लूका 1
1
थियुफिलुस्सा वास्तै
1श्रीमान थियुफिलुस घणैं लोक्कैं म्हारे बिच्चा म घटोड़ियैं बात्तैं के बारे म इतिहास लिखणैं कि कोशिश करी। 2ये बात्तां उनकै जरीये थ बताओड़ियाँ हैं, जिनूर शिरुआ थ ही उनकु होतियाँ देखियाँ, अर जो परमेश्वरा के वचना के सेवक भी बणे। 3मैं खुद ही इन घटोड़ियैं बात्तैं कि शुरुआत्ता थ ही सावधानिया थ जाँच करी है। इस वास्तै मिस्कु भी या सही लाग्या कि हूँ या सारा काइं सही तरीक्के थ लिखैं। 4जिस्थै तौं पूरे तरीक्के थ जाणी लैं, कि ये बात्तां कितनिया साचियाँ हैं, जिनकि तैं शिक्षा ली है।
जकरयाह अर इलिशिबा
5उन दिनै म जिद यहूदिया #1:5 यहूदिया शब्द एठ्ठै पूरे पलिस्तियैं के देस्सा कु दिखावता है। देस्सा पर हैरोदेस्सा का राज थिया। अर याजकैं के लोक्कैं माहलैं, अब्बियाह के समूहा म जकरयाह नावाँ का याजक थिया। अर उसकी लुगाई जिस्का नाम एलिशिबा थिया, जो हारुना किया पीढ़िया कि थी। 6अर वो दोन्नो ही परमेश्वरा किया नज़री म धर्मी थिये, अर प्रभुआ के हुकमैं अर नियमैं कु मानणैं म खरे थिये। 7पर उनकै कोइ भी उलाद कोइन थी क्योंकि एलिशिबा बाँझ थी, अर वो दोन्नो ही बुढ्ढे होई गये थिये।
8 एक बारी जिद वो आपके समूहा किया बारीया पर परमेश्वरा क साम्है याजका का काम करया-करया, 9जिधी याजकैं किया रीतियैं क अनुसार उसके नावाँ पर चिठ्ठी निकणी, कि परमेश्वरा के भवना म धूप जळावै। 10अर धूप जळाणै के वक्ता पर सारी मंडळी बाहर प्रार्थना करया करी। 11अर उसी वक्त प्रभुआ का एक स्वर्गदूत धूप्पा आळिया वेदिया धोर सज्जै पास्सै उब्भा दिस्या। 12अर जकरयाह उसकु देक्खिकना हैरान होई गया, अर वो डरी गया। 13पर स्वर्गदुत्तैं उसथै कैहया, “हे जकरयाह, तौं डर ना, क्योंकि तेरी प्रार्थना सुणी ली गयी है, अर तेरी लुगाई एलिशिबा एक्की बेट्टे कु जन्म दैग, अर तौं उसका नाम यहून्ना धरीयैं। 14अर वो थारी खुशी अर आनन्द तो बणग ही, अर होर भी घणे लोक उसका जन्म होणैं थ खुश होंग। 15क्योंकि वो प्रभुआ किया नज़री म महान होग, अर वो किधी भी दाखरस अर दारूआ कु मोहो कोइ लावै, अर वो पेट्टा थ ही पवित्र आत्मा थ भरी जाग। 16अर इस्राएली लोक्कैं माहले घणैं कु उनके प्रभु परमेश्वरा धौरै फेरी लेई आग। 17अर वो एलियाह किया आत्मा अर शक्तिया म होइकना प्रभु यीशुआ थ पैहलै सेवा करगड़ा, ताकी वो बाप्पैं का मन आपके टाबरैं वळ करी दवै, अर हुकम ना मानणैं आळैं कु धर्मियैं किया अकली म लेई आवै, अर प्रभुआ के लोक्कैं कु प्रभुआ वास्तै त्यार करै।”
18पिछैं जकरीयैं स्वर्गदुत्ता थ बुझ्झया, “मिस्कु किदा पता चाल्लग कि याह सच है? क्योंकि हूँ एक बुढ्ढा इन्सान हैं, अर मेरी लुगाई भी बुढ्ढी है।”
