Luki 18
18
1Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó; 2é ɖɔ: “Hwɛɖɔtɔ́ ɖé tíin ɖo to ɖé mɛ, bó nɔ sí Mawu ɖěbǔ ǎ, é ka nɔ ké ya nú gbɛtɔ́ ɖěbǔ ǎ. 3Asúkúsi ɖé ká ɖo to ɔ́ mɛ, bó nɔ́ wá mɔ hwɛɖɔtɔ́ ɔ́, bó nɔ́ ɖɔ n'i ɖɔ: ‘Hwlɛ̌n mì ɖo mɛ e sí te dó jǐ ce ɔ́ sí.’ 4Hwɛɖɔtɔ́ ɔ́ tó gbɛ́ káká hwɛ̌; lo ɔ́, é wá ɖɔ dó xomɛ ɖɔ: ‘Un na bó ma sí Mawu ǎ, bó ma ké ya nú gbɛtɔ́ ǎ ɔ́, 5lě e asúkúsi élɔ́ ɖo kɔ jí nú mì sɔ é ɔ́, un ná gbɔ bó gbo dó étɔn jí; é má nyí mɔ̌ ǎ ɔ́, é ná wá ɖo tagba dó nú mì wɛ káká bɔ agbɔ̌n na kpé mì.’ ”
6Bɔ Aklúnɔ lɛ́ ɖɔ: “Mi ma se nǔ e hwɛagɔdotɔ́ énɛ́ ɖɔ é a? 7Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a? 8Má ɖɔ nú mi: tlóló wɛ é ná mɔ hwɛjijɔ nú yě. Lo ɔ́, hwenu e nyɛ Gbɛtɔ́ví ɔ́ ná wá ɔ́, un ka ná mɔ nǔɖitɔ́ ɖo ayǐkúngban jí a?”
Jezu dó lǒ dó Falizyɛn ɖé kpódó tokwɛ́yítɔ́ ɖé kpó wú
9Jezu lɛ́ dó lǒ élɔ́, bó dó nyi mǎ mɛ e nɔ mɔ yěɖée dó mɔ mɛ ɖagbe, lobo ma ka nɔ ké ya nú mɛ ɖě lɛ́ɛ ǎ é, bó ɖɔ: 10“Nya we ɖé lɛ́ɛ yi ɖɛ xo gbé ɖo sinsɛnxɔ mɛ; mɛ ɖokpó nyí Falizyɛn, bɔ mɛ ɖokpó ka nyí tokwɛ́yítɔ́. 11Falizyɛn ɔ́ ɖo te, bó ɖo ɖɛ xo dó ayi mɛ wɛ ɖɔ: ‘Mawu ce! Un dó kú nú we, ɖó un cí gbɛtɔ́ ɖě lɛ́ɛ e nyí ajotɔ́, mɛ nyanya, agalɛtɔ́ lɛ́ɛ ɖɔhun ǎ. Un ka lɛ́ dó kú nú we, ɖó un cí tokwɛ́yítɔ́ élɔ́ ɖɔhun ǎ. 12Nyɛ ɔ́, un nɔ blá nu azɔn we ɖo aklúnɔzángbla ɖokpó mɛ, bɔ nǔ e un ɖó lɛ́ɛ bǐ ɔ́, un nɔ ná mǎɖówǒ tɔn.’ 13Tokwɛ́yítɔ́ ɔ́ ka ɖo te ɖo zɔ; é glá bó zé ta yi jǐ vɔ́vɔ́ ǎ; bó ná dó ɖe xlɛ́ ɖɔ émí yí hwɛ émítɔn lɛ́ɛ gbe ɔ́, é nɔ́ zin alɔ dó akɔ́n, bó nɔ́ ɖɔ: ‘Mawu ce, kú nǔbláwǔ ce, ɖó hwɛhutɔ́ wɛ nú mì.’ ” 14 Jezu ka ɖɔ: “Má ɖɔ nú mi: Tokwɛ́yítɔ́ ɔ́ lɛ́ kɔ yi xwé tɔn gbe kɔ vɔ́; Falizyɛn ɔ́, hwɛ e éyɛ́ hu lɛ́ɛ ka nɔ kɔ n'i. Đó mɛ e sɔ́ éɖée su ɔ́, Mawu ná sɔ́ ɛ hwe; mɛ e ka sɔ́ éɖée hwe ɔ́, Mawu ná sɔ́ ɛ su.”
