. ಮಾರ ಜೋ಼ಡ್ಮ ಎಕ್ಟು ಕರಾನ ಮದತ್ ಕರಾಕೊಂತೆ ಇವ್ಣೆ, ಖ್ಹಾಚಮಾಬಿ ಛಿಡ್‌ಗರ್‌ ಕರಾವಾಳೊ ಹುಯಿರ‍್ಹೋಸ್.
ಭೂತ್ ಪಾಛು಼ಫರಿ ಆವಸ್ತೆ ಬಾರೇಮ
(ಮತ್ತಾಯ 12:43-45)
24ಏಕ್‌ ಅದ್ಮಿಮಾಥು ಭೂತ್ ನಿಕ್ಳಿಜಾ಼ವಾನ ಬಾದ್ಮ, ಅರಾಮ್‌ ಕರಾನಖ್ಹಾಜೆ ಝ಼ಗೊ ಢೂಂಡ್‌ತುಹುಯಿನ್, ಪಾಣಿಕೊಂತೆ ಝ಼ಗೋಮ ವನ್‌ವನ್ತು ರ್ಹೇಸ್. ಕತೋಬಿ ಅರಾಮ್‌ ಕರಾನ ಝ಼ಗೊ ಮಳಾಕೊಂತೆ ದೇಖಿನ್, ಯೋ ಭೂತ್ ಇನುಯೋಸ್, ‘ಮೇ ಮ್ಹೆಂದಿನ್ ಆಯೋತೆ, ಮಾರ ಘರೆ ಪಾಛೊ಼ಫರಿನ್ ಆವುಸ್ ಕರಿ ಬೋಲಿನ್, 25ಯೋ ಘರ್‌ಕನ ಪಾಛೊ಼ಫರಿ ಆಯಿನ್, ಯೋ ಝ಼ಡೈನ್, ಅಚ್‌ಕಟ್ ಹುಯಿರ‍್ಹೂತೆ ದೇಖಸ್. 26ತದೆ ಹಿಜ್ಜಾ಼ಥೊ ಜೈ಼ನ್, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಬುಲೈಲ್ಯಾವಸ್‌, ಯೋ ಖ್ಹಾರು ಇನ ಮಹಿ ಪೇಶಿನ್ ಹಿಜ್ಜಾ಼ಸ್ ರ‍್ಹವಾಲಗಸ್‌. ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌, ಪಹಿಲೆಥೀಬಿ ತೀರ್‌ಚಾಸ್ ಬಿಗ್‌ಡಿಜಾ಼ಸ್” ಕರಿ ಬೋಲ್ಯೊ.
ಖ್ಹಾಚಿ ಖ್ಹುಶಿ
27ಯೇಸು ಆ ವಾತೆಖ್ಹಾರು ಬೋಲುಕರಾನಿ ವಖ್ಹತ್‌ಮ, ಅದ್ಮಿನಿ ಝೂ಼ಂಡ್‌ಮಾಥು ಏಕ್‌ ತಯೇಡಾನೆ, “ತುನ ಜ಼ಣಿನ್, ದೂದ್ ಪಿಡೈನ್‌, ಪಾಳಿತೆ ಯೋ ತಯೇಡ ಧನ್ಯ ಹುಯಿರ‍್ಹೀಸ್‌!” ಕರಿ ಚಿಕ್ರಿನ್ ಬೋಲಿ.
28ತದೆ ಯೇಸುನೆ, “ಇನೇಥಿಬಿ, ದೇವ್ನಿ ವಚನ್ನ ಖ್ಹಮ್‌ಜೀನ್‌, ಇನ ಪಾಡಿಚಾ಼ಲವಾಳುಸ್‌ ಧನ್ಯರ್ ಹುಯಿರ್ಹುಸ್” ಕರಿ ಬೋಲ್ಯೊ.