19स्वर्गदुत्तैं उसकु कैहया, “हूँ जिब्राईल हैं, हूँ वो हैं जो परमेश्वरा क साम्है उब्भा रहता है, अर मिस्कु तेरै थ बात करनै अर इस शुभसमाचारा कु दैणैं घलाया गया है। 20अर देख, तैं जो मेरीयैं बातैं पर जो सही वक्त आणैं पर पूरीयाँ होंग, उनपर विश्वास कोइन करया, इसकरी तौं इन बातैं के पूरा होणैं के दिना ताइं गुँगा रैहैंग।”
21अर लोक जकरयाह का इन्तजार करया करे, वो हैरान थिये कि इतनी देर उसकु परमेश्वरा के भवना म किदा लाग्गी गयी? 22फेरी जिद वो बाहर आया, तो उनथै काइं बोल्ली कोइन सख्या, अर उनकु लाग्या कि जिदाकि परमेश्वरा के भवना म उसकु कोइ दर्शन मिल्या हो। अर वो उनथै इशारे ही करया-करया अर गुँगा ही रैहया।
23अर जिद उसकिया सेवा के दिन पूरे होई गये थिये, वो आपकै घरै चल्या गया। 24थोड़े ही दिनै बाद उसकी लुगाई एलिशिबा गर्भवती होई, अर या कहिकना वो पाँच भीन्ने घरा म ही छपी रही। 25“इन्सान्नै म मेरी बेज़ती दूर करनै वास्तै परमेश्वरैं, इन दिनै म मेरै पर आपकी रहम करी मेरै वास्तै इदा करया है।”
यीशुआ कि जन्म घोषणा
26इलिशिबा के गर्भा के छटवें भीन्ने म, परमेश्वरा क तरफूत एक जिब्राईल नावाँ का स्वर्गदूत गलील परदेस्सा के नासरत शहरा म, 27#मत्ती 1:18एक्की कुँवारीया धौरै घलाया गया, जिस्का नाम मरीयम थिया, अर जिस्का साख यूसुफ नावाँ के एक्की इन्सान्ना थ होवोड़ा थिया जो दाऊदा के वंशा थ थिया। 28जिब्राईल उसकै धौरै आया अर कैहया, “नमस्कार! तेरै पर रहम होई है! प्रभु तेरै साथ है।”
29अर या बात सुणी वो घणी घबराई गयी, अर सोचणै लाग्गी गयी कि याह काहँका का नमस्कार है? 30पिछैं स्वर्गदुत्तैं कैहया, “मरीयम, ना डर, क्योंकि परमेश्वरा कि रहम तेरै उप्पर होई है। 31#मत्ती 1:21सुण, तौं गर्भवती होंग, अर एक्की बेट्टे कु जन्म दैंग अर तौं उसका नाम यीशु धरियैं। 32वो महान होग अर परमप्रधान्ना का बेट्टा कुहागड़ा, अर प्रभु परमेश्वर उसकु उसके पुरखैं दाऊदा कि राज-गद्दी दैगड़ा। 33अर वो याकुबा के वंशा पर हमेशा राज करगड़ा, अर उसका राज किधी खतम कोइन होवै।”
34मरीयमै स्वर्गदुत्ता थ कैहया, “या किदा होई सक्ता है? क्योंकि हूँ तौं कुँवारी हैं।”
35पिछैं स्वर्गदुत्तैं उसकु कैहया, “तेरै उप्पर पवित्र आत्मा उतरग, अर परमप्रधान्ना कि शक्ती तेरै पर आगड़ी, इसकरी वो पैदा होणैं आळा पवित्र बच्चा परमेश्वरा का बेट्टा कुहागड़ा। 36अर देख तेरे रीश्तेदारीया म एलिशिबा के भी उसके बुढ़ाप्पे म एक बेट्टा होणैं आळा है, अर याह उसके गर्भा का छटवाँ भीन्ना है जिस्कु लोग बाँझ कैहते थिये। 37क्योंकि परमेश्वरा वास्तै कोइ भी काम औक्खा कोइन।”