Jezu xo ɖɛ dó yɔkpɔ́vú lɛ́ɛ jí
(Matíe 19.13-15; Maki 10.13-16)
15Mɛ lɛ́ɛ kplá vǐ ɖo anɔ̌nu lɛ́ɛ lɔmɔ̌ wá Jezu gɔ́n, nú é ná ɖó alɔ yě jǐ, bó xo ɖɛ dó yě jí; lo ɔ́, ée ahwanvú tɔn lɛ́ɛ mɔ mɔ̌ ɔ́, yě bɛ́ adǎn dó mɛ lɛ́ɛ jí, 16Jezu ka ylɔ́ yě, bó ɖɔ: “Mi jó yɔkpɔ́vú lɛ́ɛ dó nú yě ní wǎ gɔ̌n ce; mi ma sú ali dó yě ó; ɖó axɔ́súɖuto Mawu tɔn ɔ́, mɛ e cí yě ɖɔhun lɛ́ɛ tɔn wɛ. 17Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ɖo nǎ byɔ́ mɛ wɛ ǎ.”
Dɔ̌nkpɛvú dɔkunnɔ ɖé kan nǔ byɔ́ Jezu
(Matíe 19.16-30; Maki 10.17-31)
18Jwifu lɛ́ɛ sín gǎn ɖokpó kanbyɔ́ Jezu ɖɔ: “Mɛ̌si; mɛ ɖagbe! Étɛ́ un ɖó ná wa bɔ Mawu na ná mì gbɛ mavɔ mavɔ?”
19Jezu ka yí gbe n'i ɖɔ: “Étɛ́wú wɛ a ylɔ́ mì ɖɔ mɛ ɖagbe? Mɛ ɖěbǔ nyí mɛ ɖagbe zɛ Mawu ɖokpónɔ géé wú ǎ. 20 A tunwun sɛ́n lɛ́ɛ: ‘Ma lɛ aga ó, ma hu mɛ ó, ma ja ajo ó, ma ɖe kúnnu agɔ ó, sí tɔ́ towe kpódó nɔ towe kpó.’ ”
21Nya ɔ́ ka yí gbe n'i ɖɔ: “Sín dɔ̌nkpɛvú mɛ ce ɖokpóó wɛ un ko ɖo sɛ́n énɛ́ lɛ́ɛ bǐ nyi wɛ.”
22Ée Jezu se mɔ̌ ɔ́, é ɖɔ n'i ɖɔ: “Nǔ ɖokpó géé wɛ kpo nú we: sa nǔ e a ɖǒ ɔ́ bǐ, bó má akwɛ́ tɔn nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ̌n; énɛ́ ɔ́ gúdo ɔ́, wǎ, bó xwedó mì.”
23Lo ɔ́, ée nya énɛ́ se mɔ̌ ɔ́, wǔ kú i bǐ, ɖó dɔkunnɔ ɖaxó ɖé wɛ é nyí. 24Ée Jezu mɔ ɖɔ wǔ kú nya ɔ́ bǐ ɔ́, é ɖɔ: “É ná vɛ́ wǔ nú dɔkunnɔ lɛ́ɛ ɖésú, bɔ yě ná byɔ́ axɔ́súɖuɖu Mawu tɔn mɛ. 25Đó, nyɛ̌vílinu dín gbɔn ná bɔwǔ nú lǎkúnmí hú dɔkunnɔ ná byɔ́ axɔ́súɖuto Mawu tɔn mɛ.”
26Mɛ e ɖo tó ɖó e wɛ lɛ́ɛ ɖɔ: “Ényí nǔ ɖo mɔ̌ ɔ́, mɛ̌ ka ɖo hwlɛngán ná mɔ wɛ lo?”
27Jezu ka yí gbe nú yě ɖɔ: “Nǔ e gló gbɛtɔ́ ɔ́ gló Mawu ǎ.” 28Piyɛ́ɛ ka ɖɔ nú Jezu ɖɔ: “Mǐdɛɛ lɛ́ɛ ɖíe ka jó nǔ e mǐ ɖó lɛ́ɛ bǐ dó, bó xwedó we e.” 29Bɔ Jezu ɖɔ nú yě ɖɔ: “Má ɖɔ nǔgbó nú mi; mɛ e ná jó xwé tɔn dó, abǐ asi tɔn dó, abǐ nɔví tɔn lɛ́ɛ dó, abǐ mɛ tɔn lɛ́ɛ dó, abǐ vǐ tɔn lɛ́ɛ dó, ɖó axɔ́súɖuɖu Mawu tɔn sín nukɔn yiyi wú ɔ́, 30mɛ énɛ́ ɔ́, Mawu ná ná ɛ mɔ̌hunkɔtɔn donu nabí ɖé ɖo gbɛ élɔ́ mɛ, bó ka ná lɛ́ wá na ɛ gbɛ mavɔ mavɔ ɖo gbɛ e jǎwe é mɛ.”