ಅದ್ಭುತ್ ಕರಿ ದೆಖಾಡ್ ಕರಿ ಬೋಲ್ಯೂತೆ
(ಮತ್ತಾಯ 12:38-42)
29ಅದ್ಮಿ ಝೂ಼ಂಡೆ-ಝೂ಼ಂಡೆ ಭರೈನ್ ಆವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಆ ಪಿಳ್ಗಿ ಖರಾಬ್ ಪಿಳ್ಗಿ ಹುಯಿರ‍್ಹೂಸ್! ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್, ಕತೋಬಿ ಯೋನಾನಿ ಜಿ಼ಂದ್‌ಗೀಮ ಚಾ಼ಲ್ಯುತೆ ಅದ್ಭುತಾಸ್ ಪಣ್ಕಿ ಬಿಜು಼ ಅದ್ಭುತ್ ಅವ್ಣುನ ಕೋ ಮಳ್‌ಶೇನಿ. 30ಯೋನ ನಿನವೆ ನಂಗರ್‌ವಾಳನ ಖ್ಹಣೇದ್ ಹುಯಿರ‍್ಹೊಥೋತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಆ ಪಿಳ್ಗಿವಾಳಾನ ಖ್ಹಣೇದ್ ಹುಯಿರ‍್ಹೋಸ್. 31ನ್ಯಾವ್ನ ತೀರ್ಪ್‌ನ ದನ್ಮ, ಶೇಬಾನಿ ರಾಣಿ ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಚಾ಼ತುರ್#11:31 ಗ್ಯಾನ್ನಿ ವಾತೆ ಕರೀಬಿ ಹುವಾಸ್. ವಾತೇನ ಖ್ಹಮ್‌ಜಾ಼ನಖ್ಹಾಜೆ ಧರ್ತಿನ ಕೈಯೆಕ್ಕಿ ದಖ್ಖನ್‌ಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಮೋಟೊ ಹಜ್ಜಾ಼ ಛಾ಼. 32ನ್ಯಾವ್ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ದೇವ್ ಭಣಿ ಫರಿಗಯು; ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼!
ಶರೀರ‍್ನು ಉಜಾ಼ಳು
(ಮತ್ತಾಯ 5:15; 6:22-23)
33ಕೋಣ್‌ಬಿ ದೀವೊ ಖ್ಹಲ್‌ಗೈನ್, ಲಪಾಡಿನ್ ರ‍್ಹವೊ, ನತರ್‌ಕಿ ಕೋಳ್ಗಾನಹೇಟ್ ರ‍್ಹವೊ ಮ್ಹೇಲಾಕೊಯ್ನಿ. ಘರ್‌ನ ಮಹಿ ಆವಾಳಾನ ಉಜಾ಼ಳು ದೆಖಾವಾನಿಘೋಣಿ, ದೀವೊ ಮ್ಹೇಲಾನಿ ಖಂಬಾಪರ್ ಮ್ಹೇಲಾಸ್. 34ತಾರ ಡೋಳಾ ಶರೀರ್‌ನ ದಿವಾನಿಘೋಣಿ ಹುಯಿರ್ಹುಸ್. ತಾರ ಡೋಳ ಬರೋಬರ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್ ಉಜಾ಼ಳು ರ‍್ಹಿಶೆ: ಕತೋಬಿ ತಾರ ಡೋಳ ಖರಾಬ್ ರ‍್ಹಯೂತೊ, ತಾರು ಶರೀರ್ ಅಖ್ಖುಸ್ ಅಂಧಾರು ಹುಯಿಜಾ಼ಶೆ 35ಇನಖ್ಹಾಜೇಸ್, ತಾರು ಉಜಾ಼ಳು ಅಂಧಾರು ನಾ ಹೋಣುತೆ ಇಮ್‌ ದೇಖಿಲೆ. 36ತದೆ ತಾರು ಆಂಗ್-ತನ್ ಅಖ್ಖುಸ್ ಉಜಾ಼ಖ್ಹ್‌ಥಿ ಭರೈನ್, ಖೆವಿ ಬಾಜು಼ಮಾಬಿ ಅಂಧಾರು ನಾರ‍್ಹಯುತೊ, ಯೋ ಉಜಾ಼ಖ್ಹ್‌ ಖ್ಹಾರಿಸ್ ಬಾಜು಼ಮ ಘೈಗ್‌ಶೆತೆ ಇಮ್ಮಸ್, ದೀವೊ ಘೈಗಾನಿ ವಖ್ಹತ್‌ಮ ಇನು ಉಜಾ಼ಖ್ಹ್‌ ತಾರಪರ್ ಘೈಗ್‌ಶೆ, “ಕರಿ ಬೋಲ್ಯೊ.