38मरीयमै कैहया, “हूँ प्रभुआ कि दास्सी हैं, जिदा तैं मेरै वास्तै कैहया इदा ही होवै!” पिछैं वो स्वर्गदूत उसकै धोरला चल्या गया।
इलिशिबा धौरै मरीयमा का जाणां
39उन्ही दिनै म मरीयम बेग्गी बेग्गी त्यार होई पहाड़ी देस्सा म यहूदिया के एक्की शहरा म गई। 40अर उनु जकरयाह के घरा म पोंहची-कना एलिशिबा कु नमस्कार करया। 41अर मरीयमा का नमस्कार सुणतै ही एलिशिबा के पेट्टा म बच्चा उछळी पड़या, अर इलिशिबा पवित्र आत्मा थ भरी गयी। 42अर वो ऊँचिया अवाज्जा थ कैहणैं लाग्गी गयी, “तौं सारीयैं औरतैं म धन्य हैं, अर जिस बच्चे कु तौं जन्म दैंग वो भी धन्य है! 43अर मेरै पर या रहमत किदा होई, कि मेरे प्रभुआ कि माँ मेरै धौरै आई? 44देख, तेरे नमस्कारा का शब्द सुणतै ही मेरे पेट्टा म बच्चा खुशिया थ उछळी पड़या। 45इसकरी धन्य है तौं, जिनु विश्वास करया कि जो बात्तां प्रभुएं कहिय्याँ वो पूरीयाँ भी होंग।”
मरीयमा का स्तुति गीत
46मरीयमै कैहया,
“मेरी जान प्रभुआ कि बड़ाई करती है।
47अर मेरी आत्मा मेरा उद्धार करनै आळे परमेश्वरा थ खुश है।
48क्योंकि उनु आपकिया हलीम दासीया पर ध्यान करया है,
अर देख, आज थै युगैं युगैं के लोक मिस्कु धन्य कैहैंगड़े।
49क्योंकि उस शक्तिमान परमेश्वरैं मेरै वास्तै बड़े-बड़े काम करे हैं,
अर उसका नाम पवित्र है।
50अर जो उसका आदर करते हैं,
उनकै पर उसकी रहमत पिढ़ियैं-पिढ़ियैं ताइं रैहैग।
51उनु आपके हात्थैं कि शक्ती दिखाई।
अर जो कोइ मनैं म हंकार करते थिये उनकु कड़ी-कड़ी करी दिया।
52परमेश्वरैं बड़ैं राजैं कु उनकियैं राज-गदियैं थ थल्लै तारी दिये,
अर जो हलीम लोक थिये उनकु उँच्चा करया।
53उनु भुक्खैं कु आछियाँ चिज्जाँ खुवाई धपाया है,
अर अमीरैं कु खाल्ली हाथ घलाई दिये।
54अर उनु आपकी रहमत याद करी,
अर आपके दास इस्राएला कि मदद करी है,
55जो रहमत अब्राहम्मा अर उसकियैं पीढ़ियैं पर सदा रैहैगड़ी,
जिदाकि उनु म्हारे बुजूर्गैं थ कैहया थिया।”
56अर मरीयम लगभग तीन भीन्ने इलिशिबा सात्थी रही, अर पिछैं वो आपकै घरै आई गयी।
यहून्ना बत्तीस्मा दैणैं आळे का जन्म
57पिछैं एलिशिबा के गर्भा के दिन पूरे होए, अर उनु एक्की बेट्टे कु जन्म दिया। 58अर जिद उसके पड़ोसियैं अर रीश्तेदारैं कु पता चाल्या कि प्रभुएं उसपर आपकी बड़ी रहमत करी है, तो वो भी उसकै सात्थी खुश होये।
59अर पिछैं लोक आठवें दिन बच्चे का खतना करनै वास्तै आये। अर उसके बाप्पा के नावाँ पर उस बच्चे का नाम भी जकरयाह धरनै लाग्गी गये। 60पर उसकियैं माऊ कैहया, “नाही, पर इसका नाम यहून्ना धरया जावैं।”
61पर उनूर उसथै कैहया, “कि तेरे रीश्तेदारैं म या नाम होर किसी का भी कोइन” 62पिछैं उनूर उसके बाप्पा थ इशारा करी बुझ्झया कि वो इसका क्या नाम धरना चाहता है?