Jezu ɖɔ azɔn atɔngɔ́ ɔ́ ɖɔ émí ná kú, bó ná lɛ́ fɔ́n
(Matíe 20.17-19; Maki 10.32-34)
31Jezu kplá ahwanvú tɔn wěwe lɛ́ɛ jɛ vo, bó ɖɔ nú yě ɖɔ: “Jeluzalɛ́mu ɖíe mǐ xwe e, bɔ nǔ e gbeyíɖɔ Mawu tɔn lɛ́ɛ kó wlán dó Gbɛtɔ́ví ɔ́ wú ɔ́ bǐ ná jɛ. 32Đó è nǎ jó e nú mɛ e ma nɔ sɛn Mawu ǎ lɛ́ɛ, bɔ yě ná ko e; yě ná ɖɔ nǔyá n'i; yě ná tún atán kɔn nyi wú tɔn, 33Yě ná sɔ́ lanbá dó xo e ná. Énɛ́ ɔ́ gúdo ɔ́, yě ná hu i, bɔ azǎn tɔn atɔngɔ́ ɔ́ gbe ɔ́, é ka ná fɔ́n.” 34Lo ɔ́, ahwanvú tɔn lɛ́ɛ mɔ nǔ jɛ xó énɛ́ lɛ́ɛ e é ɖɔ nú yě lɛ́ɛ ɖěbǔ mɛ ǎ, é búdo dó yě, bɔ yě tunwun nǔ e ɖɔ wɛ Jezu ɖe ɔ́ ǎ.
Jezu hun nukún nú nukúntíntɔ́nnɔ ɖé
(Matíe 20.29-34; Maki 10.46-52)
35Jezu sɛkpɔ́ toxo e è nɔ ylɔ́ ɖɔ Jeliko ɔ́, nukúntíntɔ́nnɔ ɖé ka ɖo ayǐjínjɔ́n ɖo ali kpá, bó ɖo nǔ byɔ́ ɖu wɛ. 36Ée é se mɛ gěgé wá xweyǐgbe ɔ́, é kan nǔ e ɖo jijɛ wɛ é byɔ́, 37bɔ è ɖɔ n'i ɖɔ Jezu Nazalɛ́tinu ɔ́ wɛ wá xweyǐgbe. 38Bɔ é sú xó, bó ɖɔ: “Jezu Davídi ví, kú nǔbláwǔ nú mì!”
39Mɛ e ɖo nukɔn nú Jezu lɛ́ɛ gbɛ́ nǔ nú nya ɔ́ ɖɔ ní nɔ abwɛ̌; lo ɔ́, éyɛ́ lɛ́ vɔ́ xó sú syɛ́nsyɛ́n, bó ɖɔ: “Davídi ví, kú nǔbláwǔ nú mì!”
40Jezu ka nɔ te, bó zɔ́n ɖɔ è nǐ kplá ɛ wá nú émí. Ée é wá ɔ́, Jezu kanbyɔ́ ɛ ɖɔ: 41“Ani wɛ a jlǒ nú ma wa nú we?” Bɔ é yí gbe ɖɔ: “Aklúnɔ, blǒ bónú ma lɛ́ mɔ nukúnnú.”
42Jezu ka ɖɔ n'i ɖɔ: “Bo mɔ nukúnnú! Nǔ e a ɖi ɔ́ zɔ́n bɔ Mawu gbɔ azɔn nú we.” 43Azɔn ɖokpó ɔ́, nya ɔ́ mɔ nukúnnú, bó xwedó Jezu, bó ɖo susu kpa nú Mawu wɛ. Ée ahwan e xwedó Jezu ɔ́ mɔ nǔjlɛ́jlɛ́ énɛ́ ɔ́, yě bǐ jɛ Mawu mlá jí.
Jezu kpódó Zacée kpó
Jelenleg kiválasztva:
Luki 18: Fon13
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
La Bible en langue fon © Alliance Biblique du Bénin, 2012.