ಯೇಸುನೆ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಪರ್ ಗಲತ್‌ ಲಗಾಡ್ಯೋತೆ
(ಮತ್ತಾಯ 23:1-36; ಮಾರ್ಕ 12:38-40)
37ಯೇಸುನೆ ವಾತೆ ಬೋಲಿನ್ ಖತಮ್ ಕರಾನ ಬಾದ್ಮ, ಫರಿಸಾಯರ್‌ವಾಳೊ ಏಕ್‌ ಜ಼ಣಾನೆ ಯೇಸುನ ಖಾಣನ ಬುಲಾಯೊ. ತದೆ ಯೇಸು ಇನ ಘರ್‌ನ ಮಹಿ ಜೈ಼ನ್, ಖಾಣನ ಬೇಶಿಗಯೊ. 38ಯೇಸುನೆ ಹಾತ್‌ ಧೋಯೊಕೊಂತೆ ಖಾಣನ ಬೆಠೂತೆ ಯೋ ಫರಿಸಾಯವಾಳನೆ ದೇಖಿನ್, ಆಶ್ಚರ್ಯಹುಯು. 39ತದೆ ಪ್ರಭುನೆ ಇನ, “ಫರಿಸಾಯರ್ ಹುಯಿರ‍್ಹಾತೆ ತುಮೆ ತುಮಾರು ಹಂಡ್‌ಕು ಅಜು಼ ಥಾಳಿ ಭಾರ್‌ ಪಾಕ್‌ಥಿ ಮಾಂಜ಼ಸ್. ಕತೋಬಿ ತುಮಾರ ಮಹಿ ಠಗಾವಾನು ಅಜು಼ ಖರಾಬ್ ಚಾ಼ಲ್ ಭರೈರ‍್ಹೂಸ್. 40ಖ್ಹಯಾಲ್‌ಭರ‍್ಯಾ! ಭಾರ್‌ಲ್ಯು ಬಣಾಯೋತೆ ದೇವ್ನೇಸ್, ಮಹಿನೂಬಿ ಬಣೈರಾಖ್ಯೊಸ್ನಿ. 41ಅನಖ್ಹಾಜೆಸ್ ಮಹಿ ಛಾ಼ತೆ ಇನ ಗೋರ್‌ಗರೀಬ್‌ನ ದೆವೊ, ತದೆ ತಮಾಮ್‌ ರಾಛು಼ ತುಮಾರಖ್ಹಾಜೆ ಪಾಕ್‌ ಹುಯಿಜಾ಼ಶೆ.
42ಅಲಾ ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದೇವ್ನ ತುಮಾರಕನ ಛಾ಼ತೆ ಹರೇಕ್‌ಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್; ತುಮೆ ಪಿಕಾವಸ್ತೆ ಖ್ಹಾರಿಸ್ ತರ‍್ಹಾನು ಜ಼ಡಿಬೂಠಿನ ಅಜು಼ ಪುದೀನ, ಸದಾಪುಮಾಬಿ ಭಾಜಿಯೇಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್. ಕತೋಬಿ ನ್ಯಾವ್‌ಥಿ ಚಾ಼ಲಿಲ್ಯವಾನ ಅಜು಼ ಪ್ಯಾರ್ ವತಾಳನು ತುಮೆ ಭೈಕಿಗಯ. ಪಹಿಲೆ ತುಮೆ ಆ ಖ್ಹಾರು ಕರಾನ ಆದತ್ ಕರಿಲೇವ್ಣು, ಅಜು಼ ಯೋ ಖ್ಹಾರುಬಿ ನಾ ಭೈಕ್‌ಣು.
43“ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ಸಬೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೊ ದ್ಯವಾನುಸ್ ತುಮೂನ ಪ್ಯಾರ್, ಅಜು಼ ದುಕಾನೇನಿ ಗಲ್ಲಿಯೇಮ ತುಮೂನ ಖ್ಹಲಾಮ್ ಕರ‍್ನು ಕರಿ ಬೋಲನುಸ್ ತುಮಾರಿ ಆಖ್ಹ್! 44ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದಬಿಗಯೂತೆ ಮಖ್ಹಾಣ್ಯನಿಘೋಣಿ ಛಾ಼. ಇನಾಪರ್ ಚಾ಼ಲವಾಳ ಅದ್ಮಿನ ತುಮೆ ಮಖ್ಹಾಣ್ಯುಕರಿ ಮಾಲುಮ್ ಕೊಯ್ನಿ.
45ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಮ ಏಕ್‌ ಜ಼ಣು ಯೇಸುನ, “ಗುರು, ಆ ವಾತೆ ಬೋಲಾಥಿ ತೂ ಹಮುನಾಬಿ ಖ್ಹರಮ್‌ ಕಾಡದಾಖ್ಹಲ್ ಹುಯು” ಕರಿ ಬೋಲ್ಯೊ. 46ಯೇಸುನೆ ಜವಾಬ್‌ ದಿದೋಕಿ, “ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮೆ ಅದ್ಮಿಪರ್ ಢೊವಾನ ಹುವಾಕೊಂತೆ, ಎತ್ರೊ ಬೋಜೊ಼ ನಾಖೋಸ್. ಕತೋಬಿ ತುಮೇತೊ, ಯೋ ಭೋಜಾ಼ನ ಏಕ್‌ ಅಂಗ್‌ಳಿಥೀಬಿ ಛೀಮಕೊಯ್ನಿ.
47ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಪ್ರವಾದಿಯೇನಖ್ಹಾಜೆ ಅಛ್ಛಿ-ಅಛ್ಛಿ ಮಖ್ಹಾಣ್ಯನಿ ಘವಿಯೇನ ಬಣಾವೋಸ್, ಇವ್ಣುನ ಮಾರ‍್ಯೂತೆ ತುಮಾರ ಗುರುಗುರಬ್‍ಲ್ಯನೇಸ್. 48ಅನೇಥಿ ತುಮಾರ ಗುರುಗುರಬ್‍ಲ್ಯನೆ ಕರ‍್ಯುತೆ ಇನ, ತುಮೇಸ್ ಸಾಕ್ಷಿ ಹುಯಿರ‍್ಹಾಸ್. ಇವ್ಣ ಕಾಮ್‍ಅಖ್ಖಾನ ಮಾನಿಲಿದ ಕರಿ. ಕಿಮ್‌ಕತೊ ಇವ್ಣೆ ಪ್ರವಾದಿಯೇನ ಮಾರ‍್ಯು, ತುಮೆ ಯೋ ಮಖ್ಹಾಣ್ಯನಿ ಘವಿಯೇನ ಭಾಂದೋಸ್. 49ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ. 50ಅನಖ್ಹಾಜೆಸ್, ಜಗತ್‌ ಉಬ್‍ಜೂತೆ ತಪ್‌ಥು ಮರೈನಾಖಿ ದಿದೂತೆ ತಮಾಮ್‌ ಪ್ರವಾದಿಯೇನು ಮೋತ್‌ನ, ಆ ಜ಼ಗ್‌ನು ಅದ್ಮಿ ಹುಯಿರ‍್ಹಾತೆ ತುಮೂನ ದಂಡ್‌ ಮಳ್‌ಶೆ! 51ಹೇಬೆಲ್‌ಥು ಧರೀನ್, ಬಲಿನಿ ಚಾ಼ಚ಼ರ್‌ ಅಜು಼ ಮಂದಿರ್‌ನ ಇಚ಼್‌ಮ ಮರೈ ನಾಖ್ಯುತೆ ಜಕರೀಯನು ಮೋತ್‍ತೋಡಿನು ದಂಡ್‌ ತುಮೂನ ಮಳ್‌ಶೆ. ಒಹೊ, ಮೇ ತುಮೂನ ಬೋಲುಸ್ಕಿ ಯೋ ಖ್ಹಾರಾವ್‍ನಟೇಕೆ ಆ ಜ಼ಗ್‌ನು ಅದ್ಮಿನ ದಂಡ್‌ ಮಳ್‌ಶೆ!
52ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ ತುಮಾರಿ ಹಾಲ್ನ ಶಾತ್‌ ಬೋಲು! ದೇವ್ನಿ ಬಾರೇಮ ಶಿಕಾನಟೇಕೆ ಛಾ಼ತೆ ಬೀಗಾನ ತುಮೇಸ್ ರಾಖಿಲಿದ, ತುಮೇಬಿ ಮಹಿ ಜಾ಼ಯ್‌ಕೊಯ್ನಿ, ಬಿಜಾ಼ನಾಬಿ ಜಾ಼ವಾನ ಕೋ ಮ್ಹೇಲಾನಿ” ಕರಿ ಬೋಲ್ಯೊ.
53ಯೇಸು ಹಿಜ್ಜಾ಼ಥೊ ನಿಕ್ಳಾನಿ ವಖ್ಹತ್‌ಮ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳು ಯೇಸುನಿ ಚಾ಼ವ್‌ಣ್ಯ ಕಾಡ್ಯು, ಅಜು಼ ಘಣಿ ಬಾರೇಮ ಇನ ಪುಛಾ಼ಯು. 54ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳಾಸ್ಕಿ ಶುಕಿ ಕರಿ, ಇನ ಖ್ಹಪ್‌ಡಾವಾನಟೆಕೆ ಘಣು ಕೋಶಿಷ್ ಕರ‍್ಯು.
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
The New Testament in Waghri Language © The Word for the World International and Waghri Translation Samiti, Karnataka, 2023.