63अर उनु एक्की लिखणैं आळी पट्टी मंगवाई उसपर लिखी दिया, “इसका नाम यहून्ना है।” अर सारे इसपर चौंहकी गये थिये। 64अर उसी वक्त उसका मोह अर जीभ खुली गये, अर वो बोलणै अर परमेश्वरा कि बड़ाई करनै लाग्गी गया। 65अर इसकै बाद आस्सै-पास्सै के रैहणैं आळैं पर डर छाई गया, अर इन सारीयैं बात्तैं कि चर्चा यहूदिया देस्सा के सारे पहाड़ी इलाक्कैं म फैल्ली गयी। 66अर सारैं सुणणै आळे आपके-आपके मनैं म या बात सोच्ची कैहणैं लाग्गी गये कि, “या बच्चा क्या बणगड़ा? क्योंकि प्रभुआ का हाथ इसकै उप्पर है।”
जकरयाह कि भविष्यवाणी
67पिछैं उस बच्चे का बाप जकरयाह पवित्र आत्मा थ भरीकना भविष्यवाणी करनै लाग्गी गया।
68“इस्राएला का परमेश्वर धन्य है,
क्योंकि उनु आपके लोक्कैं पर ध्यान करी अर उनकु छुटकारा दिया।
69अर उनु म्हारे वास्तै आपके सेवक दाऊदा किया पीढ़िया थ एक्की ताकतवर उद्धार करनै आळे कु दिया है।
70जिदाकि उनु पैहलै ही आपके पवित्र नबीयैं के जरीये थ कहोड़ा थिया।
71उनु म्हारे सारे दुश्मणैं थ अर बैरीयैं किया ताकता थ म्हारा उद्धार करया है।
72अर म्हारे पुर्वजैं पर आपकी रहमत करनै का वादा करया,
अर उस पवित्र वादे कु याद राख्या।
73अर या सौं उनु म्हारे पुर्वज अब्राहम्मा थ खाई थी,
74कि हम म्हारे दुश्मणैं के हात्था थ छुट्टाँ,
75अर उसकै साम्है पवित्र अर धार्मिक्ता थ जिन्दगी भर बिना डरे उसकी सेवा करते रहां।
76अर तौं मेरे बेट्टे परमप्रधान्ना का नबी कुहाँगड़ा,
क्योंकि तौं प्रभुआ के रस्ते त्यार करनै वास्तै उसकै आग्गै-आग्गै चालंग।
77ताकी उसके लोक्कैं कु उद्धारा कि समझ दैं,
जो उनके पाप्पैं किया माफिया थ मिलती है।
78म्हारे परमेश्वरा किया बड़िया रहमता थ म्हारा उद्धार करनै आळा स्वर्गा थ ऊगते सूरजा ज़ू आउगड़ा,
79ताकी अन्धेरे अर मौत्ती किया छावाँ म बैठणै आळैं कु चारना दवै,
अर म्हारे कदमैं कु शान्तिया के रस्ते म सिद्धा चलावै।”
80अर वो बच्चा यहून्ना बड़ा होत्ता अर आत्मा म बढ़ता रैहया,
अर इस्राएला के लोक्कैं क साम्है आणैं के दिना ताइं सूनीयैं जाघ्घैं म ही रैहया।
Jelenleg kiválasztva:
लूका 1: Sansi
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
New Life Literature
लूका 1
1
थियुफिलुस्सा वास्तै
1श्रीमान थियुफिलुस घणैं लोक्कैं म्हारे बिच्चा म घटोड़ियैं बात्तैं के बारे म इतिहास लिखणैं कि कोशिश करी। 2ये बात्तां उनकै जरीये थ बताओड़ियाँ हैं, जिनूर शिरुआ थ ही उनकु होतियाँ देखियाँ, अर जो परमेश्वरा के वचना के सेवक भी बणे। 3मैं खुद ही इन घटोड़ियैं बात्तैं कि शुरुआत्ता थ ही सावधानिया थ जाँच करी है। इस वास्तै मिस्कु भी या सही लाग्या कि हूँ या सारा काइं सही तरीक्के थ लिखैं। 4जिस्थै तौं पूरे तरीक्के थ जाणी लैं, कि ये बात्तां कितनिया साचियाँ हैं, जिनकि तैं शिक्षा ली है।