Luki 18
18
1Énɛ́ ɔ́ gúdo ɔ́, Jezu lɛ́ dó lǒ ɖokpó nú ahwanvú tɔn lɛ́ɛ, bó dó ɖe xlɛ́ yě ɖɔ yě ɖó ná ɖó kan dó ɖɛxixo wú tɛgbɛ; awakanmɛ ní má kú yě gbeɖé ó; 2é ɖɔ: “Hwɛɖɔtɔ́ ɖé tíin ɖo to ɖé mɛ, bó nɔ sí Mawu ɖěbǔ ǎ, é ka nɔ ké ya nú gbɛtɔ́ ɖěbǔ ǎ. 3Asúkúsi ɖé ká ɖo to ɔ́ mɛ, bó nɔ́ wá mɔ hwɛɖɔtɔ́ ɔ́, bó nɔ́ ɖɔ n'i ɖɔ: ‘Hwlɛ̌n mì ɖo mɛ e sí te dó jǐ ce ɔ́ sí.’ 4Hwɛɖɔtɔ́ ɔ́ tó gbɛ́ káká hwɛ̌; lo ɔ́, é wá ɖɔ dó xomɛ ɖɔ: ‘Un na bó ma sí Mawu ǎ, bó ma ké ya nú gbɛtɔ́ ǎ ɔ́, 5lě e asúkúsi élɔ́ ɖo kɔ jí nú mì sɔ é ɔ́, un ná gbɔ bó gbo dó étɔn jí; é má nyí mɔ̌ ǎ ɔ́, é ná wá ɖo tagba dó nú mì wɛ káká bɔ agbɔ̌n na kpé mì.’ ”
6Bɔ Aklúnɔ lɛ́ ɖɔ: “Mi ma se nǔ e hwɛagɔdotɔ́ énɛ́ ɖɔ é a? 7Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a? 8Má ɖɔ nú mi: tlóló wɛ é ná mɔ hwɛjijɔ nú yě. Lo ɔ́, hwenu e nyɛ Gbɛtɔ́ví ɔ́ ná wá ɔ́, un ka ná mɔ nǔɖitɔ́ ɖo ayǐkúngban jí a?”
Jezu dó lǒ dó Falizyɛn ɖé kpódó tokwɛ́yítɔ́ ɖé kpó wú
9Jezu lɛ́ dó lǒ élɔ́, bó dó nyi mǎ mɛ e nɔ mɔ yěɖée dó mɔ mɛ ɖagbe, lobo ma ka nɔ ké ya nú mɛ ɖě lɛ́ɛ ǎ é, bó ɖɔ: 10“Nya we ɖé lɛ́ɛ yi ɖɛ xo gbé ɖo sinsɛnxɔ mɛ; mɛ ɖokpó nyí Falizyɛn, bɔ mɛ ɖokpó ka nyí tokwɛ́yítɔ́. 11Falizyɛn ɔ́ ɖo te, bó ɖo ɖɛ xo dó ayi mɛ wɛ ɖɔ: ‘Mawu ce! Un dó kú nú we, ɖó un cí gbɛtɔ́ ɖě lɛ́ɛ e nyí ajotɔ́, mɛ nyanya, agalɛtɔ́ lɛ́ɛ ɖɔhun ǎ. Un ka lɛ́ dó kú nú we, ɖó un cí tokwɛ́yítɔ́ élɔ́ ɖɔhun ǎ. 12Nyɛ ɔ́, un nɔ blá nu azɔn we ɖo aklúnɔzángbla ɖokpó mɛ, bɔ nǔ e un ɖó lɛ́ɛ bǐ ɔ́, un nɔ ná mǎɖówǒ tɔn.’ 13Tokwɛ́yítɔ́ ɔ́ ka ɖo te ɖo zɔ; é glá bó zé ta yi jǐ vɔ́vɔ́ ǎ; bó ná dó ɖe xlɛ́ ɖɔ émí yí hwɛ émítɔn lɛ́ɛ gbe ɔ́, é nɔ́ zin alɔ dó akɔ́n, bó nɔ́ ɖɔ: ‘Mawu ce, kú nǔbláwǔ ce, ɖó hwɛhutɔ́ wɛ nú mì.’ ” 14 Jezu ka ɖɔ: “Má ɖɔ nú mi: Tokwɛ́yítɔ́ ɔ́ lɛ́ kɔ yi xwé tɔn gbe kɔ vɔ́; Falizyɛn ɔ́, hwɛ e éyɛ́ hu lɛ́ɛ ka nɔ kɔ n'i. Đó mɛ e sɔ́ éɖée su ɔ́, Mawu ná sɔ́ ɛ hwe; mɛ e ka sɔ́ éɖée hwe ɔ́, Mawu ná sɔ́ ɛ su.”
