Luki Xónusɔ́ɖóte
Xónusɔ́ɖóte
Wɛn Ɖagbe élɔ́ ɖe xlɛ́ ɖɔ Jezu wɛ nyí Mɛhwlɛ́ngántɔ́ gbɛtɔ́ lɛ́ɛ bǐ tɔn, é kún nyí Izlayɛ́li ví lɛ́ɛ tɔn kɛ́ɖɛ́ wɛ é nyí ó. Xó gěgé ɖo Wɛn Ɖagbe élɔ́ mɛ bó nyí nǔ ɖokpó ɔ́ ɖo Matíe kpó Maki kpó mɛ: lo ɔ́, Luki e wlán wěma élɔ́ ɔ́ ba do nú nǔ bó gɔ́ nǔ gěgé ná; kpɔ́ndéwú tɔn ɖíe:
É kpi lě è ji Jezu gbɔn ɔ́ sín tan ɔ́ tɛ́nwínlɛnwín, bó kpi lě e Jezu fɔ́n asúkúsi Nayinunu ɖé sín vǐ gbɔn ɔ́ sín tan, lobo kpi Zacée kpó nya e xwe Emawúsi lɛ́ɛ kpó sín tan. É lɛ́ ɖɔ lǒ e Jezu dó lɛ́ɛ gěgé gɔ́ ná; kpɔ́ndéwú tɔn ɖíe: lǒ e Jezu dó dó Samalíinu ɖagbe ɖé wú é kpódó ée é dó dó vǐ ɖuvanɔ ɖé wú é kpó. Jezu wa ɖagbe nú azunzɔnnɔ lɛ́ɛ, mɛ e ɖo wǔvɛ́ mɔ wɛ lɛ́ɛ, mɛ e dó ya ná wɛ è ɖe lɛ́ɛ kpódó wamamɔnɔ lɛ́ɛ kpó ɖó nǔ yětɔn blá wǔ n'i.
Đo Wɛn Ɖagbe élɔ́ mɛ bǐ ɔ́, è nǎ mɔ ɖɔ Mɛhwlɛ́ngántɔ́ ɔ́ sín wǐwá kpó ɖu e é ná ɖu ɖo Mɛnyanya ɔ́ jí é kpó nyí xomɛhunhun sín nǔ.
Nǔ tají tají e ɖo wěma ɔ́ mɛ lɛ́ɛ
È ji Jǎan Yɛhwesinlɛnúmɛtɔ́ bó ji Jezu (1—2)
Azɔ̌ e Jǎan Yɛhwesinlɛnúmɛtɔ́ ɔ́ wa é (3)
Azɔ̌ e Jezu wa ɖo Galilée lɛ́ɛ kpó Mawuxó e é jlá lɛ́ɛ kpó (4—9)
Jezu gosín Galilée yi Jeluzalɛ́mu (10—19)
Jezu kpó mɛ e gbɛ́ xó tɔn ɖo Jeluzalɛ́mu lɛ́ɛ kpó (19—20)
Jezu ɖɔ è nǎ gba Jeluzalɛ́mu, é ɖɔ Gbɛtɔ́ví ɔ́ ná lɛ́ kɔ wá (21)
Jezu sín yajiji, kú tɔn, fínfɔ́n sín kú tɔn kpó jǐxwé yiyi tɔn kpó (22—24)
Jelenleg kiválasztva:
Luki Xónusɔ́ɖóte: Fon13
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
La Bible en langue fon © Alliance Biblique du Bénin, 2012.
Luki Xónusɔ́ɖóte
Xónusɔ́ɖóte
Wɛn Ɖagbe élɔ́ ɖe xlɛ́ ɖɔ Jezu wɛ nyí Mɛhwlɛ́ngántɔ́ gbɛtɔ́ lɛ́ɛ bǐ tɔn, é kún nyí Izlayɛ́li ví lɛ́ɛ tɔn kɛ́ɖɛ́ wɛ é nyí ó. Xó gěgé ɖo Wɛn Ɖagbe élɔ́ mɛ bó nyí nǔ ɖokpó ɔ́ ɖo Matíe kpó Maki kpó mɛ: lo ɔ́, Luki e wlán wěma élɔ́ ɔ́ ba do nú nǔ bó gɔ́ nǔ gěgé ná; kpɔ́ndéwú tɔn ɖíe:
É kpi lě è ji Jezu gbɔn ɔ́ sín tan ɔ́ tɛ́nwínlɛnwín, bó kpi lě e Jezu fɔ́n asúkúsi Nayinunu ɖé sín vǐ gbɔn ɔ́ sín tan, lobo kpi Zacée kpó nya e xwe Emawúsi lɛ́ɛ kpó sín tan. É lɛ́ ɖɔ lǒ e Jezu dó lɛ́ɛ gěgé gɔ́ ná; kpɔ́ndéwú tɔn ɖíe: lǒ e Jezu dó dó Samalíinu ɖagbe ɖé wú é kpódó ée é dó dó vǐ ɖuvanɔ ɖé wú é kpó. Jezu wa ɖagbe nú azunzɔnnɔ lɛ́ɛ, mɛ e ɖo wǔvɛ́ mɔ wɛ lɛ́ɛ, mɛ e dó ya ná wɛ è ɖe lɛ́ɛ kpódó wamamɔnɔ lɛ́ɛ kpó ɖó nǔ yětɔn blá wǔ n'i.
Đo Wɛn Ɖagbe élɔ́ mɛ bǐ ɔ́, è nǎ mɔ ɖɔ Mɛhwlɛ́ngántɔ́ ɔ́ sín wǐwá kpó ɖu e é ná ɖu ɖo Mɛnyanya ɔ́ jí é kpó nyí xomɛhunhun sín nǔ.
Nǔ tají tají e ɖo wěma ɔ́ mɛ lɛ́ɛ
È ji Jǎan Yɛhwesinlɛnúmɛtɔ́ bó ji Jezu (1—2)
Azɔ̌ e Jǎan Yɛhwesinlɛnúmɛtɔ́ ɔ́ wa é (3)
Azɔ̌ e Jezu wa ɖo Galilée lɛ́ɛ kpó Mawuxó e é jlá lɛ́ɛ kpó (4—9)
Jezu gosín Galilée yi Jeluzalɛ́mu (10—19)
Jezu kpó mɛ e gbɛ́ xó tɔn ɖo Jeluzalɛ́mu lɛ́ɛ kpó (19—20)
Jezu ɖɔ è nǎ gba Jeluzalɛ́mu, é ɖɔ Gbɛtɔ́ví ɔ́ ná lɛ́ kɔ wá (21)
Jezu sín yajiji, kú tɔn, fínfɔ́n sín kú tɔn kpó jǐxwé yiyi tɔn kpó (22—24)
Jelenleg kiválasztva:
:
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
La Bible en langue fon © Alliance Biblique du Bénin, 2012.