जकरयाह अर इलिशिबा
5उन दिनै म जिद यहूदिया #1:5 यहूदिया शब्द एठ्ठै पूरे पलिस्तियैं के देस्सा कु दिखावता है। देस्सा पर हैरोदेस्सा का राज थिया। अर याजकैं के लोक्कैं माहलैं, अब्बियाह के समूहा म जकरयाह नावाँ का याजक थिया। अर उसकी लुगाई जिस्का नाम एलिशिबा थिया, जो हारुना किया पीढ़िया कि थी। 6अर वो दोन्नो ही परमेश्वरा किया नज़री म धर्मी थिये, अर प्रभुआ के हुकमैं अर नियमैं कु मानणैं म खरे थिये। 7पर उनकै कोइ भी उलाद कोइन थी क्योंकि एलिशिबा बाँझ थी, अर वो दोन्नो ही बुढ्ढे होई गये थिये।
8 एक बारी जिद वो आपके समूहा किया बारीया पर परमेश्वरा क साम्है याजका का काम करया-करया, 9जिधी याजकैं किया रीतियैं क अनुसार उसके नावाँ पर चिठ्ठी निकणी, कि परमेश्वरा के भवना म धूप जळावै। 10अर धूप जळाणै के वक्ता पर सारी मंडळी बाहर प्रार्थना करया करी। 11अर उसी वक्त प्रभुआ का एक स्वर्गदूत धूप्पा आळिया वेदिया धोर सज्जै पास्सै उब्भा दिस्या। 12अर जकरयाह उसकु देक्खिकना हैरान होई गया, अर वो डरी गया। 13पर स्वर्गदुत्तैं उसथै कैहया, “हे जकरयाह, तौं डर ना, क्योंकि तेरी प्रार्थना सुणी ली गयी है, अर तेरी लुगाई एलिशिबा एक्की बेट्टे कु जन्म दैग, अर तौं उसका नाम यहून्ना धरीयैं। 14अर वो थारी खुशी अर आनन्द तो बणग ही, अर होर भी घणे लोक उसका जन्म होणैं थ खुश होंग। 15क्योंकि वो प्रभुआ किया नज़री म महान होग, अर वो किधी भी दाखरस अर दारूआ कु मोहो कोइ लावै, अर वो पेट्टा थ ही पवित्र आत्मा थ भरी जाग। 16अर इस्राएली लोक्कैं माहले घणैं कु उनके प्रभु परमेश्वरा धौरै फेरी लेई आग। 17अर वो एलियाह किया आत्मा अर शक्तिया म होइकना प्रभु यीशुआ थ पैहलै सेवा करगड़ा, ताकी वो बाप्पैं का मन आपके टाबरैं वळ करी दवै, अर हुकम ना मानणैं आळैं कु धर्मियैं किया अकली म लेई आवै, अर प्रभुआ के लोक्कैं कु प्रभुआ वास्तै त्यार करै।”
18पिछैं जकरीयैं स्वर्गदुत्ता थ बुझ्झया, “मिस्कु किदा पता चाल्लग कि याह सच है? क्योंकि हूँ एक बुढ्ढा इन्सान हैं, अर मेरी लुगाई भी बुढ्ढी है।”
19स्वर्गदुत्तैं उसकु कैहया, “हूँ जिब्राईल हैं, हूँ वो हैं जो परमेश्वरा क साम्है उब्भा रहता है, अर मिस्कु तेरै थ बात करनै अर इस शुभसमाचारा कु दैणैं घलाया गया है। 20अर देख, तैं जो मेरीयैं बातैं पर जो सही वक्त आणैं पर पूरीयाँ होंग, उनपर विश्वास कोइन करया, इसकरी तौं इन बातैं के पूरा होणैं के दिना ताइं गुँगा रैहैंग।”