Jezu xo ɖɛ dó yɔkpɔ́vú lɛ́ɛ jí
(Matíe 19.13-15; Maki 10.13-16)
15Mɛ lɛ́ɛ kplá vǐ ɖo anɔ̌nu lɛ́ɛ lɔmɔ̌ wá Jezu gɔ́n, nú é ná ɖó alɔ yě jǐ, bó xo ɖɛ dó yě jí; lo ɔ́, ée ahwanvú tɔn lɛ́ɛ mɔ mɔ̌ ɔ́, yě bɛ́ adǎn dó mɛ lɛ́ɛ jí, 16Jezu ka ylɔ́ yě, bó ɖɔ: “Mi jó yɔkpɔ́vú lɛ́ɛ dó nú yě ní wǎ gɔ̌n ce; mi ma sú ali dó yě ó; ɖó axɔ́súɖuto Mawu tɔn ɔ́, mɛ e cí yě ɖɔhun lɛ́ɛ tɔn wɛ. 17Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ɖo nǎ byɔ́ mɛ wɛ ǎ.”
Dɔ̌nkpɛvú dɔkunnɔ ɖé kan nǔ byɔ́ Jezu
(Matíe 19.16-30; Maki 10.17-31)
18Jwifu lɛ́ɛ sín gǎn ɖokpó kanbyɔ́ Jezu ɖɔ: “Mɛ̌si; mɛ ɖagbe! Étɛ́ un ɖó ná wa bɔ Mawu na ná mì gbɛ mavɔ mavɔ?”
19Jezu ka yí gbe n'i ɖɔ: “Étɛ́wú wɛ a ylɔ́ mì ɖɔ mɛ ɖagbe? Mɛ ɖěbǔ nyí mɛ ɖagbe zɛ Mawu ɖokpónɔ géé wú ǎ. 20 A tunwun sɛ́n lɛ́ɛ: ‘Ma lɛ aga ó, ma hu mɛ ó, ma ja ajo ó, ma ɖe kúnnu agɔ ó, sí tɔ́ towe kpódó nɔ towe kpó.’ ”
21Nya ɔ́ ka yí gbe n'i ɖɔ: “Sín dɔ̌nkpɛvú mɛ ce ɖokpóó wɛ un ko ɖo sɛ́n énɛ́ lɛ́ɛ bǐ nyi wɛ.”
22Ée Jezu se mɔ̌ ɔ́, é ɖɔ n'i ɖɔ: “Nǔ ɖokpó géé wɛ kpo nú we: sa nǔ e a ɖǒ ɔ́ bǐ, bó má akwɛ́ tɔn nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ̌n; énɛ́ ɔ́ gúdo ɔ́, wǎ, bó xwedó mì.”
23Lo ɔ́, ée nya énɛ́ se mɔ̌ ɔ́, wǔ kú i bǐ, ɖó dɔkunnɔ ɖaxó ɖé wɛ é nyí. 24Ée Jezu mɔ ɖɔ wǔ kú nya ɔ́ bǐ ɔ́, é ɖɔ: “É ná vɛ́ wǔ nú dɔkunnɔ lɛ́ɛ ɖésú, bɔ yě ná byɔ́ axɔ́súɖuɖu Mawu tɔn mɛ. 25Đó, nyɛ̌vílinu dín gbɔn ná bɔwǔ nú lǎkúnmí hú dɔkunnɔ ná byɔ́ axɔ́súɖuto Mawu tɔn mɛ.”
26Mɛ e ɖo tó ɖó e wɛ lɛ́ɛ ɖɔ: “Ényí nǔ ɖo mɔ̌ ɔ́, mɛ̌ ka ɖo hwlɛngán ná mɔ wɛ lo?”
27Jezu ka yí gbe nú yě ɖɔ: “Nǔ e gló gbɛtɔ́ ɔ́ gló Mawu ǎ.” 28Piyɛ́ɛ ka ɖɔ nú Jezu ɖɔ: “Mǐdɛɛ lɛ́ɛ ɖíe ka jó nǔ e mǐ ɖó lɛ́ɛ bǐ dó, bó xwedó we e.” 29Bɔ Jezu ɖɔ nú yě ɖɔ: “Má ɖɔ nǔgbó nú mi; mɛ e ná jó xwé tɔn dó, abǐ asi tɔn dó, abǐ nɔví tɔn lɛ́ɛ dó, abǐ mɛ tɔn lɛ́ɛ dó, abǐ vǐ tɔn lɛ́ɛ dó, ɖó axɔ́súɖuɖu Mawu tɔn sín nukɔn yiyi wú ɔ́, 30mɛ énɛ́ ɔ́, Mawu ná ná ɛ mɔ̌hunkɔtɔn donu nabí ɖé ɖo gbɛ élɔ́ mɛ, bó ka ná lɛ́ wá na ɛ gbɛ mavɔ mavɔ ɖo gbɛ e jǎwe é mɛ.”
