ترکمنچه اینجیل

‏«‏باشغالاری گونَه‌کَرلِمَنگ، شُندا سیز هِم گونَه‌کَرلِنمِرسینگیز، سِبَبی سیز نَهیلی گونَه‌کَرلِسینگیز، اُزونگیزی-ده شِیله گونَه‌کَرلَرلِر.‏ هایسی اُلچِگ بیلِن اُلچِسِنگیز، سیزی-ده شُل اُلچِگ بیلِن اُلچِرلِر.‏
‏«‏نَمه اوچین سِن دُغانینگ گُزوندَکی چُپی گُریَرسینگ-ده، اُز گُزونگدَکی آغاجی سایغارمایارسینگ؟ نَدیپ سِن اُز گُزونگده آغاچ بارقا، دُغانینگا:‏ ‏”‏گِل، گُزونگدَکی چُپی چیقارایین“‏ دییجِک؟ اِی ایکی‌یوزلی، اَوَّل اُز گُزونگدَکی آغاجی چیقار، شُندا دُغانینگ گُزوندَکی چُپی چیقارماغی قاوی سایغارارسینگ.‏
‏«‏مُقادِّس زادی ایتلِره بِرمَنگ.‏ مُرواریدلارینگیزی دُنگوزلارینگ اُوونه زینگمانگ.‏ یُغسام، اُلاری آیاقلاری بیلِن دِپِلَپ، سُنگرا سیزه طاراف اُورولیپ، سیزی تیکه-تیکه اِدِرلِر.‏


‏«‏دیلَنگ، سیزه بِریلِر.‏ آغتارینگ، تاپارسینگیز.‏ قاپینی قاقینگ، سیزه آچیلار.‏ اِلبِتّه، دیلَن آلار، آغتاران تاپار، قاپی قاقانا آچیلار.‏ سیزینگ هایسی بیرینگیز اُغلونگیز چُرِک دیلَنده، اُنگا داش بِریپ بیلِرسینگیز؟ بالیق دیلَنده بُلسا، اُنگا ییلان بِرِرسینگیز؟ شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره خاص-دا کَن قاوی زادلار بِرمِزمی؟ شُنونگ اوچین آداملارینگ اُزونگیزه نَمه اِتمِگینی ایسلِیَن بُلسانگیز، سیز-ده اُلارا شُنی اِدینگ، سِبَبی تُورات بیلِن پیغامبارلارینگ یازغیلاری-دا شوندا جِملِنیَر.‏


‏«‏دار قاپیدان گیرینگ، سِبَبی هِلَکچیلیگه اِلتیَن قاپی اینلیدیر و اُنونگ یُلی گینگدیر.‏ اُل قاپیدان گیریَنلِر کَندیر.‏ اِمّا یاشایشا اِلتیَن قاپی اینسیزدیر، یُلی داردیر.‏ اُنی تاپیانلار آزدیر.‏


‏«‏یالان نِبیلِردِن خاباردار بُلونگ!‏ اُلار سیزینگ یانینگیزا قُیون دِریسینه گیریپ گِلِرلِر، اِمّا اُزلِری ییرتیجی قورتلاردیر.‏ سیز اُلاری میوه‌لِریندِن تانییارسینگیز.‏ تیکِندِن اوزوم یا-دا یانداقدان اینجیر ییغیلیارمی؟ شِیله هِم، هِر بیر قاوی باغ قاوی میوه بِریَندیر، بیدِرِک باغ بُلسا تِلِکه میوه بِریَندیر.‏ قاوی باغ تِلِکه میوه بِریپ بیلمِز، بیدِرِک باغ-دا قاوی میوه بِریپ بیلمِز.‏ قاوی میوه بِرمِیَن هِر بیر باغ چاپیلیپ، اُدا زینگیلیاندیر.‏ شِیلِلیک بیلِن، یالان نِبیلِری میوه‌لِریندِن تانییارسینگیز.‏
‏«‏مانگا:‏ ‏”‏یا آقام!‏ یا آقام“‏ دییِن هِر بیر آدام آسمانینگ پادیشاهلیغینا گیرمِز، یِکه آسمانداقی آتامینگ ایسلِگینی بِرجای اِدِن اُنگا گیرِر.‏ شُل گون کَن آداملار مانگا:‏ ‏”‏یا آقام، یا آقام، بیز سِنینگ آدینگ بیلِن نبوّت اِتمِدیکمی؟ سِنینگ آدینگ بیلِن جینلاری کُووپ، کَن مُعجِزه‌لِر گُرکِزمِدیکمی؟“‏ دییِرلِر.‏ شُندا مِن اُلارا:‏ ‏”‏اِی تِلِکه‌لیک اِدیَنلِر، مِن سیزی آصلا تانییامُق، یُق بُلونگ یانیمدان!‏“‏ دییّپ، آچیق آیدارین.‏


‏«‏شُنونگ اوچین هِم بو سُزلِریمی اِشیدیپ، اُلاری بِرجای اِدیَن هِر بیر آدام اُیونی قایانینگ اوستونده قوران عاقیلّی آداما مِنگزِیَر.‏ یاغین یاغیپ، سیل‍لِر گِلدی، یِل‍لِر اُسوپ، اُل اُیه اوردی، اِمّا اُی ییقیلمادی، سِبَبی اُل قایانینگ اوستونده قورلوپدی.‏ مِنینگ بو سُزلِریمی اِشیدیپ، اُلاری بِرجای اِتمِدیک هِر بیر کیشی اُیونی چَگَه‌نینگ اوستونده قوران آحماق آدام یالیدیر.‏ یاغین یاغیپ، سیل‍لِر گِلدی، یِل‍لِر اُسوپ، اُل اُیه اوردی.‏ اُی ییقیلیپ، هِمّه‌زادی وِس-وِیران اِتدی.‏»‏
عیسی بولاری گورّونگ بِریپ قوتاراندا، جِماغات اُنونگ تَعلیماتینا حایران قالدی، سِبَبی عیسی اُلارا دین عُلَمالار یالی دَل-ده، گویچلی و ایختییارلی بیری یالی اُورِدیَردی.‏

Լսել مَتّیٰ 7