21अर लोक जकरयाह का इन्तजार करया करे, वो हैरान थिये कि इतनी देर उसकु परमेश्वरा के भवना म किदा लाग्गी गयी? 22फेरी जिद वो बाहर आया, तो उनथै काइं बोल्ली कोइन सख्या, अर उनकु लाग्या कि जिदाकि परमेश्वरा के भवना म उसकु कोइ दर्शन मिल्या हो। अर वो उनथै इशारे ही करया-करया अर गुँगा ही रैहया।
23अर जिद उसकिया सेवा के दिन पूरे होई गये थिये, वो आपकै घरै चल्या गया। 24थोड़े ही दिनै बाद उसकी लुगाई एलिशिबा गर्भवती होई, अर या कहिकना वो पाँच भीन्ने घरा म ही छपी रही। 25“इन्सान्नै म मेरी बेज़ती दूर करनै वास्तै परमेश्वरैं, इन दिनै म मेरै पर आपकी रहम करी मेरै वास्तै इदा करया है।”
यीशुआ कि जन्म घोषणा
26इलिशिबा के गर्भा के छटवें भीन्ने म, परमेश्वरा क तरफूत एक जिब्राईल नावाँ का स्वर्गदूत गलील परदेस्सा के नासरत शहरा म, 27#मत्ती 1:18एक्की कुँवारीया धौरै घलाया गया, जिस्का नाम मरीयम थिया, अर जिस्का साख यूसुफ नावाँ के एक्की इन्सान्ना थ होवोड़ा थिया जो दाऊदा के वंशा थ थिया। 28जिब्राईल उसकै धौरै आया अर कैहया, “नमस्कार! तेरै पर रहम होई है! प्रभु तेरै साथ है।”
29अर या बात सुणी वो घणी घबराई गयी, अर सोचणै लाग्गी गयी कि याह काहँका का नमस्कार है? 30पिछैं स्वर्गदुत्तैं कैहया, “मरीयम, ना डर, क्योंकि परमेश्वरा कि रहम तेरै उप्पर होई है। 31#मत्ती 1:21सुण, तौं गर्भवती होंग, अर एक्की बेट्टे कु जन्म दैंग अर तौं उसका नाम यीशु धरियैं। 32वो महान होग अर परमप्रधान्ना का बेट्टा कुहागड़ा, अर प्रभु परमेश्वर उसकु उसके पुरखैं दाऊदा कि राज-गद्दी दैगड़ा। 33अर वो याकुबा के वंशा पर हमेशा राज करगड़ा, अर उसका राज किधी खतम कोइन होवै।”
34मरीयमै स्वर्गदुत्ता थ कैहया, “या किदा होई सक्ता है? क्योंकि हूँ तौं कुँवारी हैं।”
35पिछैं स्वर्गदुत्तैं उसकु कैहया, “तेरै उप्पर पवित्र आत्मा उतरग, अर परमप्रधान्ना कि शक्ती तेरै पर आगड़ी, इसकरी वो पैदा होणैं आळा पवित्र बच्चा परमेश्वरा का बेट्टा कुहागड़ा। 36अर देख तेरे रीश्तेदारीया म एलिशिबा के भी उसके बुढ़ाप्पे म एक बेट्टा होणैं आळा है, अर याह उसके गर्भा का छटवाँ भीन्ना है जिस्कु लोग बाँझ कैहते थिये। 37क्योंकि परमेश्वरा वास्तै कोइ भी काम औक्खा कोइन।”
38मरीयमै कैहया, “हूँ प्रभुआ कि दास्सी हैं, जिदा तैं मेरै वास्तै कैहया इदा ही होवै!” पिछैं वो स्वर्गदूत उसकै धोरला चल्या गया।
इलिशिबा धौरै मरीयमा का जाणां