Jezu ɖɔ azɔn atɔngɔ́ ɔ́ ɖɔ émí ná kú, bó ná lɛ́ fɔ́n
(Matíe 20.17-19; Maki 10.32-34)
31Jezu kplá ahwanvú tɔn wěwe lɛ́ɛ jɛ vo, bó ɖɔ nú yě ɖɔ: “Jeluzalɛ́mu ɖíe mǐ xwe e, bɔ nǔ e gbeyíɖɔ Mawu tɔn lɛ́ɛ kó wlán dó Gbɛtɔ́ví ɔ́ wú ɔ́ bǐ ná jɛ. 32Đó è nǎ jó e nú mɛ e ma nɔ sɛn Mawu ǎ lɛ́ɛ, bɔ yě ná ko e; yě ná ɖɔ nǔyá n'i; yě ná tún atán kɔn nyi wú tɔn, 33Yě ná sɔ́ lanbá dó xo e ná. Énɛ́ ɔ́ gúdo ɔ́, yě ná hu i, bɔ azǎn tɔn atɔngɔ́ ɔ́ gbe ɔ́, é ka ná fɔ́n.” 34Lo ɔ́, ahwanvú tɔn lɛ́ɛ mɔ nǔ jɛ xó énɛ́ lɛ́ɛ e é ɖɔ nú yě lɛ́ɛ ɖěbǔ mɛ ǎ, é búdo dó yě, bɔ yě tunwun nǔ e ɖɔ wɛ Jezu ɖe ɔ́ ǎ.
Jezu hun nukún nú nukúntíntɔ́nnɔ ɖé
(Matíe 20.29-34; Maki 10.46-52)
35Jezu sɛkpɔ́ toxo e è nɔ ylɔ́ ɖɔ Jeliko ɔ́, nukúntíntɔ́nnɔ ɖé ka ɖo ayǐjínjɔ́n ɖo ali kpá, bó ɖo nǔ byɔ́ ɖu wɛ. 36Ée é se mɛ gěgé wá xweyǐgbe ɔ́, é kan nǔ e ɖo jijɛ wɛ é byɔ́, 37bɔ è ɖɔ n'i ɖɔ Jezu Nazalɛ́tinu ɔ́ wɛ wá xweyǐgbe. 38Bɔ é sú xó, bó ɖɔ: “Jezu Davídi ví, kú nǔbláwǔ nú mì!”
39Mɛ e ɖo nukɔn nú Jezu lɛ́ɛ gbɛ́ nǔ nú nya ɔ́ ɖɔ ní nɔ abwɛ̌; lo ɔ́, éyɛ́ lɛ́ vɔ́ xó sú syɛ́nsyɛ́n, bó ɖɔ: “Davídi ví, kú nǔbláwǔ nú mì!”
40Jezu ka nɔ te, bó zɔ́n ɖɔ è nǐ kplá ɛ wá nú émí. Ée é wá ɔ́, Jezu kanbyɔ́ ɛ ɖɔ: 41“Ani wɛ a jlǒ nú ma wa nú we?” Bɔ é yí gbe ɖɔ: “Aklúnɔ, blǒ bónú ma lɛ́ mɔ nukúnnú.”
42Jezu ka ɖɔ n'i ɖɔ: “Bo mɔ nukúnnú! Nǔ e a ɖi ɔ́ zɔ́n bɔ Mawu gbɔ azɔn nú we.” 43Azɔn ɖokpó ɔ́, nya ɔ́ mɔ nukúnnú, bó xwedó Jezu, bó ɖo susu kpa nú Mawu wɛ. Ée ahwan e xwedó Jezu ɔ́ mɔ nǔjlɛ́jlɛ́ énɛ́ ɔ́, yě bǐ jɛ Mawu mlá jí.
Jezu kpódó Zacée kpó
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
La Bible en langue fon © Alliance Biblique du Bénin, 2012.