39उन्ही दिनै म मरीयम बेग्गी बेग्गी त्यार होई पहाड़ी देस्सा म यहूदिया के एक्की शहरा म गई। 40अर उनु जकरयाह के घरा म पोंहची-कना एलिशिबा कु नमस्कार करया। 41अर मरीयमा का नमस्कार सुणतै ही एलिशिबा के पेट्टा म बच्चा उछळी पड़या, अर इलिशिबा पवित्र आत्मा थ भरी गयी। 42अर वो ऊँचिया अवाज्जा थ कैहणैं लाग्गी गयी, “तौं सारीयैं औरतैं म धन्य हैं, अर जिस बच्चे कु तौं जन्म दैंग वो भी धन्य है! 43अर मेरै पर या रहमत किदा होई, कि मेरे प्रभुआ कि माँ मेरै धौरै आई? 44देख, तेरे नमस्कारा का शब्द सुणतै ही मेरे पेट्टा म बच्चा खुशिया थ उछळी पड़या। 45इसकरी धन्य है तौं, जिनु विश्वास करया कि जो बात्तां प्रभुएं कहिय्याँ वो पूरीयाँ भी होंग।”
मरीयमा का स्तुति गीत
46मरीयमै कैहया,
“मेरी जान प्रभुआ कि बड़ाई करती है।
47अर मेरी आत्मा मेरा उद्धार करनै आळे परमेश्वरा थ खुश है।
48क्योंकि उनु आपकिया हलीम दासीया पर ध्यान करया है,
अर देख, आज थै युगैं युगैं के लोक मिस्कु धन्य कैहैंगड़े।
49क्योंकि उस शक्तिमान परमेश्वरैं मेरै वास्तै बड़े-बड़े काम करे हैं,
अर उसका नाम पवित्र है।
50अर जो उसका आदर करते हैं,
उनकै पर उसकी रहमत पिढ़ियैं-पिढ़ियैं ताइं रैहैग।
51उनु आपके हात्थैं कि शक्ती दिखाई।
अर जो कोइ मनैं म हंकार करते थिये उनकु कड़ी-कड़ी करी दिया।
52परमेश्वरैं बड़ैं राजैं कु उनकियैं राज-गदियैं थ थल्लै तारी दिये,
अर जो हलीम लोक थिये उनकु उँच्चा करया।
53उनु भुक्खैं कु आछियाँ चिज्जाँ खुवाई धपाया है,
अर अमीरैं कु खाल्ली हाथ घलाई दिये।
54अर उनु आपकी रहमत याद करी,
अर आपके दास इस्राएला कि मदद करी है,
55जो रहमत अब्राहम्मा अर उसकियैं पीढ़ियैं पर सदा रैहैगड़ी,
जिदाकि उनु म्हारे बुजूर्गैं थ कैहया थिया।”
56अर मरीयम लगभग तीन भीन्ने इलिशिबा सात्थी रही, अर पिछैं वो आपकै घरै आई गयी।
यहून्ना बत्तीस्मा दैणैं आळे का जन्म
57पिछैं एलिशिबा के गर्भा के दिन पूरे होए, अर उनु एक्की बेट्टे कु जन्म दिया। 58अर जिद उसके पड़ोसियैं अर रीश्तेदारैं कु पता चाल्या कि प्रभुएं उसपर आपकी बड़ी रहमत करी है, तो वो भी उसकै सात्थी खुश होये।
59अर पिछैं लोक आठवें दिन बच्चे का खतना करनै वास्तै आये। अर उसके बाप्पा के नावाँ पर उस बच्चे का नाम भी जकरयाह धरनै लाग्गी गये। 60पर उसकियैं माऊ कैहया, “नाही, पर इसका नाम यहून्ना धरया जावैं।”
61पर उनूर उसथै कैहया, “कि तेरे रीश्तेदारैं म या नाम होर किसी का भी कोइन” 62पिछैं उनूर उसके बाप्पा थ इशारा करी बुझ्झया कि वो इसका क्या नाम धरना चाहता है?
63अर उनु एक्की लिखणैं आळी पट्टी मंगवाई उसपर लिखी दिया, “इसका नाम यहून्ना है।” अर सारे इसपर चौंहकी गये थिये। 64अर उसी वक्त उसका मोह अर जीभ खुली गये, अर वो बोलणै अर परमेश्वरा कि बड़ाई करनै लाग्गी गया। 65अर इसकै बाद आस्सै-पास्सै के रैहणैं आळैं पर डर छाई गया, अर इन सारीयैं बात्तैं कि चर्चा यहूदिया देस्सा के सारे पहाड़ी इलाक्कैं म फैल्ली गयी। 66अर सारैं सुणणै आळे आपके-आपके मनैं म या बात सोच्ची कैहणैं लाग्गी गये कि, “या बच्चा क्या बणगड़ा? क्योंकि प्रभुआ का हाथ इसकै उप्पर है।”
जकरयाह कि भविष्यवाणी
67पिछैं उस बच्चे का बाप जकरयाह पवित्र आत्मा थ भरीकना भविष्यवाणी करनै लाग्गी गया।
68“इस्राएला का परमेश्वर धन्य है,
क्योंकि उनु आपके लोक्कैं पर ध्यान करी अर उनकु छुटकारा दिया।
69अर उनु म्हारे वास्तै आपके सेवक दाऊदा किया पीढ़िया थ एक्की ताकतवर उद्धार करनै आळे कु दिया है।
70जिदाकि उनु पैहलै ही आपके पवित्र नबीयैं के जरीये थ कहोड़ा थिया।
71उनु म्हारे सारे दुश्मणैं थ अर बैरीयैं किया ताकता थ म्हारा उद्धार करया है।
72अर म्हारे पुर्वजैं पर आपकी रहमत करनै का वादा करया,
अर उस पवित्र वादे कु याद राख्या।
73अर या सौं उनु म्हारे पुर्वज अब्राहम्मा थ खाई थी,
74कि हम म्हारे दुश्मणैं के हात्था थ छुट्टाँ,
75अर उसकै साम्है पवित्र अर धार्मिक्ता थ जिन्दगी भर बिना डरे उसकी सेवा करते रहां।
76अर तौं मेरे बेट्टे परमप्रधान्ना का नबी कुहाँगड़ा,
क्योंकि तौं प्रभुआ के रस्ते त्यार करनै वास्तै उसकै आग्गै-आग्गै चालंग।
77ताकी उसके लोक्कैं कु उद्धारा कि समझ दैं,
जो उनके पाप्पैं किया माफिया थ मिलती है।
78म्हारे परमेश्वरा किया बड़िया रहमता थ म्हारा उद्धार करनै आळा स्वर्गा थ ऊगते सूरजा ज़ू आउगड़ा,
79ताकी अन्धेरे अर मौत्ती किया छावाँ म बैठणै आळैं कु चारना दवै,
अर म्हारे कदमैं कु शान्तिया के रस्ते म सिद्धा चलावै।”
80अर वो बच्चा यहून्ना बड़ा होत्ता अर आत्मा म बढ़ता रैहया,
अर इस्राएला के लोक्कैं क साम्है आणैं के दिना ताइं सूनीयैं जाघ्घैं म ही रैहया।
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
New Life Literature